東喜茶 (已結業)

之前見人常談論此店，平時亦見有人流，諗住試下！買咗杯超級水果茶，＄42好貴，飲落亦未見特色，飮完打開蓋食水果，只有蘋果、橙、檸檬、西瓜，幾普通下！相對之前在旺角樓上店茶聊果杯，人地仲有火龍果、鮮菠蘿奇異果等，呢間Heeretea 真有點hea⋯⋯

一句說話總結【東喜茶之芝士金鳳】前陣子北上試過喜茶的芝士金鳳之後真係回味無窮芝士濃厚茶湯香濃兩者配合得天衣無縫絕對係我飲過最好飲的台式飲品唯一缺點就係香港無分店早聞香港東喜茶的大名同樣以芝士奶蓋見稱於是特意前來拜訪同樣點杯芝士金鳳一試發現只有深圳喜茶八成水準茶味唔夠濃郁芝士亦不夠鹹香不禁令人驚嘆強國的偉大已經超越香港傷心是無用的你已經做得很好了只是對手實在太強大而已亦都解釋了為什麼深圳喜茶可以大排長龍。

雖然飲過好多品牌，但係今次係我第一次嘗試芝士飲品！ ！ ！我叫咗一杯芝士火火，上面係芝士。。下面係火龍果沙冰咁樣嘅物體！真心覺得第一下飲落去個味道好奇怪😖可能我本身都唔太好芝士，總係感覺又咸又甜咁樣，所以我寧願直接插筒飲，好令自己飲唔到芝士嘅味道，但係淨飲下面嘅火龍果汁。。。好啖味😓應該係我自己飲唔慣。。。整體感覺都幾好。。。不過略貴。。。可能因為有芝士既關係。。。所以偏貴。。。如果下次再飲。。我會試下佢茶類加珍珠🌝

芝士奶蓋嘅爭鬥仲未完，皆因香港人都仲好鐘意飲，夏日炎炎，經過台式手搖飲品店，都好難唔幫襯下。由傳統嘅珍珠奶茶店至不停有新加入戰場推出奶蓋同埋芝士奶蓋鋪頭，陳出不窮。耳聞深圳喜茶排隊到領取飲品至成兩個零鐘，真係聽倒到怕怕，遲下等佢熱潮退少少再飲，今次試下同喜茶無關係嘅東喜茶，由於路德圍開左間良辰吉時，搶左唔少生意，所以等左十分鐘左右就有等飲喇。今日叫左杯新推出嘅Oreo芝士可可，聽說東喜茶嘅芝士奶蓋好厚滑出色，飲落有芝士咸香，都算好飲，配合oreo有咬口。不過敗在朱古力底，同普通屋型奶一樣味，有點失望呢不知是否因為要求了低糖低脂而影響呢！呢杯芝士可可索價44蚊就有點唔抵喇。下次試下其他飲品希望挽回d分數啦。

本身十分喜歡飲茶，雖然不講得上是有研究或專家，但起碼最基本茶是甘香茶濃或是苦澀酸臭卻能飲得到，應該係人都飲得出。我曾在旺角飲過杯芝士桂花烏龍，當時感到茶味十分香，真的好滿意。前幾日放假去探朋友見到原來荃灣都有東喜茶，不用多想立刻比錢買了杯齋四季春，我就是對這店的茶充滿信心，所以放棄芝士只品嚐純茶，充滿期待的我手拿著杯一看，失望-竟然無了兩大啖。再失望-我叫少冰，不是走冰，杯茶一塊冰都也沒有，而且杯身好濕，感覺不良好。好失望-我已刻意地大聲同我朋友講杯茶無了兩啖，這店員一定收到我的意思，但扮接收不到，完全不想補救。我算……飲茶。極度的失望-飲了一啖這杯茶根本就是變壞了的味，又苦又酸完全沒茶香味，又可能味道真的是這樣，我唔識欣賞，最後成杯倒了。去便利店買支垃x道地茶還好過買這杯差茶，好失望，一想起就嬲，我永遠不會再買這店的茶，朋友送了我一句，假的不會有好品出來。以上只屬個人感受，但真的好失望，就是十分氣忿才寫評語

早幾日北上吃喝玩樂，排左個零鐘試左人氣大熱嘅「喜茶」，果然排晒長龍，無論金光華定東門1234廣場都要排。試左杯金鳳茶王不得了，多人排係有原因，茶味香濃，飲完有茶嘅回甘返到黎忍不住想試下東喜茶杯金鳳茶王，落住雨出走office，正，冇人排，即刻買返杯先店員有禮，都係路德圍少數會同我地顧客講「多謝」嘅商戶都唔駛等好耐，5分鐘左右飲品到手飲左兩啖！！大佬唔係呀，我唔係要「津路」喎再飲幾多啖，唉，我都係北上個陣先排隊買喜茶算了。裝修、餐牌都一樣，味道飲落差異太大

芝士黑提：份量都算大杯個芝士奶蓋夠晒滑，芝士味都算濃，又唔會太鹹黑提味好香，又唔會好假，而且有啲提子皮，有翻少少口感鹹鹹地嘅芝士奶蓋配個黑提中和咗甜味，所以飲落冇咁漏唯一缺點：價錢偏貴

近日天氣超熱，熱到邊度都唔想去⋯但同屋企人飲茶無得唔出街。飲完茶，踏出酒樓，嘩，真係熱到想返轉頭。行左幾步，見到近期好hit既芝士奶蓋。「喜茶」在內地好紅，但香港見到這間叫「東喜茶」，賣既都係同類產品。一杯芝士奶蓋要三十幾四十蚊，好貴呀。。。不過有人請，點左一杯芝士火火。店員話唔洗用飲管，直接用口飲就可以了。第一口有好香濃既芝士味，好好味呀芝士同cream比例剛好，無得彈。不過飲唔到火龍果汁，要飲多幾口先飲到。飲左一半已經飲唔到芝士味啦，不再特別。所以個人認為唔洗用咁大個杯，少啲茶或果汁，價錢就平返少少。

這杯在國內非常出名的飲品，在香港現在也可以喝到。 不過究竟國內的喜茶和這間東喜茶有沒有關連我就沒有去深究了...跟國內來比，果肉的份量明顯比國內的低，而且還要賣HKD35元一杯。 只能說香港的租金實在太貴了。

東喜茶！？同喜茶有冇關係呢到底！？經開荃灣，之前萬亞個位開左唔夠兩年嘅藥房執左，變左呢間東喜茶（點解開親都係飲品）見到有粒星星就買左呢杯芝士芒芒試下，42蚊。人唔算多，等左大約十分鐘就有，份量一般。芝士飲落幾滑，實淨，足料飲芒果，似濃縮果汁多，麻麻地整體黎講唔太划算，但偶爾試下都唔錯，下次再試芝士桂花烏龍，睇睇效果如何先呢條街飲品選擇眾多，識飲識食街坊仲多，唔知競爭到最後會唔會路德圍分別有飲品街、糖水街、米線街。。可唔可以有埋條小食街呀唔該

做完facial 行過見到新開既鋪頭唔多人排隊，等我試下先🤣都好多選擇！主力都係芝士系列🧐最後買左凍既芝士奶蓋配紅烏龍茶🤔等左大約5分鐘就有啦🤔中杯size 岩岩好👍🏻茶味夠濃既不過芝士就唔太夠芝士味偏好啖，無太大既驚喜。因為都$35 蚊就有小小貴了🧐

東喜茶 其實大家都知係完全抄大陸既喜茶 仲要係所有野都抄到十足 有人吾知既話 可能以為係喜茶既香港店今日見荃灣又開左間東喜茶 就試下佢好吾好飲 就叫左佢既皇牌茶 芝士金鳳茶王 等左十幾二十分鐘終於到我個杯 其實飲落個奶蓋係好過其他既小小 不過同喜茶比 都係差太遠個奶蓋既芝士味吾太岀 所以其實都係不外如是 之後飲到個茶 話就話係茶王 不過真心覺得係無咩特別 屋企個壺茶都仲好飲過佢 太澀啦個茶味 完全無茶應有既濃郁香味 茶既話 我會比零分 不過比起化學物質溝既台式奶茶 我都會寧願揀無咁化學既野飲 雖然個水準有待改善

之前試過內地網紅喜茶，見到香港都開咗間東喜茶就去試試。叫咗杯芝士四季春，唔可以走冰只可以少冰，另外甜度方面就可以揀正常，少甜，半甜。每杯芝士奶蓋飲料，店員會用半開嘅杯蓋，個人建議唔好用飲管品嚐芝士奶蓋，應直接用杯蓋品嚐奶蓋，咁樣先可以品嚐到真正奶蓋嘅滋味！由於奶蓋有一定厚度，飲嘅角度要再提高一D先可以飲到下面嘅茶，結果呢杯東喜茶同內地喜茶味道有9成相似，芝士奶蓋芝士味唔會太重，滿滿嘅奶泡帶有微微嘅芝士味，再加上茶嘅清甜，配合得天衣無縫。未試過嘅朋友，可以一試！

荃灣呢間東喜茶係新開既，係附近返工，行過就黎試下佢啦。其實我仲未衝破到果汁加芝士奶蓋既組合，遲下先試，所以今之叫左芝士奶蓋朱古力。例牌啦，拎野飲既時候店員會介紹用四十五度角、唔用飲品咁去飲，但係咁樣我每次都會淨係飲到個奶蓋而飲唔到杯野，好frustrated；又驚太斜會倒到成臉都係，所以到最尾都會唔拎左飲管，上面又飲下，下面又飲下咁。味道方面，朱古力好濃郁同厚身；雖然奶蓋已經好濃味，不過夾埋朱古力都飲唔到芝士味。不過都唔錯呀，如果唔計卡路里真係好高之外。😂

👫一直好想飲荃灣新開嘅東喜茶，每次經過都好多人排隊🤯 聽聞係翻版喜茶嚟🤷🏻‍♀️ 琴日同美女foodie食完dinner之後唔夠飽😂 就嚟咗掃街同飲嘢啦🥤📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 不定時更新食評⭐️一一一一一一一一一一一一一一#芝士瓜瓜 <$42>即係特製芝士同西瓜果茶🍉，奶白芝士同鮮紅西瓜果茶各佔一半，溝埋係好靚嘅漸變粉紅色🙈第一啖淨係飲到芝士味，香濃得嚟又鹹鹹地💁🏻‍♀️ 之後就同時飲到兩者嘅味道，西瓜味都幾突出，飲落幾清甜😚 飲多幾啖個味道開始似西瓜奶昔，好飲得嚟唔會膩🙆🏻‍♀️ 而且仲幾解渴降溫添😎一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️就咁飲唔用飲管會好味啲，可以同時飲到西瓜🍉同芝士▪️杯蓋蓋得唔實，容易甩，拎嗰陣要小心🤔