東喜茶 (已結業)

42蚊 水果茶 係好飲 但我4點42分買 至 5點10分先到手企係度差不多等左半個鐘 又冇顯示號碼螢幕 下下要行埋去聽號碼係咪到自己 因為咁 啲人迫晒喺門口度(包括我) 水洩不通 唔耐煩 嬲如果渴爆想飲嘢 我唔會揀如果下次想飲 我俾錢買完 半個鐘頭後先返嚟攞$42+好飲+企係度等半個鐘=唔值

東喜茶愈開愈多分店，每次經過都大排長龍，都好想知佢究竟有咩咁吸引。有日夜晚見無咁多人終於試咗，發覺佢同深圳喜茶嘅茶款幾乎一樣，唔知兩間有無關係呢？嗌左青霧嘅芝士奶蓋，都要成$33一杯，咁嘅價錢expectation自然要高啲，都等左成15分鐘，攞嘅時候店員仲提醒我可以唔使飲筒，直接打斜飲面頭啲奶蓋，但我照攞左，因為覺得溝埋飲先最好飲。青霧係烏龍茶，味道好清新，一啲澀味都無，茶底好飲，奶蓋帶點咸味，唔會好膩，整體係好飲嘅，如果可以再平啲我驚我會日日飲呀。

為食友人同樣熱愛芝士奶蓋，一齊過黎飲。餐牌抄足喜茶，叫左杯熱嘅烏龍紅了，茶味偏淡，清清地幾好，不過沖得太熱，如果係暖會更易入口。而且一杯都等好耐，價錢亦偏貴，間唔中飲一杯就夠。另一友人無法接受奶蓋味，一試已經唔得，所以佢買返隔離嘅正常野飲算。

星期六要去觀塘上興趣班，係去上之前梗係要買定杯野飲喇本來想去買平時飲開個間架，但見到隔離有間新開既東喜茶，真係要試下。先前係內地飲過喜茶，覺得非常好飲，唔知東喜茶同佢有無關係呢依排唔飲得凍野，我就叫左杯熱芝士紅玉店鋪小小，只有三個人，雖然order唔係咁多，但係都等左成15分鐘。如果趕時間，真係唔可以買最後我仲遲左去上堂！不過飲唔味道確實不錯，雖然唔可以加芝士，但係芝士再加black tea一齊飲入口個刻，同飲緊濃濃既 English breakfast tea latte一樣好好味不過小店可能唔太貼心，熱飲紙杯非常熱，無法長期用手力住。如果有隔熱杯套就更加好

吧呢間野成日都有好多人排隊，今晚見唔係太多人排隊，所以我一於試下係未真係咁好飲。買完後我就企係側邊等，等等下覺得好唔對路，因為我真係等左好耐，我8點09分買，足足等左20分鐘先拎到杯野！老實講，真係過耐，只係一杯野飲，加上前面d單都唔係好多！味道一般啦，奶茶味比較淡！好一般野，唔值得我等咁耐

原本林住今年只寫好既食評，唔好既唔寫出黎。但今次唔分享我真係覺得唔得！話說我超鐘意飲珍珠奶茶，一星期都最少飲1、2杯。咁岩今日係觀塘，有時間，林住試下依間d人講到好勁，大陸好多分店，超多人排隊，黎到香港時都勁多人排隊既飲品店。今日黎到唔多人，幾個，梗係立即試啦～點知佢出飲品速度勁慢，我等第3、4個，等左差不多20分鐘！客人唔多都做得咁慢，咁多客時點算？之前d長龍係點樣造成的？我點左杯少冰少珍珠既珍珠奶茶，因為老人家唔飲得咁多凍野，同次次都食唔晒d珍珠，唔想浪費。點知第一口飲落去，淡到呢！無奶茶味，個味度仲要似港式奶茶超淡版！唔甜，我叫少冰，無叫少甜！無茶味！我知大家通常都點佢既水果茶，同其他茶系列，珍珠奶茶可能唔係佢主力，但你擺得係個menu度都唔好做得咁hea!價錢又唔算平，平既都話將貨就價！真係好嬲！

在附近工作，終於有機會試到！我之前在內地光顧過喜茶，後期知道香港有抄襲店，好奇想試試就係午飯時間，大約一點，少啲人排隊時買左！無論由店面裝潢，餐牌都同喜茶好似。敢當二點我今次就叫左幾場嘅招牌芝士奶蓋試一試芝士金鳳茶王佢建議係唔用飲管直接飲面層嘅芝士奶蓋飲落佢嘅芝士都幾綿滑，芝士味相比香港某幾間都為突出但茶味就相對地淡口，加上芝士，完全把茶味掩蓋。價錢相比其他同類型店舖高，但芝士味道喺香港嚟講都不錯。如果喜歡芝士嘅朋友仔就可以一試！

大陸嘅喜茶好出色相信大家都聽過，我都去返深圳圳飲過幾次。今次經過觀塘，見到呢間門口排咗好多人嘅飲品店，原來香港都開咗間類似嘅「東喜茶」，同樣主打都係飲奶蓋嘅！所以就試下飲比較同喜茶嘅分別～今次係平日嘅下午去，依家太多，成程等咗20分鐘先有得飲。我叫咗金鳳茶王加芝士，原價$33，係我飲過最貴嘅一個嘢飲... 好彩！仲係學生嘅我就有福了，可以出示學生證就有八折優惠... 否則一定唔捨得叫呢個人覺得茶味唔夠香，好淡，好快比芝士味蓋過，奶蓋還好，好濃又夠多。但始終太貴了，都係上深圳飲喜茶好過～

見佢唔係太多人諗住試下啦，點知比錢受氣，勁勁勁勁勁勁嬲！ 一杯嘢飲差唔多等30分鐘都算啦，落單時男職員態度滋滋悠悠，散漫都算啦！但到我見杯野飲等到30分鐘都未有，而後過我既客都有，咁我咪走去問收銀既男職員有未，點知佢望住我問完，佢個眼神係勁輕挑同無視左我，然後唔答我，全完唔理我，請問我做錯咩事要買杯30、40蚊野飲，要等成半個鐘，仲要比個男職員咁惡劣既態度對待？你答一句有/冇，有幾難呀？或者你都可以答唔知，但絕對唔係鄙視完個客之後完全唔講野唔理個客囉!更何況我係完全冇對佢做過或講過任何唔禮貌既野，個職員而家係咩態度？唔會期望你有禮貌，但都唔應該咁樣對待客人！正常既對答都總要有！你打開門做生意唔係咁樣對待黎幫襯你既客！老闆請著倒米員工真可憐！就算你杯野飲幾好飲都唔係咁既態度囉！ 間店員工好似hea住沖野飲，完全係冇諗住會加快工作效率都算，但你地既態度可唔可以唔好咁惡劣呢？客人簡單問一句都咁樣態度，就算個客幾有耐性等你果30分鐘都冇用！真係未見過有一間店可以拍得住佢，要客人等30分鐘仲要態度惡劣，真係冇下次！老闆真係要重視下員工既工作態度！ 而杯野飲整體黎講算ok，芝士味夠重，但價錢就貴左

大陸嘅喜茶就飲得多，而台灣嘅一芳果茶又飲過，原來香港都有間喜茶架啵，叫做東喜茶，仲要有間分店係觀塘，未行到去鋪頭已經見到出面勁多人，究竟係咪真係咁好飲㗎？由於排隊買嘢都要D時間，我就諗左勁耐究竟飲咩好呢，於是我哋嗌咗個水果茶同埋霸氣橙子，由於知道要等超級耐嘅關係，我同朋友買完之後就去咗行街，我哋喺五點鐘落單，六點鐘先返嚟拎，侍應好好咁將我哋兩個嘢飲擺咗落雪櫃雪住先。急不及待飲我杯霸氣橙子，結果係失望，同大陸嘅喜茶好大分別囉！！我完全飲唔到有橙味同茶味，淨係飲到好稀嘅橙汁味，朋友杯水果茶都係不外如事！又係一間名過於實，冇辦法啦潮流！

每次經過都有一大堆人係門口等緊～ 依度既芝士(奶蓋)好出名，所以就叫左兩杯試下。但等左20分鐘先拎到，拎既時候店員會教你點飲，好甜心。原來飲有芝士既飲品係唔用飲管飲架！芝士莓果 $42上面有一層厚厚既芝士，下面係雜莓沙冰。芝士有得轉脱脂/低脂，沙冰都有得選擇甜度。一啖飲到曬芝士同沙冰好滿足!! 芝士鹹鹹地加埋酸酸甜甜既沙冰好夾，由於我揀左微甜，所以正常應該甜啲☺️ 芝士份量唔少，但飲到一半已經得翻沙冰～芝士芒芒 $42沙冰係由芒果打成，因為冇揀到甜度，所以真係好甜！可能因為芒果本身都高糖分，下次都係叫翻微甜好啲😂整體黎講芝士莓果比較清新！推介！

想試左東喜茶好耐，唔理佢係唔係抄大陸好定正版翻版好，最飲最緊要。咁岩最近經過觀塘，人又唔算多，就膽粗粗買杯飲下。芝士奶蓋係出名，不過見臨食晚飯就揀杯無咁漏既—布蕾珍珠奶茶。一飲落去當然先係珍珠，算有咬口，同連鎖既都差唔遠，不過珍珠份量少，啜兩啜就無曬。之後到個奶茶，奶都係奶精開既，無咩特別；茶又唔係好有茶味，如果你賣$30杯我相信可以做得更好。咦，個布蕾呢，最後一啖先飲到，原來沉曬底，已經係熱飲同攪勻左都唔溶係奶茶入面既，怪怪地。呢杯我真係唔推介，下次試下佢既名物芝士奶蓋啦。

次次行經過都見到門口堆滿人，既然口渴就買杯飲下。行到門口就有一陣淡淡既芝士香。原本想飲芝士紫薯，但見到人地果杯紫紅色好似用黎打卡唔錯，加上係季節限定，咁就轉軚飲芝士火火。店員話打開黑蓋就飲得，一飲成啖都得芝士。層芝士同大陸差唔多名果間好似，好好味。為左飲下層既四季春同火龍果汁，就倒轉搖左幾下。杯野飲落好fresh, 火龍果味唔會太甜，同茶加埋有少少草青味。唔中意草青味既人應該唔中意。但我中意呢種清新。可惜飲多幾啖就已經無晒芝士，證明芝士同茶比例唔啱，芝士應該要再多D。Overall黎講係好飲既。不過$42杯又無一個好chill或安靜既地方坐下抖下，只有外賣，咁就真係好貴...題外話，三隻英文字我都識，但砌埋一齊我就唔識鳥😂 到底個brand value 係咩？ 咩係favourite of tea? 真係黑人問號❓❓❓ 😂店門口長期都有一堆人。

好飲茶ge 朋友去一試～我地本身都有飲過大陸ge 喜茶，覺得真係幾好味，滿心期待去一試東喜茶到左觀塘分店～都幾多人o係出面排隊好彩都唔算等左好耐，本身想試期間限定ge 白桃烏龍可惜店員話已經冇晒芝士桂花烏龍、芝士奶茶唔清楚依間究竟係咪大陸喜茶ge 分店連個logo 都好似但飲落去.... 完全唔同，差好遠我o個杯係芝士桂花烏龍，層芝士係幾特別唔錯ge但茶冇茶味，淡到不得了自己買包鳥龍茶沖出黎仲濃d....飲唔倒有桂花好似飲緊有d味ge 熱水咁朋友都話佢杯芝士奶茶冇咩味大家都好失望，性價比低到不得了，唔會再試

咚咚咚～點了一杯芝士莓莓(沒拍照(._.))，一杯桂花烏龍。人很多，等了大概15分鐘吧！但是店員人很nice，除了在點餐時仔細講解不同飲品的分別，取餐時又介紹飲法，讚！芝士莓莓如同很多人向我推薦一樣，芝士鹹香，莓味香甜，果肉打得很小塊，用幼飲管已經可以吸起，但又可以咬到一粒粒的果肉。不過果汁部分很快就分成上下兩層，有點水稀稀的，但整體來說還是很好喝，不會太甜但味道濃郁！話說，跟朋友兩個嘗了之後有兩個感想：一）嗯⋯有點像阿波羅乳酪雪糕⋯二）假如士多啤梨乳酪加少許鹽⋯不知道會不會也很像呢⋯嗯⋯⋯⋯⋯桂花烏龍茶味很醇，口感滑順，本身就夠好喝！同樣加上芝士奶蓋，微妙的配搭，但出奇的好喝～ 不過這杯沒有用飲管喝，喝了頭幾口以後就喝不到芝士了，然後喝到最後就只能喝到芝士，有點遺憾⋯ 溫馨提示：還是要用飲管啦～ 個人比較推薦茶飲！