月居酒屋

营业中

休息中

嚟幾次都好滿意Lunch set 有前菜兩款次次嚟前菜都有新意有驚喜銀雪魚、鰻魚、牛扒都係燒到剛剛好而且味道調得好啱炸豬扒都做到專門店質素生果試過菠蘿同橙都係好甜即係入靚貨比客👍🏻食物質素對得住個價錢

約幾位知己食飯飲酒談天，選咗月居酒屋，食物款式多，有刺身、壽司、串燒、燒羊架、涮涮鍋、酒類……推介胡麻醬豚肉沙律，鰻魚壽司，燒羊架，自家制雞肉棒，每款菜式好有驚喜老闆用心制作食物，食物高品質

今日同fd第一次落大炕打卡，行行下肚餓，見尼間新鋪裝修幾骨緻，跟住就試下啦，點知d野食意外高質..好Suprise，食過甘多間居酒屋，佢尼度d刺身真係冇得頂，好新鮮👍🏻👍🏻就連炸野串燒都唔輸蝕...以為甘嘅質數同功力一定係老師傅啦，點知望望個串燒師傅同刺身師傅都係幾後生😨真係犀利...最後同d師傅吹水吹得幾開心仲送左d小食比我地送酒👍🏻果晚係一餐好滿足好開心嘅一餐。三個字形容正正正！！！🤣🤣🤣

今日約咗朋友趁2024之前食個飯🥰嚟咗大坑覓食🤣入咗呢間交通方便但望落好似好隱世嘅居酒屋2個女仔order咗2個餐，等緊餐嘅時候一邊飲住茶，唔記得問嗰杯係咩茶，但茶味好濃，但唔係中式茶嘅濃澀，係日式茶嘅好濃嘅清香🤣飲完一杯又一杯，侍應好好服務🥰見我哋傾偈唔會主動打擾，但又時刻留意我哋張枱，所以個杯入面啲相一路都好滿好暖🍵差不多嘅時候有上咗枝豆同蒜頭嘅前菜？枝豆超級香甜好味呀👍🏿👍🏿👍🏿👍🏿👍🏿👍🏿👍🏿朋友嗌咗西冷牛扒？，煎到剛剛好🫶🏿舊扒唔會太老，啲汁都好香，好下飯🍚🍚🍚配住碗飯好快食完🤭OMG到我個餐啦！同樣係份量超足嘅天婦羅烏冬🍤天婦羅怪表示啲菜同海鮮炸得剛剛好😆份量勁多👍🏿搭埋個天婦羅汁已經好飽個餐仲有個冷烏冬未食喎！烏冬係幼身扁嘅，可以一次食一大啖之外仲彈牙？🫣總之，老闆真係超級佛心。每人埋單差唔多200蚊左右已經飽到我想喺屋企癱仲要有飯後甜品🍊小橙子，但我飽得制食唔落了🥲所以無拎到亦都無相。。。

原本諗住同朋友去食隔離茶記，見佢啱啱新開朋友就叫我一齊試吓一開始見到冇得碌卡，好在佢同我講話都可以轉數快😲個時12點半左右入就已經得返bar枱，咁睇應該都幾好如果係就唔會咁多人啦🤔我個朋友就叫左個8貫壽司set，我就叫左個鰻魚飯set+刺身我淨係記得我朋友個set有蝦有魚🤣我個前菜係唔記得咩瓜加左芝麻醬又幾開胃個刺身係唔記得咩鯛(無留心聽書🤣)用火燒一燒過油份高好食！我個鰻魚飯個汁幾正個師傅仔無落太多太少，very good👍🏻而且個鰻魚燒得唔錯加埋芝麻同紫菜真係無得頂最尾佢仲有個甜品我一開始以為又係雪糕個類點知原來係個切到花咁嘅燈，我真係第一見人咁切，佢幾乎切走哂我唔鐘意嘅個啲衣😆個壽司師傅仔見我同朋友第一次黎佢送多左份水信玄餅俾我做甜品最尾我食完先知新店開張有折😲多謝晒🙇🏻‍♂️

呢間居酒屋雖然開業冇耐,但嘢食好食,啲師傅態度友善又細心👍因爲我哋去得好早,咁啱就見到師傅係度劏緊大大條油甘魚,雖然我同朋友唔係話生嘢嘅超級愛好者,但見到啲魚咁新鮮,梗係要整返兩件啦🍣師傅介紹我哋食嘅安康魚肝,口感好Creamy我第一次食,但好好味,下次一定會再encore呢個魚肝仲有叫左啲串燒,呢個鷄肉串燒一流!!!!入面好Juicy因爲隔離枱係熟客嘅緣故,我見到佢哋訂左好多Menu入面冇嘅食物,睇落好吸引!!好彩師傅話有整多左,我哋都order黎試下。汁燒豬仔骨,正!!!味濃,帶焦香好惹味~汁煮牛脷👅口感軟腍,有油脂香最後係炸雞出面熱辣辣,入面依然係超級Juicy師傅好犀利👏🏻炸嘅時間真係啱啱好全部嘅嘢食都好滿意,師傅有特意出黎問大家啲食物o唔ok,好有誠意嘅小店,值得支持💪🏻💪🏻

🐟刺身好新鮮 梭子魚 師傅將魚皮火炙 皮脆肉嫩 左口薄切 清新爽口🍣壽司方面都十分唔錯 每一款師傅都用心製作 壽司飯十分好味🍢串燒亦值得一讚 一定要趁熱食 雞皮黑豚肉必試👍卜卜脆 所有都夠火候 又完全唔會乾 白鱔同芝士雞肉棒 加埋蛋黃一齊食 好滿足😋🍤天婦羅 蝦好新鮮 啲菜好大件 建議細返小小 個人認為最好味係紫蘇葉🤣仲叫左個胡麻牆配絹豆腐 呢個就較為普通 正常凍豆腐配胡麻汁🍲最後仲叫左個豚肉紙鍋 熱辣辣 好啱小朋友食 湯底好味 追加多一份牛肉✅呢度整體食物質素相當唔錯 侍應碗碟快有主動加水 態度有禮 值得再黎