東京チカラめし

营业中

休息中

日本經典牛肉丼🤭 餐廳為日本過江龍 主打日式平民丼飯 包括各款牛肉丼、燒豚丼、雞肉丼、鰻魚丼及各款定食 用手機qr code落單 方便快捷====主食均可以加錢升級套餐 包括溫泉蛋、鹹菜、鰻魚肝白貝湯、飲品====᪥ 重量燒牛肉飯 $78好豐富嘅牛肉丼🤭 份量Max!! 燒牛肉好香 配上牛肉汁及洋蔥 就係經典嘅日本味道👅～᪥ 旨辛芝士雞肉丼 $65以韓式辛辣調味嘅雞肉配上熱溶芝士🧀 邪惡又簡單的美味====另外仲追加咗啲小食～ 價錢都好划算😝

日本過江龍東京チカラめし「燒牛丼元祖」登陸香港幾年都未食過，呢日旺角行街經過見到就入去「燒牛丼元祖」主打日式燒牛肉丼及豚肉丼，但其實仲有好多選擇，而且價錢親民實惠，點左野菜燒牛肉飯定食同鰻魚丼，加埋溫泉玉子拌飯，真係非常好下飯野菜燒牛肉飯定食用鐵板上好有鑊氣，牛肉份量都算多，定食仲有沙律、味噌湯，飯係珍珠米，我個人喜好加溫泉玉子撈飯，口感更豐富鰻魚丼$58件鰻魚都算大，如果多D醬汁撈飯應該更好小食點左唐揚炸雞、吉列蠔、餃子，味道就正常發揮

好耐無食過牛肉飯了！來自東京的チカラメシ主打燒牛肉飯和各種丼！旺角 CP值高 食店推介🍚好耐之前第一次在🇯🇵新宿分店吃已經夠哂驚艷。燒牛肉真係夠晒香口，而且牛肉嘅質素唔差！如果想經濟抵食可以選擇，最平三十幾蚊已經有個飽肚但又唔馬虎的飯，邊個話平唔可以吃得好？糧尾又可以多個好選擇！仲要係日本過江龍添！信心的保證！鐵板牛肉野菜定食旨辛牛肉丼吉烈炸蝦煎餃子鐵板牛肉椰菜定食有好多椰菜、洋蔥，鐵板上仲好熱！🐃而旨辛牛肉丼有海量泡菜，加上溫泉蛋🥚，不過略嫌這個配搭飯會比溫泉蛋浸到有點濕！牛肉有燒汁煮過後，好惹味又唔乾柴！😍各類小食都不錯啊，香脆熱辣辣！煎餃子都好香脆！抵食！下次食埋吉烈炸蠔先！

記得之前呢間牛肉飯專門初初登陸香港時以「必食的平價牛丼店」為主打😆所以一開業就吸引咗好多人排隊🙈但今次經過the Forest見竟然無人排隊，就入去試下🤣🧀芝士燒牛肉丼 ($58)芝士拉絲拉到嘩嘩聲😆😆無諗過可以拉到咁長，成個瀑布咁😂芝士好厚身好足料，不過食落就唔算好濃芝士味🫣牛肉就中規中矩，有少少偏鹹🥹純粹食下芝士都算值回票價嘅🤭🥩燒牛肉丼配唐揚炸雞2件 ($58)呢個Set都係好抵食🤑不過就冇拉芝士咁吸睛😝唐揚炸雞炸得香脆，雞肉肉質唔算太滑😅有啲失望🥹但價錢就真係好抵食，同埋勝在唔洗等位😂都值得一試😗

東京チカラめし Chikara Meshi🐂燒汁牛丼飯配溫泉🥚Chill中肯食評👨話說為食Chill今日要上班，收咗工之後一支公又唔知食咩好，就試吓呢一間位於旺角嘅牛丼飯。佢係主打燒牛肉，唔同一般嘅汁煮牛肉，但一入到去成個環境都係冇乜人🥹，心諗會唔會中伏。於是就嗌咗個燒汁牛丼飯配溫泉蛋。真心呢間嘅燒牛肉飯，質素都係普普通通，不過不失，睇相嘅你都見到隻溫泉蛋應該都係浸咗一陣溫泉所以先至會變到咁嘅樣，佢送嚟嘅時候我都即刻嚇一跳😳，然後得啖笑🤔。希望舖頭能夠提升食物的質素。🥹以下係阿Chill對呢間舖頭燒汁牛肉飯嘅評價價錢：$58味道：⭐️⭐️⭐️環境：⭐️⭐️⭐️地址：旺角奶路臣街17號地下G8號舖

᪥來自東京的牛肉飯專門店，主打的牛肉飯，有別其他牛丼專門店,這店以燒牛肉為招牌菜。此外還有供應鐵板定食，各式炸物定食等。᪥我們選擇了招牌燒牛肉溫泉蛋丼，牛肉肉質嫩滑味道濃，因為是即烤即燒，烤味出眾，味道出色，加入溫泉蛋更加令到整碗丼的味道提升。每粒飯要徹底攪勻,沾有蛋漿及醬汁後，滋味十足。᪥另一選擇野菜牛肉鐵板定食，定食包沙律和麵豉湯，份量更比一個丼豐富。燒牛肉份量多，而且醬汁豐富，炒椰菜香更健康。᪥兩個小食天婦羅炸蝦及炸蠔同樣推介,炸蝦外層麵包糠香脆，而且蝦大大隻。另外蠔也是油炸出色，一碟四隻，蠔的鮮味突出。

燒牛肉丼配溫泉蛋 ($68)牛丼賣相唔錯 肉味幾濃 中規中矩牛肉恰到好處嘅熟度 口感上富有彈性加埋溫泉蛋更加滑溜 帶微微鹹香🤓🤓燒豚肉丼 ($48)簡單大眾化嘅日式便當菜色豚肉切片均勻 煎得恰到好處 唔會過份油膩肉汁都有但唔夠 配上白飯幾飽肚‼️餃子3件 ($18)餃子幾大隻但偏油 餡料比例不會顯得過於肉重或澀口皮薄內餡都算多 沾埋醬料 簡單又香口😃唐揚炸雞3件 ($18)炸雞有啲overcooked 而且唔夠熱辣辣麵衣唔太厚重但食唔到焦脆口感肉質有少少鞋 但價錢係ok嘅👌🏻👌🏻熱玫瑰柚子蜂蜜 ($22)熱玫瑰柚子蜂蜜幾香 柚子酸甜恰到好處唔會過於濃郁 搭配溫和玫瑰香整體風味平和 中規中矩熱生薑蜂蜜 ($22)熱生薑蜂蜜 入口時帶有溫和生薑辛香蜂蜜甜味恰好中和了生薑辛辣帶來一份溫暖舒適嘅好滋味😌

日本人氣過江龍「東京チカラめし」，用了橙色招牌，在遠遠也能看到。枱面擺設多款調味料，例如：豉油、和風汁、七味粉…等等，讓客人可自由配搭。 😋餐廳使用QR code，是日選擇：1️⃣燒豚肉配鰻魚飯🍽豚肉肥瘦均勻，鰻魚肥美，有點魚骨。米飯吸收了醬汁，很快就吃光了。2️⃣鐵板雞肉野菜定食 🔸定食：麵豉湯、沙律、白飯 🍽雞肉切成小塊，肉質嫩滑，易入口，還有新鮮的野菜。以鐵板奉上，令食物保持一定溫度。 3️⃣餃子🍽餡料滿滿，味道濃郁。4️⃣季節時蔬🍽色澤嫩綠，爽口脆嫩。5️⃣泡菜 🍽泡菜香氣厚實、辣度持久。 6️⃣芝士年糕🍽外層金黃，內裡煙韌。7️⃣熱玫瑰柚子蜂蜜 🍽淡淡的玫瑰香氣，清香的柚子，配上甜甜的蜂蜜，感覺清熱。8️⃣熱生薑蜂蜜🍽生薑蜂蜜，甜中帶點辣，溫脾暖胃。

Salad 🥗 沙律 $12 紫椰菜整嘅沙律特別健康😍，加入咗自家製酸酸甜甜沙律醬、脹卜卜嘅粟米🌽，簡單嘅配搭，已經健康又好食Deep fried oysters 吉列蠔 🦪 $40即叫即炸嘅吉列蠔小食性價比好高，裏面嘅蠔夠新鮮，超級重海水味🌊，點埋旁邊嘅homemade 醬汁，真係好夾啊Chicken & vegetables on sizzling plate 鐵板雞肉野菜定食 🍗🥬 $68呢個鐵板雞肉野菜定食值得推介👍🏻，成個set 有紫菜麵豉湯、fresh 嘅沙律同埋日本米，相當豐富✨，而鐵板可以一路保持雞肉同野菜嘅溫度，keep住熱辣辣🔥，雞肉口感滑捋捋🐔，野菜嘅份量都唔少！Grilled spicy beef donburi 旨辛燒牛肉丼 $68大大碗嘅旨辛燒牛肉丼🥩好受食客歡迎，中間有個好吸睛嘅半流心雞蛋🍳，望落去已經好吸睛，旁邊係足料嘅牛肉，牛味相當濃郁，辣嘅程度啱啱好，食落去更開胃Salt-grilled pork donburi with salad 鹽燒豚肉丼配沙律 🍖🥦 $53 味道唔會太鹹嘅鹽燒豚肉丼配沙律好抵食，豚肉嘅口感唔會太煙靭，仲有健康又煮得好腍嘅洋蔥

今晚突然好想食牛肉丼，行過旺角The Forest 見到日本過江龍 - 《東京チカラめし》 ，門口排晒隊等食，我都唔執輸排埋一份先😜等咗大概15分鐘侍應安排我們入座，客人可以用QR code自助點餐，我哋叫咗兩個定食小食share：🔸旨辛燒牛肉定🔸定食包括味噌湯、沙律、白飯，燒牛肉用鐵板奉上，份量都幾多，可以保持食物熱辣辣，少少辣味🌶️嘅燒牛肉，還有炒椰菜🥬，再加多隻溫泉蛋🥚喺上面，送飯一流啊！🔸鐵板雞肉野菜定食🔸另一款鐵板雞肉，定食一樣包括味噌湯、沙律、白飯，雞肉用燒汁炒得香噴噴，加上炒椰菜🥬，同樣惹味！🔸煎餃子🥟三件🔸餃子🥟底煎得脆卜卜，沾少少豉油已經好好食🔸芝士年糕🔸外面咬落脆脆，裏面係煙煙韌韌嘅年糕，仲有夾着邪惡又好食嘅芝士🧀🔸吉列炸蠔🔸炸蠔雖然唔唔係好大隻，咬落外脆內軟，有蠔味👍🏻🔸熱生薑🫚蜂蜜🍯🔸🔸熱檸檬柚子蜜🔸

想食呢間東京チカラめし～牛肉飯好耐，今日經過見排隊人流人不多，就進入開餐囉☺️。我同老友都喜歡食肉肉，就點左芝士燒豚肉丼飯同鐵板雞肉野菜定食，另外加配小吃，好豐富啊！芝士燒豚肉丼，飯上鋪了滿滿豚肉跟芝士，豚肉肥瘦適中，配搭炒得出色的洋蔥，跟醬汁拌勻食非常好味。鐵板雞肉野菜定食，包埋味噌湯同椰菜沙律，香噴噴的椰菜同雞肉份量足，熟度剛剛好，雞肉嫩滑的，配搭食很滋味呀😋。鰻魚小食亦唔錯，另外還有炸吉列蝦，芝士年糕，均炸到金黃色，抵食又好味。飲品則點左熱生薑蜂蜜同熱檸茶。

【旺角•東京チカラめし】@ππππππππππππππππππππππππππππππ旺角連鎖牛肉飯店芝士燒牛肉飯鹽燒豚肉飯餃子定食溫泉玉子唐揚炸雞3件凍檸檬茶芝士燒牛肉飯 - 這道菜給人留下了深刻的印象。牛肉的烤製很恰到好處，而搭配濃郁的芝士，味道更是十分美味。推薦給喜歡牛肉和芝士的朋友。鹽燒豚肉飯 - 豬肉入口即化，鮮嫩多汁，鹽燒的風味十分獨特。搭配白飯食用，簡單卻美味，是一道令人回味的料理。餃子定食 - 餃子包裹的餡料鮮美，皮薄餡多，搭配定食的配菜讓整體口感更豐富。是一份經典的日式料理，絕對不會讓你失望。溫泉玉子 - 這份料理美味又營養，溫泉蛋外層鬆軟，內裡的蛋黃濃稠，滑嫩可口，是一道營養又美味的選擇。唐揚炸雞3件 - 香脆多汁的炸雞，十分美味。醬汁的調配使得口感更加豐富，適合搭配飯食用，是下酒菜的絕佳選擇。凍檸檬茶 - 清淡的檸檬茶搭配冰塊，十分開胃，清爽怡人，是餐後的絕佳飲品選擇。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#旺角美食 #東京チカラめし #web3旺角東京チカラめし旺角奶路臣街17

行經旺角 The Forest，一入去見到 "東京チカラめし"，係日本有40幾年歷史嘅超人氣過江龍「燒牛丼元祖」，鍾意食牛肉就啱啦！店內都幾闊落，有吧枱及卡位選擇，環境整潔乾淨。枱上有調味料，可依個人口味自行調配。餐廳除咗主打燒牛丼之外，仲有即叫即燒嘅鐵板定食，亦有咖喱飯、豚丼、鰻魚丼、餃子、唐揚炸雞、吉列豬扒等，款式與別不同，好吸引呀！鐵板野菜燒牛肉定食      $70依度都有鐵板食，好特別呀！燒牛肉好juicy，肉質是半肥瘦，牛味香濃及軟嫩，醬汁微甜亦帶少許鹹，用嚟拌飯好美味，旁邊嘅蔬菜，翠綠鮮爽，食起嚟更fresh，配埋味噌湯同沙律，好滿足呢 ~咖喱吉列豬扒飯    $60炸至金黃香脆嘅豬扒，肉質嫩滑，有肉汁，咬落去好鬆軟，口感脆脆，再淋上日式咖喱汁，味道帶少少甜，相當美味可口，同時，加上軟韌醇香嘅米飯，這款都係我最喜愛嘅！鰻魚    $48醬汁香濃，魚肉軟嫩，油脂好豐富，帶出燒烤香氣，甜中帶鹹嘅醬汁，充滿日式風味！追加燒牛肉    $45啱啱食咗鐵板牛肉，咁好味，立即追加份燒牛肉。牛肉烤至焦香，肉味濃郁，牛肉吸收咗秘製醬汁，非常入味，鹹中帶甜，就算淨食唔配飯都咁美味。唐揚炸雞

同區有間牛肉飯成日都大排長龍, 其實哩間係The Forest地下既CP值都好高好值得一試!! 大大個橙色招牌sharp醒離遠都望到佢。除左平時一碗碗既don飯之外, 哩度仲有鐵板牛肉定食🧡旨辛牛燒肉定食 ($78)+鐵板野菜燒牛肉定食 ($70)黎到係比想像中大份, 牛肉份量多可以用一堆黎形容!! 絕對夠拌一碗珍珠米飯!鐵板野菜味道香甜之餘椰菜仲吸埋肉汁香味, 而中意食辣既我就一定揀旨辛牛燒肉, 佢除左灑左7味粉之外, 野菜部份仲會加左泡菜入去, 仲有隻流心蛋， 成個味道好豐富, 辣辣地好岩我胃口, 成盤清哂冇難度。另外仲有misu soup同埋沙律, 湯有加腐皮冇咁寡, 沙律加左少少D蒜味既沙律醬, 又幾好食。 加左份吉列蠔同埋餃子, 餃子正常發揮, 而蠔就更出色, 夠鬆脆熱辣辣!以佢價錢同質素，絕對可以成為飯堂✔️✔️

成日經過見到呢間都覺得幾有日本feel，今次想食牛肉飯而諗起佢，終於有機會食到🤩定價都算平民，最平四十幾蚊就有碗飯，款式都算多，有豬、牛、雞嘅唔同配搭，上菜又夠快，CP 值唔錯！✨旨辛芝士雞肉丼 - 賣相唔錯，面頭滿滿炙燒芝士，下面原來係泡菜雞肉，所以有d微辣，撈均食幾入味🧡✨燒牛肉丼配餃子3件 - 個汁幾香濃，牛肉薄切易咬，珍珠米爽甜有口感；餃子係熟悉嘅日式餃子味道😛✨芝士年糕 - 比平時食開嘅大塊，裡面勁多芝好邪惡🧀✨唐揚炸雞 - 有3件，都幾大件，啖啖肉唔錯😻