東喜茶 (已結業)

香港人都愛喝手搖飲品！————————————桂花烏龍（4/10）烏龍味夠重！味道係淡津路小小！但桂花呢？唔見左！。Oreo 芝士可可(10/10)朱古力奶上面有層芝士， 芝士上面再加左Oreo ❤️成個感覺好match , 而且飲落去好有層次！芝士奶蓋有5cm 咁厚！而且味道又夠濃！朱古力奶味道唔假，味道似吉白利朱古力粉！。脆脆椰椰（8/10）超夠椰子味，而且口感夠厚，相信係因為用左好多椰奶嘅關係！而脆脆就係椰子！

今天經過東喜茶看見減$25的優惠便買了一杯芝士金鳳茶王和芝士桂花烏龍，兩杯茶的茶味沒有太大分別，因為桂花烏龍要求少甜所以味道較金鳳茶王淡。比起其他分店，旺角分店的芝士略少。但由於有優惠，所以每杯只是$10，十分超值。

好掛住深圳嘅喜茶，不過暫時未返去深圳先，就喺香港望梅止渴啦😂😂😂...！今次飲嘅就係喺香港算有幾多分店嘅東喜茶🤣🤣🤣無論係飲品嘅種類，店舖嘅裝修，都有幾分似深圳既嘅影子～～今次就飲咗芝士火火🔥🔥🔥，個名好特別，其實就係火龍果飲品，顏色好鮮艷，感覺用咗好多火龍果，不過我覺得飲落去火龍果嘅味道唔算太清香，我都幾鍾意係上面層奶蓋，幾有鹹香，如果奶蓋再厚啲啲就會更加好🤣🤣🤣🤣桃子小姐，不過不失

繼上次去左澳門一間鋪頭飲左紅柚飲品加芝士奶蓋，我一心想係香港揾到差唔多既口味，決定試試東喜茶既滿杯紅柚，微甜既，本身想加芝士，店員話滿杯紅柚係沙冰黎既無得加，唔梗要！等我試下個沙杯係咪好正！點知個沙冰一入口，溶左八成變水Wo，味道就正常既紅柚啦，無咩特別，一杯39蚊既柚子汁係貴左少少既，可能下次要嗌番芝芝火火or芝芝雜莓會好dd

淨係試飲過兩款野飲其中一杯就係芝士oreo 可可今日又忍唔住手 用$45蚊買左杯芝士奶蓋超厚 又濃 好味過其他飲品店可可味好濃 唔假 重有脆脆oreo至於甜度 我就覺得偏甜 可以下次試小冰小甜自己飲曬成杯 好滿足

最近香港真係越開越多台式飲品店，總有一間係附近，但款式都差唔多，都係珍珠奶茶，芝士奶蓋，水果茶... 不過芝士奶蓋係我的最愛，無得北上飲喜茶就係香港飲住先啦!!今次就試 “HEERETEA” 嘅芝芝芒芒，可能旺角有太多台式飲品店嘅選擇，所以都唔洗排好耐隊就買到了。一到手就緊係要即刻以 45度角飲上面層芝士先啦，芝士夠厚，濃濃嘅芝士鹹香味令人好幸福!!! 飲到咁上下就會連同下面嘅芒果沙冰一齊品嚐。揀芒果飲品最驚係會酸，好彩今次芒果係甜嘅，令到成杯飲品更加好味

幾正wo！今日見到新b仔果條街新開左間東喜茶，買左杯芝士桂花烏龍 同 超級水果四季春芝士桂花烏龍 ($35)芝士香滑唔會滯，桂花烏龍就有淡淡既桂花香。飲完咁綿密既奶蓋，再插飲管入下面好清新既茶，係口感既衝擊啊！超級水果四季春 ($42)大半杯都係水果，到底係水果杯定茶呢？係水果茶啊！入面有西瓜、橙、蘋果、百香果，仲有2塊檸檬，酸酸地平衡下。飲完杯茶就變左水果杯其實成日都飲珍珠奶茶，有時候飲下fresh d既水果茶都幾好，可以健康d排下毒，好似係**like & follow Fb/ig有8折**星期一至五6-8pm有買一送一

今日同男朋友突然口癢癢，想飲喜茶，但又唔想特登搭車返去飲杯喜茶就走，所以就去左就近既東喜茶止下癮😛😛可能係熱潮過左（？），近期黑糖珍奶先係大熱，門口都無咩人排隊等候，我地等左5分鐘就有啦😗金鳳茶王 $35記得飲用時，儘量不要用飲管，向上傾斜45度角就可以飲到芝士同茶啦💕 芝士奶蓋帶鹼香，少甜，但芝士奶蓋不夠多，飲左兩啖後期就無芝士了，茶🍵底比喜茶的明顯要淡一點。偶爾口癢想飲喜茶又懶得北上既都會飲下🌿

東喜茶的分店真的愈開愈多，所以現在排隊等飲品的時間終於可以短了一點點！用外賣App買了一杯熱金鳳茶王。雖然下單是要熱的，但結果出了一杯凍金鳳茶王，由於沒什麽大不了也懶得跟店員換了。芝士入口香濃，夠厚身，充滿濃濃的芝士鹹香味。喝膩了滿口芝士的時候，用飲管攪拌一下飲品，將芝士與茶底結合，喝下去的就是濃醇香甜的奶蓋茶，好好飲啊。

早前係klook見到有東喜茶旺角分店優惠卷$10可以買一杯正價飲品，其實之前已經決定唔會再買佢地d野飲，因為一次比一次難飲但見到$10咁抵，最後又買左張coupon師奶心態，一飲就要飲d最貴既見到門口放左芝士哈哈banner見到生果都覺得伏，之前係深圳喜茶過芝士莓莓都覺得好人工味精，但見$10平平地，本著預左中伏既心態去試下實物隻色同相差好遠，當然知道相係執出來，咁你張相唔好整到咁橙色，咁誇張，見到個對比真係窒一窒再飲落去，完全無乜味，飲緊一杯溶晒冰放左好耐既密瓜水，連密瓜汁都談不上，超級難飲，$10我寧願買一盒維他奶，可樂，都唔會買佢

其實這次已不是第一次在這間東喜茶買野飲，之前試過芝士芒芒&超級水果四季春，兩者都覺得吾錯。今次同同事一齊飯後又買杯來嘆下，買左滿杯紅柚&脆脆椰椰。滿杯紅柚：一飲落去馬上感受到濃濃的西柚味，好清新，吾會好甜，淡淡茶香，但因為採用新鮮西柚關係，會有少少苦澀味。脆脆椰椰：同事話有濃濃的椰子香，帶點茶味，覺得好新奇，叫下次可以嘗試下

喜茶？東喜茶？等我試試佢星期日晚上七點，竟然無人排隊，立即買反一杯芝芝哈哈芝士都幾厚，飲落都幾濃郁的咸芝士味，質感幾順滑，不過覺得五夠喜茶個個出色。至於，哈蜜瓜味，好淡，加埋芝士一齊飲，更加飲五出個味道呢杯野仲要42元一杯，好貴！

近期各種芝士奶蓋，珍珠奶茶風靡香港，每日都見到身邊既朋友post唔同店既飲品相片，仿似想要試晒全港唔同既brand。不過我唔飲珍珠奶茶亦都唔鍾意食芝士，所以一直都並無跟風一齊試。直到某日經過見到呢間Heeretea，門口貼住芝士火火既poster，係我好鍾意食既火龍果呀，真係好興奮，好奇問下店員可唔可以唔要咁多上面既芝士奶蓋，居然可以！於是就點左呢個芝士火火！賣相已經好吸引我，個杯俾其他店既杯要硬身，手感更加好，好有質感既感覺。飲落去好香既火龍果味，仲食到火龍果籽，如果連埋上面既芝士奶蓋一齊飲，就令到成個口感更加順滑，完全係另一種口感，非常唔錯，就算我唔太鍾意芝士既人都可以接收到👍🏻

聽聞東喜茶係喜茶嘅翻版，喜查喺內地嘅飲品店 而東喜茶則係黎知台灣的。飲品選擇上基本上係一模一樣的。既然經過就一於試下佢~ 相對內地喜茶嘅排隊狀況 呢間只係等了5分鐘左右就買到了 唔使等成半個鐘💁🏻 點了杯芝士芒芒 $42，都算係人氣產品 10個入面有8個人都點芝士水果系列飲品。店員好細心咁教你唔洗用飲管直接飲，入口係香濃嘅芝士奶蓋 奶蓋夠滑 亦有芝士嘅鹹香味。然後再飲就係香甜嘅芒果味，芒果味夠濃郁 而且好淋身 唔會飲到一半就變咗水咁。飲左2/3杯左右依然係濃郁芒果味，甜得黎 味道唔假 無糖水感覺。同朋友share 一杯好快飲晒 仲想encore多杯添！🤤 雖然都要成40幾一杯， 飲品價錢入面不算便宜，但為咗佢嘅芝士奶蓋 又唔使返上大陸同人迫 加上排隊時間短 都算值得一飲

話說我不嬲都有鋪飲茶癮,講到飲芝士茶,大眾都公諗大陸既喜茶好正,當然我都周不時番上大陸吃喝玩樂時都會去飲番杯,雖然香港無喜茶,但香港有東喜茶😋自覺佢地既相似到應該達8,9成！而我最鍾意就係芝士綠妍,我成日覺得綠妍係一個女孩子,比人感覺溫文儒雅,知書識禮,應該係好有內涵,所以每次睇餐牌,都會忍唔住點左佢,果然,綠妍既茶味比較清澀,有嫩草既感覺,配上上層芝士,香滑d,係口腔裡停留既時間都會長d,口感更回甘,再飲一啖芝士,都算係一個可咩既小食