權發小廚 (已結業)

今晚7點8左右，入到權發2個阿姐正傾計，我話：「3餸飯：要生炒骨、小炒皇、少飯……同埋雞。」見到阿姐執咗個2餸時，我話：「第3個餸要雞。」點知又開個新飯盒筆飯，我話：「剩係1個3餸飯。」阿姐埋怨我，之後最後比左$47，返到屋企發現係2餸。唔知呢啲係咪新手法，但店主絕對可以check cam，了解一下個對話，然後check返個阿姐埋怨我+收我$47比2餸。其實阿姐態度有問題，買開都知，但有心、還是冇心比錯？我剩係知應該提醒所有消費者，小心，尤其西灣河分店！

個阿姐開店應該係為咗同人嘈交過下日神，每次都見到佢串d客。去過三次，已經知道食物一般但求方便快捷唔使等。每次見個阿姐畢d餸入個飯盒都會避開重點，例如涼瓜魚柳，佢會避開好多魚，咕嚕肉會避開肉，9成都配菜。同好多間兩餸飯店舖相比，佢嘅動作超級明顯，即使係配菜，都會好唔捨得咁，慳住慳住咁。其他兩餸飯店，就算啲魚肉俾得少，啲配菜都會塞滿d，令你心情愉快。自己貪方便冇行去第二間，買個兩餸飯，問佢可唔可以多啲飯，唔Q睬我再秒左我一眼，好似我乞飯咁。連飯都咁唔捨得，可以喺餐牌寫明多飯要加錢。就係因為你哋份量少，客人先至要求多啲飯，唔係個個都要減肥。店內得個男人正常d，如果要多飯會俾多啲你，真係辛苦你，希望你唔係嗰個女人嘅枕邊人，佢連做生意都唔識，平時一定好計較。下次都係唔好懶，去附近或者aeon ，味道好態度好份量多，買得開心食得開心

唸住試下港島區分店的權發兩餸唔使去到油麻地咁遠款式都算多可惜個高大紮馬尾呀姐態度差店舖惠顧客人得幾個夾餸呀姐就2位都係行行企企 遊太空（唔緊要丫，無咩人買，打下牙較好正常）我講了要剩2餸，講埋2個菜名佢無反應 雲遊到我再講多次今次講慢左1個餸名（佢以為1餸）就話人講到咁樣樣我講第一次清晰時佢發緊夢講第二次 講慢左第2個餸 佢就吟吟沉沉態度不滿意咁 心唸使唔使咁多嘢講呀？應該唔會再幫襯可能有機會去油麻地鋪試下整體食物味道正常 份量剛好

夜晚7：30去到仍有大約10款小菜選，眼見有西蘭花炒大蝦，其實都預左唔會俾多蝦你，去到要揀餸時有個阿姐將所有大蝦撥埋一邊然後拎個大盒裝起晒，目測起碼20隻以上，装到剩2隻裝唔到收手，之後將盒蝦放後面，剩返成盤西蘭花。心諗自己要食都唔好甘張揚，過份左少少囉呢間嘢味道不過不失，但款式日日都係嗰幾樣野

晚餐時段只排10分鐘，以前大概20-30分鐘。質素比以前進步左唔小！款式同油麻地分店既差不多，雖然味道未至於代替到油麻地分店，但都唔差而且份量都係咁多。-🤍泰式肉排味道酸甜味剛好！肉質唔硬，但略為乾左小小，而炸皮淋上醬汁後都偏腍，不過就未去到皮肉分離既依點就油麻地做得比較好，就算淋上醬汁都會保持到脆口冇對比冇傷害，整體味道佢都唔差的，而且份量比油麻地仲多😂🤣-🤍栗子豆腐個人係唔中意食豆腐的所以比7.5已經算幾高分😆豆腐好滑，滑既程度似豆腐花！炒過之後都保持到依個水準已經無可挑剔，調味正常，有栗子香～-🤍黑醋骨黑醋骨不嬲係依間最快冇哂既皇牌黎❗️雖然肉質未去到嫩滑，仲小小乾，但大大件🤣醬汁甜醋味 味道都適中，稠度都好岀色，直頭做到拔絲效果☺️淋上醬汁後外皮都保持到脆口❗️

尋日天氣熱辣辣，唔想出街買餸。是但走去權發買一盒淨餸，諗住係屋企煮碗白飯當晚餐。中午4點見無人排隊，就馬上行入去。阿姐話西蘭花蝦仁剛炒出黎，我就叫左個西蘭花炒蝦仁同另一個餸🐷扒。返到屋企打開來睇，得一粒蝦仁咁大把，同老公都唔知點分黎食。你唔捨得俾人食，就同人講係清炒西蘭花啦。好過人地返到去打開得1粒蝦。好肉酸又小家囉！

疫情間長期一大條長龍，惠顧要預留時間。環境及衛生：店舖狹窄，一進店要告知店員選好哪款，然後該店員會盛菜並收銀。付款時是在餸菜上付，衛生有待改善。食物及服務：權發一直出名在餸菜質素，有多款選擇。今次選了黑醋骨及涼瓜班腩。雙餸價錢提升至$40。1. 黑醋骨一向很受歡迎2. 涼瓜斑腩以往都會選擇，份量都正常。不過，今次涼瓜班腩9成多是涼瓜，店員指是公司指引只可有3件斑腩...態度都不理想；怪不得碟內可見有許多斑腩，原來給顧客的是涼瓜，失望。按他所說的指引，其他餸都不應有多份量啦～雖然價錢是便宜，但這樣都不太恰當。服務質素其實一向都態度不好...雙餸來說近來都有不同其他店舖選擇。是否因店名氣度增加，而有如此改變？最希望是可以改善一下收款方法（衛生）。

粟米班塊賣相：🐧🐧🐧味道：🐧🐧🐧🐧粟米班塊用發泡膠盒盛載，粟米蛋汁直接淋在班塊上，未分開另上。有8件中等尺寸炸班塊，粟米蛋汁量一般。味道方面，班塊由於直接被淋上粟米蛋汁，外皮已變冧。班塊內裡軟嫩順滑，有魚味但不會腥。粟米蛋汁頗足味，有蛋香，蛋絲量不少。粟米粒偏少，粟米味偏淡。等候時間：🐧🐧🐧🐧🐧平日上午11點幾前往購買，不用輪候即時購買。服務：🐧🐧🐧🐧店員態度一般，做事有效率迅速。🐧❤️結語：味道頗佳，價錢合理，加餸一流。

咕嚕肉，涼瓜魚塊$38豆豉蒸倉魚，味菜炒鵝腸，兩餸飯$45（正常係$38，但因為叫左倉魚所以$45）.近期最旺嘅我相信一定會有兩餸飯，晚市冇得堂食唯有外賣，市面上有好多兩餸飯，權發嘅質素有一定嘅保證😬.兩送飯最緊要就係平靚正快分量多，好老實講味道就未必好㗎喇，但係權發個味道仲要好，買嗰日見到其他兩餸飯都冇乜生意😅.生炒骨當然一定係用冰鮮貨啦，但係佢嘅肉唔會剩係得肥肉，肥瘦均勻，個醬汁唔會太甜或者太酸，好味，而且差唔多有成10舊，真係好抵👍🏽.苦瓜魚塊苦瓜就比得好多，魚塊就被得比較少，不過自己揀呢樣餸嘅原因都係因為想食菜所以OK，苦瓜係一嚿嚿，食落爽脆，有鑊氣，魚塊炸粉上得岩岩好，食落肉質實正，唔腥，好味😋.豆豉蒸倉魚老實講，食過咁多檔兩餸飯我未食過一檔個魚係滑嘅，呢檔係滑嘅，食完真係嘩咗一聲，咁當然唔係好大條，但係食落去新鮮又滑，真係無得輸🥺.味菜炒鵝腸調味做得岩岩好，個醬汁又唔會太多，鵝腸食落去爽脆😃.白飯我想講其實呢個得好緊要附近有一檔兩餸飯嘅飯做得真係好難食，我永遠都唔會再去買，權發粒粒分明唔會太軟唔會太硬，抵讚😍.Cp 值及夠飽: 其實佢係酒樓嘅外賣質素但個價錢真係好抵，個份量

今晚買左兩合兩餸加一合白飯共$88。黑醋骨好惹味，生炒骨炸得過火有d乾身，兩款都係舊骨好大舊又冇乜肉。菜芯炒牛肉好有獲氣，另一個系什菜之類，冇試。合白飯就一般般啦。

平時經過，見到這裡有兩餸飯賣，今天在附近買完生果，就幫襯一吓。買了一個泰式豬扒+咖哩薯仔雞兩餸飯。負責夾餸裝飯的師奶員工態度悔氣，第一感覺已不好。回到公司打開飯盒時整個外賣袋都沾上咖哩汁，感覺好差，而薯仔雞內薯仔的比例太多，個汁冇乜咖哩味，準確些說應該是全個餸都冇乜味。 泰式豬扒味道正常，但肉質很硬很乾，size 大約半個手掌大一件，但三件都附好大條骨。$36 一個兩餸飯，價錢不貴，但態度 + 味道都 👎🏻👎🏻；附近太安樓都有兩三間兩餸飯舖頭，態度和味道都比呢間權發好，所以呢間應該不會再幫襯了！