影片
奖项殊荣
美食之最大赏(2014)
营业时间
今日营业
12:00 - 15:00
18:00 - 23:00
星期一至五
12:00 - 15:00
18:00 - 23:00
星期六至日
11:00 - 15:00
18:00 - 23:00
公众假期
11:00 - 15:00
18:00 - 23:00
以上资料只供参考，请与餐厅确认详情
食家推介
招牌菜
相关文章
美國回港一直無機會好好休息，食完春茗唔夠一星期又到商會晚宴，我淨係想早點歸去訓覺呢！紅酒、威士忌、紅酒又威士忌，我會好快爆啊！我想食野，我要食野呢！竟抽到靚號碼發一發發，滿心期待！但得奬幸運兒早已內定，實在太黑暗，平常心面對算了吧！有餐豐富晚餐已十分感恩。清蒸深海龍躉⭐️⭐️⭐️罕見地蒸魚豉油分開上，免得浸到魚肉變霉變咸，以保持鮮嫩多汁！師傅夠細心，成敗往往在乎細節，有料！雖然師傅有熱誠亦夠細心，但因食材所限實在深表遺憾！開好魚就立即起動，當然先搶臉珠登，繼而魚肚、魚身及魚鰭，全身都係寶非常好！沾上清新蒸魚豉油啖啖肉。蠔汁炆花菇鮑片扒生菜⭐️⭐️⭐️⭐️鮑片吸盡蠔汁煨得入味，滑嘟嘟彈中有嚥韌，用爽甜生菜捲住食就更加繽紛！巨型冬菇厚厚滑滑，咬落爆汁菇味香濃。當紅炸子雞⭐️⭐️⭐️真的熱熱不是微暖，感受得到熱力澎湃！薄脆雞皮乾爽不油膩，落味不過份不太咸，放心大啖大啖地享用。臘味糯米飯⭐️⭐️有草腥蔥花不喜歡，濕濕油油不夠香口不喜歡。乾燒伊麵⭐️⭐️有草青芽菜不喜歡，發脹味淡伊麵不喜歡。松露醬炒蜜糖豆海蝦球⭐️⭐️⭐️⭐️彩椒炒北寄貝⭐️⭐️⭐️⭐️拼埋一碟出場有創意，幾十年來首次遇上雙拼。松露醬炒蜜糖豆海蝦球⭐️⭐️⭐️⭐️珍寶蝦味鮮爽脆蝦味濃，搭埋爽甜蜜糖豆齊齊趙就更出色！彩椒炒北寄貝⭐️⭐️⭐️⭐️彩椒爽甜有鑊氣，北寄貝切絲紅白相間外觀極似蝦乾，就連味道都有幾分相似。過熟的北寄貝嚥嚥韌韌，幸好肉位仍有微微爽彈感覺而有鮮甜味。翡翠發財大利好巿：蠔汁炆髮菜豬脷蠔豉扒翡翠苗⭐️⭐️⭐️翡翠苗非常掛汁，本身的怪怪淡淡草青味絕大部份都被濃濃芡汁所蓋過，顯得更加爽甜！搭著軟塾豬脷、甘甜蠔豉或髪菜都同樣一流，夾得天衣無縫！炸百花蟹球⭐️⭐️⭐️⭐️唔係雪藏外購貨，自家手工有誠意！每次宴會都係我的重點菜色，新鮮炸起滾熱辣，薄薄麵包糠十分金黃香脆！彈力十足乒乓波，蟹肉蝦膠混為一體鮮氣迫人，咬開肉汗立立令香噴噴！食幾粒都唔夠喉！原味極可口，沾上浙醋更精神！海皇紅燒翅⭐️⭐️⭐️冷知識原來浙醋不是跟翅撈黎食，係食完翅用黎呷，清清味蕾的呢！不過各施各法，喜歡點食就點食，最緊要適合自己。老雞湯底黏稠味濃，混著微量海鮮碎及翅絲，熱熱飲落不腥舒服可以的。要求嬸嬸倒10碗便夠，我地依圍只得10位，無意中令到嬸嬸被經理鬧了！實在萬二分抱歉。經理稱就算得半圍人都要倒足12碗，我覺得超無謂囉！可能要比食客及主人家知道份量係足12碗掛。大紅乳豬全體配蝴蝶包⭐️⭐️⭐️⭐️蝴蝶包香甜軟塾，但放到上枱已剩下少少餘溫，真係熱辣辣出住煙才最美麗！如果用蒸籠蓋著熱騰騰出場就更美妙。乳豬好健康無多餘肥膏，肉嫩清甜脆卜卜，忍唔住搶了四五件獨食自娛。我最愛的豬腳只得後兩隻？而且豬髀四隻消失掉？被廚師沒收了嗎？
继续阅读
會所1號 維港皇宴, 是連鎖式的酒樓. 吃晚飯, 聚餐, 宴會理想地方. 位於尖東帝國中心1樓, 酒樓入口, 裝修清新優雅,今晚酒樓剛有婚宴, 時間尚早, 賓客未到, 我也乘機參觀場地, 因表妹年底結婚, 正搜集資料.宴會廳面積大, 場地 四四方方冇阻擋, 有大玻璃窗, 好吸引.外觀景可望維多利亞海港, 海景優美, 眼界盡開.宴客禮堂美觀, 華麗. 好有氣派,大圓臺, 每台有婚宴花球, 好漂亮, 座位寬闊.參觀完, 侍應招呼好好, 帶我們去晚飯廳, 這裡除了大圓檯, 也有四人方桌. 地方雅緻, 吃晚飯談天好適合.部長介紹晚市食品, 有燒味, 海鮮, 燉湯, 特色小菜..........金不換胡椒焗海中蝦,濃湯花膠大碗翅, 西施海皇泡飯,也有套餐多款.我們叫了 义燒鱔鱔燒得油脂迫出, 有油光, 燒得香而不乾, 魚皮燒得脆, 切得夠厚身, 义燒醬汁調得香濃. 真正美味. 鱔質地軟滑無骨, 肉質鬆軟, 义燒醬油夠入味, 十分好食.生炆枝竹斑腩煲, 經典的港菜, 熱騰騰用瓦鍋盛載. 香氣四溢, 有石斑魚, 火腩及枝竹. 斑腩裹粉炸至金黃, 外酥里嫩, 魚肉滑, 肉質嫰又入味. 火腩炆煮得好稔滑, 配枝竹, 枝竹吸盡醬汁和火腩的精華, 食得滋味. 三杯雞煲, 雞煲一上檯已經勁香, 香氣撲鼻, 三杯雞調味料有黑麻油, 醬油及花雕酒, 味道濃郁. 雞多肉少骨, 嫩滑有雞味, 調味不錯, 配料有洋蔥, 炸蒜頭, 乾蔥, 薑片, 用料足, 好惹味. 醬汁調味咸度適中, 送白飯好好.飯後送甜品: 桂花糕/ 馬豆糕, 香滑又順口. 酒樓價錢中肯, 食物不錯. 地點交通方便, 會再來.
继续阅读
星期五食晚餐，因為有現金券，所以去試一次。剛進餐廳，枱面沒有餐牌，向職員取了餐牌打算點餐前，職員才提供套餐餐牌，職員大多服務熟客，對新客不瞅不睬。點餐過程中，餐牌上的食物亦不是所有全部有供應。1. 脆皮吊燒雞雞品道合理，肉質偏柴，皮不是很脆2. 澳洲龍蝦伊麵龍蝦香味足夠，伊麵口感偏軟，但不會軟爛，不錯。3. 菠蘿咕嚕肉咕嚕肉味道正常，肉質好彈性，可惜外皮不脆，肉粒較小。4. 野菌紅燒豆腐豆腐滑，整體而言不差，但沒有驚艷的地方。5. 蟲草花燉雞湯本來點了另一個湯，湯碗飯前已擺好，到飯後仍未上湯，餐廳員工告知已經賣光，請我們轉其他湯。我們問員工可點的湯品及其價錢，員工卻只能大概回答能提供的湯品，又指湯品並沒有價錢，深感錯愕。後來有另一位職員，為我們解答，最後換了蟲草花雞湯。總的來說，會員和熟客來用餐，會得到不錯的體驗。可惜對於新客而言，服務態度對比食物質素，不值得再試。
继续阅读
好耐無食高端新粵菜，同f又約去食。見有新菜式，要去試下。位置唔算難搵，尖東果邊。2個人叫3款菜式，1個湯🥣都好夠食🍽️好飽。叉燒鱔白鱔的外皮煎得金黃酥脆，配上蜜糖燒汁惹味可口，外形好象叉燒，很特別。濃湯花膠大碗翅每碗採用二兩魚翅，原隻花膠，真材實料，湯底亦非常濃郁。金不換胡椒焗海中蝦上菜的時候瓦煲也冒着煙，胡椒香味撲鼻，採用的大蝦比較大隻。黑松露焗海鮮炆飯黑松露醬的香味滲透在米飯入面，裏面的蝦仁爽口彈牙，令人回味無窮。
继续阅读
clubone 維港皇宴係尖沙咀熱門婚宴場地，入面真係好靚㗎，可以180度飽覽迷人的維港兩岸景觀！估唔到點心都好抵食，性價比好高，如果遇着冇人搞婚禮，仲可以入去宴會廳飲早茶，平民嘅價錢高級嘅享受！🔘🔘🔘🔘🔘🔘🔘🔘🔘🔘🔘🔘🔘🔘 🔻蝦籽炆柚皮$68☑️這道蝦籽炆柚皮配料豐富,柚皮燜得腍,蝦籽帶來了海鮮的鮮味,口感層次豐富！有驚喜🔻豉汁蒸鳳爪（中）$35.8豉汁蒸鳳爪Q彈有勁。醬汁入味！🔻黑金流沙包（大）$42.80☑️黑金流沙包賣相Q軟,內餡濃郁香甜,一搣開就爆汁！🔻雙魚籽燒賣皇（頂）$61.00☑️我最愛的點心，足餡多，鮮嫩多汁，咬落Q彈，仲有黑色魚籽，燒賣控真係難以拒絕🔻梅頭叉燒腸粉（特）$47.80梅頭叉燒香甜可口,搭配滑嫩的腸粉,絕對係是廣東特色早茶的經典組合！🔻宮廷桂花糕$35.8宮廷桂花糕清香幽雅，糕點Q軟細緻，甜品控不能錯過！🔻合桃叉燒穌（特）☑️$47.8超有誠意！合桃叉燒穌香氣濃郁，酥皮好酥脆，叉燒嘅份量恰到好處，幾有驚喜🔻蜂巢炸芋角（中）☑️$35.9蜂巢炸芋角外酥內軟,香味撲鼻,入邊嘅芋頭夠多，簡直比食肉更加香🔻紅燒乳鴿$58.8紅燒乳鴿肉質嫩滑,醬汁入味！
继续阅读
您可能会有兴趣的...