村爺爺龍蝦湯.泡飯.燉湯專家

营业中

休息中

成日見啲人話村爺爺好好食 好足料 勁推 於是約朋友去試下 我地12點零去到 唔洗點等位 係門口就要睇定食咩 安排座位前就要揀左野食先我揀左花膠鹿茸菌龍躉翅（$108）上枱個陣好大陣腥味 而且望落勁清 得幾舊龍躉肉同幾條鹿茸菌搭幾塊薑片 食個陣都冇諗起啲咩 只係覺得好清 食完等frd 個陣聽隔離枱話花膠乜乜乜 先諗起自己個湯應該有花膠架喎🫣 埋單個陣問呀姐係咪依家個湯冇 仲話係 我話頭先睇餐牌有寫 但單就*左 呀姐先再拎餐牌睇 然後就話 下次發現少左要出聲叫佢地加返 唔好意思 完～😧 仲有下次？不了不了☹️ 完全冇諗過會漏俾料 後尾再諗返轉頭 原來連翅都冇俾到😑 呢間餐廳都幾「專業」竟然可以俾漏咁多野 唉 已經唔想再講啲咩⋯

抵食❗️足料花膠螺頭雞煲今日午市黎到位於油麻地 多人幫襯嘅足料古法煲仔湯 有好多必食湯底🤩😍平均都只係$78 有半隻雞嘅份量🥹+$15會配白飯同油菜 食到飽哂🤤椰子螺頭花膠雞煲椰子竹笙花膠干貝雞煲2個湯底都差唔多 分別係配料 食落好甜嘅雞湯 少少油一黎到用個煲裝住 係熱辣辣D湯用黎撈個飯食好正🤤半隻雞嘅份量直接俾埋刀叉 手套你分拆雞肉😋雞肉唔會就浸到好柴 吸哂豬骨 雞湯精華😍建議將雞肉點落佢地特調嘅辣椒豉油🌶️唔會死鹹又香辣🤩📍 村爺爺龍蝦湯.泡飯.燉湯專家 油麻地砵蘭街72號地下

龍蝦湯底好咸 睇個樣都好唔掂🤢海鮮又腥又臭又唔新鮮 隻龍蝦仲要係凍價錢又唔係平 但質素咁差點解可以咁多好評蜜桃冰茶都好難食 仲以為係廁所水專登出嚟食 結果浪費錢浪費時間已列入黑名單

今日同朋友行街經過油麻地，見到呢間餐廳好多人排隊，重要有龍蝦湯同雞湯，一於拉埋我朋友一齊去食啦！墨魚手指拼魚腐一開始梗係要叫返個小食先暖吓個胃！第一次食炸魚腐，原來可以咁好食，兩個都炸到脆卜卜，又唔會有好大浸油炸味，仲有我最愛嘅泰式辣醬！真盛龍蝦湯泡飯未食之前已經聞到超香嘅龍蝦湯味，重點係非常足料，除咗大大隻嘅龍蝦之外，仲有好多新鮮嘅海鮮，有帆立貝、帶子同埋青口！餐廳仲要俾埋個鉗仔俾我開龍蝦食，好貼心！鮑魚花膠蟲草泡飯湯底好濃郁，花膠同埋蟲草花配搭十分之好，令到個湯嘅味道更加出，朋友食呢個湯嘅時候俾咗幾舊花膠我，好厚肉，正！熱情果梳打食到咁上下一定要叫返杯嘢飲！呢間餐廳嘅梳打飲品會分開上，會整咗熱情果汁，另外再俾支梳打你自己根據自己喜好調整份量加上去，都幾特別！總括嚟講，呢間真係平民嘅美食，性價比高之餘又唔收加一，下次經過油麻地一定會再嚟食！

食咗個元貝花膠雞肉米線（龍蝦湯底），呢次第二次幫襯，但質素相若，都係麻麻地。料係足夠嘅，好大碗…但我唔覺好好食，最好食已經是雞肉，湯我唔覺得濃，但依呢個價錢都中規中矩環境都比較迫，但呢個係大家明白嘅！招呼都唔錯嘅！同埋真係快餐，好快上菜😉

姐姐好不容易係聖誕節前抽到啲時間，放工放低小朋友黎小聚一下。平時帶住小朋友好難出到城😂今次反而係佢帶我去試未試過嘅村爺爺，呢間泡飯專門店好多時經過都有長長嘅人龍，但都係第一次黎試🤪但都非常有驚喜喎！當日約8點門口已有十多人門外排隊等候，但幸好人流尚算快，等待唔算長。老實說餐廳座位唔算寬敞，枱與枱之間同枱嘅尺寸只可以說是剛剛好，不過小店⋯⋯明白嘅鮑魚花膠蟲草雞湯 $128 + $15飯/菜套餐- 呢個就係家姐讚口不絕嘅鮑魚花膠蟲草雞湯，單係份量大到已經對得住價錢，湯裡有一隻鮑魚/魚翅/花膠/半隻雞，湯頭濃郁帶有恰好嘅鹹鮮香，濃而不漏，味道絕對可媲美個人很愛嘅花膠雞湯火鍋店！身為配角嘅半隻雞好易脫骨，但係肉質都仲好嫩但唔會鬆散，整體算非常有誠意有驚喜！大滿足！為表誠意我地係一滴不留全消滅！墨魚手指。魚腐。龍蝦湯泡飯 $78湯底裡面有青口/魷魚圈 / 蜆 ，雖然龍蝦湯泡飯望落冇咁吸晴，但湯底非常足料而且鮮甜。另外套餐嘅小食魚腐同春卷亦炸到香口惹味，份量亦足，好合格！！鵝腸皇 拼 黑毛豬片 看似平平無奇，反而驚喜嘅出色嘅辣椒豉油辣味唔算重，但香氣十足配上微甜嘅豉油。

今日天氣好凍，收工又餓又凍，好想食d熱呼呼既晚餐，途經一間排長龍既龍蝦湯泡飯，本住香港人排長龍就一定好既精神，一於照等差唔多排到，老闆已經比餐牌我地落單。我地揀左個套餐《極上海鮮龍蝦湯泡飯》&《鮑魚花膠蟲草花雞煲翅》，小食《黑毛豬片平豬肚尖》。一上枱我地都嘩嘩聲勁大份勁足料，龍蝦湯真係有鮮味，入面仲有蜆、青口、帶子粒；花膠雞湯入面有翅，鮑魚、花膠、蟲草花、同半隻雞！勁好飲，我地飲左一大半先泡飯，但都已經飽左一半兩個湯都好濃郁，仲要冇加味精超正黑毛豬肚尖都好正，又爽口仲要厚切，啖啖肉，再配埋村。爺爺秘製辣椒豉油，好野味最後，我哋叫咗兩杯餐飲，《熱情果梳打，菠蘿梳打》係用玻璃樽七喜沖既，大大杯，飲完gur 口哂埋單先每人二百蚊左右，性價比高，可以一試

村爺爺個名其實都聽咗好耐，都見到有好多唔同朋友嘅介紹轉天氣凍凍地，想食湯飯，所以就決定嚟呢度試吓 平時見到門口都大排長龍，所以預早少少時間黎 雖然門口有條小人龍，但係都好迅速咁可以安排到座位小食要左 鵝腸皇拼黑毛豬豬肉片好厚好大塊！肉質鮮嫩 爽口 加埋秘製豉油提升黑毛豬嘅肉香之後就係鵝腸皇鵝腸每條都洗得好乾淨而且鵝腸烚得剛好，入口非常爽脆不太肥膩之餘又有油脂香鮑魚花膠蟲草花雞煲翅 ＄128見到個湯底已經覺得佢非常濃郁！雞湯清甜得黎帶有濃濃嘅雞味，餘韻係口入面徘徊不斷🥰 其實呢個湯轉米粉會仲正！因為雞湯完全掛汁💕雞肉仲要係鮮嫩滑溜👍🏻👍🏻好抵讚完全唔會煲完湯就冇晒味又鞋拾拾咁🤣真.盛龍蝦湯泡飯（轉米粉）$168呢個海鮮足料，入面有鮑魚仔、青口、元貝、扇貝、魷魚圈、螺片、花膠、蟲草花等食材，$168黎講好對得起個價錢！龍蝦大隻得黎飽滿！拆肉後都仲好大件肉質爽彈 有龍蝦味🦞食之前一定要試一啖湯頭！湯頭鮮味 米粉完全吸收晒湯頭嘅甜味🥰而且值得一讚嘅係湯底仲包埋生菜！健康又美味再要左一杯即磨炭燒咖啡，一上檯咖啡氣味超級香濃🤤🤤飲落口 滑溜帶甘👍🏻👍🏻仲要左一杯熱情果梳打好大杯！熱情果糖漿唔會甜到

在油麻地出左名既村爺爺，每次到食飯時間，就會排曬隊， 好彩今日人龍唔算長，排左10分鐘左右就可以入到去；今次試食雞件蜆肉雜菌泡飯，配蟲草花螺頭雞湯，材料十足，除左雞肉嫩口，而湯味亦有濃郁既蟲草螺頭味，最岩係冬天食既時候，令身體暖粒粒。

真＜盛＞海鮮龍蝦湯麵 $168好大堆頭! 有半隻龍蝦, 一件扇背, 幾件青口/蜆 同 魷魚/花膠/元貝/螺片 等 及大量生菜, 勁足料, 堅抵。隻龍蝦竟然幾好味, 個湯有蝦味但略淡。下午六點前入場送熱飲, 辣豉油另加兩蚊我覺得抵畀。店員服務非常好而且嚴守齊人先可以入場。

聽男人講佢好試下油麻地好出名嘅泡飯專門店🤣佢話d同事都好鍾意食呢間，今日橫掂黎到油麻地，就了佢一個心願🤣—————————————————————-真•盛龍蝦湯泡飯 $168呢個真係泡飯如其名😂係真龍蝦🦞 仲要勁大隻，嚇到我🤣呢個價錢又勁足料主角龍蝦-味道鮮甜，肉質飽滿，嫩口、唔腥，而其他既海鮮料有好多蜆肉、青口、帶子裙邊、扇貝等既食材，熬出勁鮮甜既湯底，湯底再加泡飯，完全吸收曬成碗既精髓😎盛•鮑魚花膠雞蟲草$128呢個係小編最愛黎，有半隻雞、花膠同鮑魚👍🏻呢個最出色地方係，正常隻雞熬出會有好多雞油，但佢呢個完全冇，應該係隔走左d油，所以食落口完全係好鮮甜，冇油膩感👍🏻雞湯真係好濃郁，鍾意飲湯既 可以揀呢款補補佢🤤而雞肉本身質地係甜、嫩、爽🤤靜係食雞都好飽肚，好彩冇加麵咋，如果唔係做左大曬鬼🙈so far呢個絕對係可以安歌☝🏻鵝腸皇拼黑毛豬片$68完全唔食鵝腸既小編，今次第一次試佢地既推介小食，食完係哇一聲、真係好爽脆，索索聲、唔腥🙈加埋佢地自家特質辣椒油，味道又昇華左而黑毛豬口感係嫩滑得黎帶點爽，唔係淋個隻🤣，最重要係佢個辣椒油，成件事唔同曬—————————————————————

❤️‍🔥回訪人氣小店📍：村爺爺之前為咗食呢個泡飯嚟過一次，可惜果次已經賣哂🥲今次路過問咗侍應姐姐話有供應即刻乖乖喺門口排隊落單🧏🏻‍♀️有位坐之後好快就有得食💓♡極上海鮮龍蝦湯泡飯♡｜💰$78本身以為78蚊可能得2隻蝦2隻蜆做餸🙈點知碗泡飯送到嚟之後見到勁大碗而且配料勁豐富❤️‍🔥首先有最吸睛嘅龍蝦頭做裝飾，啱哂我呢啲打卡成癮嘅人🧏🏻‍♀️雖然個龍蝦頭入面冇肉但係龍蝦湯極級濃郁🫶🏻未倒飯落去浸已經忍唔住灌咗幾啖湯先💓扇貝唔韌就算箍緊牙都可以一啖過食😆仲有青口同海量嘅蜆肉，食落相當新鮮，‼️最最最重要嘅係完全無沙‼️越食越過癮❤️‍🔥對於我呢啲一食到沙就反胃嘅人嚟講簡直係福音💯另外仲有2個魷魚圈，同埋有一堆生菜喺底吸湯嘅鮮味🫶🏻啱哂少食菜嘅外食族😆呢一個泡飯絕對要推薦大家食下🤤又抵又好食🫶🏻唔食真係走寶😢♡椰子花膠竹笙干貝雞煲♡｜💰$78呢款雞煲本身就唔包飯嘅，要額外+15蚊套餐先會有一碗白飯同一碟油菜，但因為呢個雞煲本身都已經好足料所以就無加套餐了。雞煲湯底就相對清甜而且唔會有一層雞油喺上面，飲完都唔會覺得口渴🫶🏻雞煲本身有足足半隻雞所以身為食肉獸嘅我食完相當滿足😂係適合補充蛋白質之選😂🫶🏻雞肉唔老

友人同我去油麻地旺角行街，推薦話呢間村爺爺好食。行到門口，就咁望門面就覺得好似普通茶記，無咩特別，望入去環境都比較迫，但係就有成10個人排隊，令我有啲意外，令我諗呢間食物係咪真係咁好味，但食完真係覺得物有所值!兩個人分別叫佐花膠螺片雞煲同埋真<盛> 海鮮龍蝦湯泡飯。(1) 花膠螺片雞煲 ($68)  --> 人氣no.1!雞煲可以加$15轉套餐。套餐包一個飯，一碟菜加一杯野飲。雞湯非常清甜，有雞味，雞用刀一切開就切到，肉質嫩滑。除佐雞之外，螺片既份量十足，絕無欺場。呢個雞煲絕對對得住人氣no.1，唔怪得之咁多人叫呢個餐。(2) 真<盛> 海鮮龍蝦湯泡飯 ($168) 超大碗超級足料，絕對無呃秤。成碗飯既主角就係半隻龍蝦，啖啖肉既龍蝦食落非常爽口， 至於配角就係其他海鮮，包括魷魚，青口，帶子同埋蜆。 全部海鮮都有鮮味，啲蜆有差唔多10幾隻，份量好誇張。 成碗飯既精華就係個龍蝦湯，完全係一碗海鮮湯黎。一啖湯一啖飯咁樣食就係正到爆!最後我同友人將全部湯飲哂。值得一讚既係餐盤有濕紙巾提供，讓容人可以拆完龍蝦殼抹手。總括而言，餐廳咁多人排隊係有原因! 鐘意

有啲失望🤧 比起幾年前食 好似個味唔同咗🤷🏻‍♀️我點咗個牛魔王龍蝦湯泡飯 個湯底無乜龍蝦味 反而似打邊爐清湯底烚咗好多唔同嘅餸之後嘅味 唔知係咪因係個啲餸全部係牛啦🤔 不過講句公道說話 佢嘅餸係多嘅 “牛”製品都多同足嘅 除咗牛丸唔好食 肥牛片都ok ge 但佢啲飯真係好差😂 超級軟… 用一pat 黎形容 唔可以用一粒粒 唔知佢地係唔係落得太多水煮啦😅 未落入湯已經一舊舊…價錢唔算貴 不過就真係唔好諗住佢係龍蝦湯就無失望嘅

今日去左食呢間村爺爺，6點半去到都要排左5分10分鐘先入到去。入到去啲位就比較窄，如果有一袋二袋就要小心啲。我哋叫左極上海鮮龍蝦湯泡飯同鮑魚花膠蟲草花雞煲翅，個翅可以另外加飯加菜嘅，不過我哋驚太大份就無另外加。兩個主菜都好快到，上枱果下好驚艷！兩個都好大份，泡飯有半隻龍蝦同好多海鮮，有峴，青口，魷魚等等，個湯都好飲，有鮮味又唔太咸。另一個雞煲翅有半隻雞咁多，蟲草花都唔少，仲有一粒鮑魚同幾條花膠，個湯都好高質，濃味得嚟飲完唔口渴，魚翅湯撈飯好正！另外我哋叫左個墨魚手指拼手製魚腐，炸得幾好食，熱辣辣食好正。飲品我地加左石榴梳打同菠蘿梳打，係用玻璃樽嘅七喜沖嘅，大大杯，好好食。埋單每人唔使二百蚊，出到門口見到條人龍仲長左，有機會都值得嚟試下！