東泰茶餐廳

营业中

休息中

大部份茶餐廳嘅早餐其實都源出一次所以比較起上嚟就會簡單同埋快好多我自己食早餐不嬲首選都會係沙嗲牛肉麵配多士炒蛋嘢飲就一定要凍奶茶呢間茶餐廳最大嘅特色就係嘢飲都算好大杯而且沖出嚟都好有經典茶餐廳嘅味道淡奶方面佢哋用咗最出名嘅黑白淡奶你沖奶茶所以飲落去絕對係有香港傳統風味嘅奶茶沙爹牛麵的確比想像中更好而且見到係越嚟越有進步牛肉已經有好濃郁嘅沙嗲醬包圍湯本身又好清嘅湯變為深色嘅沙嗲湯每一啖都好友口感好有質感

最近天氣有點涼，除了吃火鍋保暖之外，可以吃一點辣的東西。所以，這次我選了吃咖哩豬柳辣薯角飯。$45辣薯角很好吃，但只有2粒。看相就可看到，豬柳是比較多，而且挺好吃。

呢間東泰茶餐廳係北角都幾出名，佢早餐嗰啲沙嗲牛肉麵好好食，好多人都話未食過咁好食嘅。另外佢仲有叉燒湯意粉，同埋佢啲奶茶，咖啡都好好飲。間餐廳入邊都好大，有卡位有圓枱，不過大部份都係卡位，因為係方便夜晚有得睇波，睇波佢播足晒咁多場直播，有英超，西甲，同埋歐聯，歐霸。下午茶亦都好抵食，好多選擇，有炒粉麵飯，焗意粉或者焗飯等。晚市就有小菜食，但係佢啲蒸野就會等好耐，起碼要15至20分鐘，但係真係即叫即蒸！

#LuBie北角#LuBie港式🍝焗芝士肉醬飯+🍲羅宋湯（$45）45蚊係港島區可以食到個飯加個湯已經係好抵食既一回事，何況仲要好食 咁就真係好高性價比啦。呢間茶記既焗飯質素都幾高 呢個飯都幾出色 芝士溶晒係個飯到 熱辣辣但又一啲焗焦左都無 好靚仔下，個肉醬味道幾好幾夠味 又唔會死咸 個飯係炒底黎 都幾香同夠乾身。🔽個紅湯都好味 酸酸地既味道好開胃 裹面啲雜菜好多好足料 係用心之作 好高質。質素高 又唔貴 絕對係上班一族既恩物。📍東泰茶餐廳📍北角七姊妹道106-110號富邦大廈地下#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#北角美食#食好西#東泰茶餐廳

早上陪媽媽做完身體健康檢查，便隨便找了一家茶餐廳吃～順便吃一下香港的味道，畢竟，茶餐廳是香港獨一無二的特色食店。媽媽點了一個叉燒意粉，我就點了一個生菜絲魚肉湯米粉，兩個都配牛油多士加炒蛋(煎蛋)火腿，免費熱飲或加錢配凍飲。媽媽最喜歡這裡的叉燒意粉，但我覺得沒什麼特別，所以就沒有點這個。本來是衝著想念街邊生菜魚肉才要點這個米粉，雖然現實跟我所想的完全不一樣，它是墨魚肉來的，但卻出奇好吃，果然食物不能貌相～不過我還是想念我的街邊生菜魚肉喔！！！

前幾日同朋友落樓下間東泰茶餐廳食飯， 睇睇下個餐牌， 出面嗰個 肥哥哥行埋你黎介紹 而家個雞魚餐好抵食，仲話D海鮮日日都唔同， 嗰日就係紅炆斑頭腩煲， 許仲好好笑話125蚊第二度肯定食唔到， 見你咁落力我哋咪叫過試下囉！ 再加多個牛肉羹同埋西蘭花炒蝦仁。15分鐘到啲餸菜真係到晒。 估唔到啲味道都幾好。 望一望隔離枱有條蒸鱸魚真係好大條， 問嗰位肥哥哥係咪都係125蚊， 佢話係不過呢海鮮 日日唔同未必係 鱸魚 不過都好抵食嘅！ 佢真係幾好傾見佢同啲客都好熟估佢都係老細你架！ 過兩日真係要黎再試下……😊

作為一個喺側魚涌北角交畀返工既打工仔，一個禮拜仲有3-5餐喺東泰攪掂。今晚如常去食晚飯，一坐低830pm叫咗個蒸肉餅，我知道肉餅喺要蒸既，都預咗要等，去到915pm，見周圍d食客都有得食而且有d食完走埋，所以我就同個伙計講我：唔好意思，可唔可以跟下伙計：豬肉係生，要蒸嫁ma我：(無出聲，心諗，蒸45分鐘咩都蒸完啦，同埋有咩野唔係生住拎去蒸)過咗5分鐘伙計：你自己睇下熟唔熟啦其實我唔介意你同我講蒸咗唔記得拎出黎又或者未整，不過下次可唔可以睇下個客人等咗幾耐先回應呢！明白大家返工都攰同有壓力，但我都希望大家互相尊重。BTW，朝早啲阿姐態度係極好既，值得一讚！

昨天同好友到北角港運城行商場後，這時差不多下午茶時間，見到對面有幾間茶餐廳，入面環境都幾乾淨，就試試下午茶餐啦。餐牌上有多款選擇，價格又真的幾抵。我叫了乾炒牛河，獲氣夠，炒得熱辣辣，香噴噴，而且牛肉又大大片，好惹味。熱奶茶香濃撲鼻，茶味適中，不錯。

食品不嬲唔錯叫咗2樣野食一個常餐, 一個散叫臨走拎張單去門口埋單老細將張手寫單調轉放我見到$45 $42懷疑對方找錯錢比我我問一句 "45+42。。。" 老細好大聲喝我話 "一個$45 一個$47呀!!!! 有無$42咁丫???????"講真, 佢將張單調轉咗, 我睇得唔清楚想問清楚啫 駛唔駛咁樣大聲喝我呀其他員工態度無問題你有禮貌問佢 佢有禮貌答你但老細除外 即使你有禮貌問佢 佢都唔會禮貌答你 仲會大聲喝你添!!!!!

食過先知原來唔係間間茶仔 TEA TIME都會有雙拼公仔麵餐，就算有，D餸都係單件上，好少會 “起孖” 。不過呢間竟然係，我叫腸蛋麵，有雙腸 (煎過的)、雙蛋，麵底煲熟兼有味的。杯鴛鴦係傳統茶仔果種，充滿茶謄香，而且好滑唔澀口。

弟弟弟婦過黎同我地一齊晚飯，結果去番之前佢未結婚時，我地成日撐檯腳的東泰。看看餐牌，父母點了菜飯套餐，我和弟弟弟婦就鋸扒！一直都知呢度 D 食物份量十足，D 羅宋湯一絕，扒餐係大大件仲要係鐵板上；以前試過配意粉，佢真係成碗麵碗的意粉俾你，多到食唔晒！而家配薯菜，佢用波浪薯條，同樣又係份量勁多！四十零蚊真係抵食夾大件，D 扒又唔韌又入味，有餐湯有餐飲，真係真心推介！

食物冇問題，過得自己過得人。問題在於男員工，本人也諿講粗口, 但員工們的粗口包含'老母'，'西'。如果全場大部分客人事成人冇問題，但在下午茶時間有很多幼稚園小朋友放學，我覺得是嚴重問題, 佢地好似專企在有小孩卡位附近講，家長們其實已眼望望他們，但他們越講越大聲越講越起勁， 小孩返到屋企照講就大件事啦！！！

過開黎呢邊，食個早餐再做野，入左黎呢間餐廳食下野。呢度環境不錯，比較光猛，幾乾淨，又幾好坐。而且呢度有好多部電視，除左新閒劇集個D，夜晚仲可以約朋友一齊邊食邊睇波！今日叫左個懷舊常餐，有叉燒湯意同埋火腿蛋多士。叉燒好長好大條，原來唔係成日有，經常賣晒就冇。我今日真係好好彩啊！意粉都幾大碟，麵質唔會太林，都幾有咬口！火腿滑蛋都幾滑，多士雖然唔係剛剛出爐，但都保持都一新鮮。水準唔錯，呢個價錢呢個份量，都算幾抵。

朋友介紹下，話呢到奶茶好滑，叫我試下，今日早餐就叫左份腿蛋治加杯熱奶茶，腿蛋治用膠盒盛載，而且份腿蛋治仲熱哄哄的，蛋夠嫩，好香蛋味，方包不是隔夜既硬掘掘質地，油雖然叫佢走左，但依然見到D油沾到塊方包，奶茶奶夠，香滑，沒有茶葉澀澀的味道，師傅手勢還不錯哩

完全同意樓下，嘢食係唔差，係有個收銀肥哥哥嘅態度真係食龍肉都冇味，平時諗住都係黎食嘢都唔會有乜嘢，今次事源就叫左個出前一丁茶餐，食落冇出前一丁湯既味😱或者可能整錯左，剛剛有個收銀肥哥哥經過，我都有禮貌地咁問係咪爭包湯粉，因為冇出前一丁嘅味道，佢居然問點樣冇味法呀？我就俾佢睇下碗湯嘅顏色，跟住佢仲話係咁樣架啦，我唯有話我比佢試下啦，跟住佢就好勞氣好大聲咁教訓我既語氣話咁樣係冇意思嘅唔好同佢講呢D野，仲同我講佢本人即刻煮過俾我，仲話「出前一丁係冇出前一丁味㗎啦」，我聽到佢咁講都當堂O晒咀！我同佢講「你咁樣講係違反咗商品說明條例，雖然你老闆唔喺度但你都唔可以咁講！」佢仲好似以為我搞事咁同我講「係咁㗎啦食第二啲囉！」😡咁我唯有第二啲囉，我心諗我來係食嘢唔係鬧交！可能嗰日係跑馬掛，因為我見到佢都係同啲客講賭馬講到眉飛色舞！但都唔可以將你嘅情緒發洩係客人身上，如果係咁的話佢老細有咁嘅員工真係唔知好運定不幸！其實件事係好少事，你比包湯粉俾個客就解決到件事又唔使浪費食物，但件事已經反映到呢位男侍應工作嘅心態，會影響到其他侍應嘅同事俾人嘅印象，慘！希望有待改善