村爺爺龍蝦湯.泡飯.燉湯專家

营业中

休息中

夜晚行經旺角砵蘭街，見到呢間村爺爺好多人排隊，望下餐牌，原來佢係食泡飯嘅餐廳，份量多而且幾抵食，所以我都排埋一份試下，等咗大約20分鐘先有位叫咗一碟小食，兩個湯同埋加$15蚊轉套餐跟碗白飯、秘製豉油同一碟蠔油生菜，仲加$10蚊配埋特飲🌟黑毛豬拼豬肚尖黑毛豬片唔韌，豬肚幾爽彈而且冇怪味，兩樣點佢自家製嘅豉油黎食幾好味🌟鮑魚花膠蟲草花魚頭湯個湯好香濃，充滿蟲草花同魚味，但唔腥，有個好大嘅魚頭同埋一隻幾大幾爽口彈牙嘅鮑魚🌟花膠螺頭雞煲雞湯清甜得黎但唔油，有好多塊螺片，同埋有半隻雞，隻雞煲到啱啱好熟，所以好嫩滑，而餐廳亦好細心咁俾咗一對膠手套，方便食客用手撕開啲雞肉🌟熱情果梳打、菠蘿梳打一杯果汁加冰，雪碧另上，可以自己調校甜度，兩杯都好消暑解渴

朋友好耐之前已經力推呢間店，咁岩呢排涼返啲，好岩去食湯飯。🦞 真·盛·龍蝦湯泡飯 - $168貌相夠晒剎食，成半隻龍蝦係面頭，之後就大量既海鮮，扇貝、瑤柱、蜆等，數量係食極都仲有。湯底唔使講，咁多海鮮，真係超級鮮甜，佢仲有啲生茶襯底，加埋飯落去，吸收晒大地既精華，好正。佢仲會比埋濕紙巾同工具你拆龍蝦肉，好細心。龍蝦肉都好彈牙。價錢雖然比其他既貴，但都幾推薦！🦑 炸墨魚手指拼魚腐龍蝦湯泡飯 - $78本身以為炸墨魚手指同魚腐係會放埋落個湯到，點知呢到好均真，炸野分上，唔會淋晒。呢個係龍蝦湯底，一樣咁鮮。炸墨魚手指好彈牙，魚腐外脆內軟，有鮮味。湯碗入面除左生菜又係有大量海鮮配料，性格比高。🐷 黑毛豬片拼豬肚尖 - $58唔好睇佢白烚會無乜味，其實佢係經過醃整既，黑毛豬片肥瘦均勻，無豬酥味；豬肚爽口，加埋佢既辣汁，夠晒野味。🍹 熱情果梳打/菠蘿梳打- 各$16野飲好大杯，佢除左個杯入面已經有大半杯果汁外，仲會比多支雪碧你。熱情果酸酸甜甜，好開胃。菠蘿汁似新鮮果汁，唔假。兩個都唔會太甜，好解渴。

地址－油麻地砵蘭街72號地下環境／設施－眾多好評既一間高質泡飯專門店，又飽肚，又好味，一定回頭再食吖，店員十分友善，又有耐性，餐廳環境好乾淨，又企理，食物選擇多又豐富，價錢親民，質素不錯，次次經過都勁多人排隊，今次都唔例外，排左20分鐘🤣差唔多到你入去個陣，老闆就會同你點定單先，入到去就唔洗等咁耐💓特色－今次食既係鮑魚花膠蟲草花雞煲翅($128)🤤🤤飲左杯菠蘿梳打(跟餐加$10)，開頭驚唔夠飽，加左套餐($15)，包左絲苗白飯，生菜，秘製豉油，聽人講呢個係一定要點，就試下佢啦，店員一擺低野食，我即刻飲左淡湯先，好濃，又唔會太多油，入面仲有半隻雞，所有食材都好多，又補身，唔怕隻雞唔知點食好🤣🤣店員會俾定手套你，你可以慢慢食，再講埋個野飲，好大杯！我真係飲唔哂🤣🤣人均價格－158元評分－9/10

有一次經過見到呢間野排晒隊，原來係食花膠雞、又龍蝦咁，今日終於過海，試試⋯lunch 時間仍然都係要排隊（都要成百幾蚊碗，lunch 都咁多人食，而家啲人食個 lunch 都好豪氣🙈）但係⋯真心值回票價！我響花膠雞湯同龍蝦泡飯之間，選擇困難症！見真《盛》海鮮龍蝦泡飯有半隻龍蝦、咁好打卡，試左呢個先。一黎先飲啖湯，個湯我真係飲晒，完全冇味精，最誇張係咩，勁多海鮮，青口，蜆，魷魚，帆立貝，仲有一嚿花膠筒螺肉。個碗係full到冇位倒個飯落去，因為海鮮下面仲有勁多生菜！最後淨係食到兩啖飯，熄晒菜同海鮮已經係飽到上心口呢間真係要encore再encore要嚟試埋佢個花膠雞

很少食評 不過希望老細見到會改善點了個龍躉泡飯 雞翼等等 質素是很好但到最尾老細已不斷催 不斷問收唔收嘢只食了四十五分鐘左右 最後還問可不可以先埋單有種被趕走的感覺不想被催得話最好不要去好了如果不是一直地催 整個用餐體驗其實是很好的

小編們夜晚路過油麻地，搵到間門門口set哂排隊位嘅小店「村爺爺龍蝦湯.泡飯.燉湯專家」，趁夜晚冇乜人排隊就入去試吓，原來間餐廳入好多座位但都坐滿人，枱之間都排得密密麻麻坐得唔算舒服😮‍💨睇嚟平時舖頭真係好忙，未入門口已經有幫手落單，門口填滿晒Menu要睇都好方便，邊啲係高人氣菜式會有標記，小編們仔細望一望Menu即刻嚇一跳，人氣王【 花膠螺頭雞煲+ 套餐】只係賣$68，如果真材實料，真係抵到爛！咁小編們就一試究竟啦！😋【 花膠螺頭雞煲+ 套餐】$68 + $15唔講得笑！一個砂鍋煲，有花膠又攞頭再加半隻雞，因為加咗$15，仲有碟油菜同埋一碗白飯添，仲加埋嘢飲！會有埋醬汁送上！一埋位試吓一個湯先，濃郁嘅雞湯味，正喎！原來有埋膠手套送，帶手套即場手撕半隻雞，啲雞肉嫩滑，花膠螺頭都好香打好有菜都幾好味，整體份量好足夠，食完攬住個肚走【 椰子螺頭花膠雞煲 + 套餐】$78 + $15另一款都大同小異，但湯裏面會多咗一份椰子味，呢邊仲揀咗米線，又係正嘅

一行3人放工去左食宵夜，差唔多9點黎到門口都仲有人排緊隊，人氣真係超高🥸店員係我地排緊隊時已經俾定餐牌我地睇，排到門口就要落單，前後講緊幾分鐘🤨落單時同我地講每人最少點一個湯或者兩個小食，佢俾我地感覺係不斷趕我地，連思考多幾秒既時間都冇😑我地仲諗緊叫d 乜既時候佢已經收左我地個餐牌😓好快都有位，等左5分鐘左右坐低左之後朋友想加野飲同油菜🥬，個女店員問我地點解唔加錢轉餐，朋友話：我都未諗清楚要咩你地都收左個餐牌咯女店員話要問老細有冇得轉返套餐然後阿老細過黎就半怪責我地落單時唔轉，話冇得改單😰咁朋友咪再講多次係佢收左個餐牌囉，佢先好唔願意咁幫我地改單🙄 仲要問一句：仲有冇野要加？冇得改架喇我知你多客，不過都唔需要咁既態度對客卦？😮‍💨餐廳環境好窄，座位冇椅背，所以食完都唔會想繼續坐🥲==========🔹川芎白芷魚頭湯 $58大約2飯碗既湯好濃既川芎白芷藥材味，落左少少薑辟魚腥，飲完之後有回甘感覺魚頭足一個，都幾多肉，肉質都幾嫩滑推介指數：9/10==========🔹花膠龍躉雞煲翅 $128 (配油菜 +$12)大約2-3飯碗既湯材料有半隻🐥，一件龍躉，兩小片花膠，兩小梳翅，龍眼肉，杞子

每次經過午膳晚飯時間都排長龍👍🏻就去試啦😂 係出面排隊時會幫你寫單所以排到隊入去坐低 好快就上菜 高效率👏🏻但店舖比較細 座位比較緊迫老闆都幫手一齊密密做試過咁多間呢間泡飯好味 值得一試👍🏻🍚螺片雞件魚腩龍蝦湯泡飯（$68）魚腩唔算腥 龍蝦湯底味濃唔會太咸泡飯好正簡直一流😋配很多生菜份量十足 多到食唔晒😅🍚南乳雞翼湯米線 （蟲草花螺頭雞湯底$58）雞翼有五大隻 南乳味濃炸得好香脆好香呀好正😋再配埋螺頭片 大量生菜 大大碗配凍飲加$9

眾多好評的一間高質泡飯專門店，超飽肚又好味，回味無窮😆 店員十分友善，熱情招待🥰 餐廳環境乾淨企理，食物選擇豐富，價錢親民，質素很不錯，每晚都好多人排隊，好受街坊歡迎！老闆服務態度很好，絕對會回訪。特別一提，食物同飲品份量超多，適合大胃王😂晚市二人消費：$375 🫧不設加一服務費🫧💖食評💖𝑭𝒐𝒐𝒅真〈盛〉海鮮龍蝦湯泡飯 ($168)✨ 推薦必食！滿滿的一大碗，海鮮應有盡有，有半隻龍蝦、青口、元貝、扇貝、花膠、魷魚、螺片等多款海鮮食材👍🏻 湯底鮮味十足，配飯食一流！龍蝦肉質鮮爽彈牙，仲有好多生菜鋪在鍋底，好味又健康鮑魚花膠蟲草花雞煲翅 ($128)✨ 加配絲苗白飯、蠔油生菜、秘製豉油 (+$15)推薦，好抵食！濃郁雞湯滋潤清甜 不會油膩，半隻雞份量十足，雞肉滑嫩，配上鮑魚仔、花膠、龍眼肉、蟲草花、元貝、杞子等食材，十分豐富又滋補🥰 加配的秘製豉油確實好味，鹹香微辣，配上雞肉一流！𝑺𝒏𝒂𝒄𝒌𝒔墨魚手指拼魚腐 ($32)✨爽口彈牙，配甜酸醬好好味𝑫𝒓𝒊𝒏𝒌𝒔熱情果梳打 (+$16)✨蜜桃梳打 (+$16)✨飲品超大杯，好味好抵飲

［油麻地］抵食足料鮑魚花膠雞湯💯今日去試村爺爺，6:30pm去到門口，已經有人排緊隊。果然名不虛傳🙈好彩時間尚早，等咗唔係好耐，就有得入去。餐廳內位置唔闊落，仲有啲迫，但冇辦法，香港鋪租好貴🥲喺排隊的時候，侍應已經給我們餐牌，睇定食啲乜嘢。而且會幫我哋預先落單，入到去唔駛等咁耐😚👍🏻☁️鮑魚花膠蟲草花雞煲翅$128☁️椰子螺頭花膠雞煲$78個雞煲翅和雞煲都十分足料🤤，好濃郁的雞湯，配埋其他材料一齊煲，例如乾瑤柱，好有家的味道🥰，而且每個湯有足半隻雞。重點，湯味濃，但無咩味精，因為返至屋企都唔口渴。我地跟咗兩個餐+$15/餐，有一碗絲苗白飯，秘製豉油，在附送油菜一碟。⭐️CP 值簡直爆燈❗️💯💯💯個秘製鼓油有微辣，配雞肉一流🤤。簡直係平❗️靚❗️正❗️回頭率勁高！整體味道：🌕🌕🌕🌕🌑環境：🌕🌕🌗🌑🌑————————村爺爺龍蝦湯.泡飯.燉湯專家 (油麻地)油麻地砵蘭街72號地下————————-

油麻地 村爺爺 長期都排長龍今日早左放工 未夠6點撞下彩可即入叫左限量既鮑魚花膠螺頭雞煲翅加$15 配埋生菜同白飯鮑魚、花膠、螺頭、雞 都有齊 雞都好滑 有半隻 俾埋手套你慢慢撕所以個湯頭好鮮甜 加飯當湯飯食一流真.盛龍蝦湯泡飯除左有半隻龍蝦仲有好多海鮮 - 魷魚 、元貝、青口、蜆 個湯都好鮮甜 仲有生菜底 黑毛豬鵝腸王 雖然係白灼 但鵝腸幾爽口 薄切黑毛豬幾嫩口 飲品叫左熱情果梳打 同菠蘿梳打係果汁配雪碧酸酸甜甜幾開胃見到其他生滾湯泡飯 仲有麻辣鮮魚湯 鹿茸菌龍躉湯 下次會再黎試下 走個陣未夠7點已經要排隊了 想食既要襯早呀

我同朋友都好鍾意四處尋找好美食 今日揀位於油麻地 cp值超高嘅村爺爺龍蝦湯泡飯 長期排隊食店 一食究竟龍蝦湯泡飯$168 上網做過數資料手集 這家龍蝦湯泡飯知名度甚高 係店舖嘅招牌名物 老闆話一上水即刻雪住佢 保持新鮮 所以我哋今次真係好有口福食到一隻超級新鮮嘅龍蝦 肉質非常鮮甜 爽口 彈牙 仲有微微嘅海水味 果真一食難忘除咗龍蝦之外亦都有大量海鮮配料 筒魷 小瑤柱 海蜆… 製作而成的湯底鮮到不得了 感覺就像一座海鮮山 非常豐盛鮑魚花膠蟲草花絲苗白飯$128 金黃色的湯底 一看便知道非常濃郁 充滿滿滿的膠質 有大量蟲草花 保健養生一流 飲完覺得成個人都即時靚咗餐廳會附上手套 供客人手撕雞 雞件嫩滑非常 非常juicy有魚翅有花膠有鮑魚拌飯 這餐實在太夢幻 平民價錢富豪質素黑毛豬片拼豬肚尖$58 兩種食材本身平平無奇 配上餐廳製作的辣椒豉油 卻有錦上添花嘅感覺 豬肚尖好吃 厚厚的一片 很彈牙唷菠蘿梳打 菠蘿汁配七喜 這個配搭我都是第一次嘗試 好飲 果香味非常清新 又不會太甜香濃咖啡 咖啡味濃郁 極具提神作用

每次經過這家店都看到排的不少人 由於時間緊迫就沒有辦法嘗試 今天5:30就到來了 門口祇有5個人排了10分鐘 進了裡麵點了一個花膠螺片雞煲 湯，老實說 我覺得他這個菜沒有什麼特別讓我驚喜的，裡面有半隻雞 所謂的花膠切成 三五條細絲 螺片我也沒有找出來 所以我並不覺得這個雞湯非吃不可，湯感覺不是真的 雞煲出來的湯好像加了牛奶的感覺 嗯 68塊錢的價格也算合理 畢竟有半隻雞在裡面，是不能要求太高了吧，每個人對食物的要求都不一樣 我的感覺就是 不明白為什麼每天會有這麼多人在外邊排隊，可能我叫的東西不對

一直都好想試， 睇到好多人介紹同埋食評， 我都唔執輸，試吓佢咩料！條隊一路保持住一定嘅長度，無論係喺開始排隊， 還是就嚟排到， 到最後食完行返出嚟， 條隊都一樣咁長！排咗大半個鐘頭， 終於都食到啦！溫馨提示：要齊人先入得選擇咗兩個招牌湯飯！特盛海鮮龍蝦湯飯，同埋鮑魚蟲草花膠雞煲翅！海鮮湯飯， 雖然只係得個龍蝦頭， 但係個蝦樣好似浸緊溫泉咁🤣！仲有好多膏添，海鮮大隻新鮮，鮮甜足料！加埋白飯一齊食，粒粒都被湯嘅精華包着，老公食到舔舔脷！鮑魚蟲草花膠雞煲翅，有成半隻雞咁多，仲有配料杞子同埋龍眼肉， 成個底呢好濃郁， 集精華所在🤪，最後我哋冇加到飯， 但係都食到捧住個肚走，女性食完都覺得好補身養顏！我哋仲加咗兩杯冰茶， 大大杯，唔會太甜，好好飲！！最後我哋發現其實兩個人叫一杯都可以😅PS:可以再encore！！食吓其他唔同款！😋

今日又跟老同學黎位於油麻地地鐵站出口的村爺爺食龍蝦海鮮泡飯, 貪佢經濟實惠, 分量又多, 大部分套餐都係幾十蚊至百多蚊, 難怪3.3 呢啲時間座位也常滿了。除了多款靚湯, 還有泡飯、麵食、小食及飲品供應.菠蘿梳打(跟餐+$16)好得意的懷舊雪碧梳打樽仔, 朋友話菠蘿汁溝梳打水好飲。即麼日本炭燒咖啡  (跟餐+$6) 夠香濃及順喉, 即磨咖啡真係好飲啲, 三點三提神一流。墨魚手指拼魚腐附泰式甜酸醬 ($32）墨魚手指裡面真係有好多墨魚粒, 彈牙有咬口, 魚腐則軟滑, 有魚肉鮮, 拈些甜酸食, 更惹味。真、盛龍蝦海鮮泡飯 ($168/特價)又係做緊特價, 唔係唔食呀?半隻龍蝦、青口、帶子仔、扇貝、花膠、魷魚圈、螺片、新鮮蜆及生菜底, 十分大堆頭, 海鮮湯底盡享不同海鮮的喊鮮, 比魚頭湯重口味, 用來泡飯較合適。龍蝦肉都算爽甜, 但就略不夠鮮, 青口肉微彈不梅, 也很甜, 魷魚圈爽口, 扇貝夠新鮮, 好甜, 下面的生菜吸晒海鮮湯都好正。鮑魚花膠蟲草花魚頭湯 （$88/特價)我想飲川芎魚頭湯, 不過始終係藥材湯, 朋友未必啱飲, 所以叫咗呢個鮑魚花膠蟲草花魚頭湯, 同樣滋補, 啱曬呢啲秋天乾燥