來冰室 (已結業)

今日外賣了一份午餐 什菌火鴨絲炆米幾多什菌👍味道ok 略嫌唔夠熱😝送一碗羅宋湯 都幾多什菜 中酸熱飲品杯厚身 可以keep住耐熱 唔錯☺️packing走黑色路線 几靚🤣出餐快手 啱哂繁忙的打工仔~

首先入鋪頭整體感覺好整齊乾淨，其次發現店舖主人特別為牆身打做一幅壁畫型做一種年青感覺。食物質素非常 沙爹牛肉好入味，抄蛋整得好口感。其次個餐包都有特別選擇唔係求其。凍飲特別選擇鋁金屬杯，可使食客涼快感覺。食品所用的碗筷都特別挑選感覺，不太老土。店舖 整體食品和店裝修及價錢的質素係灣仔區算唔差的茶記，其中發現店好細心善用資訊平台快速分享給上班人士迅速知道當天快餐種類。科技資訊已經融入不同行業上。今次放假路徑遇上非常榮幸。這種店舖必會返食。漏左上餐速度快符合打工仔要求快靚正。第一次食評多多指教

前排見佢開咗，梗係同同事來朝聖一下啦，喺灣仔來講都算係性價比唔錯嘅茶餐廳。我就揀咗「來冰室有嘢撈」嘅常餐餐牌入邊嘅燒汁香茅雞中翼煎蛋撈丁，套餐可以轉米粉/通粉/烏冬/出前一丁/意粉，於是我改咗撈烏冬，套餐仲會送熱飲一杯，凍飲都係加$3，檸底/鮮奶就加$4，特飲就加$7，最後我揀咗好立克。佢仲會送一碗羅宋湯俾你，我覺得湯底好濃郁，好有蕃茄味，唔似平時嗰啲羅宋水🤣香茅雞中翼外脆內軟，煎蛋都唔錯，原本以為烏冬上嚟會一坺嘢咁，意外地仲彈牙

已經食過好多次的早餐，今日要介紹下我的最愛👍👍👍👍👍一星期大約食二至三次左右，餐廳是逢星期日休息的。店員非常有禮貌，靚靚老闆娘和藹可親。是舖頭的生招牌😍😍😍😍😍Breakfast 7:00am-11:00am經典字母早餐 $38沙嗲牛肉出前一丁 火腿炒蛋、牛油餐包出前一丁唔使加錢，沙嗲牛肉是香港人的口味，，惹味的沙嗲汁配上嫩滑的牛肉，拌著彈牙的出前一丁麵條，絕對是一眾港人由細吃到大的Comfort Food。CP 值非常高🤤🤤🤤火腿炒蛋、牛油餐包 熱辣辣新鮮用心製作。是一家非常用心製作的小店。

新開張無幾耐，返工係門口落車見到好多人食早餐一直都好想試下， 但趕時間返工未有機會食到； 上星期心郁郁終於約左3個同事一齊去食lunch，12:15去到等位等左5分鐘到； 門口勁多人等外賣；我哋叫左3個快餐+1個常餐， 送羅宋湯及熱飲鎮店咖喱豬豬軟骨飯， 同事叫左多飯， 咖喱汁濃郁椰香味都夠😋， 唔係好食得辣的都食到， 辣少少就仲好； XO醬叉燒炒蛋飯，叉燒夠淋鑊氣都夠， 小店好細心淋叉燒汁撈飯👍🏻👍🏻👍🏻帶子炒銀針粉， 好少地方有得食，色水ok份量都足夠， 以為無乜帶子粒， 原來係底到； 常餐豬扒都大塊！ 菠菜炒蛋好有驚喜；

中午有其他任務，打算快快脆食飽就走人。同事推介《來冰室》，因為野好食同上菜快，覺得佢的小炒好夠鑊氣我們12.25左右到，好彩唔使等位。睇下有咩食先：撈丁$50都好多選擇。同事話上次食過咖喱撈丁，覺得好食，好啦，咁試下啦。我個人較少叫咖喱，因怕辣得滯，食唔到落肚就浪費。兩個人食的話，如唔好味都可以叫朋友食哂佢另外，佢推薦秘製炒飯。餐湯是雜菜湯都幾多菜咖喱雞扒煎蛋撈丁，都大碟，我一個人食的話會太滯，未必食得哂麵好彈牙，估不到有沙律菜陪碟，粒蕃茄又甜又爽口，夠新鮮雞扒有兩件，算大塊餐飲點熱啡，正常，提到神又不會過濃。

呢間新開嘅小店，我已經幫襯過幾次外賣早餐同午餐， 見有啲食評，當中有人投訴堂食招呼不佳， 我未試過就不下評語了。 但我多次外賣所見的質量， 實實在在係好高分，首先講下外賣餐具， 一杯熱飲， 用上咗防熱防滑嘅紙杯，好細心，其他餐具方面， 雖然用咗塑膠唔太環保， 但係質料厚實 ，用嚟食牛扒豬扒，係方便好用。 成本相信吾平呀~ 至於食物， 我講下今次嗌嘅早餐， 沙爹牛肉米粉， 配火腿炒蛋加牛油餐包。 熱湯同食材分開， 外賣遠少少都唔怕索曬湯。 沙爹牛肉， 醃製恰到好處， 入味又唔會太鹹， 而牛肉我相信係用咗牛小排部位 肉味質感都好好！ 其他食材就正常發揮啦。三四十元一個早餐(外賣平台價)， 真係抵食又好食。 題外話， 有次去買午餐等外賣嘅時候， 同相信係老闆嘅閒聊咗幾句，佢話仲喺度摸索緊營業時間，慨嘆喺灣仔經營食店不容易，有時企同坐多過做 我希望小店加油，只要質量做得好， 食客係會支持嘅！

第一次黎里間冰室食早餐，叫左個早餐C(辣肉碎魚片頭湯米配 火腿炒蛋，牛油餐包）。先講食物先，餐包正常野，火腿可以要煎得香口D, 炒蛋就唔滑老老地，魚片頭同辣肉碎少得可憐，連埋熱飲$38，食物質素比其他冰室真係算普通。再黎講下用餐感受，入到去自己搵個位坐底，問佢地拎杯水都好似唔係好想俾，問多句都唔係好想應你甘，態度真係媽媽地冇咩服務可言。個老細同人講野時重要成日都拉底口罩講，疫情未完曬，我坐係隔離枱都真係唔太再食得落。

之前有同事推介依間新開冰室嘅咖哩，今日食晏就嚟試下佢地個常餐咖哩雞扒煎蛋撈丁。個咖哩幾香幾好食，另外有同事食沙嗲牛出前一丁評價都話幾好，下次早餐嚟試下。依家哩個時勢係要撐下d有質素既小店。

今日我同5個同事一齊去食lunch，因為12點正黎到，鋪內冇咩人，我地每人叫午餐set加$3轉凍飲。食左15分鐘左右人流開始多。D女侍應開始好忙甘走後走去。我岩岩食完個飯放低支匙就有人即刻收走我隻碗，勁chur...點知過多5分鐘個肥老闆就走黎叫我地交枱，幫幫手甘話。我當下心諗我地加$3杯凍啡都未飲夠一半就要交枱 ( X_X ) ，我諗住飲多少少都得掛，點知個肥老闆同個女侍應係度昅住曬，即刻飲唔落，快快手走人一句唔該都冇。講真番工甘辛苦，想食個lunch個半個鐘逃離下老闆同工作抖下氣姐，20分鐘未夠俾肥老闆吹交枱。間鋪係8月中試業期間我都有黎現場食過一兩次，我地見佢鋪頭細細諗住支持下，平時我地買lunch外賣成日錯單漏單，我地都冇投訴。點知好日唔落去食，一食就俾人吹交枱，食到趕頭趕命甘。試業對人都重客氣D，真正開張就態度大轉變。Sorry, No Next Time La.偽海南嫰雞飯：雞油飯不夠油及香味不足，令白飯入口鞋口。雞扒醃得夠味道但部份位置都係鞋口。

午餐同朋友+小朋友嚟灣仔來冰室食咗個新加坡炒烏冬，即係黑醬油海鮮炒烏冬！$57包嘢飲~有魚片有蝦仁🍤有魷魚圈！成碟份量好夠我同小朋友share食而且一啲都唔油！重點！性價比高朋友叫咗個瑞士雞翼撈一丁，煮得啱啱好，十分滿意！食完午餐到下午茶時間叫多個西多士4個人食yummy yummy 一切開啲牛油漏出嚟 熱辣辣加少少糖漿食超邪惡 ！好滿足呀下次會再嚟食希望試到鎮店咖喱同麻辣撈丁！PS 牆上面嘅畫作好特別！

態度超級無敵差⋯⋯剩係叫餐都已經黑口黑面，講野態度超差，問佢拎杯水直頭覆都唔覆。見佢新開張，諗住幫襯吓，點知俾錢買難受，啲野食一般般，唔難食亦唔好食態度十分之惡劣，上餐時間又耐。雖然知道香港人壓力好大，但都唔代表可以咁樣態度，最勁嘅地方係成間鋪冇一個係態度好，痴線連老闆都好無禮貌，係一個女人叫做有問有答，但都唔係叫態度好，唔係話食五星級要求咩服務態度，純粹係係到食飯心情都差埋，衰過食打冷，永遠都唔會再幫襯。

今日又經過灣仔，心思思又想去冰室，因為掛住佢杯凍奶茶🧋🧋🧋🧋🧋🧋🧋試吓佢個餐廳推介先，咖喱豬扒煎蛋撈烏冬連凍飲$53，灣仔銅鑼灣區嚟講相當優惠，$50食到個lunch，仲要係用稻庭烏冬，麵質彈牙，大大碟份量十足👍👍👍👍👍👍這間冰室真是超級抵食，大大力推介🤟🏻🤟🏻🤟🏻🤟🏻

灣仔、銅鑼灣區有好多冰室同茶餐廳，朋友仔介紹我一間新開，同埋有港式風味嘅冰室。店舖裝修整潔乾淨，牆上的壁畫十分靚😍😍😍😍😍試吓佢個冰室推介冰室三寶炒公仔麵 $57賣相相當吸引，侍應放上枱時，熱辣辣仲會出煙😋😋😋😋😋非常之有鑊氣，冰室也有這麼高的水準，內有魷魚圈，煙鴨胸，餐肉。魷魚🦑圈比較爽口彈牙，鮮味十足，口感極佳。煙鴨胸炒得比較香口，有好多肉汁🤤🤤🤤🤤🤤凍飲加$3還有特飲可供選擇👍👍👍👍

今日去咗灣仔食lunch，行行下見到間新餐廳，就入去試吓，型格裝修，清潔乾淨👍👍👍去茶餐廳食lunch最緊係夠鑊氣，能夠食到啲咁有鑊氣嘅上海嘢，茶餐廳來講非常滿意。期待下次真係要再試埋其他😋😋😋😋😋上海極品粗炒 $58香港人非常愛吃上海野，竟然嚟到茶餐廳都食到，選用了瘦肉、椰菜、冬菇。一啲都唔油膩，個味調校得啱啱好，配菜同肉絲份量都調教得好好，大大碟，又懷舊又好味😋😋😋😋😋😋