月光光 (已結業)

之前寫過幾個食評都係"讚"但今次嘅出品失望希望店家注意 跟進 & 改善🙏豉汁蒸排骨+飯+湯+細菜 $62豉味香濃 叮囑少油ok嘅 好味道 但用料大骨冇勿肉 韌 咬唔入似龍骨(脊骨/脊梁骨/尾龙骨）煲湯用較合適靚白飯 靚湯 分量細碗干炒河 ~ $58 送例湯河粉1叠叠 肥膩 牛肉嚡 干炒牛河都係食番方X記$30好多啦咖哩豬扒飯+湯 $48 ~ 豬扒夠淋鬆 咖哩汁濃傑 唔辣唔香另細碗上 淨汁冇薯仔 另熱飲+$5 凍飲+$8

"月光光" 落地玻璃 舒適座椅 食材用料都好 唔會太過重味"蒸餸類"略為"過油過火"有待改進豉汁蒸排骨餐$62 配: 白飯+細盅湯+油菜排骨肉嫩 分量足👍但大件肥油多 蒸餸落油勁太多北菇蒸滑雞餐 $62配: 白飯+細盅湯+油菜鮮雞 但胸肉嚡 味淡用"蒸魚豉油" 蒸魚好味 鮮但……蒸肉蒸雞 總覺唔合味道老火例湯 細碗 份量少 云吞幼麵~ 湯底濃香虾子味云吞肉餡足 肉實但唔係粒粒都有虾 肥膩感

"月光光”原來係富豪酒店嘅 走眼添酒店優惠券 雲吞麵買1送1任何時段 優惠要現場食不設外賣 環境舒適裝修靚 卡位＆枱都寬鬆冇電視冇音樂 比較清靜 酒店餐紙 餐具乾淨 招呼好好下午茶時段 客唔太多 隨便揀張舒適嘅枱坐底 近窗邊睇車但有蚊滋飛飛吓 停留喺玻璃窗出示電子優惠券 送 云吞麵下午茶餐~ 云吞湯麵+熱飲 $39凍飲+$3 凍咖啡香濃云吞湯麵~ 云吞5粒 粒粒有虾肉 爽云吞味濃虾子香 湯底正中韭黃香但云吞淥唔透較實 皮未全鬆開 豬肉肥膩麵冇鹼水味但唔爽立立地+蠔油菜$10 細碟份量 芥蘭爽脆 腩汁香菜心較老 忘記走油 油太多較膩厚西多士 + 飲品 $29 面脆旦香心軟 花生醬香 糖漿牛油 食咗至減肥

月光光呢間分店喺九龍城富豪酒店隔離。 先講泊車 成條街都係咪錶位， 後面後行都仲有幾個咪錶位 不過要等， 因為好多車房佬拍曬喺度。 半年前佢哋有個問題就係廁所就味出曬嚟 ，但而家似乎已經解決咗。 佢哋下午茶啲麵係好食嘅 不過以前就有好好味嘅燒味叉燒油雞 而家就已經冇喇。 佢哋個海南雞都好正 不過晚飯時候 通常一早賣曬。 下午茶三十幾蚊不過坐得好舒服 唔趕人走 亦都好少會爆棚。 個炸雞髀做得比較 乾啲 而且比較細隻 不過都叫做好脆下， 份量都叫做可以， 尤其是 啲 薯條炸得好靚。

食既係呢到既lunch，叫左一個魚蛋河，上菜緩慢，超過二十分鐘。魚蛋河一般，而且不便宜。魚蛋、湯底、河粉的味道都沒突出之處。此餐廳應是旁邊富豪東方酒店的屬下店，店內紙巾亦有此標示。不推。

週末晚上 與岳父岳母同太太一齊食晚飯。由於上次光顧過月光光，覺得非常不錯，故此再帶岳父岳母一同前往。我們叫了一個二人餐，為岳父叫了一個一人餐，再為岳母叫了一份炸醬麵。加少少錢，可以要凍檸茶。先說二人餐︰一個小菜，一份燒味，一碟菜，再加湯和甜品，非常豐富。一人有一蛊湯，味道甜。牛腩非常足料，大大碟的，吃極也吃不完，而且炆至稔軟﹗燒味也有兩款，質量高，份量多，完全吃不完。菜也新鮮翠綠，這樣的價錢，這麼豐富，實屬難得。岳父的一人套餐也包湯、一碟小菜和白飯。他要了菠蘿咕嚕肉，也是落足心思。咕嚕肉爽脆﹗ 還送瑞士雞翼，但實在太飽，唯有打包。認真抵食，太太話要把這餐廳列作我們的常吃LIST中﹗

我們一行三人，在九龍城覓食。由於趕時間，要吃個快飯，朋友建議位於富豪酒店旁的月光光餐廳。起初我很猶豫，因為店內顧客寥寥無幾。我們點了一個二人套餐和一個一人套餐，無亮食物品質，還是服務，也是令人眼前一亮的。一人套餐$60左右。我們點了茄子肉碎煲，及例湯和飯。二人套餐更抵食，只需$148。兩盅燉湯，兩碗白飯，兩款燒味，一款小菜，一碟油菜，再加甜品。我們要了菠蘿咕嚕嚕、义燒拼只貴妃雞、芥蘭。各款菜式用料不錯，服務亦細緻。特別一提甜品，當天甜是起沙足料紅豆沙，我們要了一碗，另再加$10要了香芒布甸，同樣落足了。朋友說，這家餐廳其實也屬富豪集團所管理的。未知如此高品質，是否與此有關。

我和Honey常在九龍城活動，所以 九龍城很多食肆，我們都光顧過了。有一次，駕車行經富豪東方酒店，發現一間落地玻璃、乾淨企理的餐廳，驟眼看，還以為是富豪東方的其中一Branch，原來是一間獨立經營的茶餐廳。今天我和Honey到月光光吃下午茶，下午茶非常抵吃：燒味粉麵 39元，牛腩、雲吞、水餃湯粉麵也是39元；而且質素不錯，好大大碗。我點了牛肚河粉，牛肚不少，柱侯味剛剛好，牛肚也炆得很稔。hHoney最喜歡瑞士雞翼，瑞士雞翼也不錯 ，甜度適中，也煮得入味，但又不會將雞翼炆得太稔。我們第一次光顧月光光，奶茶特意選熱的(熱奶茶是茶餐廳的指標水準指標)茶底香濃，但稍嫌太濃了；我要問侍應多拿花奶。總括而言，地方乾淨企理，人也不多，食物質素不錯，是在九龍城覓食的新選擇。