李景粥品專家 (已結業)

Tried it, OK la. I like they put good portions of ingredients into the congee. But with MSG, so I'm not particularly impressed.Had stir-fry mei fan. Think it's OK, but nothing special.

我一向不愛吃鯪魚球，怕腥但自從吃過這裏的鯪魚球粥就一吃再吃雖然不便宜，但想讓自己吃得好一點時便會到這裏粥底好綿，好多人都講過亦式過肉丸粥，都唔錯不過其他粥以外的食品例如油條、腸粉就普普通通啦環境企理乾淨服務都唔錯喎

e間d咸雞粥ok 啦不過食落都幾重味精^^""佢d 粥用一部1x萬野粥機煲ga (佢開張果時有某飲食雜誌報導過)部機貴就係貴...但無左用明火煲粥果種風味與其搞咁多卓頭...不如早d起身用心煲個靚既粥底好過啦.....d料ok 但個粥底真係要改進下-.-

I have dinner at this shop last week. I ordered 艇仔粥and 炸兩。艇仔粥was the best one I have in my life. Lots of ingredients and hot when it was served, reasonably "綿". It is of reasonably big side. 油炸鬼in 炸兩was still crispy without any smell of oil. The experience was great. The only shortfall is the price. I paid nearly HK$60, which was the most expensive congee meal I have...

今天吃了一個魚雲豬心,加上一隻種...收我58....係就係半個魚頭,但可以收平d嗎？同樣價錢可以在生記吃多個牛爽米了

2005-10-18由於小公主天使剛上了牙箍，故只能進食不用太花嚼勁的食物，結果一連數日又是吃粥。聽說這裡的粥品不錯，之前也曾試過一次，還可以的，於是便到這裡再試試其他的粥品了。要了咸雞粥（$33）和魚片粥（$26），總括來說味道跟一般傳統粥品店差不多，用料也不見得比較特別或新鮮，優勝的可能只是份量比較多吧。而價錢方面更不用說，比一般的貴接近一倍，不太值呢。或許這裡的招牌粥「艇皇粥」會好點吧，不過雖然材料豐富，但售價$88，真的提不起勁去一試。用膳後，小公主天使和我整晚也感到非常口渴，而小公主天使的牙肉也開始有點浮腫，相信是吃了味精較重的食物之故。想不到以為是清淡的食物，反而是「味濃」的食物，以後還是不要單看名氣便去試了（還在喝水中）。

今日12點黎呢度食lunch,呢幾日食得太豐富,今日食番清d。叫左白粥$12,腸粉$10.白粥比一般既多2倍到,米煲得夠爛,粥底頗鮮,但食得出唔係落味精果隻味.稀杰度適中.$12碗係貴得起既!腸粉亦夠薄夠滑,但份量唔多,相比起斜對面既"腸粉皇"仲有距離.

我上次去食過咸雞粥...我就覺得冇咩特別...d粥底唔算好靚..未夠綿..仲可以再好d..唔夠妹記好..d咸雞都算係幾好..但真係好貴..成三十幾蚊一個粥...都係果句..可去可唔去..

某日中午去食咗碗鯪魚球肉丸粥,加埋有成10粒,都幾飽肚,但都要33元,抵唔抵真係見仁見智,但粥底唔錯,可以一試.

又落灣仔做野，人沒什麼胃口，諗住食碗粥就算，一諗就諗起這裡。來的時候是沒什客人，坐在對牆的單邊位，無謂阻人做生意。景叔在煲粥，無花無假。想有骨落地，叫了鹹雞粥。坐了一陣至醒起唔記得交帶要「多青‧杰底」，到再同個阿姐講果陣佢竟然話「煲起左囉喎，你睇，都幾杰丫！」再望望三十幾蚊的價錢，不其然令我諗起劉德華的廣告，其實這個都可以作為案例之一。粥底仍然綿滑，不過米粒過於工整，相信是壓力煲的效果。粥底味道精香，完全沒有味精，有水準；鹹雞已去皮，胸肉雞翼都有，味道鹹香有致，淨食就會濃一點，和著粥一起吃就會剛好。個人覺得除了魚腩粥，鹹雞粥也是撚手菜之一，當然如果單吃皮蛋廋肉粥，是幾難吃得這裡的拿手粥。同魚腩一樣，雞粥也附送醬油一碗，不過鹹雞已夠味，到最後都沒派用場。沒有再吃其他的食物，老實講其他的食物比較貴，水準亦一般。不過如果要吃這裡的真功夫，不要吃皮蛋廋肉粥，吃魚腩、魚骨或鹹雞粥吧！埋單33蚊，以一碗靚粥來說，不能說貴，但當然唔係平啦。

今日最後一日假期梗係要出去搵食啦.本來想去永華麵家食麵點知冇開.行到去灣仔道附近便想起吃粥.雖然中午氣溫上升至26度但無損我去的興緻.一入去到便發覺的冷氣好勁.本來熱都涼返哂.侍應都有兩個, 煮粥當然係景叔啦.好耐好耐都未食過粉腸於是叫了咸雞粉腸粥由於一點幾既時候都幾多人所以都等左一陣咁多, 當然粥係即叫即煮.此店都有骨碟同薑荵用左大約同生記size差不多的碗...幾大碗非常熱~侍應提醒我可以要求要多的粥...自己午餐都唔係食得咁多,所以冇要求.粥料普通唔算多, 想吃多粥料都係去生記啦.先吃粥底, 非常綿...我諗係食咁多間最綿的.鮮味卻不及靠得住(因為有鮮魚湯底)再吃咸雞, 雖不是每一件都好好肉, 但非常入味, 酒味濃, 連骨都有雞和酒的味道. 正合我口味.再吃粉腸...爽和煙韌在口中徘徊...感覺非常好.吃完個碗仲係出哂熱, 景叔的粥的確好味.埋單$41 坦白的說41 蚊食碗粥真係幾貴.但想吃好既粥都值得去既.

今日lunch同男友係度食,大約一點左右,不是太多人,等左5分鐘倒,要左個咸雞魚片皮旦粥$47---我地specify要杰粥底,碗粥其大,肯定要2個人先食得晒;粥底幾好!咸雞及魚片亦不錯!肉質幾滑;皮旦屬一般貨色,彌敦粥比佢好得多!油條$6--average,脆口但硬了點!生菜$10---不過不失,size不太細碟;total $63,食得過!上次叫左咸雞腎粥$23亦不俗!

同太座路經此地，入去整番兩碗粥當下午茶。分別叫左艇仔粥同牛肉粥。艇仔粥都算幾足料，但唯獨是欠缺魚片，原來岩岩賣晒，而個牛肉就頗腍。粥的確是幾綿的，粥底可能加了些大地魚去煲過，都算幾香。但始終覺得食粥是其中一個港式本地野，感覺應該都係十來廿十蚊先夠親民，以三十幾蚊食碗粥，其實有點貴。

食粥，一向只光顧上環的生記，經常坐巴士經過李景，生意好像都不錯，便去試試看。看到餐牌，發覺比生記還要貴，點了一碗豬潤牛肉粥，粥底幾好，豬潤牛肉醃得偏甜，份量比生記少，驚喜不大。值得一提的是食品的種類頗多，較特別的粥料有帶子、咸雞脾、雜菌、涼瓜排骨......

20041025 7pm做完o野自己食飯, 口淡淡冇乜胃口, 行過此地見到門口貼滿剪報, 好似食得過, 沽且一試.先叫一碟滑魚皮($18), 一般, 記得落檯面枝蒸魚甜豉油, 精要所在.再叫o左個鹹雞腎+皮蛋粥(要綿底), $25, 粥品專家......出品就只係一般, 無乜味, 粥還粥, 雞腎還雞腎. 雞腎其實幾好食不過我諗粥品專家要做好個粥底先lor.埋單$43, 都幾貴. 不過地方就好乾淨光猛.