東京淺草炸雞專門店 (黃大仙中心南館)

营业中

休息中

好食、脆而不油！價錢符合該質素！可惜宣傳不足，導致少人問津 ：）唯獨員工全部兼職心態，態度需要改善！但沙律醫任用，炸雞又有生菜絲，實屬良心。總體來說，值得一試，希望不要太快倒閉，令香港有多一個選擇。

久唔久又想食日式炸雞，呢間平平地絕對滿足到我願望～個排做緊期間限定口味—大阪燒風味炸雞定食$59，緊係要試試啦。其實就係面頭淋既醬汁同木魚碎，呢個combination好難唔好食😋 唯一要挑剔就係個雞有少少厚粉，但炸得夠滑既，份量亦好夠！另外女朋友叫左招牌炸雞定食$59，跟兩個醬，分別係蒜蓉醬同果汁鹽味醬！配菜有椰菜沙律，唔會淨係食炸雞配飯太dry～麵豉湯熱辣辣，簡簡單單既comfort food！

近排想食炸雞所以上網睇吓有邊度近屋企附近食個晏晝飯，見到呢間野好似專賣炸雞而且好似都幾多好評，而且黃大仙都好就腳一出地鐵站就係，所以過去試一試入到餐廳座位唔多大概10張枱左右，食物選擇都唔係太多不過款款都好吸引而且價錢仲好抵。我叫咗果香鹽味炸雞丼，呢個定食會配埋一個麵豉湯，白飯上面有幾件炸雞，炸雞好脆， 食落好有咬口感覺唔會好油膩因為配左啲爽口嘅蘿蔔同埋酸酸甜甜嘅醬，再配埋少少嘅椰菜絲，整個飯味道都好夾，而且我分量剛剛好，食到好飽。我朋友叫咗他他醬炸雞定食， 呢個炸雞嘅味道同我剛才食嗰款係一樣既，我諗佢哋嘅炸醬都係用同一款只係配料同埋醬汁唔同，炸雞入口都係香脆而且個他他醬同個雞都好夾有啲似蛋黃醬咁但其實我都唔知呢個係咩味，總之就有啲似沙律醬另外我哋叫左個秘傳醬雞軟骨，呢個雞軟骨果然味道好好，好脆。軟骨嘅部份咬落好有口感，我覺得比平時出邊食到嘅雞軟骨更加好食，呢個可以值得一試。整體來講我覺得都真係幾抵食，作為一個快餐廳，佢係一個唔錯嘅選擇不過佢哋嘅炸物都係一式一樣同一個味道只係唔同款，呢個就失色左一啲。

星期一夜晚八點幾本身諗住同我fd去食壽司郎,點知壽司郎冇晒位。所以就 是但揀咗呢間，橫掂又未食過所以想試下，喺門口企咗一陣，等埋個fd先入去，感覺上位置，幾好唔會太迫定係點。環境OK，雖然座位比較少。嗰陣時樓面有兩個服務生，一個男嘅年輕啲一個女嘅師奶嗰種feel。我同我fd行咗入去，喺門口個位度睇Menu，本身以為好似大家樂嗰啲咁，落完單俾埋錢先可以坐喺度食，（我同我個fd研究呢一樣,係咪買完單先可以坐喺度食,討論咗都有幾句）個男嘅企喺附近收銀嗰度又唔講，我同個friend又唔知。跟住我個friend見到枱面有Menu先知道可以坐喺度落單。（成件事好On，9😂)然後我同個fd正要走去坐，跟住個女仔啱啱先忙完，喺入面（廚房嗰啲位）走出來話「量咗體溫未」之類的要量體溫先入座，跟住個男仔就幫我哋量體溫。跟住我同我friend選擇困難，個女嘅服務員就主動走過來同我哋講，「呢個唔錯㗎，係唔係要依個？如果要嘅話就嗌咗先，因為要整10幾分鐘」跟住我同我個fd就嗌咗同一個餐。😂我同我個friend對住食，跟住我見住我個fd背後嗰張枱D人起身，跟住我睇住個男服務員，淨係執咗客人食淨嗰啲啲碗入去（廚房嗰啲

星期六下午同朋友去黃大仙廟去之前緊係要醫肚啦本來想去另一間食堂，但係太多人等位行前d就去到呢間食炸雞，又唔洗等位.. 即入我哋入去嗰陣時佢都差唔多滿座所以我地坐左門口隔離個位不過坐嗰度唔好就係... 個位係喺排隊嘅人隔離... 得半身間隔隔開我地...所以萬一排隊嘅人冇戴口罩而佢又咳嘅話... 我哋嗰個位係會食晒既🙈 不過當時好彩又冇乜人排隊，所以ok啦我就叫咗個滑蛋炸雞丼佢一拎上嚟我已經覺得個份量好足啦有四件好大嘅炸雞，再加埋啲蛋不得了呀！佢嘅炸雞入邊係好滑，出邊係keep到脆唔會好似出邊有滑蛋豬扒飯，未食個皮已經淋曬佢價錢又平喎 $49食完之後我真係覺得好滿足呀❤️不過如果再多啲蛋就好啦

放工肚仔餓,綱好經過黃大仙就見到間日式炸雞店，因為好耐冇食過日式多數食韓式炸雞，所以就入去試試，見到menu有個期間限定推介叫極生姜雞髀肉定食就叫黎試下再加多個親子丼定食，等了一陣野食就到，個姜生雞髀是再炸雞，面上加了一些姜粉炸的，姜味不是很大適合一些不太愛好姜味的朋友，而親子丼定食就有2件普通的炸雞跟的，2件炸雞就可以就可以對比一下分別，親子丼就是雞肉加蛋但是係我，這間店的價錢可以值得推介一下。

今次係第二次食淺草炸雞喇，好耐之前食過一次，一直念念不忘佢嘅南蠻炸雞。南蠻炸雞配有他他醬，呢個醬真係無得頂，加埋落炸雞好好食呀，炸雞好香口好脆，仍保留到雞肉嘅嫩滑，高質👍🏼伴碟嘅椰菜絲又可以無限加麻醬，唔覺唔覺就食晒成份椰菜絲😂好fresh呀！佢地嘅服務亦好好，侍應好有禮貌，整體嚟講成餐飯好滿意

今晚（8/6/2020）選擇了此餐廳的外賣自取，晚上七時十三經Open Rice落單，七點二十三分鐘到，已經有得取，取時透過膠袋，已感覺很熱，絶不是一早已做起，掂。訂了三個餐，二客滑雞扒便當，雞扒炸得很脆及滑，如果多些汁就更好，飯太多了，食唔晒，有些浪費。一客芝士滑蛋炸雞便當，芝士好香及濃，拌飯食，正。唯一缺點是無蔬菜，如有紅蘿蔔或椰菜，就更好今次是第一次經Open Rice訂餐，有外賣自取 迎新優惠，減了二十元。埋單每份都唔駛五十元，抵。

黃大仙屹立數年嘅日本東京美食，今日嘗試左芝士滑蛋炸雞丼，芝士份量十足，濃濃嘅芝士包住每一啖炸雞同飯，非常滿足。炸雞份量相宜，略嫌炸雞皮比較厚，炸粉太多，但係成碗炸雞飯即叫即整，嚟到嘅時候仲熱辣辣，炸雞皮夠脆，份量亦非常多，食一碗已經好滿足。

放工夜收費事要屋企人等食飯 咪買下外賣 行過黃大仙中心 見到呢間淺草炸雞未收 便便地叫左個49蚊他他醬炸雞便當外賣拎走 去附近 5分鐘 行陣已經有得拎 一打開新鮮熱辣辣既炸雞扒配上濃厚既他他醬 加上一大碗珍珠米 食指大動 二話不說打開個盒 整番件雞扒 外面炸皮脆口夠薄唔會太粉 內裹雞肉厚實有雞味 配埋個他他醬fit到漏 再扒一口白飯 兩個字 滿足 雞扒下面 仲有椰菜絲 顧及哂飲食均衡既需要 49蚊既便當 可以比食到如此既享受 真係令人喜出望外 不得不推薦一下

曾經人氣一時嘅 #東京淺草炸雞專門店，佢哋近呢一年嘅生意似乎靜咗好多，大家再唔使排長龍就已經可以食到🤪 呢日 #小秘書 見餐廳出咗個 #新口味 #親子丼定食，咁啱呢晚又冇住家飯食，一於入去試試啦。時間可能尚早，成間鋪都係只得兩枱客... 都好😅我可以食得放心D啦🥳 #定食 包括有 #炸雞 兩件、#湯 一電卜、同埋主角 #滑蛋雞肉飯🐣 個湯唔錯，不過兩件炸雞似乎炸起咗一段時間，唔夠熱、加上無咗幾款特式醬汁，味道硬係爭咗啲😅 至於個 #親子丼，雞肉都幾嫩滑，不過加埋個蛋漿，始終唔係幾夠味🧐 又無咗滑蛋juicy嘅感覺，成個定食冇咩驚喜，不過勝在價錢夠街坊🤪我始終覺得餐廳應該考慮改裝門口嘅座位，開放式仲要對住個電梯口，唔衛生之餘，俾人望住食嘢又尷尬，所以我見今日無咩人，可以匿埋一邊食食食🥢 先考慮佢。再者，佢哋啲服務員同一般嘅日本餐廳嘅職員好唔一樣... 大家都少咗份熱情同笑容，咁啱呢餐得我一個食自己，感覺就更加冷漠喇👉🏻👈🏻

疫情當下 無咩必要都唔想出街 盡量留係屋企 於是我地就外賣芝士滑蛋炸雞便當 🍱 $76OMG!! 賣相勁吸引😍 黎到仲要熱辣辣 一個便當有六件雞 份量都幾多 而且有好多芝士🥰 每一件雞都包住好多芝士 飯食得出係日本米 勁讚❤️唯一需要改善就係如果有多啲洋蔥🧅 成個飯就更加完美南蠻他他炸雞便當 🍱 $63友人極力推介 佢話他他醬配炸雞好好食 而且他他醬份量一啲都唔小 再配上日本椰菜 好味🤩 難怪個個叫東京炸雞都會選擇他他炸雞便當由於上Openrice見到有啲食評話炸雞份量比較少但係今日我地叫兩個炸雞便當 炸雞一共有六件 而且好飽肚 所以下次唔需要單點兩件雞脾肉叫網上外賣平台雖然價錢貴啲 但係呢間絕對絕對值得俾 下次我一定會再encore👍🏻

入到去先發現餐廳原來唔係好大，座位唔多，但因為唔多人食，所以都唔使點等位，侍應反應亦都快，點餐到用餐時間都唔駛等好耐☺️☺️☺️🧀芝士滑蛋炸雞丼- 性價比超高, 芝士好足料, 炸雞好滑溜， 下層有滑蛋墊住， 所以成個飯一啲都唔乾👍👍🍗秘製芝麻蒜蓉炸雞丼-個飯一嚟到嘅時候，Mr.Po 覺得太多生洋蔥同椰菜🙈🙈, 覺得我嗰個芝士炸雞丼好味啲, 但慢慢食囉佢覺得呢個好食啲，因為呢個用咗雞髀肉， 而且醬汁唔會掂到炸雞所以炸雞唔會變冧，keep住脆口😋，不過如果醬可以再多d就好la, 因為底層食ge飯有少少乾🤗

幾年前呢間過江龍東京淺草炸雞店喺黃大仙商場出晒名，日日都大排長龍，分分鐘要等幾個鐘先可以食到炸雞。當日子耐左，熱潮就會減退，自然少咗人排隊。我哋就趁呢個時間光顧一下，試吓日式炸雞係咪真係咁好味啦！南蠻他他醬炸雞定食$49- 我會推介呢個定食！他他醬好開胃，酸酸甜甜，同炸雞味道好配合，點多啲醬都可以，一啲都唔覺得膩！定食重點一定係日式炸雞，雞皮同炸粉炸得好脆，好似食緊薯片咁。雞肉入面仲保留到肉汁，肉質鮮嫩、鬆軟，唔錯！麵豉湯偏鹹，結果飲唔晒。炸雞做得幾好，可以再嚟食！

夜晚黎到黃大仙中心，由於唔熟呢度，就周圍行下睇下有咩食。行過見到呢間日式炸雞幾平，就決定入去試下。我地叫左一個他他醬炸雞定食 ($49)同一個香炸雞翼及香脆雞肶肉定食($55)，埋單都係$100左右，好抵呀個人最欣賞他他醬炸雞，佢個醬酸酸地甜甜地，但唔太溜。炸雞亦炸到外脆肉軟，啲雞幾嫩滑，唔會炸到好乾。他他醬同個炸雞簡直係絕配，好好味！飯亦唔錯，係日本米，軟硬適中。麵豉湯就普普通通，冇乜特別。至於炸雞翼同雞肶，肉質同樣嫩滑，外脆內軟。呢款雞就配左蒜蓉汁同一個酸酸地嘅汁，雖然都唔錯，但都係配他他醬好味啲！