杉原家茶屋

营业中

休息中

香港開咗好多間飯團店之中，其實我覺得呢間係最好食。唔似用機器生產出嚟，每一個都係親手做的。每個飯團個外表都好吸引。有啲飯團佢係會Show埋入邊啲食材。例如天婦羅，佢唔會用飯包晒。望落去都好足料。材料，飯兩樣都好食。店員啲服務都好好。我個人覺得大葉茄子嗰個飯團係最好食的。其他種類有天婦羅，鰻魚，雞蛋三文魚等等。如果要慳錢，或者要食得清淡健康，減肥，我都推介去呢間買飯團。工作地點近嘅人都應該可以經常利用。

行過TST見到間店，記得有報道講過係日本family 小店，所以試試佢～$17 木魚絲吞拿魚+ $14 笹葉団子（艾草紅豆）平時食華御結都幾鍾意食blend好嘅飯團，這家真心差唔多價但高質好多，飯好香調味剛剛好！有木魚好好咬～～立即encore 再試食埋其他item:🍤🍙$19 炸大蝦沙律畢竟炸完之後放雪櫃都唔會脆，但都ok, 味相對地light 一點，但食到米香～🍵🥛$15加配抹茶鮮牛奶見其他食評話少奶/苦，for 唔好甜嘅我覺得剛好，因為牛奶本身都有微甜，我幾喜歡這個比例。🍢$10 麻糬福袋年糕是mochimochi 軟糯的～湯底唔會人工咸👍🏻回家再食埋個団子🍡 也是幸福感軟糯～ 親切的小店配上這個價位決定再去TST 必定encore 🫶🏼

咁啱行過未食飯想買small bite，俾佢個飯糰吸引咗，價錢唔貴，買咗個炸洋蔥櫻花蝦口味，味道仲好好食，係傳統日本飯糰嘅製作，見到老闆係日本人，完全感受到佢認真烹調嘅態度！相比華御結價錢仲貴，又唔係咁好食賣貴少少都ok啊，最緊要小店做得住😊

今日夜晚去尖沙咀呢一邊飲酒同朋友吹吓水，決定喺飲酒之前食少少嘢，但係又想食少少輕食，咁啱行到嚟K11附近呢一間食關東煮嘅舖頭，咁夜原來佢都仲未收，餐廳主打飯團，關東煮，側邊仲有一個飲品櫃！比較推介，有佢嘅日式福袋關東煮，入邊充滿麻薯，煙煙韌韌咁非常好食，再加埋佢個湯底，本身原來係用真嘅魚去煲，唔係用味精溝出嚟！一路食佢嘅關東煮再一路飲湯！都幾正！另外佢嘅蘿蔔都做得非常入味，非常清甜！下次有機會會試埋呢一間餐廳嘅飯團同埋佢嘅炸薯餅！

成日經過杉原家茶屋都心思思想試,見佢仲要係日本集開，更加想試。佢價錢講真中等，唔會太貴，今次晚餐時間前快食咗個昆布辛子明太子飯團$19，加個盒炸竹輪$12，即係fish paste cake, 再跟餐咁加樽抹茶鮮奶$18,都幾夠飽下。飯團好食過華xx...... 但炸竹輪比較普通。抹茶鮮奶少少失望，太苦啦，鮮奶少綠茶粉太多，難入口。成程其實見都多在港日本人食，應該岩日本人口味。總括而言，我會encore飯團，其他不了。推薦指數：

牛油果控必試🥕牛油果milk芝士奶蓋$38⭐️⭐️⭐️⭐️⭐️芝士奶蓋比較少，都滑身微微既鹹香。見到店員真係放左成個牛油果落攪拌機，再加入牛奶，飲落口真係好重牛油果味，中意牛油果既真係可以試下，飲完都幾飽下。======詳情======杉原家茶屋尖沙咀加拿分道33號發利大廈地下2A號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #尖沙咀好去處 #尖沙咀美食 #RR尖沙咀 #RR飲品 #飲品控 #奶蓋控 #奶蓋關注群組 #牛油果 #芝士奶蓋 #牛奶 #奶蓋 #牛油果飲品 #飲品 #杉原家茶屋

杉原家茶屋 Sugiharake Chaya📍尖沙咀加拿分道33號發利大廈地下2A號舖呢日約咗喺尖沙咀做牙科覆診，朋友陪我上去診所之前，想買少少嘢食頂肚餓同做宵夜，所以行過呢間由日本人主理嘅茶屋，就買咗幾個試下！ 💰$17味噌醬茄子 🍆🍙我對呢款茄子最有期望，因為除咗喺壽司郎有得食味噌茄子壽司之外，都比較少見到有壽司或飯團會用茄子做配料。佢嘅調味比較淡，味噌醬唔係太突出，茄子都算好味嘅，但整體口味較淡，始終係手作嘅小店，相信唔會落太多味精或調味。 💰$18三文魚絲玉子燒 🐟🍙三文魚絲唔算多，存在感不大，但玉子燒燒得好食夠厚身，而且甜度適中，真係好有日本家庭感！有少少可惜嘅係啲飯冇想像中咁軟身，咬落有少少硬，影響咗整體嘅食感。 💰$19炸大蝦沙律 🍤🍙炸蝦調味偏淡，炸漿亦因為包住放落雪櫃所以唔係脆口，不過不失咁。我鍾意佢個他他沙律醬，同個飯團好夾！同上面兩款嘅問題一樣，飯比較硬，而且好易散，有少少影響口感。 💰$18抹茶鮮奶 🍵抹茶鮮奶一向都係我最鍾意嘅飲品，呢一枝樽仔版嘅好可愛，奶味好濃，綠茶唔會苦澀，而且佢嘅比例應該係奶多個茶，啱晒我嘅口味！雖然飯團嘅飯食落偏硬易散，但佢嘅紫菜都係脆

認真post間野飯團好多都好好食。不過冇乜人會特登留意佢賣既味噌湯。佢地既味噌湯真係好好飲，值得一試！飲過幾次，味道真係吊打日式餐廳既味噌湯。個湯仲有好多配料。日本人家常味噌湯味道，認真，$18一碗真係幾抵飲。

你好小編：其實呢度全部都係原圖，我哋已經更改過四次，請問邊一張圖有問題？請回覆。🍙杉原家茶屋🍙尖沙咀鬧市區，一餐飯就要40蚊，想平平地填下肚，咁啱就俾我搵到杉木家茶屋！🍙☘ 三文魚明太子飯團👍🏻 $20➪ 一咬開，🤩佢就好似日本街頭可以買到既味道，飯團係軟身彈牙，係新鮮飯團既口感呀🤩三文魚同明太子份量都相當多，咬到最後一啖仍然滿滿魚肉🐟🍣呢幾年香港既飯團做了不少改善，依家已經可以係鋪頭買到較為新鮮既飯團，而唔係隔夜飯又硬又乾既口感🥹～不過果然飯團要食新鮮即日買既先最正☘ 素食五色飯飯團👍🏻 $20➪ 感覺上好健康😚😚食多舊完全無負擔佢入面既蔬菜唔單止為飯團添了色彩，更為飯團增加了粒粒口感。

杉原家茶屋🍙 @sugiharahk 由一對港日母子家庭式經營嘅飯團早餐店，全部手握嘅日式飯團選擇多！口味偏淡。米飯一粒粒圓潤飽滿，唔會有黏住嘅感覺。每一舊嘅份量都好飽滿，做早餐充飢啱晒(⁎⁍̴̛ᴗ⁍̴̛⁎)而且佢嘅紫菜唔會淋晒，食到最後都仲係脆口的！☁️炸大蝦🍤沙律 $19最愛🤍回購過幾次！推薦！飯團入面包住兩隻大蝦，好多他他醬，咬落去感覺好幸福(˶‾᷄ ⁻̫ ‾᷅˵)醬料餡料同飯嘅比例啱啱好。☁️鮭明太子飯團🍙 $20呢款飯團係我哋比較熟悉嘅日本飯團三角形形狀。入面有三文魚同埋明太子，食落口感都幾好，兩種魚放埋一齊都夾的。☁️三文魚絲玉子燒 $18一大舊玉子燒(好滿足！）食到落去會有少少三文魚絲鋪底(˶‾᷄ ⁻̫ ‾᷅˵)幾好食，但冇乜醬汁會有少少dry(´･_･`)

家庭式經營，由日本師傅手作既飯糰，貨量唔會好多，買完再即整，確保質素。人手製作又唔會雪好耐，比起機製既自然更鬆軟昆布辛子明太子飯糰飯糰中混合左紫蘇、昆布、醬油，飯粒煙韌帶少少Q彈。餡料辛辣明太子量足且鹹香惹味。木魚絲吞拿魚飯糰吞拿魚量好多，但就相對較清淡無咩醬汁乾身少少麥茶選用日本直送茶葉，店員介紹呢款麥茶特別在於冇咖啡因，但茶味又夠香濃。喺入寶勒巷轉角位置，店鋪除飯糰、茶飲外，眾有其他特色飲品不妨一試。如想買既飯糰賣曬，可詢問店員可否安排師傅即時再包。