東京淺草炸雞專門店 (黃大仙中心南館)

营业中

休息中

去到同某男店員講兩位唔該，佢竟然望一望我就繼續做其他野完全唔答我Ok! 自己入去揾位！一路食野就一路聽到某男店員不停落錯單入錯機，好彩冇發生係我身上講番食物質素，我嗌咗芝士滑蛋炸雞丼 $59 夠大份好食！芝士可以拉絲可惜店員服務態度太趕客啦 唔改善下都唔會想再食囉

同一大班朋友黎左朝聖，好彩一早到左先唔使排隊，食緊個陣見到出面排哂長龍我地嗌左兩份炸雞share，仲有飯添，其實真係幾邪惡，但好食嘛！不過呢度真係好少位，同埋店員服務態度可以有所改善。

本身對佢地食物都覺得好食抵食 但喺對黃大仙分店店員的態度真喺不敢恭維 晚市咁嘅繁忙時間 去到等位 問店員態度冷淡沒禮貌 現場所以4人位都隨便比2個人去坐 我同後面的客人都喺4，5個人等 問佢點解咁樣安排 完全不理會你 問店長 店員就求其入去廚房問問 走出嚟就叫你等吓啦咁 服務態度差到一個點

佢個量都唔細架，仲幾好食添! 我本來想叫個魚，點知佢話今日冇定唔知未有... 所以就叫左個"滑蛋雞扒丼"黎到，我搵唔到匙羹，諗住是旦就咁食啦，但原來係個tray既另一邊... 個雞扒都唔細，有尐位仲好似雙層咁... 唔乾身，少juicy啦, 個炸漿亦唔厚，薄薄的，唔會覺得自己食緊一pet粉又或者好硬咁~個蛋都滑，而飯裡面既汁都好夠，唔會話食到底就要食白飯! 所以都算係咁喎... 下次黎食希望可以試到佢個魚同其他小食

香港人都鍾意一窩蜂咁去試新嘢、一窩蜂咁走哂😪 #淺草炸雞 開業頭一年門口永遠排滿人龍，不過附近實在太多競爭對手，#淺草 呢排嘅生意似乎靜咗好多😪 #小秘書 呢日幫襯，好容易就搵到位置👍🏻#餐牌 上再唔清一式嘅 #炸雞套餐👀 我今日就點咗個 #芝士滑蛋炸雞丼。雞扒同粉漿配合得好好，外脆內嫩，不枉係炸雞高手👍🏻 但係芝士配滑蛋對我來講道田唔係太吸引，芝士反而令滑蛋冇咗應有嘅口感，不過味道一啲都唔差嘅，而且價錢都比較相宜，間中去食嚇都Ok吖！

今日飯前食左個有份量的甜品，所以晚餐唔想食咁多，咁就去左食淺草炸雞。淺草炸雞係一間我好中意食野餐廳，第一真係好食，第二又唔貴，我都已經食左幾次，每次都食得好滿足，今次我就叫左果香鹽味醬炸雞 ，E個係第一次食，$40幾，都算平，幾抵雞好多，都有6件，雞肉嫩，係雞脾肉，所以肉質好豐富，炸粉又唔厚，不過就少少鹹我最中意佢配一大pat蘿蔔絲，椰菜絲。因為雞比較鹹，所以食番蘿蔔絲點番D醬可以中和番，仲冇咁油膩

呢間店嘅位置好方便，就喺黃大仙地鐵站上面，一開始新開嘅時候好多人排隊，我等到而家終於去一試佢地嘅炸雞了!我地想試多啲野食，就叫左個2個餐，可以揀雞嘅3款口味，其他都推介，唯獨是檸檬唔太推，我以為係檸檬味嘅醬，點知係一舊仔檸檬，擠啲汁上炸雞食，就會令到個雞好酸，定係我用錯方法?😂 有冇人可以留言話我知😂不過呢度嘅炸雞肉質特別嫩滑，都有肉汁，唔會乾身，好好食份量又多。2人餐仲包2個小食，不過小食嘅選擇還好，如果有多啲野食揀就好。當晚場內唔太多人，環境靜得黎好舒服，可以2個人輕輕鬆鬆咁坐低食完飯，傾下計，都幾寫意。

上次小編講過話芝士滑蛋炸雞扒丼好好食，會下次係黃大仙有機會既時候食炸雞，今日機會到喇~! 小編今日約左友人黎淺草炸雞食lunch，等左一兩張枱，大約十五分鐘左右就有位小編叫左秘製芝麻蒜蓉醬炸雞飯伴沙律入面仲有炸/煎既雜菜，包括茄子、薯仔同紅蘿蔔。沙律就無醬既沙律菜秘製芝麻蒜蓉醬好惹味好好食 不過炸雞炸過龍，咬落比較乾同硬身 而薯仔就整得唔夠耐，中心仲係爽身既，再整耐d粉番d先得小編覺得似係失準左，失準左係薯仔上面小編覺得還好啦，不過失準左係作為招牌既炸雞上面就差左d喎仲要加埋一都要大約hkd65，唔expect係咁既水準

仲記得一兩年前經過個陣聞到好香，不過因爲太多人排隊而無去試今次經過見到唔洗排隊，即刻入左去食 唔知係因爲中午所以無人排隊，定係因為熱潮過左呢？🤔🤔🤔入到去考慮左好耐食炸雞件好定炸雞扒好，炸雞件係佢地既招牌，但小編最後揀左炸雞扒，因為想試佢個芝士滑蛋汁Hkd55蚊，加埋一要60.5一上菜就覺得賣相好吸引雞排外脆內裡多汁，滑蛋汁都okay，芝士係加分位，芝士香濃太唔會太"溜"而麵鼓湯無咩特別小編下次有機會經過會再試炸雞

叫得做淺草炸雞，就當然係主打炸雞啦。喺門口收銀枱後面就可以見到廚房嘅師傅炸雞嘅情況，見住佢啲雞炸到熱辣辣咁擺出嚟，真係好滿足。我最鍾意食佢嘅香炸雞翼和香脆雞脾肉定食，一共有四件炸雞、一碗飯同埋味噌湯。我覺得啲炸雞真係冇得彈。外皮炸得好脆之餘，啲粉又唔會太多或者太厚，一咬落去，啲汁就咇哂出嚟，跟住就可以咬到好嫩滑嘅雞肉，一啲都會唔鞋。 最重要嘅係完全食唔出佢嘅油味，同一般炸雞店用萬年油炸出嚟嘅雞有好大分別。唯一美中不足嘅就係佢得餐淨係跟一碗味噌湯，對於成個餐來講唔係好夠。所以如果唔想齋飲水，就要另外加錢嗌佢嘅嘢飲。不過，因為佢嘅炸雞實在太好食，所以每次行過都忍唔住買兩件外賣拎返屋企食。啱啱開張嘅時候有好多人排隊，但係而家就少啲啦，所以如果大家經過，都不妨試吓啦。

而家新年好多食店照常營業，年初一中午在黃大仙廣場食炸雞，熱氣騰騰旺一旺。今次試下KARAYAMA 炸雞定食，秘判芝麻蒜蓉炸雞三文治，南蠻炸雞定食，炸雞翼。KARAYAMA 炸雞定食，有款醬汁選擇，我揀左配芝麻蒜蓉醬，果香鹽味醬。兩種醬都好味，不過稍為濃咗味啲。炸雞不多炸粉而且脆，肉大舊有肉汁。秘判芝麻蒜蓉炸雞三文治，少左D生菜，及乾左D。南蠻炸雞定食，換上南蠻醬，好似自選醬汁感覺清新D，不過都好味。炸雞翼，一般。

今日同朋友出來見個面想食平d朋友提意食炸雞🍗，心想又係韓國果d！行到去就見到是日本炸雞！我想出需好多啦！炸豬扒⋯⋯應該差不多！一睇做餐牌😱平和！平時一個井x都要$9xE間$5x左右！我想食物質素應該不會很好！我地叫左個兩人餐加4隻炸雞亦套餐有沙律🥗8件炸雞 小食兩個（炸薯角和炸豆腐茄子🍆）兩個（面士）湯這一家值得一讚的是炸物由其是炸雞！味道很好不在說！油溫剛剛好炸出來的雞不會有油利感！👍🏻👍🏻👍🏻👍🏻👍🏻👍🏻總結服務-可以環境-地方細上可味道-好好好滿分💯價錢-平e個價錢食到e個質素👍🏻

簡單直接 ～ 日式炸雞！所有餐都圍住炸雞件或炸雞扒作主菜，所以唔想食炸雞就唔好入來自己失望！日本做菜方法，配日式秘製芝蔴蒜蓉醬或果香鹽味醬，幾款不同嘅醬料選擇都好突出炸雞件嘅味道。炸雞始終係主角，外脆內嫩嘅雞肉伴不同季節性會提供期間限定嘅餐單，但主要都係炸物如炸魚或雞類。整個餐廳都以快餐形式操作，所以服務只係一般，沒有太多期望。

咁啱路過黃大仙，見到門口企理，價錢又平，就衝左入試。叫左個炸雞2件+雞肶定食。即叫即整，出到黎好juicy 而且夠脆。亦不會overcooked。另外再叫左芝士滑蛋雞扒飯。芝士半溶唔會一舊舊，蛋亦唔會整到港式蛋咁。超好味。不過d 雞同炸雞比，就相對遜色了，但仍然值得一試。唯一唔好就係芒果乳酸+巨峰提子乳酸超唔掂，完全飲唔出生果味，而且亦冇乳酸味，古古怪怪咁，勿叫。總括而言，連加一約$60/位，仲要份量唔細，抵

You might have to wait for more than 45mins to get food.I’m recommend here if you have a lot of time.