李家 (筲箕灣道) (已結業)

伏！伏！伏！伏！伏！伏！伏！伏！伏！伏！伏！伏！伏！伏！伏！伏！第一次寫食評因為真係頂唔順！諗住復活節開心吓叫個炸雞點知叫咗間超級伏！叫咗個半半炸雞，半半嘅意思可能係剩係得雞嘅一半..........？？！ 食落好厚炸粉，仲有啲雞肉勁鞋，又乾又鞋！係超級鞋！！！！！！！！！ 好似食緊舊炸垃圾咁！ 完全浪費咗我個胃嘅位置！ 更加浪費咗我復活節嘅好心情以為有啲醬汁會好食啲？？ 個醬汁甜到死一啲都冇辣味，為所有嘢都係買返嚟叮翻熱比客人食，完全無韓國炸雞嘅味道！伏！

今日心血來潮想吃韓國炸雞，發現西灣河的李家搬了新店，跟舊址反方向，只需要上一樓電梯就到達。餐廳裝修以橙色為主調，燈光明亮，加上有玻璃窗，採光更好。前菜是沙律和白蘿蔔，酸酸的很開胃。⭐️蜂蜜蒜蓉炸雞$198蜂蜜蒜蓉炸雞的醬料非常多，趁熱食入口脆卜卜，外脆內軟，雞肉也很嫩滑，令人意猶未盡。⭐️鐵板燒牛仔骨$198牛仔骨底下鋪了洋蔥，牛仔骨醃得很入味，入口很有嚼勁，最喜歡吃牛仔骨的邊位，筋肉相連更滋味！⭐️蒸水蛋$58韓式蒸水蛋加入蘿蔔粒，入口香淡，加上酸辣汁，清淡又健康。

選擇搬上樓上鋪都幾risky 始終人流應該都會減少左 連我自己經過樓下幾次都冇上過去睇 今日起身諗唔到食咩 係馬路邊見到佢放左個Menu display, weekend都有做lunch set, 價錢大概50幾蚊起跳有一個餐 其實都好抵 一於試試嗌左三樣嘢食 每樣嘅水準都合乎預期 我覺得唔錯-5X/6X$ 豬肉石鍋飯熱辣辣 只係50幾蚊好抵-128$蛋捲拉絲切開充滿芝士 趁熱食好味道-97$炸雞皮脆卜卜 咬開亦有肉汁 不過唔係嫩滑 份量就如圖

李家 西灣河筲箕灣道180號1樓今日係第一日嘅公眾假期，可以同Zita出嚟Chill下，兩個人生第一次出到西灣河，原來西灣河係黃色嘅車站。我哋兩個心有靈犀喺冇約之下襯左！襯埋隻公仔比卡超同埋毒氣丸。無骨原味炸雞半隻$93原味都係由佢獨有嘅香味，唔咸，外脆，熱辣辣，索索聲，雞肉嫩滑，一啖一塊。點埋佢嘅酸辣汁，越食越想食。店員超級好為我哋準備咗手套🧤用手食好地道前菜係酸蘿蔔同埋韓國醬汁生菜絲，店員好好留意到我哋食完之後，問我哋會唔會Refill，我冇諗過可以refill前菜‼️😯驚喜雞泡魚乾$98店員青春熱情同埋好好👍🏻服務，雞泡魚送上枱嘅時候幫我哋剪埋，點沙律醬超好食😋有花生配襯真係最好嘅小食，呢個用嚟送啤酒就一絕👌🏻雞泡魚好難喺香港食到，佢比油魚竿多咗一重有魚油嘅味道，肉質係甜嘅。西柚梳打$38有少少嘅澀味，酸酸甜甜解渴，用嚟送炸雞就最啱。士多啤梨梳打$38我問店員邊隻係最甜嘅梳打，佢話士多啤梨🍓真係好啱我咁鍾意飲甜嘢嘅人。荔枝烏龍茶荔枝味濃郁 加$7菠蘿汁甜甜好啱我飲菠蘿勁香$7食飽後就行Daiso，爽😊

李家係咪轉左廚？！轉左手？！ 好耐以前食過質素冇今次咁差 ！！今次食過之後以後都唔會返轉頭 ！！炸雞質素已經好似KFC咁!!!!!我哋仲叫咗個燒五花腩肉，都要成$198！ 未計加一！足足等咗30分鐘先嚟到？但一上台五花腩肉有幾舊唔熱嘅？？！！ 其他就熱到似係微波爐翻叮 ！然後有幾件肉唔係完整！有啲好似俾人咬咗一忽咁 但泡菜又竟然係熱嘅？好奇怪！！！！呢間李家真係好難食，係咪太少人去所以食物質素好差 

食完又食炸雞店🍗半半炸雞餐：🍗無骨蔥炸雞（$108）好味指數：👍🏻👍🏻👍🏻👍🏻👍🏻 一如既往，熱辣辣送到你手，而且炸漿皮簿，絕對唔同平時快餐嘅炸雞。佢面頭有超多大白蔥絲，炸雞淋左甜甜酸酸醬汁，食落去大白蔥嘅香氣散出，配合得非常好。🍯🧄蜂蜜蒜蓉（$113）好味指數：👍🏻👍🏻👍🏻👍🏻👍🏻 呢個簡直係小編嘅最愛口味！店家加左好多好多香甜蜂蜜，另配上蒜蓉同埋原粒蒜頭，食到濃郁嘅蒜香同埋蜂蜜嘅甜味，簡直係絕配。小編一食就停唔到口😆。🍳芝士雞蛋卷（$128）好味指數：👍🏻👍🏻👍🏻👍🏻👍🏻 首先賣相已經贏左一半，再加左嫩滑雞蛋包住濃厚芝士，配合茄汁同介未漿汁。雞蛋控嘅朋友必試。🍹藍色多腦河（$38）好味指數：👍🏻👍🏻👍🏻👍🏻藍色色調嘅飲品，帶有微微嘅橙香氣。🍹白桃乳酸果汁（$28）好味指數：👍🏻👍🏻👍🏻👍🏻👍🏻 呢款飲品主要嘅味道係白桃果汁，再加上乳酸味，都幾清新。🪑環境有好多卡位，適合1-6人入座。以下係餐牌俾大家參考一下：

今日同女朋友黎到西灣河想食香口野，經過見到呢間炸雞店有新店！點可以唔入去試下！餐牌好多選擇，除左招牌炸雞，仲有好多正完韓國菜式原味炸雞(無骨)食炸雞緊係無骨啖啖肉最爽快唔係間間炸雞店都有無骨提供呢一點好欣賞都係我喜愛李家既原因炸雞火喉剛好皮脆肉嫩肉汁鎖住哂一咬就爆出黎因為醃得入味，原味既味道都好夠蜂蜜蒜蓉炸雞(無骨)一個味道又點夠呢個蜂蜜好惹味甜而不膩好開胃推薦！泡菜餅泡菜味濃但又唔會太辣海鮮足料，餅皮亦鬆軟成個味道好豐富

睇完韓劇又想食炸雞了!!上次食完李家一直念念不忘，見到港島都開左新分店，一於又去試下先～餐廳潔淨明亮，二人卡位夠哂闊落。西灣河分店既員工都勁NICE，個個都好有禮貌，大讚！！一坐底就獲奉上沙律菜同醃蘿蔔，酸咪咪夠哂開胃。炸雞口味有勁多款選擇，可以自選半半炸雞，試到兩種口味～青辣椒蛋黄醬炸雞面頭鋪滿蛋黃醬，中間夾雜大量生洋蔥絲，食落微酸好清新，配埋炸雞一齊食就岩哂。蜂蜜蒜蓉炸雞香甜既蜂蜜夾雜香濃蒜蓉，無骨啖啖肉，食落好過癮～芝士雞蛋卷質感軟綿香滑，咬開仲有拉絲芝士，每啖都充滿蛋香，又夾雜濃濃芝士香，好正～雞泡魚乾大大塊雞泡魚乾，口感外脆內軟！

質素一向有保證嘅李家再開新店，今次嚟到西灣河，餐廳比起其他分店感覺更寛敞同光猛，亦適合一家大細用餐，可以吸引更多客源。西灣河店嘅半半炸雞有得自選配搭，而我都係揀番我最鍾意嘅原味同甜辣，要無骨炸雞可以大啖食好方便。李家嘅炸雞真係做到皮脆肉嫩嘅效果，特別係甜辣炸雞，外面裹滿醬汁裏面仲要有肉汁，十分滋味。海鮮蔥餅都係喺李家必嗌嘅下酒菜－蔥餅加上魷魚、蝦同蜆肉，口感豐富，蔥餅唔易散開，點埋韓式醋醬更好味。午餐時段飲品有優惠，罐裝柑橘汁幾好味唔會好甜；特飲彩虹梳打冇優惠但幾大杯，西柚味酸酸甜甜唔錯，食完炸雞飲係爽呢～

正宗韓國炸雞李家有好幾間分店，都吾係第一次利啦，今日同朋友係西灣河，又幫襯下！個炸雞真係食極都吾厭，蜜糖大蒜味炸雞，香甜可口嘅汁帶著蒜香味，咬落啖啖肉，好好食，好滿足，半隻雞已經好多，好飽！芝士雞蛋卷味道一絕！雞蛋包卷住芝士，一食就拉絲，好特別，味道又香又芝士味濃，呢個必叫！海鮮蔥，薄餅底，加上鮮蝦，尤魚絲，好味又飽肚！最後叫左個魚餅湯，清清地，加埋魚餅同蘿蔔，幾好食，送炸雞都幾好！下次再嚟過幫襯！

今日兩個人好想食韓國嘢，喺西灣河見到有間新開嘅韓國餐廳，就走上去試吓。原來之前西灣河都有一間李家，係搬咗個舖位嚟呢度。一開Menu見到好多嘢食，太肚餓嘅關係都叫咗唔少嘢。半半炸雞，原味加甜辣，全部都係即叫即炸，一嚟到熱辣辣，原味好脆，最估唔到係甜辣竟然有啲醬包住都可以好脆，加上個甜辣醬好開胃好好食，真係好正！海鮮蔥餅，好大份，海鮮都好多，魷魚，蝦，蔥，成件事好正好吸引，成塊餅個size大過塊面！兩個人食好夠！米腸年糕紫菜卷套餐，先講吓個年糕，唔太辣，啱晒我呢啲唔食得辣嘅人。跟住米腸加鹽一齊食估唔到又幾好味，你唔會覺得好dry。個紫菜卷又係即叫即炸，加埋秘製醬汁，熱辣辣真係一流。整體來講真係唔錯，啲嘢都好大份，依度裝修環境都幾靚，樓底好高，坐得好舒服，職員態度又好，一定會再嚟幫襯。

星期六同朋友搭船去咗西灣河嗰邊行吓，沿途竟然被我哋發現呢區都有「李家」，實在估唔到呢！好耐無食過炸雞啦😍，所以我哋二話不說就搭𨋢上去幫襯。餐廳環境裝修同尖沙咀店差唔多，都係有一大個影相打卡位📸，而牆身就以橙色為主色調，空間闊落，坐得舒服。另外，女店員們服務態度親切，主動為客人添加前菜，抵讚！李家主打韓國菜🇰🇷，除咗炸雞之外，佢仲有鍋物同鐵板肉等，比較驚訝嘅係仲有蛹湯同蝸牛肉冷麵🙈。食物定價屬中上水平，不過勝在大大份，適合一大班人食。青辣椒蛋黄醬炸雞($118/半份無骨)，🍗炸雞有接近十款口味選擇，樣樣都好吸引，令人花多眼亂😝，幸好有得自選半半，都叫做可以一次過滿足兩個願望。第一款造型出眾，因為面頭有一大堆蛋黃醬，望落好似好膩，但其實微微酸幾開胃，而且中間仲加入咗好多生洋蔥絲🧅，口感爽脆。蜂蜜蒜蓉炸雞($113/半份無骨)，第二款係小朋友口味，因為係甜甜嘅蜂蜜味🍯，而蒜蓉就剁得好碎而唔辣，兩者好搭調。蜂蜜份量多到流晒落底，不過又唔會浸淋炸雞皮。炸雞可揀有骨或冇骨🦴，但就唔能夠雙併。我要咗無骨，啖啖肉，而肉質亦唔嚡，但朋友就略嫌炸皮較為厚身。韓式魚糕湯($158)，魚糕湯明明係韓國街頭小食

🇭🇰正宗地道韓國炸雞🇰🇷【#李家 】🍗半半炸雞無骨 $178原味加甜辣味嘅選擇真係不得了，一次過可以試晒兩種口味，再加上無骨炸雞啖啖肉，每一口都充滿住肉汁豐富嘅口感，原味外皮香脆可口，甜辣口味醬汁滿滿再加深炸雞嘅層次感，十分推介！🌽芝士粟米 $128半溶嘅芝士粟米，鐵板上熱辣辣夠晒香味，每一口仲有啖啖嘅牛油香氣配合埋芝士簡直一流！🐂鐵板炒牛肉 $168完全係韓國嘅口味，超級好味嘅鐵板醬汁，配上香噴噴嘅炒牛肉，配搭埋洋蔥一齊炒得更香濃惹味！🥤西柚梳打 $38解渴消濟一流嘅西柚，加上梳打甜度適中！⚠️加一服務費⚠️📍李家 (西灣河)西灣河筲箕灣道180號1樓3號舖

意外發現呢間李家位於港島新開嘅分店。餐廳都幾闊落而且大部分都係卡位，坐得都幾舒服。芝士味炸雞(半隻)拼醬油炸雞(半隻) $201黎得李家當然要食炸雞，今次就揀咗芝士味拼醬油味半半有骨炸雞。芝士味炸雞係喺炸雞面頭撒滿芝士調味粉，除咗食落啖啖有好香濃芝士味，仲帶少少辣味，芝士控必試。至於醬油味，特製醬油非常入味，炸雞食落相對冇咁熱氣。鐵板燒牛仔骨 $198另外叫咗份燒牛仔骨，用鐵板上，一上枱就聞到勁香。牛仔骨肉質都算腍，墊底嘅洋蔥都唔錯，除咗有本身嘅甜味，更加吸收哂牛肉嘅精華。我哋午市時段去幫趁，跟罐裝飲品只需要+$7就有一罐，種類選擇都好多，大部分都係韓國特色嘅飲品。。。李家 (西灣河)西灣河筲箕灣道180號1樓3號舖。。

西灣河 李家呢一間炸雞店我就食過幾次今日黎開西灣河咁啱唔知食咩好就決定咗去幫襯西灣河嘅李家裝修得好有特色好多畫好似一個小型嘅藝術展咁黎打卡都可以嘢食方面都係傳統嘅韓國炸雞炸雞就當然要食佢嘅原味original就一如既往咁好食半份都有超過10舊都算幾抵食炸得香脆之餘，入面嘅雞肉仲係多汁另一款試咗新野蛋黃醬洋蔥味面頭鋪滿蛋黃醬比起原味佢有佢有洋蔥嘅野性又有蛋黃醬嘅酸味去中和下油膩咁令到成餐都食得好開心嘢飲叫咗韓國嘅桃味汽水都幾好飲另外仲叫咗個海鮮湯海鮮湯有幾隻蝦又有蟹鉗又有魷魚仲有韓國嘅泡菜飲完成個人都煖晒啱晒喺依啲凍凍地嘅天氣飲