村上居酒屋 (已結業)

去開旺角都想搵好野食，今日就去「村上居酒屋」食日本野，呢到星期六都有lunch set! 幾好！lunch set 都好多食物選擇，燒物，壽司，魚生等等！今日想食壽司多d, order 左個「特上壽司定食」，套餐係跟埋沙律，前菜，甜品，包甘多都係$128！好快手就上菜，壽司有8個壽司，3個小卷，烏冬，等等！ 壽司係有海膽食！仲有帶子，吞拿魚等，好好食下！另下沙律前菜都幾新鮮！lunch 黎都幾多位下，staff又好勤力加水，值得一讚！

最近好喜歡去居酒屋食嘢，喜歡居酒屋環境夠輕鬆自在，適合同朋友一面食嘢，一面傾計。今天和一個識咗好耐嘅舊同事去咗旺角砵蘭街一間居酒屋食午餐。村上居酒屋是我第一次光顧，門外有大大隻的店名，離遠已經被吸引住，牆身也貼了很多有各式各樣食物的餐牌，我們怎會不停下幫襯呢！餐廳裝修很有日式格調，燈光柔和，地方比一般居酒屋大，座位也很舒適。午市套餐或定食有很多選擇，魚生丼、壽司定食，刺身定食、爐端燒、拉麵、烏冬、壽喜燒等，價錢也很大眾化，午市還是免收加一服務費，非常抵食。壽喜鍋定食（$98）這個鍋物材料豐富，除了有美味的肥牛外，還有娃娃菜、竹筍、靈芝菇、豆腐等，正中還放了一隻生雞蛋。通常一般壽喜燒的湯汁個人認為過濃，但我就比較喜歡這裏的湯汁濃得來比較輕盈，飲落冇咁膩。除了鍋物外，還有沙律、三文魚刺身、白飯和甜品。沙律菜新鮮、三文魚夠爽口。特上壽司定食（$128）刺身手握壽司足足有八件，包括三文魚壽司、帶子壽司、海膽壽司、甜蝦壽司...... 三文魚及帶子夠彈牙，海膽夠新鮮，蝦夠鮮甜，其他的也很肥美。另有三粒吞拿魚紫菜卷。這道定食有沙律、味噌湯、湯烏冬和甜品跟埋，非常豐富。味噌湯濃淡適宜，烏冬有嚼口，

村上居酒屋（旺角）今天在旺角辦完事，在路邊看到這間餐廳，於是決定試試。角切三文魚拖羅蓉丼$128成個飯一圈堆滿了三文魚粒，三文魚不是腩位，雖不是肥美但勝在新鮮，加上最頂的拖羅蓉口感綿密，倒少許醬油，撈埋芥末簡直是人間美味。鯛魚奶湯$58第一感想係：好足料啊！裏面有滑豆腐、鮮菇，成完湯乳白色，以鯛魚加牛奶熬製，加左胡椒粉突出個魚湯的鮮甜，飲完暖笠笠！蟹羔玉子$58玉子像是蒸蛋一般綿滑，重點是上面的牡丹蝦和三文魚籽，成碟嘢好味又精緻！見到中午有set lunch都好抵食，決定下次推薦比朋友一齊黎食！

經過這間日式餐廳幾次，終於要來食啦。內部裝修簡約卻有充滿和風。菜單有很多款式，不過今次還是選擇吃刺身飯。三色海膽丼有半價優惠，當然要試下，另外還點了角切三文魚拖羅蓉丼和角切魚生丼。跟餐每人有一碗麵豉湯，暖暖地飲很舒服。刺身新鮮，尤其拖羅蓉很鮮甜。而其飯底也很符合我的個人喜好，粒粒分明軟硬適中，醋的酸度也剛剛好，推薦大家一試。總結用餐當天是平日晚上六點多，所以店內顧客不多。不過用餐一小段時間後就開始多人，所以建議想食的朋友可以預先訂位。店員服務態度尚可，用餐過程愉快。

今日去旺角行街街, 準備去朗豪坊食個午飯, 但人迫迫,  13 樓又有演唱節目, 好嘈呀!  我提議去隔離酒店食自助餐, 表妹又話吾合經濟原則.大家行到樓下, 見到斜對面鋪,  村上居酒屋,  門面裝修日式設計, 門外看看餐牌, 食物的種類十分多, 又免收加一, 好吸引. 廚師推介刺身, 壽司, 鍋物, 揚物,  燒物, 煮物應有盡有.午市定食, 組合多.   表妹話好理想.步入店內, 店員招呼好, 迅速安排二人卡座, 送上熱茶及餐牌, 又介紹食品,  吾錯. 我們選擇兩個午市套餐, 大家分嚐.落單約 十分鐘後, 先送來  銀鱈魚西京燒, 有前菜, 刺身,  湯, 主菜和甜品.  另一個套餐叫了壽喜鍋, 同樣跟沙律, 味增湯, 白飯, 三文魚. 還有甜品.大家首先食個 沙律 清爽一下, 蔬菜清甜夠新鲜, 配胡麻醬, 這個沙律美味, 好開胃 !豆腐 味增湯, 健康暖胃, 有營養.  各人三件 三文魚, 好肥美, 厚切,  顏色鮮明,  肉質軟稔, 入口半溶化,  有魚香.主菜 銀鱈魚, 燒得恰到好處, 好美味.肉質軟滑,  魚味甜,  充滿鮮味油香, 真是十好吃.配珍珠米白飯, 口感好,

今天下午到朗豪坊看電影，先約朋友再到”村上居酒屋”吃個lunch先，因為上次吃過晚飯覺得不錯。來到餐廳看到宣傳都幾吸引，原來午市定食免收加一(12:00-14:30)，有好多款選擇，有魚生丼、壽司定食、 午市爐端燒定食、午市拉麵/烏冬定食、和食定食、鍋物定食等等。我Lunch選擇了sukiyaki也不錯，定食還配有沙律、三文魚刺身、白飯和甜品，都很豐富。肥牛肉味香濃，湯底清甜，菜吸滿湯汁變得好腍甜，還有薯粉煙韌彈牙，半熟蛋我把它拌飯食。而朋友就點了午市爐端燒定食定食附有沙律、味噌湯、白飯和甜品，銀雪魚西京醬帶微甜，汁香味濃，魚肉嫩滑，魚皮帶香脆，朋友十分滿意。村上居酒屋午市十分抵食又免收加一，服務和出品很到位，坐得也舒服，下次再來。

約咗朋友星期五去食下飯輕鬆下，大家都鍾意食日本野，所以就隨便揀咗間就腳嘅餐廳。呢間居酒屋係朗豪坊附近，都好容易揾到。望落去地方唔算好大，但個位都坐得幾舒服！油甘魚、甜蝦刺身非常新鮮，絕對唔係放題質素，但略嫌份量有啲少牛油果軟殼蟹卷味道配搭唔錯，軟殻蟹都食得出係新鮮炸！鹽燒鯖魚我最愛！去到邊都好鍾意叫呢樣，檸檬汁可以中和番用鹽燒嘅鯖魚嘅鹹味，而且條魚外面嘅皮係脆口，但入面嘅魚肉無燒得過熟，仲好鮮嫩！黑松露蘑菇玉子燒（名唔太記得）上圖唔係完整嘅樣因爲朋友已經切開咗分比我地。佢唔似其他地方咁，會切開一舊舊比你，反而係一條完整咁上，再比刀叉你自己分。佢係個晚其中一樣令我驚訝嘅野，首先佢好香黑松露味，蛋中間再夾住蘑菇，口感非常特別！壽喜鍋另外一樣令我驚喜嘅食物！呢個份量係一人份，我地幾個分，牛肉我地一致贊同十分出色，紋路本身已經好靚，食落都有入口即溶嘅感覺，好好食！呢間係喜出望外地好！而且食物選擇真係頗多，有鍋，有串燒，有壽司，同朋友聚會非常適合！當晚即使係七點幾到，但都唔太full，希望以後佢可以多啲人幫襯啦！

受了一整個農曆新年住家菜和中菜的洗禮後，決定在人日以日本菜＂清清腸胃＂平衡一下。雖然沒有來過這間位於旺角的居酒屋，但見門面大大的便隨機入內試試！兩個經已在早一星期吃濟了的人先點了一份野菜沙拉做前菜，份量之大真的是出乎我們所料！有蕃茄、生菜、青瓜和粟米，全部都很鮮甜另外點了炸雞軟骨即點即炸又炸得剛剛好金黄色的雞軟骨上碟時已經見不到任何多餘的油份。雖然我們點的吃的不是什麼特色菜，但從細節位就看得出這間店的誠意和用心主菜吃的是火炙魚生丼足料、厚切、新鮮有三文魚、左口魚、油甘魚、帶子和魚膽輕輕的燒過但未有調味，所以每一口都吃得出很濃很鮮的海鮮味！

今日黎到旺角想食清淡一d突然好想食魚生飯即刻search日本餐見到村上居酒屋好多好評就試下佢餐牌好多好多選擇你想食濃味，清淡，大部份既菜式都有最岩一班人去食，大家都有岩食既款式先食個蟹籽沙律好清新好開胃主菜今日選左北海don材料好多有牡丹蝦，島池魚，帆立貝，油甘魚，三文魚，海膽，三文魚魚籽唔好睇佢個飯細細碗好足料所有生魚片都極新鮮食得好滋味另外太肚餓想叫多個小食店員提議叫炸河蝦好特別出面唔係好多地方食到好cute好細隻炸到卜卜脆好鹹香入味又唔會油膩必試呀用黎佐酒一流依間居酒屋性價比好高好值得再黎

星期五同友人來一個深宵食堂，說天說地，所以選擇了一家居酒屋，每款菜式不大，可以多點數款炸三文魚鱗，外表似炸魚皮，店員介紹此小吃是考功夫的，先將三文魚皮先烘乾後炸，口感會比炸魚皮薄，有點像薯片般，香脆可口日本真蠔，每隻 $68，size如手掌般大隻，有醬油，蔥花及醃羅白蓉，連同醬油一起吃味道倍增，真蠔好肥厚多春魚，心血來潮想吃，夠乾身及沒有散開，魚春位置脹卜卜辣酒煮螺，上檯後即嚐一口湯，誰知比想像中辣，不過可以用惹味來形容螺的份量也很多，居酒屋就是這麼多小吃 大蔥雞肉串，嫩嫩的雞肉份量足同好厚肉，中間夾著大蔥，甜甜的口味，用作下酒菜絕對一流鰻魚飯，鰻魚熱騰騰，上面淋上適量鰻魚汁，一啖魚一啖飯，很快就把飯吃光

旺角有不少日本餐廳，上年經過已留意到村上居酒屋裝潢，今日經過有機會一試餐廳有多款丼飯及日本菜式我地兩位女生，不打算大吃大喝，所以點選幾款食物，邊食邊聊口痕之選必定係燒鱈魚干，烘得非常香脆，沾小小七味粉沙律醬食更惹味前菜必點緊係又蟹籽沙律，攪匀之後啖啖都有好多蟹籽，口感滿分，重點係$50有找，好抵食食完小食，金時鯛刺身薄切同香葱拖羅反卷出場金時彫薄切肉質爽口，味道清甜，配酸汁食用，感覺清新醒胃香葱拖羅反卷，一大堆拖羅魚蓉放上反卷頂，非常吸精，反卷中包有青瓜絲，清新中襯托出魚蓉鮮味食完冷盤輪到熱食，豚肉露荀卷及日式芝士年糕一陣薄身豚肉包住粗露荀，感覺唔會啖啖肉，有肉汁得黎零罪惡感仲有外脆肉軟嘅芝士年糕，好重奶味，質感軟糯最後一道熱辣辣日式炒雜菜，富有牛油香之餘仲有蒜泥香味👍🏼👍🏼

今日約了朋友在旺角食午餐，選了一間日式餐廳。剛好坐在卡位上，坐得很舒服。店員亦會不停加熱茶，令我們渡過了慢活的一個中午。午市有很多不同的套餐，我們選了一個銀鱈魚西京燒，套餐有沙律、味噌湯、三文魚刺身、果凍、銀鱈魚和白飯，都頗豐盛。銀鱈魚熱辣辣，滑溜溜，而魚皮則是香脆的。特上壽司定食亦沒有令人失望，有8件不同的壽司和3件赤卷，套餐還有沙律、味噌湯、細烏冬和果凍。最喜歡當然是海膽壽司了，蝦壽司都好正。

今日經過旺角見到呢間 日本 居酒屋佢午市 主打定食就忍唔住想試下呢度啲裝修 充滿日本和式風味我哋叫咗兩個定食先嚟 特上壽司定食海膽壽司 非常新鮮滑溜 食落去仲有啲海水味拖羅壽司 肉質肥美 脂肪比例好ok烏冬 黑蒜湯底 味道 濃厚吞拿魚卷 亦都非常出色另外叫咗個壽喜鍋定食雞蛋非常新鮮 好有蛋味冬菇 咬落去 好有層次感鍋底 清得嚟 帶有豚肉嘅香味金菇 煮得夠淋鍋底係生菜加粉絲滲滿咗 雞蛋 嘅香味豚肉 肉質美味厚切三文魚 口感一流豆腐 幼滑細潤沙律醬 好好食仲有小甜品 侍應 招呼一流 有問必答呢度更有 啤酒機開放式廚房位置方便 喺朗豪坊隔離

正躊躇今晚食乜好就見到呢間餐廳進入視線~7點半見仲有枱就行入去試吓。價錢是中位路線，有唔同套餐適合２－４人。一枝清酒２個人飲又好似ＯＶＥＲ咗，所以叫杯ＫＩＲＩＮ生啤ＳＨＡＲＥ就算，佐酒小食嗌咗＄３８炸雞軟骨，火喉掌握唔錯！叫佐個１０件壽司併盤＄２３８，刺身好新鮮，唯一敗筆係個海胆帶有苦味唔好食。壽司飯不論味道同口感都係值得稱讚～最後嚟個＄９８ＳＨＡＢＵ　ＳＨＡＢＵ，美國牛小扒好有牛肉味，菜份量又唔算少。全晚好滿足～下次可以試吓佢啲刺身

由於女朋友在旺角上班, 今天我早了放工, 所以去了接她放工旺角出名是香港美食的福地, 很多又便宜又好吃的餐廳結果今天我們選擇了 村上 這間日本料理餐廳環境方面餐廳的廚房是開放式的, 食客可以目睹師傳在廚房烹調的過程令人放心, 感覺上會衛生點不過桌上空間太小, 而且放了太多餐單, 阻礙了食客令我們用餐時要將就一下, 怕動作太大都會推倒任何東西食物方面食物是不錯的, 看得出廚房在用心烹調食物而且正在推廣海膽吞拿魚刺身飯半價味道不錯!!我們另外叫了些餃子, 這個要力推!! 非常好味三文魚刺身質素都不錯!!服務質素只是服務這方面需要改善一下, 用餐過程發生了小插曲就是我們的三文魚刺身送去了另一台客人幸好最後都發現到, 而另一台客人都願意付款其實我認為餐廳不應該收另一台客人這一份三文魚刺身的費用