東京チカラめし

营业中

休息中

去聽音樂會前 看到了過江龍元祖牛丼店 – 🇯🇵東京チカラめし當時不用排隊 所以就去試試餐廳有著30多款菜式🍛🍲🍜有牛丼 豚丼 定食 咖哩等等 非常豐富用QR code下單⋆_ᴛᴏᴛᴀʟ ᴏʀᴅᴇʀ__ ⋆🐖鹽燒豚肉丼(配唐揚炸雞)飯🍚上蓋滿豚肉、洋蔥、蔥洋蔥甜味很好吃豚肉不會過膩 不錯不錯唐揚炸雞2件性價比好高 大大粒炸雞肉質彈牙 外皮香口👍🏻 🐮燒牛肉丼牛肉燒至剛剛好 份量都算多配上來自日本醬汁及大量蔥絲很香濃 日本米也很軟糯

今日Lunch想食牛丼，經過東京チカラめし，見裡面好多人光顧，就入去食Lunch。我地大概12點到，裡面已經坐滿人，係店餐廳門口等咗一陣至入到去。餐廳闊落，裏面主要有四人卡位座同圓枱。菜單有牛丼、豚丼、定食、咖哩同配菜選擇。牛肉丼主要有燒牛肉丼同鹽燒牛肉丼，仲可以選擇丼的大小，並、大。我點咗燒牛肉丼(配唐揚炸雞2件)，份量選擇並。價錢總共$58，如果單點燒牛肉丼會再平$10。燒牛肉丼味道唔錯，牛肉份量足夠，炸雞味道一般。整體黎講，燒牛肉丼性價比高。

香港原來又多左間日本連鎖牛肉飯🥰 菜單都幾多選擇下！鍾意食丼飯 又想平平地嘅你 呢個真係個超好嘅選擇！🔖鹽燒牛肉丼配餃子3隻 HKD58牛肉唔乾，軟腍，而且醬汁好有鹹香，幾惹味，撈飯食令白飯帶有點綴，又唔會過鹹。餃子相對遜色，可能擺得較耐，外皮軟咗，味道就同普通日式餃子一樣，不過不失🔖野菜燒豚肉定食HKD70定食幾豐富，有麵豉湯、沙律、主食同白飯。沙律酸酸地，幾清爽開胃。主食唔會太鹹，汁令蔬菜帶點鹹香同鮮味，而且炒得幾腍，椰菜不會太硬，豬肉亦唔會太乾，整體味道不錯，同幾抵食🔖鰻魚HKD48鰻魚稍貴，但味道唔錯，鰻魚汁味道濃郁，鰻魚肉質彈牙紥實，可以一試🔖生薑蜂蜜HKD22用薑絲及柚子蜜沖，飲落頗重薑味，唔會得甜味，而且薑味係口腔迴盪，幾暖身同舒服

📍東京チカラめし喺旺角有一間性價比幾高嘅日式快餐店，晚飯時間完全滿座，出面條龍都有返咁上下長就知佢有幾受歡迎，好彩嘅係排咗一陣就入得😮‍💨旨辛牛燒肉定食🍱 $78一個餐有齊飯、麵豉湯、沙律同埋餸，真係抵食到爛😛牛嘅份量都幾多，加埋泡菜同高麗菜，食完真係好飽！鹽燒牛肉丼🍚（配溫泉蛋）$68鹽味醬鹹鹹地送飯一流，牛肉都唔會煮到太乾身，仲保留到少少肉汁。日式煎餃🥟 $18皮又脆又薄，豬肉餡juicy，呢個價錢算係唔話得。

在旺角做完按摩一個人不知去邊到食要揀一間又方便又抵食嘅日式餐廳呢間日式餐廳主推牛肉丼聽講油麻地分店長期都有人排隊座位頗多，用QR Code 落單店員服務幾好，呢樣好重要👍🏻見到隔離枱對情侶話炸雞唔熱店員好有禮咁講「唔好意思呀，即刻幫你換過碟」。野菜燒豚肉定食 $70份量充足，飯大大碗夠晒男士份量了吧🤭上枱時食物仲係熱辣辣豚肉同野菜份量平均用返定食既汁肉撈飯食好好味。熱生薑蜂蜜 $22 呢杯野飲絕對要讚夠晒薑味 但都能易入口因為蜂蜜中和咗個薑辣味有啲似飲緊中式糖水咁Menu選擇頗多要花d時間揀😆最緊要係唔使加一放埋Menu俾大家睇參考下🤗

剛剛打完波就去到旺角逛下波鞋街，忽然個肚響起咕咕聲，醫肚去啦。未到12時東京チカラめし未有太多人，入去食番個定食。用QR code 落單，方便快捷，上菜都好迅速，好快就有得食啦yeah。叫了燒牛肉定食和一碟餃子，這裏的日式餃子皮薄餡料爽甜，鍾意高麗菜的脆加上豬肉，幾唔錯。燒牛肉定食好豐富，除咗有一碟燒牛肉之外跟一個日本米飯一個蔬菜沙律和麵豉湯。沙律爽脆又健康，燒牛肉好香牛味好juicy，瘦中有肥，送飯之選，

今日氣溫驟降，陰沉沉又潮濕，人也覺得冇活力，最好係食返啲少少刺激嘅食物。今日又係獨自開飯的日子，行過東京燒牛丼店當然要食番個平價美食，是日我吃咖喱飯。咖喱飯配燒牛肉（$65）這個日式咖喱飯咖喱的顏色比較深色，其實日本咖喱源自印度，裏面帶有少少肉類和蔬菜，味道有啲甜唔辣，配米飯是一個非常好選擇。燒牛肉燒到微焦加上洋蔥、醬汁，入口有醬油香味又有洋蔥的甜味很不錯。另外叫了一個椰菜絲沙律，好鍾意它的爽脆，麵豉湯又係我的最愛，加配十元就可以飲到，一餐飽肚暖胃簡單的午餐。

呢間東京過江龍🇯🇵 主打烤鐵板燒同埋丼飯😛最緊要係CP值非常高，旺角平價之選💵餐廳好受歡迎，當日繁忙時間去都排咗一陣隊🥹大家記住早啲去🥩🥚鹽燒牛肉丼 (配溫泉蛋) $68牛肉肉質鮮嫩，秘製醬🥣溫泉蛋同牛肉調味恰到好處🧂一啖牛一啖日本米，唔會味覺疲勞👍🐂🌶️旨辛牛燒肉定食 $78店員介紹「旨」係指清淡持久，而「旨辣」即係辣得黎又好好味嘅意思😂仲要係即叫即烤，食材新鮮，冇得彈🔥🥟日式煎餃 3件 $18餃子鮮嫩好juicy，配丼飯食好夾😋餐廳評分（滿分為5個🍿）😋食物味道：🍿🍿🍿🍿🍿🧮CP值：🍿🍿🍿🍿🍿📸打卡able：🍿🍿🍿🍿👨🏻‍🍳餐廳服務：🍿🍿🍿🍿🍿

原本呢間都係常去嘅牛丼店, 一開始覺得味道幾好。真係唔知係唔係轉咗手或廚房換咗人，整體比啱啱開時退步好多。今日星期六下午四點去食，當時人唔多。正常叫燒牛肉丼加炸雞，再加杯熱奶茶。今次上菜時間係快，但唔知點解所有嘢上時都只係暖暖哋。當碗飯底都唔熱，牛肉丼啲汁撈好已經變成杰撻撻，牛肉亦因唔熱食落好肥膩。炸雞亦一樣，炸漿係淋嘅。.... 連杯熱奶茶都係luke warm，飲左半杯放棄，呢次感覺慘過食xx家(呢間就算啦，多年冇幫襯啦)。

今日出咗旺角食Lunch，去咗食牛肉丼。去到店舖大概十二點半，店舖裏面好大，但座位已經full哂，我哋係出面等咗一陣至入到去。店鋪裡面主要有多張卡位，亦有圓枱，方便多人用餐。店鋪有多款菜式，有牛丼，豚丼，定食，咖啡等，非常豐富。我點咗一份燒牛肉丼配2件唐揚炸雞。丼飯有分並同大份量。我點咗並份量。燒牛肉丼(配唐揚炸雞2件) 並 $58燒牛肉丼味道唔錯，牛肉份量都算多。唐揚炸雞大細似雞粒，味道一般。整體來說，牛肉丼值得一試，價錢亦唔算好貴。

東京チカラめし📍 旺角奶路臣街17號THE FOREST地下G8號舖有次係旺角行街，朋友見到呢間日本燒牛丼專門店已經表示好想食，皆因佢係日本迷，每次有日本過江龍嚟到香港，佢都一定要試一次。平時嘅日本過江龍，一般價錢都偏貴，但好多時都無奈要食貴價，因為可以唔使飛去日本都食到地道嘅美食。嚟到旺角呢間專門店，我哋都比佢嘅價錢嚇親，無諗過價錢可以咁平，平均40幾50蚊就食到一款高質嘅飯，想食好啲，鐵板餐都唔過100，真係估唔到！東京チカラめし喺日本有40幾年歷史，有燒牛丼元祖之稱。同其他汁煮牛丼專門店唔同，東京チカラめし所有日式燒肉丼都係鐵板燒用即叫即燒，喺肉類燒至微微焦香後再淋上特製醬汁，令人一試愛上。 💰$70鐵板野菜燒牛肉定食 🐄想食燒肉但又怕肉多油多太飽滯？呢款鐵板野菜燒牛肉定食就適合想營養均衡啲嘅人士啦！東京チカラめし堅持以鐵板燒即叫即烤，務求令上檯嘅食材保持最好嘅溫度同口感。高麗菜、洋蔥、牛肉，一塊鐵板上承載著滿滿新鮮食材同滋味，各位牛魔王千祈唔好錯過！ 💰$58芝士燒豚肉丼 🧀🐖除咗鐵板，佢哋另一招牌一定係芝士燒肉丼，唔食牛肉嘅我揀咗豚肉，滋味不減。豚肉用咗日式味淋同日本空運到港

今日去旺角臨時換証中心換證件準備龍年出行，把握時光欣賞春天之美。離開時見到對面的元祖牛丼店。這間過江過有著30多款牛肉，豚肉丼和定食，燒牛肉丼仍是我最愛的選擇，烤過的牛肉特別好味，肉味較濃香，釋出的油脂加上洋蔥，芝麻、菠菜等，還有牛肉汁加入日本米飯中好有醬油香，元祖日本牛丼的味道始終如一。這個餐配唐揚炸雞好香口，我將它點了另叫的溫泉玉子中好有風味。沙律菜新鮮爽脆，健康之選。熱生薑蜂蜜好夠薑味，不錯。

新年之前想添置新波鞋，當然旺角波鞋街為首選，11時許還未吃早餐，想食個快捷便食。The Forest 有間元祖燒牛丼都唔錯嘅。而家興數碼點餐，這間也不例外，方便又快捷。選了鹽燒豚肉丼配溫泉蛋，加咗一個泡菜和飲品。鹽燒豚肉丼上面有些䓤絲，豚肉中又有大量的洋蔥增加香味和口感，這個餐還有一隻溫泉蛋，放於飯中拌勻，更加香滑和濕潤。講返個豚肉，是來自荷蘭的五花腩，肉質比較嫩滑而且肉量也不少，好抵食。另外我點咗一個泡菜，它跟豚肉非常夾，簡單又和味。

之前都有食過幾次，都係正正常常價錢都OK所以隔一排都會食，但係我發現質素越嚟越差。今次加咗個$18 3隻嘅餃子，手機落單後1分鐘都冇就即刻上左。個餃子一望就知道放咗好耐，直接光澤都冇淋pat pat咁。我就等其他菜都到咗先試下佢，其實其他菜都只係5分鐘內就到。一試個餃子，完全係凍冰冰一啲溫度都冇，啲皮就淋pat pat咁，一試就知道放咗好耐。同個店員反映返之後，佢竟然話：「我見到你哋都放咗好耐先食」🙄。但係佢都有重新換返俾我哋，放低碟餃子嘅時候仲要講：「今次記得快啲食啦」。其實個餃子換左同冇換，一眼睇落差別都幾大，真係以為我哋係傻嘅？依家係你哋食物嘅質素有問題，店員竟然要賴返落我度，仲要咁樣串我。買單嘅時候仲要黑口黑面，呢啲垃圾舖頭真係冇下次。

今晚又係一個人食飯 ，又走咗嚟又幫襯這一間 餐廳， 不過今日食飯就多咗一個小插曲還好一個人食飯唔使要點樣等位老規矩都係想食這一個旨燒牛肉定食， 因為覺得呢個真係超抵食 ，已經有溫泉蛋同埋有泡菜 ，比散叫真係抵食好多今次第一次見到餐牌上面原來有季節時蔬，即係一碟菜，只係12蚊，同埋仲有香芋地瓜丸12蚊一碟菜，真係覺得超抵食， 份量算唔少 ，真係同張相一模一樣，唔錯唔錯我落咗枱面嗰啲燒汁落去食超正到個餐上菜，嚟到咦點解好似唔係好似牛肉嘅似豚肉喎，再望下自己個落單記錄Oh... 我真係落咗豚肉，咁就唯有照食啦第一次喺這家餐廳食豚肉，出奇地又覺得幾好食喎，豚肉係 一片片半肥瘦咁嘅初頭唔想揀豚肉係驚佢好肥，但係食落呢啲肥嘅位置又覺得煙煙韌韌 ， 冇乜油膩嘅感覺，其實都唔錯老規矩蔬菜、泡菜仍然份量好多， 夠曬濃味忽然覺得，有陣時唔叫返平時食開嘅嘢，感覺都係有驚喜嘅