朱兆記

营业中

休息中

元朗清湯腩小店雲集，每間店都有自己特色招牌的牛腩部位，至於做到爽腩出色的，我只想到朱兆記。個人比較喜歡這家店有清湯和😋酸辣米線可供選擇，而且🥟炸雲吞十分飽滿 份量十足 非常出色。提一提下午茶時段的爽腩口感會比較林，因為有一次中午的時間去，爽腩的口感會有點韌，可能是未煮夠吧。清湯牛腩湯底是加了腩汁的口味 ，感覺就不似清湯。酸辣米線的🌶️小辣完全不會辣，而且湯底偏甜，好岩我口味。如果是喜歡辣的，我想要要求🌶️🌶️中辣才夠。

口水雞飯：夠晒麻辣，上面啲辣椒乾好好味。味道係幾好食嘅，可惜隻雞偏鹹，餸飯都係覺得有啲鹹…👍🏻鎮江骨飯：煮到好淋好入味，啲肉一咬就甩。味道啱啱好，餸飯一流。👍🏻隨餐附送紫菜湯：好味！好有家嘅味道！湯入面好多紫菜，多肉。將啲飯加入紫菜湯即刻變湯飯又得，得咗！飯：都係煮得啱啱好。唔會太淋唔會太硬。結論：⭐️⭐️⭐️⭐️推薦鎮江骨飯，$50咁多肉咁大盒飯又餸紫菜湯，抵食！啱晒平時午餐晚餐醫下肚仔。

星期日訓晏左🙇🏼‍♂️2點幾三點先食lunch清清地想食個粥同麵😁😁舖面細，唔想坐出面，等左一陣先有位😄😄柴魚花生粥$33都幾大碗，生滾粥黎既，即叫即做，唔錯喎！唔會好傑又唔會好水，柴魚花生好香，仲有啲雞絲喺入邊😋😋正👍🏻👍🏻推薦，配料花生蔥粒都幾多魚蛋麵走魚片$36，有六粒魚蛋，魚蛋都幾香口，有咬感夠彈牙啊麵質都唔錯，爽口👍🏻👍🏻👍🏻落埋辣椒油😆正👍🏻👍🏻推薦總結：抵食，夠大碗，選擇夠多，粥麵米線飯樣樣有👍🏻有下次！唯一係凍熱飲最少要加$6🙇🏼‍♂️🙇🏼‍♂️

中午叫左牛腩河，個牛腩河差到無人有：1. 把D牛腩頭頭尾尾砌比你。2. 牛腩就無啦，有少少牛肉又亁又硬。3. 肥油大大舊。4. 部分牛腩都吾知是什麼（不是肉，不是內臓，又不是腩）。4. 幾啖就食完，只覺得吃了一片生菜+河粉。吾好叫牛腩河，不如叫牛汁河算啦。

元朗粉麵舖大大話話都一百幾十間,而朱兆記都算係老字號,雖然店面比較殘殘舊,但別有一番人情味酸辣牛腩麵酸辣既酸,其實係酸菜,呢度既酸菜同坊間既酸菜魚果種死酸死咸,反而係一種甜酸,其他地方真係未食過,而牛腩份量好多,而且係坑腩,,加上爽口既梘水麵,成碗都非常出色,難怪咁多年黎都咁好生意。

牛腩麵由細到大都食唔少，但只有呢碗會令我掛住佢牛腩炆到入晒味，但又唔會散晒，啖啖肉入口鬆軟有牛味，蘿蔔又清甜，麵底爽口彈牙，每食一啖都要飲襯埋個湯一齊食。朋友叫左豬雜麵都好食，尤其是煮豬潤既時間岩岩好！ 唔會因為太老而變*鞋*

疫情前，久不久便到元朗文化康樂大樓附近覓食，每每必看到一家食店門外用餐的食客不稀，有次我們待不住，於是走到空桌、拿起餐牌查看，原來是家粥麵店！疫情第三波，平日早餐和晚餐自煮，星期六、日列作休息日。不堂食，覓食模式遂演變成為人肉外賣或網上外賣，因而有更多機會接觸以往沒到訪過的食肆。有天機緣巧合，在網上選擇了前述的粥麵店 — 「朱兆記」。麵與粥之間，我倆也偏愛麵食！就如大多數麵食外賣，「朱兆記」將湯與麵分裝，這碗上湯淡黃、帶有蒜粒和蔥粒，光喝稍為過鹹，不過放麵內，濃淡便配合得剛好！我點的自家製酸辣牛腩米線 HK$56，面層牛腩排得整齊，配上唐生菜、酸菜和肉醬，再泛出橙紅的辣油，賣相極為誘人，肚子在呱呱大叫，我的口水更不斷湧出！牛腩看似平平無奇，可是當入口後，味蕾卻被鬆軟的肉感、溢出的脂香、肉香、還有從牛腩淡淡滲出的醬香打動，帶出預料以外的靚牛腩收獲！近看一點，可見腩肉與牛脂夾雜的層層紋理，兩者來得非常融合，不見得過度肥膩，反之譜出脂香與潤澤合而為一的美妙口感，十分稱心美味！肉醬不似預期，卻富有自家特色！肉碎既沒有叫人難受的肥脂，又完全不柴，特色直接來自郁香而不過濃的醬味， 雖然不辣且帶點甜

如果要我一個字去形容朱兆記既食物（尤其係坑腩河），咁一定係個 「掂」字！單單個坑腩炆得夠冧身入味，肉既位置夠靚，就已經值回票價，唔好話佢個湯仲要好夠濃，蘿蔔夠甜（問左先知我好彩，有時係菜底）當然食完會少少口渴啦重口味野，杯奶茶都好得！以前住附近有得日日食咁滯，依家搬遠左耐唔耐番黎食一次都仲係覺得好正，加上裝修完之後衛生好多，值得推介！🤤抗疫期間，難得仲可以食到唔同小店既美食，真係要好好支持下佢地，唔好個疫情過後得番d連鎖店食🤦🏻‍♂️

朱兆記冇華麗嘅裝修而且仲有種日久失修嘅感覺。 普通人唔容易察覺佢嘅存在.但係食過一次就會返尋味. 尤其是酸辣牛腩米線，非常惹味而且份量充足，配上一杯濃滑凍奶茶簡直係最佳配搭。 茶味同埋奶味非常濃.正宗茶餐廳奶茶味。正呀。 酸辣牛腩米線用嘅係甜酸菜，所以唔似出邊嘅酸辣米線太辣或太酸既刺激。反而係甜甜惹味嘅濃厚湯汁。而且牛腩嘅份量非常之充足滿滿嘅一碗。煮得非常之入味及軟腍。 真係食到舔舔脷。平時食朱兆基嘅炸兩同埋豬膶腸一直都不錯的。腸粉軟滑， 但今次有少少失色，豬潤有少少鹼水味。呢間鋪頭味道好味，價錢抵，份量足，支持實力小店。必推介。

這個老店，有麵和粥，雖然店鋪簡陋，但出品真的不錯。我最喜愛吃他們的水餃麵，水餃大大隻，內裏包着木耳，豬肉，蝦等，味道和小時候吃的一樣，令人回味，而且非常爽口，吃幾個已有點飽。而牛腩也出色，林滑入味，非瘦均稱，又足料，值得推介。

是日放假，又同家姐&佢男朋友一齊揾食。由洪水橋出嚟，行到身水身汗都唔知食乜好 ╮(￣▽￣"")╭結果經過朱兆記，就喺門口坐低咗。其實嗰日完全唔肚餓，一啲食嘢嘅意慾都冇🤷🏻‍♀️不過點都要擺啲嘢落肚結果我就叫咗豬扒粗麵，而家姐就叫咗碗豬扒河。豬扒新鮮炸，阿姐拎上枱時聞到好香，即刻感覺肚餓咗！豬扒隔肥隔瘦，唔係乾爭爭嗰隻，好👍🏻而粗麵都好爽，完全冇皂水味，讚！地方係熱啲，因為我哋坐室外，但都算係另一種風味(>^ω^<)

元朗真係有太多特別色餐廳，收得早，大大碟，朱兆記就係其中一間，每次去到都係食爽腩撈麵，每次都有爽脯，種係大大碟，爽腩爽囗，麵大大碟，辣椒油好食，每次都要飲湯先，之後再食麵

咁啱病病地，除左海X之外真係唔知仲有邊度可以食下粥，於是上網見到附近見到呢間朱兆記好似比較高分就去試下。價錢中等，不算很便宜，也不算很貴，但早餐好像比較抵食。點左個皮蛋瘦肉粥同香蔥蛋花腸，粥面很多粥花，粥是綿的，入口感覺不錯，碗底的瘦肉是肉絲，而且咸度剛好，很啱喉嚨不舒服既人進食，讚！但香蔥蛋花腸就略為求其，極碟腸只有少得可憐既蛋花，也沒香蔥味，腸身本身也不幼滑，不太推薦。但見很多人也是推介麵類，可能點麵類會比較好。

呢排轉季皮膚差左，所以鐘意左食粥清下腸胃排毒～呢間鋪行經好多次，亦聽過好多人好評，今日第一次試呢間馳名粥粉麵檔揀左荔灣艇仔粥餐有set幾抵食，$30配油條/齋腸/炒麵 or $33配咸肉粽/炸両/腸粉(可選牛肉/蝦米/鮮蝦/叉燒）～我地揀左炸両，薄薄軟滑腸粉包住炸到脆油條，蘸少少豉油，好食！艇仔粥俾係單點既粥細碗少少，平時出面食到既艇仔粥會偏油，呢間無呢個問題！粥綿滑料足～單點鮮鯇魚片粥 $28，魚片新鮮無腥味，帶有少少魚剌，食個時要小心～粥好大碗，多到食唔哂

店在馬田路大坑渠旁，通往大劇院那邊。店內座位很少，見外邊架了蓬開著風扇，還是坐外邊，不過天氣真係好熱🔥🔥🔥除牛腩外，此店其實主打粥品，可配腸粉油條等🔥🔥🔥淨牛筋腩。用傳統五香柱侯烹調，這一碟是普通牛腩部位，雖然煮得入味，但肉質略粗。牛筋同樣味濃，燜得非常腍滑，比牛腩好吃。幼面好彈牙 女仔預咗食唔晒碟麵，事關朱兆記既份量真係唔少嘢，肉多麵多，可以分享俾另一半食👍👍👍我邊腩香、牛筋滑、價錢實惠 👍👍👍