東京便當 (已結業)

琴日睇報紙見坑口開左間日本野係賣便當,睇d相好似好正咁就想去試下,原來果間係外賣店黎.我同屋企人假期都會出街食,但係唔會買外賣,唯有等第二日先買.所以,今日考完試放學就去買番屋企食喇.可能琴日係假期,又係食飯時段,所以見到有好多人排隊買便當,今日就少左好多.成間鋪大部份位置都係廚房,出面就係收銀.佢出面有個櫃係放左d便當模型,做得好似,見到都想食呀睇左一陣,我就揀左要南蠻炸雞便當.佢係即叫即整,等左陣終於可以拎走,番屋企慢慢歎喇.因為行番屋企要15分鐘,所以番到去d飯由熱變左做暖,d炸雞都冇咁脆.先講粟米沙津,粟米爽甜,加埋沙津酸酸地夠開胃.車厘茄我唔鐘意食,所以冇食到.跟住到漬物,又係好好味,好開胃,就咁用黎撈飯都得呀 至於個飯就煮得好綿,但因為唔係即刻食,所以有d濕氣.飯上面果粒酸梅真係好酸,但好爽脆.而炸雞亦都因為相同原因冇咁脆,但炸得唔油.配炸雞嘅他他汁整得好好味,同炸雞好夾,而且好清新,食完仲記得呢隻味!雖然唔係咁明點解個便當叫「南蠻炸雞便當」,唔知係咪因為迎合我地呢班南方人而設架呢xd?

(這篇是小的第一次寫的食評，請各位好友多多包涵。)小的是一名「哈日族」，雖然酷愛日式的東西，但是在吉●島吃過不少所謂日式的飯餐後，仍覺得缺乏了一種「日本味」。結果最近在住家付近的坑口連理街商場裡，開了一所日式便當店，便心血來潮來幫襯一下。這間店舖因為只做外賣，大部份舖位也是廚房，所以舖面的面積並不大，但偷窺一看廚房的小小出菜窗口，看到裡邊是蠻乾淨的。飾櫃裡放滿了日本食店常有，製作得彷如實物的菜式模型。舖前亦掛上十分搶眼的相片做餐牌。但因為追求日本風味都用了和製漢字，（像南蠻炸雞、生姜豬肉）說起來有點繞口，幸好旁邊都有餐號，直接跟店員說出號碼點單便很容易，然後就是待廚房「即叫即做」。小的在晚上九時左右點單，人流不多等了五分鐘左右，但聽鄰居說，週末中午時間人流之多，有時候要待半個小時…可能是新開業，大家也集中同一時間去試吧。回到食的正題，心想日本便當一向是冷冰冰的沒有米氣，但是這小舖子給了我很大的驚喜。除了便當的飯是熱哄哄外，餸菜也是暖暖的(重點)。對吃不慣冷飯的中國人來說，這種日式便當理應是接受範圍之上。因為和家人一同吃所以點了兩款便當。南蠻炸雞便當($29)(在日式炸雞件上拌上他他醬)

我既第一篇食評, 也是"東京弁當"既第一篇食評! 請各位飲食界哥哥姐姐多多指教~據悉東京弁當乃香港第一間日式弁當外賣店, 坐落坑口連理街商場~初初會諗, 全港第一間, 點解唔揀旺角/ 銅鑼灣等旺區呢? 去到就知道原因啦!因為不設堂食之餘更沒有bench/bar table, 所以一定要係住宅區先做到。 仲記得2年係沖繩食過人生最好味既弁當, 一個好好味既滑蛋豬扒飯, 個種美味到而家都歷歷在"口"!所以, 當我試呢個弁當既時候, 心裡的確充滿相當高既期望!不過等個陣, 我無聊問下舖頭個哥哥覺得邊個弁當最好味, 佢竟然同我講: "其實呢, 話好味就唔係話真係好好味! 不過以咁既價錢, 算係唔錯架啦~" 落完order, 大概等8分鐘, 一大盒弁當就熱辣辣送上了~~一打開個弁當, 仲有煙出, 就知道係即叫即做的~豬扒都係脆架!!! 底下仲有幾條意粉墊底, 避免豬扒變"淋"~好有誠意啊~ 白飯上面有d黑芝麻, 好好味~~d配菜都好好味~ $29, 真係又平又抵!!! 不過可惜滑蛋豬扒飯暫停供應~下次一定要試第d款式!!!