東喜茶 (已結業)

延續昨日我在觀塘「駱駝漆大廈」，以及「a.p.m」裡面兩間食店裡面，分別試食了鰹魚湯烏冬、炸天婦羅、以及芝士撻這三款日本菜裡面的食品跟飲品，雖然食店格局不同，但是食到的滋味卻是依然。今日我再次從西貢，坐小巴轉港鐵來到觀塘，就是想趁去「基督教聯合醫院」探望入院的老豆，順路再幫襯位於觀塘工業區裡面的食店或者飲品店。我慶幸來到觀塘午飯時間才剛剛過去，所以觀塘食店裡面的食客多極有限。例如我今次光顧的台灣外賣自取手調飲品店「東喜茶」，就是在我光顧的時候，食客人數已經開始漸多的觀塘食店，我勉強還在「東喜茶」裡面找到座位。說回台灣手調飲品店「東喜茶」裡面售賣的手調飲品，「東喜茶」出乎我的意料，竟然沒有售賣提供任何，與手調黑糖糖漿撞奶有關的飲品。取而代之在「東喜茶」發售的飲品，主要是芝士奶蓋水果茶，或者芝士奶蓋茶飲品。「東喜茶」的廚房有一點跟大部分台灣手調飲品店不同，就是「東喜茶」廚房沒有顯而易見，幾個排列在一起的飲品材料罐。或許是因為「東喜茶」沒有提供「黑糖珍珠鮮奶」飲品的關係，所以飲品材料罐相對也比較少。相反，我望着「東喜茶」裡面的廚房，廚房反而有很多為製造「奶蓋水果茶」飲品，而刻意預先製作備用，

這天來到巧明街 apm 後面的幾間茶店, 左望右望了一陣, 唔知道買甚麼飲品好!不過我心面仍然懷念當天在尖東喝的一杯芝士火火, 好啦, 再買一杯試下。門面比尖東店細得多。可能是同一品牌, 不同的店價錢是一樣的, 不過這間沒有做特別折扣優惠。那麼, 旺角店比這間好, klook 有折, like facebook 好似也有折。好在放工時間觀塘並沒有太多人買茶。可能大家放工後都趕住搭車走了, 而不會在觀塘停留吧。等了 8 分鐘左右, 我杯芝士火火已 ready!拎上手, 竟然比我响尖東那杯細得多! Oh no!我以後不再來這間了。有了比較 ... 雖然都好飲的但有一點不明白。即使麥記不同的店都會有統一的 standard, 但這東喜茶分店明顯沒有啊!!!有 D 後悔 ~ 真係好細杯。

去開觀塘行街，經過東喜茶發現冇咩人排隊，又有少少口痕決定試一試佢。叫左杯芝士奶茶加珍珠少甜，芝士味好濃厚同奶茶一齊飲個味都夾。可能因為叫左少甜所以飲到茶香味，唔會得個甜字。至於珍珠細細粒也有𡁻口，飲時可以增加口感。

超級水果四季春$42大半杯都係水果，到底係水果杯定茶呢？係水果茶啊！入面有西瓜、橙、蘋果、百香果，仲有2塊檸檬，酸酸地平衡下。飲完杯茶就變左水果杯其實成日都飲珍珠奶茶，有時候飲下fresh d既水果茶都幾好，可以健康d排下毒，好似係

最近好興喜茶，不過本人唔好北上，唯有近近地飲下東喜茶。其實佢呢間野正價黎講都幾貴，不過咁啱見eatigo 有8折，我呢d 窮人先肯試下。畢竟四十幾蚊，可以夠我食個豐富版既老麥！超級水果四季春（$42): size 都幾大杯，仲有好多生果，不過茶味唔係好覺，正常甜度但飲出黎都唔係好夠甜。唯一安慰d 係有舊西瓜，蘋果咬下，呢個價錢飲一次又byebye~~唔覺有咩好飲。。。。。

前晚喺觀塘食完飯，諗住行下消化下😊見到有東喜茶，仲要唔算太多人，可能太夜了✌🏻😂忍唔住就入左去買，都係以往一樣叫左芝士金凰茶王😊 我至愛❤️佢整得都幾快，等左5分鐘左右就有得飲雖然凍但我都係飲凍既～原汁原味嘛✌🏻茶好濃味，好多茶葉泡成既感覺😂芝士冇得頂，佢鹹味較重，我就係鍾意鹹味重少少既，因為茶清淡，配味道重少少芝士既話好有口感✌🏻😊佢既芝士仲要幾厚下，大概都3分之1，好抵飲😍😍

最近試咗一次芝士奶蓋抹茶，唔錯但飲完超飽今次本身想試嗰啲芝士+果汁但杯杯到係40蚊以上就試咗杯30幾蚊的白桃烏龍（其實都唔係平好多）芝士奶蓋依舊濃厚，帶微咸，幾好味茶底清甜，茶味唔算濃，同奶蓋都夾到注意：由於冇用飲管，就咁傾斜飲時（員工會提你要45度角咁飲，就一啖飲到晒芝士同茶）飲咗大約三成左右後會開始飲唔到芝士，只係飲到茶要飲晒啲茶，最後先飲到啲芝士，會好滯優點：奶蓋出色，比隔離鋪少好多人排隊缺點：少少貴，門面裝飾污糟殘舊，員工手腳較慢，即使得兩三個客仍要等好耐

觀塘有很多美食 當然唔少得有台式飲品開到成街都係 雖然啲人話東喜茶同內地嗰間係唔同嘅 但都決定試下 因為我個人本身唔飲芝士同奶蓋嘅產品 所以我叫左杯整顆檸檬綠茶 事實證明係冇呃人嘅 因為真係有一粒完整嘅檸檬係入邊 開頭我以為只有普通嘅檸檬綠茶味 但原來佢係沙冰嘅檸檬綠茶 味道好清新同好濃嘅檸檬味亦好適合夏天嘅時候飲 呢杯檸檬綠茶嘅特別之處係我都去過其他幾間嘅東喜茶 發現全部都冇呢一杯檸檬綠茶嘅產品 只有觀塘呢間至有得賣 所以每一次我去到觀塘都一定要飲 呢杯係我近來覺得台式飲品入面比較好味而價錢都算合理

抱歉真的比較落後，瘋摩一時的喜茶我還沒有機會品嚐，所以剛好經過，就試試看這個東喜茶吧！由於不舒服不能喝冰的，所以點了一個熱的芝士紅玉，芝士奶蓋加紅茶。等了大概15分鐘才有，第一口非常驚喜，可能因為本來就是芝士的愛好者吧！咸香味的芝士再搭配清香的紅茶，兩者各取了平衡，很搭很好喝！但略嫌芝士奶蓋不多厚，好像喝了幾日就沒了～但這家確實是可以回頭的奶茶店，至少個人覺得，比人氣高一百倍的黑糖珍珠奶茶好喝得多了～

今天特意去觀塘午餐，途經這家名叫東喜茶的外賣店，首先是被她的名字給驚訝到，以為喜茶在香港已經開了分店，隨即便意會到只是名字上的巧合，但還是走進去嘗嘗鮮，看看跟真的喜茶有没得比較。我點了個熱芝士紅玉，俗語說得好，没有多期望反而喜出望外，飲品入口便是濃濃的芝士味，然後與紅茶混在一起，兩者没有誰搶了誰的味道，整個口腔都是濃郁的芝士味和茶香，是難得的好飲料；縱使没有因為是觀塘區，價錢而有所減少，但質素還是有的，是難得的小清新。雖然跟真的喜茶是有一點距離，但你還是喝到她飲料當中，無論是茶，或是芝士奶蓋等，都是選材認真的，喝得出態度的一杯茶。

行過口痕痕就好想買杯野嚟飲下，但真係好L貴，只可惜真係忍唔到口。唯有買杯最平嘅鮮奶靜岡抹茶$25，過下口癮同心癮。呢杯已經係咁多款之中最平，可惜就無芝士蓋... 不過上次飲芝蓋已經唔同左味，唔再好飲，所以無所謂。不過今次又唔記得嗌少甜，收銀阿姐又問都無問，完全諗唔起應該要微甜，於是靜岡抹茶雖有淡淡抹茶嘅香濃，但甜奶幾乎佔據整個味蕾，實在太甜，變得無預期咁好飲。其實我都鐘意甜嘅，飲左係開心啲，但始終都係飲少啲糖好 😁

之前飲過兩次芝士瓜瓜，濃郁西瓜🍉汁加芝士味，原來好夾，極度喜愛。今日又想飲西瓜汁，即刻去買。但結果.......雖然宜家唔使等咁耐，有4個職員係度沖野飲，唔使10分鐘已經有得拎。一飲落去，咁淡既，落得太多冰，唔知係咪想賺多D定將貨就價，$42一杯芝士瓜瓜，係其他榨汁舖可以買兩杯鮮榨既都無咁嬲，蒙住眼俾第二個飲，佢完全唔知係西爪汁，淡如飲緊芝士水，夾硬飲左一半，已經放低左，唔想再飲落去，真係可一不可再。

我朋友係東喜茶嘅fans，佢話係幾乎喜茶嘅質素～ 我就覺得有啲誇張！前排跟佢去買，佢係好鍾意飲水果茶，我就真係好一般～ 佢叫咗芝士火火，其實我都估到係火龍果🤣🤣呢間東喜茶等好耐，買完去買小食再返嚟都仲未攞得～ 不過佢真係幾多人！拎到既時候，覺得佢勁顏色超靚，應該幾重料🤣🤣 估計好多個火龍果先做到呢隻效果😅芝士嘅份量唔算好多，大概係四分之一左右～ 我朋友話超好味，我自己就試咗一啖🤣 發覺火龍果味道真係好濃，都幾正～ 配埋芝士味道仲好飲～ 我本身覺得組合好奇怪！但係芝士同火龍果嘅味道好夾，所以飲起嚟好有口感，唔飲水果茶嘅我都覺得幾值得一試😂

芝士芒芒 🧀 Cheese Mango💰HKD42-奧利奧芝士奶茶 ☕️Oreo Cream Milk Tea💰HKD32-芝士芒芒，其實最中意都係飲佢層芝士😍芝士少甜，帶住一陣陣嘅芝士獨有嘅鹹香味😆再配埋芒果冰，無諗過一鹹一甜居然毫無違和感，兩者配合得好好！奧利奧芝士奶茶嘅奶蓋夠厚好濃郁同Creamy，再配埋Orea碎，口感的確唔錯🤣但奶茶反而比較遜色，茶味較淡，成杯嘢都偏甜😩-An unexpectedly well-combined frothy and salted cheese atop mango smoothie.The rich cheese frothy layer not only enhanced the flavour of the beverage, but it also covered the bitterness of the tea.

平日好長隊的東喜茶 今天只有數位顧客在輪候，買番杯先😋今天選了淺香普洱，很好味。奶蓋帶少少咸香，冷普洱解渴，相輔相成。其實飲這些冷飲除了飲味覺外 還要照顧埋視覺，大約五份四的茶，普洱深棕色、綠茶淺綠色、烏龍淡棕色，各有特色(顏色) ，配上蓋頂白雪雪的，好有美感，透明杯子把它好好呈現你眼前。