木兆小品 (海趣坊)

营业中

休息中

晚餐唔知食咩好，經過見到家常小菜，就份去試下！叫左「砂煲豬膶啫啫雞煲」，認真味道好一般，啲雞炸過再兜埋一齊，啲味完全唔夾😵‍💫😵‍💫豬膶過左火，好難咬，好韌，仲要冇乜味🙁🙁認真麻麻地，唔會再食！另一款「菠蘿咕嚕肉」，有個好大反差！！！外脆內軟！！！勁多肉汁！！！啲肉一早醃左，所以好入味！！炸嘅外層好薄，唔厚粉！！勁！好！食！特飲叫左「三花淡奶紅豆冰」，真係好似成罐花奶倒左落去咁！好濃好好飲！啲紅豆煲得好爛，食落口好軟熟，好好食好甜！！！

落風球後一早起身，落街做完運動就去享受返個早餐。而間餐廳裝修後，第一次黎食早餐，叫左個豬扒煎蛋公仔麵同皮蛋粥炒麵餐。本來想加3蚊加件蒜蓉包，但今日包不多唔俾加，有點失望，因為見人地食個餐件蒜蓉包好似好美味咁，唯有下次再試。豬扒煎蛋麵豬扒好諗味道好夠味，湯底夠濃郁，整體都好好味。皮蛋粥炒麵個粥唔會太咸，但個麵就比較乾同無咩其他料。下次可以試其他的早餐

今日同老公出街食早餐,行到屯門碼頭海趣坊,經過木兆小品門口,見到好多餐牌,有多款中式和西式早餐.於是吸引到我哋入去試下.老公叫咗濃湯火腿絲通粉,蒜香牛油厚多士,熱奶茶.火腿絲通粉:熱辣辣嘅湯底係用雞湯製作的.非常濃郁,如果通粉再多D就更滿足.整塊厚多士鋪滿蒜茸和牛油,非常惹味.熱奶茶都幾好飲.我就叫咗奶醬厚多士,熱咖啡,加配一個輕量雪菜肉絲米線.奶醬厚多士:奶醬多到滿瀉.厚多士咬落有口感,熱咖啡一般.每次經過都見有好多人食早餐,價錢畀其他餐廳平啲.

今日去試下唔同的小店，見呢間店有位，決定去試下味先。我地今次叫左咖哩牛腩飯、鐵爐烤魚酸菜味、煎肉餅、京都肉排及蠔仔泡飯。煎肉餅及京都肉排都算OK，味道唔錯，份量亦足。咖哩啲牛腩真係好少, 飯好多, 味道 OK 夠辣，但成份咖哩好似得薯仔無肉食。鐵爐烤魚真係唔太好食，味道差，D酸菜好似未洗乾淨咁，好多沙粒咁。魚肉都算Ok，不過不失。最難食的係蠔仔泡飯，份量好多，三個人食都無問題。但味道差，飯粒似糊仔，湯無咩味，好腥味，菜心係全生，唔敢再食。整體有好有壞，未致於差評，但真係唔會再食。

天氣雨濛濛又濕，不可在公園跑步，因此便食一個早餐。在海翠坊，新開咗一間茶餐廳，便入去試下。有豉油王炒麵，皮蛋瘦肉粥等，亦有美式早餐，比一般茶餐廳嘅早餐多啲款式。我order了豉油王炒麵配半熟流心蛋加火腿。炒麵如果有芝麻醬、甜醬和辣醬就好了，可惜沒有，無法提升炒麵嘅味道。半熟流心蛋有流心，火腿與一般餐廳冇分別。餐茶熱杏霜，比較甜咗啲。咖啡一般。我老公柯打了一個香煎豬扒加半熟流心蛋伊麵，豬扒都幾大件，豬扒脆口，普通嘅伊麵。味道一般，價錢比出面茶餐廳平啲啲，唔怪得咁多人食。