李家 (筲箕灣道) (已結業)

李家炸雞新分店，空間非常寬躺，有別於其他分店，西灣河的新分店有戶外用餐位置，在疫情期間適合不過，空氣更流通。而且西灣河的店長女士非常有禮，殷勤親切的服務，今天點了芝士辣雞炒年糕，因為芝士相當澎湃，而且是拉絲芝士，店長女士細心的為我們提供鉸剪，讓我們剪開芝士食用。期間有個小插曲，一位女店員不慎將我們店的食物送錯了隔離枱，她發現後，先向我們交代然後主動到廚房更換一盤新的給我們。服務態度非常值得一讚👍🏼辛辣麵 $58 芝士辣雞炒年糕$168芝士雞蛋卷$128 青辣椒蛋黃醬炸雞(有骨) $113

西灣河新開咗間正宗韓式炸雞「李家」據說「李家」的權師父是香港第一個引進韓式炸雞的人。因為新開的關係，餐廳很明亮簡潔，給我年輕活力的感覺。既然餐廳主打韓式炸雞，叫炸雞是必定的動作，要了一份自選半半炸雞，即一隻雞兩種味道，韓式冇骨咖喱味炸雞和無骨甜辣炸雞、泡菜煎餅和牛肉炒粉絲。咖喱味炸雞和甜辣炸雞分開兩個籃子上，這裡的炸雞分量真的很多，而且即叫即炸，酥香好味😋。我個人很喜歡咖哩味的炸雞，金黃酥脆的咖喱外皮帶些少甜味，非常香口惹味，而且雞肉新鮮嫩滑多汁，啖啖肉唔使𦧲骨，超啱我這個食肉獸。至於甜辣炸雞是在原味炸雞基礎上，再回鍋包裹著甜辣汁，很開胃的醬汁，連小朋友也接受的辣度，如果喜歡辣的朋友就要叫連骨辣雞，冇骨雞的辣度只啱小學雞🤣泡菜餅，很有特色的韓國煎餅，泡菜把煎餅染成橙紅色，非常漂亮。煎餅的餡料除了泡菜外還有鮮魷，煎餅煎很香口又是鮮味。牛肉炒粉絲，超過份量，用的是韓國粉絲，韓式粉絲煙韌彈牙，搭配很多香菜，紅蘿蔔絲、金菇和牛肉，味道鹹中帶點甜，跟在韓國吃的一樣👍🏻。

西灣河韓式餐廳李家轉左個新位又新裝修，近排心思思想去食炸雞，就試試呢間。一上到去都幾多人食而且真係有韓國人食，講住韓文，令到我對餐廳信心大增。半半炸雞(原味+甜辣味)，新鮮炸起，脆卜卜，肉汁飽滿，我地叫既係有骨，除左翼同鎚都有好多其他雞件部位，份量大，件數多。本身D雞已經有少少辣。原味既雞肉味出D但有甜辣汁既又惹味D，每件都沾滿醬汁。韓式烤牛肉粉絲，好大碟，材料有菠菜、牛肉、紅蘿蔔絲、冬菇、金菇，配料滿滿，有麻油香氣，味道香濃，唔會太膩。韓國魚餅湯，有香濃魚香，魚餅薄又爽，亦都有彈牙魚棒，一個湯有好多唔同口感。而且覺得可以解渴又解下辣，襯天氣未算太熱都幾正。開胃小菜有醃蘿蔔同椰菜絲沙律，沙律有千島醬，清新好味。我另外好鍾意佢既佈置，除左signature 對翼，仲有好多經典既外國歌手同演員既poster，有retro feel，成間店橙色亦好醒神。有好多韓式罐裝飲品，都好想一試。每張枱都有一樽水，真係好有去韓國既feel!

蜂蜜蒜蓉x青辣椒蛋黃醬炸雞🐔🍗 ($108+$113)炸雞可以叫雙拼試多啲味，即叫即炸雞皮很脆入面充滿肉汁，比較喜歡有骨的炸雞，又有雞鎚又有雞翼。蜂蜜蒜蓉味很甜🍯，入面仲有蒜蓉炸蒜，青辣椒蛋黃醬味少少辣蛋黃醬同炸雞幾夾。芝士辣海鮮炒年糕🧀🐙 ($158)依個有超級多芝士…成個面鋪滿晒拉絲芝士去焗，芝士下面有青口，蝦，八爪魚等等嘅海鮮，仲有年糕同烏冬，所以超級飽要多啲人share嚟食！辣醬唔算太辣甜甜地，年糕很煙韌。.

🙂 芝士雞蛋卷$128 雞蛋捲分量十足，較為厚身，雞蛋卷外有茄汁醬及黃芥辣醬，內有滿滿芝士，可惜因為外賣所以凍哂一食落去啲芝士都硬晒🥲 雞蛋卷亦煮得較老，食落吾係軟綿，係硬實😂自選半半炸雞😊 甜辣炸雞$93甜辣炸雞醬汁偏甜食，唔會太辣，好岩吾食得辣既朋友仔。醬汁都好多，食到最後都仲有醬汁，岩哂中意食醬既大家😊 蜂蜜蒜香炸雞$108炸雞外皮酥脆內裏嫩滑，鋪上甜甜嘅蜂蜜味加埋一塊塊嘅蒜頭，食落都吾錯，不過蒜香味未算太足，如果蒜味再融入多啲落醬汁到會更加惹味！抵食程度：⭐️⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️（滿分：⭐️⭐️⭐️⭐️⭐️）

位於西灣河的地道韓國菜餐廳，香港有幾間分店，主要是韓國炸雞、各款韓式小菜、麵條、滾湯等。牆上掛滿了特色鐵牌，還有電視及霓虹燈光管。點了餐後，店員會奉上三款前菜，有醃酸蘿蔔、沙律菜及韓國泡菜，味道都是酸甜辣，開胃小碟。韓式下酒菜：泡菜餅配料主要是魷魚及泡菜，令煎餅變成橙紅色。一大塊煎餅，外皮薄薄微脆，裡面軟腍，可以蘸上酸甜的醬汁，減少油膩感。炸雞：原味炸雞原味炸雞一整籃，有骨或無骨選擇，有骨的雞肉會更加嫩滑，雞肉味香，份量大份，炸雞每隻都大大一隻，油炸香口，但不會覺得吃膩。內裡的雞肉嫩滑，肉汁滿滿，不過略嫌味道不算入味。韓餐：蒸水蛋韓式蒸蛋以韓式陶鍋煮蛋 ，有效保溫，而且蛋的底部更加是焦焦的。韓式跟港式或是日式的蒸蛋十分不同。韓式蛋不是那些滑溜溶在口裡的口感，而是是脹鼓鼓的，堅挺實在的，蛋香味濃，混入雞湯及其他蔬菜粒粒，很適合拌飯一併吃。韓餐：年糕餃子湯熱騰騰的高湯清甜，年糕蠻多，口感軟糯；湯底還加入餃子，要趁熱吃，因為餃子皮浸久了，就很容易就會破爛掉。

食過尖沙咀李家，食過翻尋味，今次經過西灣河發現呢度都有李家，就比佢吸左入去再食。呢間李家都幾大，仲有露天座位，感覺好悠閒，坐得舒服。呢間李家都有招牌天使翼打卡位架。我地又食呢度既炸雞，今次試醬油口味，微咸帶甜。啲雞膇好嫩，好juicy。韓式魚餅湯，呢個我都好鐘意，個湯好清甜，有芽菜，有唔同款式既魚餅，嘩，原來個底有仲有咁多魚餅架。煎粉紅腸仔餅，🤣點呢個比人話小朋友，都幾得意呀，一塊接一塊，咁大碟最後都食哂呀。

好耐冇食過韓國炸雞，之前幫襯過尖沙咀嘅「李家」，印象唔錯，最近瀏覽 IG，得知餐廳喺西灣河開咗新分店，趁今日假期，專登過去食返個午餐。環境好闊落，設計時尚而舒適，四周置有大電視不停播放 K-Pop MV，配以牆身上嘅裝飾，好有氣氛，充滿韓國風味！ 一坐低店員就隨即送上醃蘿蔔同椰菜絲沙律各一碟，醃蘿蔔酸酸甜甜，作為開胃的前菜很不錯；椰菜絲沙律加咗千島醬，清新爽口，可平衡炸雞嘅油膩感。至於食物方面就點咗無骨半半炸雞 ($178)、鐵板燒豬肉 ($158)、炸小蝦 ($98) 同 飲品等。炸雞份量十足，包括有一半原味同一半甜辣味，送上桌時仍新鮮熱辣，食落啖啖肉，熟度亦均勻，外皮薄脆，原味鹹香，咬開後見到雞肉皮光肉滑，肉汁飽滿！至於另一半甜辣炸雞，調味亦一流，炸雞嘅外層好似 Coat 咗層甜中帶辣嘅脆糖一樣，食落焦甜微辣，非常惹味。另外客鐵板燒豬肉亦做得很不錯，肉片肥瘦適中，質地柔軟又富天然肉香，墊底有好多炒過嘅洋蔥，洋蔥爆得很香口，夾埋豬肉片一齊食，滋味無窮。至於以籐籃盛上嘅炸小蝦 ($98) 亦好值得畀個 Like，新鮮炸起，熱辣辣，入口香脆又不油膩，用嚟送酒真係一流！ 飲品點咗韓國咖啡

最近狂煲韓劇，係咁睇到d男女主角去食炸雞同年糕真係吸引到我好想食炸雞同年糕！西灣河店還有小露台位置，春天秋天坐室外食炸雞飲凍野一定好爽！感覺還有濃濃的韓國feel! 全餐廳的裝修用上了濃濃的橙色配上韓式復古小海報～溫暖舒心！我們點了雙拼的無骨炸雞～蜂蜜蒜蓉味和青辣椒蛋黃醬味～ 2款口味都超好吃！大贊！蜂蜜蒜蓉味有甜甜的蜂蜜配在肉質鮮甜的炸雞上，真的是一流的味蕾享受！青辣椒蛋黃醬也很好味，配著青瓜絲一起吃，口感多層次，把炸雞變出了層好豐富口感！還點了芝士雞蛋卷，職員送上來的時候，真的有比驚喜到，超級大一個！切開可以拉出厚厚濃濃的cheese!主食是芝士海鮮年糕，濃濃的芝士蓋在海鮮烏冬炒年糕上～ 年糕份量好大！非常足料～ 海鮮有蝦，魷魚等飲品是雪梨汁～ 非常美味！餐廳服務好好，職員也很友善，蘿蔔和沙律也是無限添加的，桌子上濕紙巾，消毒啫喱，還有水可以無限飲用，用餐環境和體驗也很好！

❤️好開心屋企附近開咗🇰🇷李家，之前食過其他分店都覺得味道好正宗😋週日嚟到西灣河分店，佔地全層，非常闊落，卡位好舒服。餐廳仲播放韓國嘅mv🎶，充滿地道韓風。🧀🥚芝士雞蛋卷$128滑溜嘅雞蛋捲住拉絲芝士，健康又飽肚。🍲砂鍋牛肉$188砂鍋盛載，上枱仲滾緊，熱辣辣，好啱冬天食。超多牛肉，仲有粉絲，金菇，洋蔥絲， 湯底有d似日式壽喜燒。😍🥢年糕餃子湯$98暖胃嘅菜式，有餃子同年糕片，仲有紫菜絲同蛋絲，湯底清甜，我地飲曬所有湯😋🍋檸檬梳打$38大大杯好清新。

星期六同老公行完犀牛石，搭巴士返西灣河，順道食個早晚餐。行完山消耗左體力，就有藉口食啲邪惡食物，於是去左食韓國炸雞。前菜食完可以加添。半份無骨青辣椒蛋黃醬炸雞跟洋蔥半份既份量都幾多，即叫即炸，熱辣辣，外皮炸得香脆，醬汁幾惹味，啖啖肉。牛肉炒粉絲上碟俾佢個份量嚇親，超大碟，除左牛肉，配料都好足料，超飽肚。韓式魚餅湯上碟出晒煙，魚餅有三款，仲有白蘿蔔、豆芽，好有韓國感覺。飲品又係好大杯，西柚梳打同檸檬梳打都好夠氣，好消暑。

蜂蜜蒜蓉味炸雞198李家啲雞真係好靚，就算有骨既雞胸位都好滑好juicy。岩岩炸起超級脆！裡面多汁。非常好食！蜂蜜蒜蓉超甜！另外仲加左太量蒜頭蒜蓉！唔知係咪新開，一份雞勁大份，應該可以成隻雞整翻出泥！芝士雞蛋捲 128好厚身同超勁芝士！上面報滿茄汁同芥辣，味道出奇意外地夾。切開芝士仲可以拉芝，彈牙又好味韓式牛肉炒粉絲 128份量超大，平時會叫炸醬麵，今次試吓新嘢啦。粉絲好彈牙好入味，牛肉又多。仲有好多洋蔥菜同埋芝麻。Ps. 老闆娘可能見我食雞辣到出晒汗，佢好好心咁俾多啲濕紙巾同凍水我，好甜心

一諗到食炸雞，朋友就介紹咗我去食呢一間李家！呢一間餐廳有好多唔同嘅分店，真係食炸雞都可以好高質！今次我就叫咗一個完美嘅炸雞，一上枱嘅時候就已經流晒口水，炸雞嘅外皮香脆，但係一啲都唔會好油膩，而且仲要唔係好厚粉！所以食入口嘅時候仲有好香嘅雞肉味道，當然唔少得入面係非常之juicy啦

熱愛韓式炸雞嘅朋友一定聽過 #李家 呢間韓國菜餐廳！最近佢喺西灣河開設樓上舖，地方闊落，適合一家人、朋友上去邊吹水邊食炸雞！今次我地黎食午餐，一解思鄉之愁！🇰🇷炸雞口味一共有8️⃣款，除咗經典原味及甜辣口味，仲有醬油、蔥、芝士、辣咖喱等等味道。午餐炸雞分為半隻或一隻份量，兩個人叫半隻就啱啱好！🍽蜂蜜蒜蓉炸雞🍯($99 / 半隻)即叫即炸，新鮮夠熱，皮薄多汁！雖然係有骨雞，但雞件好大塊，同樣食到啖啖肉，對於食肉獸非常滿足！而且調味鹹甜得宜，濃稠適中，非常開胃！炸雞炸得啱啱好，夠嫩滑。入面仲有幾粒好香口嘅生炸蒜頭😋😋食韓式炸雞一定食埋附送嘅醃蘿蔔，仲有椰菜沙律，可以解解膩。🍽辣炒年糕 ($58)辣炒年糕係韓國國民小食，不容錯過！年糕比較肥身及短小，所以可以一啖一粒，比幼長嘅年糕更加煙韌。調味亦都配合香港人口味唔會好辣，醬汁好濃，所以每一條年糕都掛晒汁。不過略嫌醬汁偏鹹，如果可以落返少啲鹽就完美🙈不過整體都好好食😋———————————————————————店員服務熱情，食物質素好，絕對會再黎光顧！惟店舖kpop音樂聲量太大，有啲難聽到朋友講嘢，而且冷氣風大，枱面食物好快就吹凍咗，希望點解店家