東京チカラめし

营业中

休息中

之前經過科學園未有機會食，今次特登黎食。一入去坐低，只係問幾位，等咗陣先知道手機落單，唔怪得冇餐牌🤣叫咗個鹽燒豬肉飯，有沙律。飯幾大碗，食到一半食唔落去，好飽。慢慢食都差唔多食晒~ 講吓個飯先，豬肉同飯份量好足，味道可以再濃d，因為冇咩汁，所以D飯係冇咩味，最後靠枝韓式辣醬KO埋佢。(p.s. 唔係日本餐廳咩，有韓式辣醬嘅?!)個沙律幾好食，主要有椰菜同粟米，佢有枝沙律汁，配合一齊好好食，酸甜開胃。記得要落呀👍👍如果下次黎可以再試下其他，都幾多款式!

同老公踩單車，經過科學園有d 肚餓，諗住醫下個肚再向元朗出發，其實聽過其他車友話呢間難食，但我地未試過，又見到有其他分店，不如就入去試下個味道啦😂入到去，超焗，好似無開任何冷氣咁，一D 風都無，不過就有卡位有得睇車，諗住快食啦，嗌左照燒牛肉丼加2件炸雞，而老公就嗌左牛肉丼加溫泉蛋。丼飯無幾耐就到啦，一食，我老公皺埋眉頭，跟住我都食一啖，連我都皺埋眉頭，好咸呀😫😫😫忍唔住同呀姐講。個陣咸味真係太咸，跟著就聽到廚房話再煮，跟著再黎個碗係好左小小，但都仲係好咸，無辦法之下我過左水沖沖佢先放到入口🫠溫泉蛋正常啦，炸雞好明顯係朝早炸完一直放係度既，因為唔脆亦都唔熱，果然真係好難食，見到都怕🤮

Nice to have a fast food option at Science Park.Mostly know for its 'beef' bowls with rice, I opted for their fried chicken at lunch. Set comes with fried chicken, salad, rice and miso. It was a pleasant surprise would recommend. Chicken is fried well, crispy batter with juicy meat.Good portion size and great value at $58 for a sit down meal.

踩單車踩到科學園，好肚餓，見到呢間餐廳食既野唔錯，就入咗去試吓😎我地都係叫咗燒肉牛肉丼配唐揚炸雞2件😋炸雞炸得好脆，熱辣辣脆卜卜👍🏻燒肉牛肉丼就有少少鹽，不過整體都唔錯😋份量都比較大，女士食就會多咗少少，男士食就岩岩好👍🏻

買個外賣又要我出面等 但係個玻璃有反晒光咁 睇鬼睇馬咩 😅 啲Staff又串又無禮貌 明明個餐廳冇乜人但個外賣等得又好耐 結果我買一轉外賣 係個餐廳行出行入咗好幾次 😅 完全係貼錢買難受

好食。牛肉飯嚟講，好食過吉X家，D醬汁好好味。枱面辛辣醬有D似韓國辣椒醬既味道， 好味。晚上人少清靜，好舒服，店舖簡潔乾淨。我唔用自己手機嘟QR code，叫店務員小姐落單，無問題。有禮貎既。

牛丼，除左Sukiya同吉野家之外，大家又知唔知元祖係邊個呢～其實就係呢一間東京Chikara Meshi啦(´▽｀)之前據講開到香港，旺角店好多人食，但係原來科學園呢度都有喎！今次我係踩下單車先發現到，所以就外賣拎走返屋企食啦～唔知味道如何呢？～～～～～～～～～～～～～～～～～～～～♡ 燒牛肉丼配溫泉蛋 $55 (7/10)呢個丼，個人認為中規中矩啦，唔可以話佢難食，但係都唔係話好好味🤔堂食嘅話的確係會有啲優勢既，外賣走就冇咁熱，不過中肯黎講，肉都算幾多嘅，但係始終有返咁上下價錢。O 同Sukiya比較？Sukiya其實係抵食d，而且等候時間來比較，都係Sukiya取勝，可能因為佢哋即叫即整，要等15分鐘好耐🥺但個人食落感覺又唔算太大分別呢～～～～～～～～～～～～～～～～～～～～～總之，偶然一試/想試吓佢兩者之間嘅分別嘅話就可以試吓嘅，今次都係因為佢喺附近所以先食。堂食黎計呢，就一定係sukiya等得耐，所以如果計埋時間成本，其實就差不多🤔都ok抵食㗎！

單車路過 是但買左takeaway 填下肚 點知咁好味 星期日都多日等takeaway, 等左一陣 無論係 牛肉 汁 飯 配茶 加埋一齊都係100分 仲要超平 $60 左右 好食過好多日本餐廳 ！

聖誕假期玩咗咁多日，今日終於可以抖一抖🙈。相信大家係聖誕假期🎄都帶小朋友周圍去玩，而我哋都唔例外，聖誕節當日去了塔門😆。不過塔門非常之多人，已經唔係我地3年前個時去嘅境況。Anyway，去望下海景、輕鬆走走也不錯。然後搭番船出馬料水碼頭，諗起科學園就在附近，一於去呢度開飯。朋友介紹科學園新開了「東京燒牛丼元袓」，裝修好有地道日本feel而且餐廳對出一大幅空地，小朋友食完飯可以跑下放電。食物方面，有燒牛肉、鹽燒牛肉、鐵板燒牛肉，分別可選配溫泉蛋、沙律、唐揚炸雞、餃子個人較喜歡鹽燒牛肉。價錢不算貴，當自己去咗轉日本都不錯😆。

之前一直想試下呢間既牛肉丼，但油麻地果間長期都有人排隊，難得呢間唔洗排隊，所以去試下，入到去原來係坐低掃QR code落單，仲以為好似吉野咁，價錢比吉野貴，叫左個＄58溫泉蛋牛肉丼，無set唔包野飲，出菜都算比較慢，快餐㴝講都等左十分鐘以上，㴝到之後賣相都ok, 但可能心入邊有種期望，始終話哂都過江龍，以為會有吉野既影子，以為係牛肉汁牛肉丼，原來係燒汁牛肉丼，味道其實唔係差，但依個價錢性價比真係一般，無乜翻試既慾望，經過既可以試下，要排隊就唔太值得了

CP值負數,完全唔係正比！啲汁唔夠多，啲飯好乾好dry!員工嘅合作性不足，令到外賣嘅等候時間超長，一個普通嘅飯都等咗成45分鐘！根本完全係一個貼錢買難受嘅經驗！

用平常心去食，去等待，其實完全冇問題嘅。1個野菜燒牛肉定食，就要等三十五分鐘。舖頭話因為即叫即制，所以有啲時間。但係其實聽返隔離枱，同我自己啲食物嚟到，已經其實係半凍㗎喇。 佢成個流程jam咗喺負責擺食物嗰度。 全部餐都係得一個員工佢負責湯同飯同擺盤。 如果呢一樣嘢進步好多，其實成件事都ok㗎。 咁當然食物質素味道方面，你預咗其實同佢既競爭對手差唔多，例如好多橙色嗰間牛肉飯。不過啲牛肉同菜都ok嘅，個醬汁鹹咗少少。 不過份量ok都食得飽。