會所1號 時尚康山

营业中

休息中

週日放假結伴去品茗一盅兩件就是放假的好節目會員有八折優惠比較划算原隻蝦餃皇晶瑩大粒飽滿皮略厚沒有竹筍還是差一點蟹籽燒賣皇口感不錯質感扎實豬肉肥瘦比例剛好不多不少蠔皇叉燒包餡料鹹度適中雞絲春捲脆口但不是咔滋的清脆那是放涼後出現的質感點了鮮竹卷但奈何被告知沒有香茜牛肉腸包得非常工整牛肉內的根位有點多影響口感頭抽帶子炒腸粉香氣撲鼻醬油香突出亦炒得夠乾身芒果凍布甸表面有芒果爆珠粒粒芒果肉出奇的多算是抵食之選

會所一號飲宴:康山花園的分店氣派很高級頭盤乳豬，不脆不太熱吃了塊皮-毫不特別腰果蝦仁普通之至洋蔥比較起來更新奇夠味！傳統功夫菜炸蟹拑⋯⋯新鮮蝦膠（百花）可惜沒有紅醋差一點就是差一點原來現在的節瓜甫沒有用到原只瑤柱碎屑瑤柱絲寥寥可數真惡作劇條魚都幾好看但不會服務的年輕侍應分完一輪魚已凍了⋯⋯我唯有吃魚頭彌補心靈空虛炸雞也同樣已經是雪的經她們分碟已冷了大半連炸子雞殺手的我都嫌棄湯用花膠取代魚翅不能說好吃湯底可以接受受不了的是現代人的粗製濫造食物不以最熱姿勢出現製作也全沒辦法精巧實在失望！中國人美食精髓，蕩然無存⋯⋯

今日借左朋友張card 帶母親大人黎嘆茶～～佢平時多數去酒樓飲特價早茶，今次就試下d 靚地方。環境闊落，服務效率非常高，收碟仲超快手。✨雪嶺叉燒包：個包好鬆脆，叉燒饀飽滿多汁，加埋面頭甜甜地既糖霜幾好食。✨蘿蔔糕：以為係煎，原來係蒸既添。蘿蔔糕幾滑幾足料，唔會係得d 粉漿。入面有粗身蘿蔔條，蝦米，臘腸粒， 如果口感可以結實d 會更加好，而家感覺稍為腍左d~✨芝麻魚酥：叉燒酥食得多，魚酥未試過。 呢個酥皮唔會太厚幾香幾鬆化，入面既饀有d 似魚肉，但質感係比較軟綿綿，味道幾清爽。✨蟹籽燒賣皇： size 唔算好大粒，不過食落都幾彈牙同有肉汁，如果多d 蝦就更加好。✨黑松露帶子炆飯： 炒飯食得多，炆飯好少聽。不過呢個真係是日最愛。個飯超多汁同入味，粒粒米飯都散發陣陣既黑松露香氣。個飯雖然多汁，但飯粒唔會過腍😍帶子仲係超多同好彈口。好鍾意個飯勁多蔥同埋爽口既菜粒，有較口之餘仲好香。

最近呢兩年成日去Club one飲宴，飲茶都較為少。難得今日放假，所以特登同屋企人黎呢度飲個茶！諗住平日午餐應該唔會好多人啦，點知到午餐時全場爆滿，好在有訂位姐！😋一入商場大門口就見到大大個Club one既招牌，不過入口係要係右邊搭電梯上三樓既，唔好行錯。😊Club one門口擺左個鋼琴，再入啲有個背景幾靚既台。座位夠闊落，坐得舒服。👍🏻餐廳職員都好多，所以好快搵到人落單、加水，服務幾好！食物方面:燒味拼盤有燒腩仔同叉燒，一碟份量都好多，四人食都好夠！燒腩仔肥瘦分明，唔會好油膩。個皮燒到好脆卜卜，好鬆化！😋叉燒好入味，梅頭肉，好稔，有少少肥肉痴住，蜜汁唔會好重，又有豉油咸咸地，食落好滋味！😊蠔皇鮮竹卷三件，雖然係蠔皇蒸，但係唔會好咸，味道剛好。餡料有西芹、紅蘿蔔同蝦，爽口彈牙，食落有口感！😀豉汁蒸鳳爪個醬好好味，有蒜蓉同豉椒味，好濃。鳳爪大只，肥美。蒸到好稔，入晒味，一咬就甩骨！正！👍🏻野菌蒸棉花魚肚好厚身，好稔，好似海棉甘吸晒醬汁既精華！做得好既地方係個汁唔會好濃，吸左啲汁都唔會好咸，而且唔會好油，食落岩胃口！😊呢度既食物整得唔錯，係飲茶既好選擇，都幾多人幫襯，黎前記得book位！

好姊妹生日, 當然要為她慶祝。Club One在康山開業了一段日子還未去嚐過, 便决定在那裡先吃午飯, 接着可在附近shopping。我並沒有訂座, 約於上午11:40到達。酒樓接待員知道我沒有訂座後, 便立刻跟我安排座位, 服務態度不錯。可能未到午飯時間, 只有數枱客人。點了茶後, 服務員站在不遠處, 準備隨時候命, 服務水準相當好。此處點心選擇不算多。但有三款㸃心(雪嶺义燒包、芝麻魚酥、松露帶子餃)可以逐件點。於是我就點了以下幾款點心:放在面前已聞到松露氣味。咬下去感到食物很新鮮, 帶子需不是厚切, 但口感爽滑, 下面餃子裏還有一隻蝦, 新鮮彈牙, 再加上松露香味, 回味無窮肉不多, 兼大多是肥肉。蒜香味不足, 以這個價格(特點, 正價$42)來說, 不值。大致來說, 食味與一般酒樓差不多。這個甜品幾清爽, 適合不喜太甜食的我。結算這個午餐, 因為我有 Club Dining咭, 可獲7折優惠, 每位約$90。雖說食物質素一般(除了首選推介松露帶子餃和蓮子紅豆糕, 下次會再試下其他食物), 但此處服務質素好, 加上環境相對清静和整潔, 坐得舒適不迫, 是區內較好的了。

約了朋友在康怡廣場的會所一號午茶，這裡的裝修不錯，座位寬敞不覺擠迫，我們二人點了四個點心、包括：原隻虾餃皇北菇棉花鷄蒜香蒸排骨蠔皇鮮竹卷蝦餃好得，D蝦新鮮彈牙、棉花鷄碟頭夠，鷄肉冇雪味，魚肚亦很入味。蒸排骨亦是十分可口。蠔皇鮮竹卷也做得很出色，很用心製作的傳統點心。整體而言，就我所點的點心水準很高！很滿意！由於是星期六中午，客人不算太多，服務員也是足夠人手招呼，可惜樓底矮的原故，客人談話聲就比較覺得嘈吵！

之前夜晚嚟食過幾次，星期六同屋企人嚟飲茶，估唔到水準好唔錯！地方可能因為會做埋婚宴，地方好寬敞，服務幾好，會主動加茶d點心送上嚟時全部都熱辣辣，可惜選擇少咗d呢個雪山叉燒包好好食，外脆內熱，叉燒餡都整得幾好炸春卷脆扑扑帶有蒜味呢個蝦腸最好味 隻蝦勁大勁彈牙黑松露流心醺蛋好正呢個腸粉滑身，但無咩味道蠔皇叉燒包中上水準呢個咸水角都ok，餡可以再多d蘿蔔絲酥餅好好味！最難得係佢d野全部都唔會太油膩，亦無油益味，可以安心食

一星期中，我最喜歡的是星期六下午，睡夠了，下午精神奕奕，可以盡情享受午後陽光。今次約了友人在club one用餐，club one在我印象中是婚宴場地，今次去飲茶還是第一次。茶樓大門是玻璃門，樓底很高，門上方掛著「club one」招牌，顯得非常有氣派。不過飲茶要上一層，樓上的裝潢相對溫馨一些，以灰白色為主調，米白色的桌布和椅子，雖然中午時分坐滿客人，也不覺擁擠嘈吵。⭐️香茜牛肉腸滑溜溜的腸粉包裹莞茜和牛肉粒，莞茜和牛肉配搭一流，很好吃呢！⭐️XO帶子炒蘿蔔糕XO醬炒帶子蘿蔔糕，醬蘿蔔糕切成丁，炒過後蘿蔔粒面面焦香，粒粒香脆，伴有XO醬的鹹香。⭐️雪嶺叉燒包外皮類似光酥餅的外皮，裡面是叉燒，外皮甜甜的，外酥內軟。⭐️豉汁蒸鳳爪我最喜歡吃鳳爪了，這籠鳳爪最得我心。鳳爪紅香酥軟，入口脱骨，骨頭啃起來也特別滋味！⭐️原隻蝦餃皇外皮晶瑩剔透，皺摺美美的，蝦肉塞得滿滿，爽脆有鮮味。⭐️山竹牛肉球牛肉球比一般的牛肉球小了一點，蘸了喼汁，入口軟軟的，酸酸的且帶有莞茜香。◽️雖然點心款式不算特別，但飲茶環境不錯，適合家庭聚會。

仲記得上年clubone岩岩開時, 勁多人book位要早一星期... 只係短短半年, 人龍不再, 星期日既中午居然大把枱!其實我間唔中都會黎飲茶, 但一次比一次失望! 食物質素一般, 就好似棉花雞, 真係棉花般碎濕濕, 魚肚應該係漲卜卜架麻不過舊雞同冬菇就幾好既~ 冬菇好厚身, 有咬口!另外, 我飲11:30, 入座時話要12:45交枱. 但.... 點心都未黎齊, 有位姐姐就行埋黎問有無會員卡, 轉頭就遞上埋帳單天呀, 點心都未黎齊就要我埋單; 若果黎齊晒我就食快d者...都算啦, 埋左先, 但居然係漏單!!! 而且眼見咁多吉枱亦未坐滿, 點解要迫我走

近排亞媽入了club one會，佢同老豆話中午飲過茶話幾好，想試試晚飯，會員星期一至五七折，星期六日八折。兩個星期前就訂了位，環境乾淨，樓下還有一層擺婚宴的。我們叫了一個六人餐，質素和份量都幾好，下次可以再試！

終於等到康怡店開幕，十分失望，六點行入去入會，侍應掛著傾計，竟叫了很久才有人冷淡的幫我，完全唔希罕的樣子，晚飯冷冰冰，沒鑊氣，小小碟，吃不夠喉，價錢不平，性價比超低，選擇又少。滿以為午市好點吧？誰知也是選擇很少，沒甚點心可揀，完全不像其他會所一號，是這間的員工無心經營？被迫開工？最後連婚宴也參加了，更加啼笑皆非，個廚師完全不合水準，有一道菜，小蝦煎了，連殼上，旁加點白烚的娃娃菜，蝦沒去殼，叫賓客怎吃？娃娃菜一點味都沒有，是澈底的失望！

首先，茶水不夠熱， 茶葉都泡不開，對於酒樓來說，可算是一個嚴重的問題。點了四人套餐和大概6-7個點心，因為入了club dining的關係，折扣後價格是650多元。如果沒有折扣的話，則索價700多800元。一行五人，即每人160元左右，價格偏貴，是否值得就見人見智。 羹：有瑤柱、蝦、小元貝、花膠絲，很足料。不太杰，也不太鹹。 (前)肥燶叉燒腸粉：外面有點乾，不夠軟滑，只屬一般。 ｰｰｰ (後)芝士蝦春卷：脆口，但算不上推薦的菜色。 燒味雙拼：叉燒非常香軟，不太肥，非常美味 。ｰｰｰ 乳豬：皮脆而肉嫩，沒有什麼脂肪，很香口。 腐皮卷：稍韌，有改進空間。 ｰｰｰ 雞扎：味道不錯，內有 厚火腿、粟米仔、魚肚、雞肉。 (左)燒賣：同行家人說中規中矩。 ｰｰｰ (右)蝦餃：一般，皮有點厚，而且質感偏粉，不好吃。 雞腳：有六隻，很軟很入味。 瑤柱蛋白炒飯：飯粒絶對太硬，不知是炒太乾還是有生米，吃了兩匙已不想吃。不香，欠鑊氣。難吃… 真的非常難吃… (左)流沙包：餡料鹹香，就是小了一點，不滿足，但味道是不錯的。ｰｰｰ (右)雪山叉燒包：只能説真的很普通，完全比不上添好X。 上湯浸菜：不過不失… 套餐

每次到waterfall做運動路經ClubOne均見有宴會舉行，偶然知道原來有早茶時段便立即訂位。早茶時段11:30開始，枱不多環境亦比較迫夾。點心比正統酒樓選擇偏小，味道一般亦偏貴。大路如义燒飽皮很黏口、不好吃 ，鮮竹卷皮韌，很難咬開，較特別的肥燶义燒腸粉本來味道可以可惜腸粉皮偏厚亦不夠滑，芝士蝦春卷ok夠鬆脆但芝士味偏淡。較特別的是雪嶺义燒飽、黑松露帶子餃及芝麻魚酥每款只有一件，但只有雪嶺义燒飽較可取、松露帶子餃也是犯着同一毛病，皮厚帶韌、芝麻魚酥味道奇怪，可以不試。總結是不試沒損失，而且有一位男侍應的態度欠佳，笑容欠奉，極須改善。

上週六到了康怡那邊吃喝玩樂，第一站當然是醫肚。聽港島東的朋友介紹，康蘭居那邊開了一間超靚裝中菜，環境舒適好坐，飲茶點心選擇又多，而且離我們目標的「傢俬街」很近，所以就去了午餐。 餐廳全名是 ClubONE 時尚康山，樓下主打婚宴及婚展，樓上就是茶市散座。週末的中午，非常受區內住客歡迎，我們也等了一會才有位！ 這裡採劃點心紙、後上菜的形成，由於人較多，就坐或落單後，都要等一會兒才會上茶／上菜的。還好兩兄妹都自得其樂，這天就地取材的玩意就是筷子托！ 不久後點心終於來了，我們不客氣要開餐啦！ 兩兄妹都愛吃蝦餃，當然不能錯過 原隻蝦餃皇 ($45)，味道不錯；如不怕肥膩，燶邊肥叉燒腸 ($38) 也美味值得一試。又開始牙痛，所以點了兩款涼菜；其中 冰鎮荔枝西紅柿 ($48) 太肉酸了，相比之下 橙冬瓜 ($65) 會好看又好吃得多，但以其份量叫價有點高呢！ 蘿蔔絲酥餅 ($32) 也做得不錯，酥脆不油又有嫩甜蘿蔔夾心，但我不敢多吃；同樣的，蒜茸蝦春卷 ($38) 也香脆鮮香好吃，但牙齒實在承受不了。真的要約期見牙醫了... @@ 蟹籽香菇燒賣 ($38) 也是兩兄妹至愛，配以蟹籽而非

終於等到 ClubOne進駐太古區啦!! ClubOne比人感覺就係舉辦婚宴場地, 一年365日唔係日日都有婚宴既, 而且中午有茶飲添架~可能太古區飲茶地方唔多, 所以ClubOne都幾爆, 星期六日一定要早d打電話黎訂位!點心既總類都算多, 基本既點心都會包括在內, 蝦餃燒賣叉燒包等等通通有齊! 而且價錢適中, 加上環境及服務質素, 價格絕對可取!鮑汁炆雞腳 - HK$58雞腳夠淋, 鮑汁又入味, lun腳指想lun埋碟汁!原隻蝦餃皇 - 頂點 (HK$45)呢個一定要點!! 皮白淨又夠薄, 配上原隻大蝦, 啖啖蝦味出晒黎!蟹籽香菇燒賣 - 特點 (HK$38)四粒燒賣各散東西, 賣相就麻麻, 勝在美味搭救!鮮蝦腐皮卷 - 大點 (HK$32)鐘意煎炸食物既一定會點呢個, 皮脆唔油膩, 用料十足! 蘿蔔絲酥餅 - 大點 (HK$32)呢一個係比較敗筆, 外觀雖美, 但咬後立口, 感覺醬住個咀.... 不過又咁, 蘿蔔絲酥餅係一個好巧功夫既點心, 要整得好食一d都唔易!三蝦蔥油撈寬麵 - HK$108鮮蝦; 蝦籽; 仲有櫻花蝦乾既蔥油撈麵! 係鮮蝦唔係雪蝦, 讚! 碟頭都唔係細碟, 4