東堤餐廳

营业中

休息中

周五二胡團後，一行四人搵個地方坐下飲番杯，在西灣河這一帶最近便是鯉景灣吧﹗記得上年也與食家來過這兒看月蝕，簡簡單單的一間酒吧，其實唔可以話酒吧，算是茶記多0的，餐牌第一頁是早餐套餐，其餘食物就只有小食。沒有生啤，賣的全是罐裝啤酒，亦有紅酒出售，雪櫃就放在酒吧右手面，你愛飲汽水又得，飲檸茶都得，總之坐低有幫趁就得。價錢大眾化，不過觀景算不錯，就在海邊，中午時份來看海應該不錯。一罐boddington都係$30，最近戀上這一隻啤酒，落杯撞上來的泡沫好滑好綿，飲得舒服﹗叫個薯條作小食只係$18，我想這間酒吧應是這兒飲野最平的地方吧﹗仲有樣野好，就係我返屋企過九龍有鯉魚門船，就在酒吧出面，對岩時間上船，返屋企都唔洗廿分鐘﹗由西灣河去藍田喎﹗快過打的﹗下次二胡團後要再來了﹗

今次想找個有點氣氛 (例如海景) 的地方吃早餐, 想起了鯉景灣。天氣回寒, 北風呼呼, 冷得我騰騰震。海傍店中只有這家開門, 人也不少的。這裡其實是一家酒吧, 也有正餐吃, 要了早餐Ａ ($23)。極速 30 秒已「擲地有聲」地送到, 已知不妙。火腿通粉算是最好吃的東西, 後來才覺得味精多到嚇人。西煎雙蛋跟今天的天氣一樣凍, 油包走油, 用來索太陽蛋的蛋汁算了。最奇怪的是咖啡, 竟然給我發現店內原來有部 Nespresso 咖啡機, 但究竟有無用到口架? 喝了兩啖便放棄了。如果不是有海景看, 一定給喊臉!

公司三文治$32雞扒丁麵$23合共$55.00呢度叫蘇豪東，啲舖頭都幾貴，環顧一帶，價錢最相宜嘅一家，食完先去（電影資料館）睇《林黛紀念展》，呢啲真係叫靚女，唔駛戴‘大眼仔’ ，唔駛貼雙眼皮膠紙，條腰幼到得19吋，生完仔都係24吋，真係葫蘆身形，唔係而家嗰啲女明星瘦到似饑民，教壞晒啲細路女，聽完個導賞團嘅介紹，其實佢個性格幾剛烈，真係烈女，佢老公喺佢死後將間房嘅嘢原封不動，係愛係思念又係後悔，佢老公亦都喺同一張床度過身，成件事令你喺個腦度有晒畫面，好淒美睇到佢啲電影合約、買嘢嘅單、情書，令你好有感覺，封情書用英文寫，文筆流暢，佢都係讀到中學程度，真係好過而家啲假才女個公司三文治好足料，幾層都唔同，都係啲芝士、烟肉、火腿、煎疍、生菜、蕃茄、青瓜，好豐富麵好香，好大陣丁麵湯味，麵仲彈牙，雞扒煎得好香脆啲車泊喺馬路，都望唔到個海，真係唔係影出嚟咁好風景

H1N1 確診後, 男友決定買外賣或者搵d有露天既茶座或餐廳食野 .....試食完中環既 pro-burger (1個包2個人食), 男友繼續搵食.........出門口之前都打算黎鯉景灣跑步, 又諗起有露天餐廳...順水推舟就黎左lee 樹之前黎過幾次....食過叉燒煎蛋飯, 豬扒公仔麵, 今次就食左個公司三文治 + 熱鴛鴦既然寫開食評, 寫埋上果2次既先叉燒煎蛋飯 ~~ 其實lee個飯唔難整, 最難攪係個汁....唔係差, 應該有進步既空間豬扒公仔麵 ~~ 又係d 簡單野....豬扒入味, 公仔麵煮得o岩o岩好lee 次有相既公司三文治 ~~ 材料好豐富, 有蕃茄, 芝士, 火腿, 煙肉, 青瓜, 雞蛋 及生菜 ~~ 唔錯唔錯, 至於杯熱鴛鴦 ~~ 熱飲黎計都算大杯, 如果黎傾下計吹下水, 一杯野飲都可以座到幾耐下

這天十五元宵佳節，來左鯉景灣散步，想搵杯野飲下又可以望天看月光，成條街只有呢一間﹗話說今年係52年來最光最圓的月亮呢，在路旁坐下細看，其實同平日十五的看不出有什麼分別﹗明顯呢間東堤吃的飲的都比較大眾化，見不少人都係飲下奶茶coffee，我地就點左兩支青島relax下﹗$25支﹗飯都未食之下點個小食拼盤佐下酒，有薯條、春卷、咖哩角、鴨腎及雞翼，樣樣都係即叫即炸大大碟，雞翼帶有香茅風味，平平地$48很不錯﹗整晚人人也望著天空，欣賞十五的月色，可惜去不到高山劇場猜猜燈迷，多麼的詩情畫意，中國的情人節，比起外國的浪漫得多啊﹗

食物普通，但環境熱鬧，碓實是三五知己聚首、飲酒談天的好地方。

環境好好，越夜越多人，不過都係飲酒多既3個人叫左：咖哩牛扒飯+咖哩什扒飯：份量好多，咖哩好正，入口時有d辣，但又唔會想即刻要飲水喎，本來係想要咖哩豬扒飯既，不過佢\落錯單，所以我地要求佢\個什扒比返豬扒我地，唔要牛扒。因我個fd話佢\既豬扒整得好好，果然冇介紹錯，牛扒就麻麻地，什扒飯隻蛋係太陽蛋黎架洋蔥圈：淡而冇味，可以唔食雞翼尖：可以推介，一黎到已經聞到好香既味生菜(餐\牌上冇，可以另外問下)：只係簡單同水煮+豉油，冇乜好評半打沙嗲：要左豬同雞，都幾好凍菜蜜：好多冰，不過熔晒之後飲都仲有味喎熱檸蜜+熱柚子茶：唔係我飲唔知好唔好，不過都幾大杯食左咁多都係23x，如果唔係夜去我地可以坐好耐都得，抵啦！

比茶記來說,價錢就貴左D,比風景來說,又比茶記好好多,但雞亦不夠入味,食得出不是生炸,是用微波爐叮熟再炸脆,如能改善就好了,一份雞亦+ 凍冷茶都是一份好的下午茶選擇。

碟頭飯(NO GOOD)似比BB食個d.一Pad pad,D飯又凍又少,員工態度一般,炸雞亦又唔入味,咖啡味道唔好!太多狗隻出入!又嘈又嗅,似狗竇多D!環境+人物+狗=可以拍一套片叫<人狗同桌在東堤>

叫左個茄蛋飯，個賣相簡直嚇死人！d番茄整到爛哂，一pat pat咁，似茄醬多D。隻太陽蛋ge 蛋黃流哂落d茄醬度，兩者溝埋一齊，真係見到都唔開胃呀。至於味道就一般啦，勝在大碟﹐而衛生就麻麻啦，因為d人好鐘意帶狗來食野，d狗仲爬上d凳同檯度添。

這店面對海景，食物價錢是蘇豪東內較便宜的，又歡迎愛狗人士，實在是一個讓人輕鬆嘆tea或消夜的好地方。我已光顧過這店數次，獨個兒、和三五知己一起都有。飲品方面，凍奶茶不錯，$15大大杯，熱飲也有湯碗般大，抵飲！但咖啡比較遜色，和很多茶餐廳的咖啡一樣有點酸，可惜！炸雞翼薯條廿多元一大碟，雞翼醃得夠入味。西多士、奶醬多不會令人失望。餐蛋飯三十元實在有點貴，不過都是大大碟，大大塊午餐肉，淋上飯面的豉油很香。其他如咖哩雞飯、即食麵等都不過不失。常見到有愛狗人士和小狗在那裡，感覺很悠閒。

9 July 2004, 11pm食完飯過o黎飲o野，茶餐廳，不過呢度好爆，平平地之下好選擇，啤酒賣$25支! (waitress話啤酒有20幾款choice) 仲想點! 又有海景又有海風~不過要坐出面，anyway，一班熟朋友開開心心去邊都無所謂啦~

一間港式茶餐廳，特別o既地方只在於開嚮鯉景灣海邊，所以價錢比人貴~~<br />十幾蚊o既熱奶茶有成碗湯咁大，幾滑幾香濃，唔錯。冇食過佢D碟頭飯，不過見人地果碟好似豆粉水撈飯咁，睇o黎都唔方好食。呢度走高貴茶記路線，無論早、午、下午茶同晚市都冇set，迫人叫a la carte；雖則係咁，但依然唔憂冇人幫襯，冇乎！