東哥點心籠仔蒸飯專門店

营业中

休息中

收工夜晚想食點心，就腳搵到呢間。8點幾入到去有好多位。座位都算舒適唔逼，衛生環境一般。叫左個籠仔飯套餐，鳳爪排骨籠仔飯+螺片瘦肉湯。比正價差9蚊，份量夠2人，都叫抵食。籠仔飯有荷葉飯香，唔錯，螺片湯就淡淡地冇乜味。。。其他點心正正常常夠熱都算唔錯啦。服務方面，啲姐姐都算好聲好氣，唔會黑口黑面。衛生方面，環境算衛生。不過有個小插曲，就係有隻不明昆蟲，從天而降跌落我個身度。成餐飯，一個套餐+3個點心，$176。

2024年5月1日，中午時份，我進去了東哥的餐廳，叫了4位入座，我同囡兒入去坐下，洗茶碗，寫點心，交點心紙。（全程無揼波鐘，可以翻看CCTV)，收銀姐姐見我2個人就問我，你啲人幾時到，今日星期日，出面排晒隊，我話黎緊就快到。我囡問我仲咩要吹人要到？我話香港食野就係咁架啦，我叫啲點心都未黎，你問人到齊未。過了2，3分鐘，太太同囝到左，點心都未上台。完。真心要問句香港餐飲業處於咩環境，無人黎食既時候，就話經濟差，啲人反晒大陸，當有人黎既時候，就擺高姿態，要你快食快走，唉。。一個好畸形嘅狀態餐飲業

自己一個叫外賣就棄用🐼，改用黃色logo外賣平台，因為最低消費額唔洗咁高🙈叫左個蒸飯套餐，包一個蒸飯加一個燉湯之前都叫過呢間蒸飯，嗰次味道都唔錯，開頭幾啖都還好，可惜越食越覺得咸。今次味道就剛剛好，無咁咸好食好多。面層嘅飯蒸出黎都係粒粒分明，唔會濕立立，不過底層嘅飯因為啲汁所以濕左啲。燒賣～味道都可以，啖啖肉唔會有好多肥膏。過左幾日之後都有再叫多次呢個餐，食落唔係好咸，但食完都係勁口渴。。。。。

宵夜點心食東哥宵夜，如果食點心嘅話喺唔多選擇嘅情況底下，東哥質素可以😌嗌咗燒賣，金錢肚，牛肉球 ，小籠包，蘿蔔糕，流沙奶皇包兩個人食 增肥宵夜食宵夜嘅話，東哥係我不二之選 🤭吹到天花龍鳳都冇用，有麝自然香

有日收工想食啲野發現左呢間點心佢啲點心都好出色就算係夜晚先叫都係即叫即整唔會攞啲蒸左成日嘅比我 蝦餃燒賣都好足料每粒都有2-3隻蝦最好食嘅係佢個留心包 咬落去真係爆曬奶黃價錢都正常 唔會特別貴環境就普通

今日屋企人入去食因為有事屋企人未到，婆婆一個人坐係度叫左少少野食野都未食完，有個職員走埋黎同婆婆講“走未呀”，然後婆婆有講等緊人，未走過左大約10分鐘，個職員再次走黎問"仲未走呀"欺負老人家，嚇到婆婆即刻比錢走以後請我都唔食

點左六樣野食，飲香片。牛栢葉同金錢肚、小籠包都好好食，煎堆皮厚、流沙包唔流，就麻麻。牛栢葉同金錢肚份量都幾多下，味道香，金錢肚d汁好濃咸左少少，不過都好正。小籠包多湯汁，點醋一啖咬，係口腔裡爆肉汁。下午茶兩份點心$33的套餐好抵，所以試左煎堆，係又脆又熱，不過麻麻，因為皮太厚啦。另外流沙包都有些失望，之前食過幾次都好流心，今次雖然係熱辣辣食，不過係唔流的，係普通奶黃包咁。唔明點解。最後鮮竹卷，有好厚實既蝦肉，足料，湯係清清地，都OK。兩位除開每人七十蚊幾抵食。座位間隔坐得都舒服。

我真係好鐘意食中式點心～ 其實我已經食過東哥好多次～ 因為真係唔錯👍🏻 今次叫左馬拉糕、金錢肚、辣排骨籠仔蒸飯、腐皮卷、點心拼盤～食物熱辣辣又快手上餐👍🏻 馬拉糕好鬆軟🤤 金錢肚個汁又好惹味！ 辣排骨籠仔蒸飯真係用荷葉同籠蒸出黎～ 有陣陣荷葉香味🤤腐皮卷脆卜卜～點心拼盤最抵食～ 有2個叉燒包、兩粒蝦餃、兩粒菜苗餃、兩粒粉果😋😋 仲可以慢慢嘆茶～

行山前去東哥飲下茶，貪佢地既服務有禮貌，唔會好似酒樓阿姐咁呼呼喝喝，食物大大碟，味道好過好多傳統酒樓。籠仔蒜蓉海蝦飯 - 上次同阿囡食過，佢今次點名話要食。除左好大籠，仲有好多隻蝦，開邊鋪滿蒜蓉蒸，D蝦既鮮味同蒜香融入飯中，真係超美味。牛柏葉 - 每塊都好有嚼勁，仲有香辣味，又係食到停唔到口。蝦餃 - 又係阿囡話要食，仲要一籠4件佢食左2件，真係好識食！飽滿大大粒，仲有好彈牙鮮味既蝦，皮又唔會太厚，好有水準。鳳爪排骨飯 - 爸爸話好肚餓，就叫多個飯，名付其實係飯桶！雖然係蒸飯，但勝在飯粒唔係蒸到爛個隻，仲好有嚼勁；排骨又稔滑，唔錯。仲有叉燒腸同沙律蝦春卷都一樣好味。食咁多野，埋單唔洗$200，都唔算貴啦！食飽飽，就努力去燃脂啦💪

成日聽到我媽話東哥好食，於是乎今日放假就陪佢哋去食，5點幾去到，店員就同我哋講飲下午茶就要即刻叫，因就快完，原來下午茶時間由2:30~5:30，我便叫了6個點心和一個飯，共$130，$33/2個點心，$22/1個蒸飯。燒賣皇 : 很多蝦，蝦是爽的，不過當然不是新鮮蝦啦。叉燒腸 : 叉燒較少細細粒👎🏻，皮薄👍🏻蘿蔔糕 : 很多一粒粒蘿蔔，其他料較少，一夾就散。鮮蝦菜苗餃 : 是豆苗😱，皮薄，不過只得一小粒蝦。小籠包 : 比想像中大，皮薄，餡多，不太油膩👍🏻馬拉糕 : 不太鬆軟👎🏻蒸雞飯 : 雞肉不多，只得骨總括來講味道不錯，下午茶較平

呢間點心真係覺得快靚正 茶錢仲3蚊1位免加一 而且有卡位 唔使搭台 比一般酒樓坐得更舒服 所以都成日來 星期一至五11點前有33蚊2款點心優惠 都幾抵食 首先叫左菜苗餃同小籠包 2個都好味 菜苗餃唔會蒸過龍 入面有大大粒鮮蝦 小籠包勁多湯響入面 而且皮薄 唔係急凍果隻 正呀之後叫左釀茄子同蘿蔔糕 蘿蔔糕無影到 味道正常 茄子炸過 有點油膩 可以理解 加埋燒汁幾香口 另外一提呢度d流沙包好好食 而家唔係度度有了 下次來再食先😋😋

東哥點心，係我元朗深夜既選擇，因為佢開24，而且點心食極都唔厭！東哥既點心，中規中矩啦。特別鐘意佢個荷葉鳳爪排骨飯，好香，而且好大個，如果自己食一個可以當一餐呀。另外我都幾鐘意金錢肚，好入味，好香，大大塊辣椒好SPICY，而且肚既份量幾多下～蝦餃亦係我幾鐘意既點心之一，皮薄蝦多大舊！不過某Ｄ點心唔夠熱，感覺上唔夠新鮮，特別係流沙奶黃包，唔夠流！好想叫佢拎入去再蒸返熱佢。至於燒賣同牛肉球就合格啦，無乜太大驚喜，合格既。

又來《東哥》飲茶了 今次去了另外一間分店又點了很多東西食耶·百醬蒸鳳爪有小小辣的味道 但味道不錯耶·流沙奶黃包新鮮出爐的奶黃包會好熱辣辣罷放了一陣再食還有很流心🤩·蜜汁叉燒腸若果沒有芫茜味道應該會更好🙄份量也不過不失吧haha·安蝦咸水角也是普通茶樓的味道 沒有特別耶·鮮竹牛肉球家人說味道還可以🤣

11點幾收工又餓😭可以選擇既野唔多！於是兩條友仔就話不如飲宵夜茶☺️我要飲夜茶🤘🤗唔好講笑🤣入面人山人海嫁！重要搭台😳☝🏻11點幾都咁旺🤔食食佢啦🤘飲茶就緊係要食燒賣同蝦餃啦🤘🤘🤘😎叫左 ~東哥蝦餃皇 ($28)蝦大大粒☺️皮薄😌爽口滿足☺️熱辣辣🤗！鮮蝦菜苗餃（$22)晶瑩剔透既外表☺️啖啖既新鮮青菜😎好味蟹籽燒賣皇（$23)蟹籽爆出黎既燒皇😍 爽口唔痴牙！實心真材實料唔會一咬就散🤤流野流心包（$21)那！我試過無數無數次流沙包係唔沙心😭係個包未黎之前我真係真係好緊張。好怕失望😭好在！佢真。係。流。心😍😍😍😍😍包軟身！外皮乾身入面爆出奶皇🤤唔會太咸岩岩好😊沙蔘玉竹燉竹絲雞（$32)足料既竹絲雞🤣成碗食左5舊雞🤘冷冷既天氣。真係值得飲暖粒粒既湯補一補☺️本身想食春蛋燒賣🤔不過賣曬了😭得不到更想食🤭i will be back 🤭🤘成為$132

今日去左住係元朗既朋友度，夜晚就係附近睇下有咩好食，有啲想食點心所以就幫襯呢間。點心紙都有幾多選擇，而且價錢亦都相當親民，叫左鮮人參灌湯餃、咖喱土魷、原籠馬拉糕、沙律蝦春卷、安蝦鹹水角、籠仔蒜蓉海蝦飯、越式米網炸兩腸。沙律蝦春卷 : 春卷皮炸至金黃色，而且熱辣辣脆卜卜似係即叫即整，脆卜卜既春卷皮包住原隻蝦及沙律醬，內餡多汁，酸甜醒胃。咖喱土魷 : 咖喱味好濃郁，土魷厚身之剩爽口彈牙，下層有炸芋頭粒伴碟。越式米網炸兩腸 : 滑滑既腸粉包住香脆既網紙，而網紙內有芫荽、蔥花同爽口彈牙既蝦肉，外滑內脆十分惹味。籠仔蒜蓉海蝦飯 : 白飯平均鋪在荷葉上，再放上六隻開邊的蝦，再連滿滿的薑蔥蒜蓉一起蒸 ; 上枱時已香氣逼人，米飯粒粒分明，蝦肉鮮嫩，灑上豉油食味道更佳，一試難忘。👍🏻 👍🏻