木船 (已結業)

今日夜晚見冇咩好食，行到太和見到呢間木船，平時好多人，今日可能夜咗先有位，入去試下啦，同朋友一齊share呢一條魚，百幾蚊但咁嘅質素，算係幾唔錯。少少酸，有火warm住，但係唔會話太熟，真係好耐冇食過咁好味嘅鱸魚啦。

自從陸續有朋友搬到東鐵沿線地區，這才逐漸開發我們在東鐵沿線的找&試餐廳活動（？） 這天在太和午餐店面不大，中午很旺場我們一行七人，侍應很nice, 很有效率地幫我們留位還我們可以一起坐午餐menu沒拍照，選擇挺豐富（印像中有約十款左右）我們一人點了一款，再加$6～10有一份小食（春卷，花枝丸之類的）個人最喜歡泰式肉碎飯配煎蛋香口超下飯（個人覺得完全不辣）不知不覺就會伴著肉碎吃光白飯了（危險⚠️）點了兩碗粉&海南雞飯（我無試，但賣相ok)這個印像中是黃咖哩豬扒焗飯一向挺喜歡吃咖喱類的這個就略嫌較少（對我來說），外表略為粗獷但其實作為午餐也算不錯了還有這個看錯餐牌名字的青咖喱飯以為事情正常的青咖喱飯誰知道是青咖喱燴飯外表有點驚嚇但其實不難吃但這個配搭和分量...實在有點謎😅整體而言這頓午餐是滿意的而且選擇很多價錢不貴高CP值大部份味道也不錯支持小店👍🏻

今晚女朋友想食泰國野 所以專登搵左間口碑唔錯既泰國餐廳黎試試 唔近屋企果頭 係專登走過黎食既 希望唔會失望啦餐廳既環境同裝修都唔錯 好多情侶同一班朋友都黎食 咁岩仲比左張corner位既枱比我地 睇睇張menu先 黎到泰式餐廳點可以唔試試個泰式奶茶阿 係泰國都成日飲 所以呢個都係正宗既 唯一唔同既佢係會再係上邊加cream 令到個奶茶更加滑同埋香另外既餐飲就係新鮮椰青（$35） 係幾清新既 同埋果肉都可以食埋 岩曬食浪味野食既泰國野中和一下講下個前菜先 第一道係青木瓜沙津 呢道菜作為前菜就岩曬啦 因為酸酸甜甜咁 非常開胃 可以儲足戰力食個main dash阿小食拼盤每樣都有2件 個炸蝦球入邊夾住一條蔗 咬落都幾爽口 仲有其他食物例如米紙卷 魚餅 全部都新鮮炸起 外皮香脆跟住就係食個招牌菠蘿炒飯配虎蝦（$158）作為呢間餐廳既招牌菜 當然無令到我失望啦 入黎果時都見到每枱都會有一碟 面頭有2隻大虎蝦之後就有串菠蘿串 自己一個食既話份量都幾多既 個炒飯好夠獲氣 虎蝦又大隻又彈牙 而且菠蘿炒飯個飯炒得唔酸 恰到好處最後2個人賣單一共373$ 雖然唔

近排天氣熱辣辣，好想食返D酸辣野開開個胃！😂太和地鐵站行幾步路就係條食街，見到呢間泰國野就入去試下！入面裝修都幾靚幾舒服！有種泰國feel~~又食飯又食甜品先！前菜沙律🥗酸酸甜甜勁開胃，尤其鍾意佢有提子同果仁，增加好多口感同層次！🍍菠蘿炒飯🥳一拎到上來已經大到嚇死人，份量大到驚食唔曬🤣🤣有兩隻大隻炸蝦，炸到好脆口，沾滿旁邊既甜酸醬好惹味！炒飯面有一串六舊既燒菠蘿，剛剛燒好熱辣辣，又甜又多汁。至於炒飯就略嫌唔夠乾身，肉粒同菠蘿粒都唔算多，但夠大舊有口感，飯有少少痴埋一舊舊，但味道都唔錯！🍴小食拼盤同朋友每款一舊剛剛好！蝦餅煙韌真材實料，其他不過不失。最鍾意就係脆皮春卷，好脆好脆，咬落咔嚓一聲，入面餡料夠味😋食到咁上下緊係要食下水果！西瓜🍉沙冰少少失望佢融左好多唔夠凍，同埋西瓜都唔算太甜！但勝在份量大用原隻西瓜，所以好解渴芒果乳酪冰🍧正啊！！！份量好大，入面仲有爆谷，雪米磁，芒果粒同埋一大埋忌廉😋鍾意食甜野既女仔就岩曬啦！！！成件事酸酸甜甜，估唔到爆谷同淋上面既芒果醬又幾夾☺️

今次去嘅餐廳叫木船泰國Cafe餐廳位於大埔，但唔太近大埔火車站，比較近太和站，大概行十分鐘左右就到餐廳環境唔錯，係船嘅造型雖然餐廳坐位唔太多，但勝在環境靚，值得入去今次食嘅係泰國菜，因為我唔食得辣 所以我同朋友都揀咗d唔辣嘅食物如果想食泰國菜但又怕辣嘅人可以嚟呢間餐廳試下食物有好多選擇，我同朋友就揀咗鮮蝦牛油果沙律、熔岩椰青海鮮焗飯、小食拼盤同肉串鮮蝦牛油果沙律好好食酸酸地，好開胃而且海鮮好新鮮今次係我第一次食牛油果，味道都唔錯熔岩椰青海鮮焗飯造型好特別個飯放入椰青裡面，椰青味好濃好啱中意椰青嘅人食呀，仲可以食埋椰青d肉佢仲會比埋杯椰青水你飲小食拼盤嘅味道都唔錯都係一d炸嘅小食可以同朋友share每人每款食d試下肉串都好食我地叫嘅係沙嗲鷄肉串同豬肉串佢有兩款醬比你揀但我怕辣就冇點醬，唔點醬都夠味好香野飲嘅選擇都多我就揀咗泰國朱古力巨人野飲幾大杯，都幾好飲仲有Kit Kat同 Oreo放係面好好食，簡直可以當甜品

我是一個自從食過泰國菜就深深迷戀上泰國菜的人！喜歡泰國菜的口味！我工作的地方就在木船附近，每日都會經過木船，已經想試左好耐！星期六岩好返去ot 同同事一齊諗食乜既時候自不然就諗起左尼間木船！諗住中午應該有lunch set 會抵啲所以就一齊去試下！入到餐廳都覺得幾多日，座位幾乎已經滿曬，我試左自己本身好鍾意的香葉豬肉碎，有啲辣，但我覺得香葉唔夠多，同埋個肉味太重，仲有竟然有生蛋，我本身唔食生嘢，尼個反而有啲失望。同事叫左海南雞飯，佢就對個油飯讚不絕口，仲有雞翼添。

平時吃泰國菜都會想去九龍城，因為係大埔想搵間好味嘅泰國菜真係無乜選擇。今晚突然想吃泰菜，朋友就推介我來太和Wooden boat，太和站行過來只需幾分鐘，好方便。我們6點半來到，唔使等位，餐廳設計好有feel，有部份坐位係設計到好似坐係木船上一樣，吊燈有情調得來夠光猛。我哋2個人叫咗三樣嘢，兩杯飲品，好夠飽。青木瓜沙律係我最愛，比一般前菜要大碟，木瓜夠絲爽口，酸甜比例啱啱好，仲有脆口炸腰果同花生，好醒胃，讚👍小食拼盤入面有4款唔同小食，每款有兩件，兩人吃啱啱好。我就最like個煎肉卷，外層腐皮又薄又脆 ，點埋少少甜酸醬仲正，魚餅都好好味。菠蘿炒飯係必點之選，佢同一般菠蘿炒飯唔同，淨係賣相已經好吸引，重點係有兩隻大蝦同大大件菠蘿肉，串燒菠蘿應該輕輕燒過，帶出香甜味。炒飯裡面仲有雞肉粒、提子乾同菠蘿肉，肉鬆就另外上，可以自家加。😋😋最後叫埋椰青同香茅特飲，好潤呀！坐得舒服，嘢吃有水準，下次會再來。😊😊🤗

今日到大埔搵吓地方食午餐，幫襯一下小店。太和路翠怡花園樓下有一間泰國餐廳，於是入去試一試。餐廳裏有大約80個座位。環境都算清潔！餐牌上都有幾多選擇，設有午市套餐，供應時間由上午11時半至下午三時。總共有22款主食選擇。價錢包括咖啡或茶，凍飲加$3，精選特飲另加$5。熱柚子蜜加$2，凍柚子蜜加$3。一個主食，加$10有一款小食，加$18有兩款！午市套餐價錢合理。我點了冬陰公湯粉，追加兩款小食，炒通菜及單骨雞翼！加一杯青檸梳打，梳打屬於精選特飲只需要加$5。冬陰公湯粉的蝦都幾大隻，單骨雞翼好好食，炒通菜最大碟，幾抵食！青檸梳打內有兩舊青檸，選用泰國的樽裝梳打水，好好飲。

牛肉送上黎是半生的，將佢放落熱辣辣既湯度浸一陣就食得，肉質岩岩好。唔會太lum或者un。.配菜方面就有泰式炸豬皮，可以選擇就咁脆卜卜咁食，或者浸落湯度，等佢索曬湯既精華咁食👍🏻。

和朋友們去了太和的木船餐廳一齊食晚餐，8點幾餐廳都仍然有好多人在等位。我們三人叫了一個鮮蝦牛油果沙律，溶岩椰青海鮮焗飯，豬雞串燒，還有combo小食併盤。飲品我就叫左多d乳酪多莓。鮮蝦牛油果沙律買相好看，食落好清新，沙律加了些原隻蝦以及切粒的蝦肉，牛油果醬配搭很好，牛油果不會太重，而且很均勻，不會太稠。而溶岩椰青海鮮焗飯令人驚喜，從外型已經覺得十分吸引。各種海鮮，有青口，帶子，蝦等等，而裹面的飯底加了椰肉，生菜，配上白汁，椰香十足。豬雞串燒都燒得好香口。combo小食併盤則有蝦餅，春卷，蔗蝦等。味道好好，春卷香脆，不會太油。而且它配了兩種醬，一種酸甜味較重，另一種辣味較重，可以接個人的口味選擇。飲品d乳酪多莓，一開始怕會很甜，但實際很清爽，適合跟濃味的食物時飲。

太和邨好多隱世食堂，價錢又親民，主要都係做街坊生意。我地平日既8點鐘來到已經座無虛席，證明呢間泰國餐廳既食物質素有返咁上下水準。叫來船，裏面嘅裝修又真係幾似一艘方舟咁，以木做主調，連坐緊嘅櫈都係用出海裝魚的圓木桶。成個環境配合柔和燈光，坐得舒服。Combo 小食拼盤 (小) $52總共有4款小食，我最鍾意係炸蝦餅，炸得好酥香，裏面蝦肉彈牙，炸章魚餅食到粒粒章魚肉，唔錯！青木瓜沙律 $62青木瓜爽脆新鮮，味道調得好好，酸酸甜甜辣辣咁好開胃， 仲有爆汁提子。 花生有炒香過，惹味！招牌菠蘿炒飯配虎蝦 $158來到實物同menu影既相是一樣架！ 菠蘿鮮甜，一咬就爆汁！ 虎蝦好大隻，但燒得有點乾身。 夏日芭東海灘 (菠蘿) $58即係椰子汁加菠蘿嘅沙冰，清甜， 仲可以食埋裏面既椰子肉食。焦脆芒果園 $58呢杯嘢賣相好靚，但太甜啦， 最後飲唔曬。整體嚟講食物質素好，價錢唔算貴，絕對可以再來！

木船一間食完我一定會推薦比朋友的一間餐廳😊佢唔只有傳統的泰國菜，仲有一d新款的菜式。今次我同朋友就叫左d比較傳統的泰菜睇下佢地廚師的功力。.泰式鳳爪沙律🇹🇭🥗🐔 (推薦指數:😋😋😋) $68個汁個味其實係okay好味的，又有不同的vege，所以其實係好的健康的。.Combo小食拼盆(小) (推薦指數:😋😋😋😋😋) $52呢個小食拼盆最重要的係有蔗蝦🦐，因為工序多，所以好少餐廳有，估唔到呢到有！👍🏼👍🏼另外！個魚餅整得好好食！因為我食過其他唔少間泰菜的魚餅，都有陣酸酸的味道，而呢間唔會有呢個怪怪的酸味，仲有魚香味！讚！.招牌菠蘿炒飯配虎蝦🍚🍍🦐(推薦指數:😋😋😋😋😋) $158呢個飯的份量首先都大既，夠一男一女食。另外個飯一粒粒分明得來，仲有泰國炒飯的小小濕潤感，真係好出色。仲有落左提子乾，令成個飯都甜甜地，好正！d菠蘿入飯炒，新鮮菠蘿香甜出曬來！.夏日芭東海灘(菠椰) l🍍🥥🍹(推薦指數:😋😋😋)椰青入面係椰汁沙冰。.脆爆芒果園 (推薦指數:😋😋😋😋😋)🥭🍹佢個沙冰係出色，唔係會得個死甜，食得出用左新鮮的芒果入去攪拌。至於上面的cream，我怕肥所以無食到，整體出色。.

我地第二次來木船食晚餐，估唔到星期二夜晚都係咁旺今次我地點左一主食，兩小食，兩飲品。上菜速度快！我哋落左單一陣，沙律就到！呢個沙律非常多無骨鳳爪，其他配料（洋蔥、車厘茄、紅蘿蔔等等）都好新鮮，味道酸酸甜甜，涼涼地好開胃。小食拼盤有大約五種唔同嘅食品，樣樣都感覺新鮮炸起，外皮香脆。米紙卷外皮好薄，入面嘅芋頭蓉好香。魚餅配合埋佢嘅酸甜醬非常好味！庶蝦好味，夠彈牙菠蘿炒飯成個藝術品咁靚，好精美！呢串燒菠蘿見得到廚房好有心機虎蝦好大隻，煎得剛剛好夠香。加入肉鬆撈飯一齊食非常之好味。呢個紅豆雪條倒轉插飲嘢親愛片好搞笑！最後雪條溶化嘅時候認同椰汁一齊食，紅豆沙同椰汁合埋一齊非常之夾味。龍眼冰清甜，龍眼肉好多。

呢間木船係太和都開左好幾年，成日經過都好多人食，今晚8點同女友經過，見咁岩有一張枱就入去食。入面環境都好舒服，好多木同麻繩既裝修。而我地坐既位個設計就好似真係一隻木船入面咁，幾靚架！不過冇影到，你去過就會明咁我地兩個人就叫左3個食物，加2杯野飲。餐牌第一頁好有趣的，係泰文既教學！餐牌入面基本上每個食物都有圖，好易揀！先黎既係泰式鳳爪沙律，都幾大碗，仲要有足足半碗都係鳳爪，過足口癮，開胃之後上既combo 小食拼盆，有4款小食，每樣兩件，兩個人食岩岩好。個炸蝦球好香好好食！之後既重點來了！招牌菠蘿炒飯配虎蝦！ 上枱既時候我眼都突埋！第一次食菠蘿炒飯有呢種視覺上既震撼，整得好有心機！食落炒飯都好香，好足料，有雞肉粒、蛋、提子乾、肉鬆、菠蘿粒；而兩隻虎蝦都應該幾鮮，d 殻好易剝開，非常正呀！我地仲叫左兩杯飲品，呢杯「脆爆芒果園」好巨型呀！係芒果乳酪沙冰，上面有d 爆谷，入面仲有粒芒果麻糬，超級豐富 咁呢杯飲到尾就幾甜既，有食左甜品既感覺！而另外呢杯「夏日芭東海灘（菠椰）」都好靚啊！味道好清新！ 雖然唔係好肯定入面係咩成份，有椰汁同少少菠蘿既味，奶昔既口感，都好解渴，好特別！呢杯我覺得係必試的

臨近中秋就先同朋友食個飯，3個人近近地去太和食左間泰國菜，同行朋友之前食過話唔錯可以再一試。8點去到都等左一陣，餐廳挺闊落的，餐牌除左有傳統泰國菜會有的菜式外仲有意粉選擇，總有一款岩你我地叫左3個小食，一個飯，各一杯野飲，都幾飽嫁鮮蝦牛油果沙律本身見到一pat牛油果都幾怕，驚會有陣草青味，但食落又唔多覺，口感好creamy，沙律菜加左d醬汁唔會好dry，挺爽口的小食拼盤芝士雞翼係推介泰北沙嗲豬雞串燒有BBQ的香味，食落唔分得到豬同雞，兩者飲質挺嫩的熔岩椰青海鮮焗飯本身唔好椰子味的我挺喜歡這個飯的，見佢椰漿滿滿，但食落炒飯味挺香的，椰子味唔會重得令人難受，面頭仲放左兩隻大青口，旁邊仲有一杯椰青水脆爆芒果園這個真大份，又夠凍面頭係cream，爆谷;下面係芒果蓉，帶有點芒果粒，但芒果味唔太真實