有記 (已結業)

在我們正討論要發展鄉郊偏遠地區同時, 趁還是可以享受的時候真的要爭取剩餘的時間來享受這麼一個秋色盎然的客家村落, 盡管大氣粒子內的PM2.5令遠景隔了層紗, 但中, 近景色還是賞心悅目的, 這天選擇搭船過來主要是無須行入來, 在馬料水9點開船的確有點早但省卻一半路程是值得的, 起碼太座係咁諗, 現在船上還有義工為兩邊景色作導覽, 令到整個多鐘的船程未致太長, 不過有乘客是不滿意她們的"咪聲"過大影響佢地睡眠! 她們是義工道具唔太完備呢樣野我個人又覺得無可口非囉! 有興趣咪聽下仕無興趣的話大可搵周公, 無須做人肉黑臉琵鷺嘅! 難得一天來郊外放鬆心情, 何必還要帶着都市人那忙碌心態跑來鄉村? 落船還只不過是10:35左左右右, 到午飯時間還有最少一個鐘, 在附近的實驗農場田邊行下吧!同三個月前來比較現在是沒什麼植物可看了, 可能進入冬季大部份是根莖類啩, 行至大概11:30回航準備午餐, 我們要了一隻雞$180, 醃味較濃, 雞肉質地不是淋身嗰種, 而係實肉雞, 蔥油內的咸味較重, 炆冬菇$60味道比較似屋企做嘅口味, 菇身夠厚所以咬口特好, 只係個数不多, 不過碟內還見有煮爛晒嘅排骨,栗

今日趁着佛誕假期一行10人去行山。今次路線係由新娘潭去烏蛟騰再去荔枝窩然後由第二條山路出返烏蛟騰搭小巴出大埔墟MTR。因為友人一早已經訂咗圍村菜，所以唔駛等就可以食到啦我哋幫襯荔枝窩嘅有記。都幾大碗，除咗雞肉外仲有雞內臟呢個食落麻麻，影相就正，蠔有泥味呢個反而有驚喜，白蘿蔔正！食落冇渣，魚都唔錯其他餸不過不失啦總結: 下次如果再行呢條路線都會再幫襯因為可以食到嗰種風味一路食一路有樹葉飄落來除咗圍村菜仲有我最喜愛的客家茶果同糯米糍

位於茘枝窩村既 '有記' ，係一間仍然保留昔日圍村文化既地方。這𥚃最出名是盤菜，每次行山時必會預定一個細盤菜， 已經係8-9人份量，相當足料，每樣材料都係大大件。坐在大樹下一齊食，真係別有一番風味。

有記位於荔枝窩村的廣場, 由村長及村民經營, 只開假日, 盤菜須預定, 除盤菜外, 還有客家炆豬肉及客家釀豆腐等, 飲品也不貴, 汽水$10。 呢個就係佢地既開放式廚房取價合理大榕樹下食盤菜好有風味盤菜 ($950/細, 附送咸雞半隻及生菜)盤菜大部份材料都係平價食材, 無咩貴野, 內有炆豬肉、木耳、冬菇、豆卜、蘿白、芋頭、猪皮、蠔豉、蝦、魚蛋及幾件炸銀帶魚。盤菜不太正宗, 汁大多, 食材味道變得一體化, 即傳統客家炆豬肉的南乳汁, 正宗盤菜上層食物是有其獨立味道的, 至於味道就一般般, 不過不失, 鹹度算適中。客家咸雞(半隻).不是走地雞, 幸好肉質不太梅, 咸咸香香幾好食, 雞肉也滑。

知道假日新增了航班入荔枝窩, 已經心郁郁了.....今天晨早來到馬料水3號馬頭, 就是要搭唯一一班入荔枝窩的船 !9點準時開船......1.5小時之後, 就到達荔枝窩碼頭!由碼頭大約行10分鐘便入到村.....入到村, 右手邊便是有記了!左邊可見用餐的地方.......一入到村, 大家也圍著有記......都想找點小吃.....有的買茶果, 有的要雞粥.....我們2人真怕同人迫, 趁不太多人用饍, 所以決定提早食lunch.....hahaha...樣樣都想食, 有點傷腦筋!超想食釀豆腐.....但2人真的食唔晒最後, 我們叫了生滾雞粥(大).....粥超綿, 雞也不鞋......原來好多行山友也喜歡來這裡食碗雞粥, 休息一下再繼續.....有機田園菜......有菜芯/生菜, 我們選了後者!生菜幾甜又嫩, 不用點豉油已夠味!客家炆豬肉......來到客家人的村, 冇理由唔叫炆豬肉.....豬肉夠腍炆得正宗客家咸雞(半隻).....初初有點擔心, 怕食唔晒, 但咸雞真的超級好味, 肉嫩不太咸....必食推介!之後慢慢地遊歷完荔枝窩景點, 再回到有記時, 食埋滑滑豆腐花, 又回碼頭搭

今日遠足便往勝記食lunch, 點了有機田園菜($20), 炒面($9) 、客家朱肉($50) 、客家煎釀苦瓜($50) 、客家鹹雞($80) 、雞粥($30) 、客家鴨($128) 、豆腐花和蕃薯糖水, 有機田園菜食落新鮮和爽口；炒面炒得好乾身, 食落香口、客家朱肉半肥瘦食落有油花, 好有咬口；客家煎釀苦瓜苦瓜爽口, 入面魚肉食落鮮甜和新鮮、鹹雞雞肉入味, 食落去好有走地雞感覺、配上特製的薑蓉食落去有鮮味；雞粥很有雞香味, 肉質鮮甜、粥底好綿、好香滑；客家鴨鴨肉鮮嫩又無骨, 肉質鮮甜, 好食；豆腐花好香滑和清甜；最後蕃薯糖水煲得好粉, 夠甜, 豐盛的一餐。

以前經常和朋友從烏蛟騰行山到荔枝窩，在荔枝窩吃飽後再行山到鹿頸~ 雖然經常在這裡吃午餐和補給，可是從來沒有認真為她寫過食評。最近我將雞粥的相片傳送給朋友，他們就問我這間有記是否openrice上面有的，後來我才發現原來這裡只有一篇五年前的食評。而事實上這幾年間荔枝窩的變化很大~ 因此我想藉這篇食評順道更新一下荔枝窩的轉變，希望多些會員了解和到訪~ 2016年對荔枝窩村來說最大的轉變是終於有街渡服務了!!! 街渡由2016年1月1日起逢星期日及公眾假期由馬料水碼頭3號梯台出發~我們今天從馬料水上船，船程只需1.5小時便到達荔枝窩~ 這意味著以後到荔枝窩不用每次都要由烏蛟騰或鹿頸行兩個多少時了~街渡可以買單程票或來回票，可以方便不同遊客!!! 相信荔枝窩很快會成為熱門郊遊地區之一~交通方便了，遊客便可以有更多時間留在荔枝窩了解那裡的客家文化和品嘗地道小食!!!有記最著名的便是雞粥 (大碗$30)，雞件的數量不少，而且煲得非常綿和幼滑!!!還好雞粥的味道不算太咸，所以在這個異常寒冷的冬天吃著這個熱騰騰的雞粥真是格外溫暖~另外一個我每次必定會點的便是炒麵($9)。炒麵都是即叫即炒，非常新鮮!!

有記...隱藏於境內東北面寧靜的荔枝窩村，村莊三面環山，村前迎着波平如鏡的印塘海，原來這裡已經是一條有400多年歷史的客家圍村，唯獨交通一向都不甚方便，村民多已外遷，遊人亦不多，近年當局亦作出歷史保育，古村的風貌才得以保存。09年期間，這裡還開辦了一間荔枝窩地質教育中心，每逢假期，一群群的地質導賞團，駱驛不絕的穿梭其中，使到這裡寧靜的鄉郊，也變得非常熱鬧了。來這裡，其實亦不算困難，交通基本上可分為海路及陸路，海路是從禁區沙頭角乘有限時的街渡或可自顧船前往；陸路亦可以有兩個選擇，分別是從烏郊騰及鹿頸之山路進入，如選擇陸路，烏郊騰乃唯一最近的起步點了。這天是星期天，天色良好，陽光驟現，晨早從大埔墟出發，乘20C綠色專線小巴，前往烏郊騰，下車後，沿山村小徑前往荔枝窩村，漫步大自然中，聊聊天吹吹水，不經不覺中...兩小時的行程瞬即過去了，此時已抵達村前慶春約七村廣場，有記就在廣場旁的大榕樹下，檯子約有10張，到達這裡，已經有很多朋友正在悠閒地用餐。這裡有豆腐花、蕃薯糖水、雞粥及盤菜等售賣，詳細菜單及價錢，請參看照片。Johnny 看見大家吃得非常高興，又見幾抵食，亦捨棄了乾糧而品嚐於此了。先來