東海堂 (新九龍廣場)

营业中

休息中

冬至適逄屋企人生日，本來打算去屋企附近既街坊餅店買芒果蛋糕，估唔到六點前已經賣哂，就轉場去東海堂睇下有咩款啦。本來想揀返芒果流心蛋糕，但好快就俾呢個色彩繽紛既聖誕蛋糕吸引左！蛋糕面有士多啤梨、龍珠果、藍莓同紫薯蓉，望落水果好新鮮，再睇睇介紹，原來餡料係抹茶慕絲、朱古力蛋糕同黑朱古力脆珠，都幾吸引呀拎返屋企老人家都好開心，覺得好靚係咁同佢影相，仲食左好大舊。本來都有擔心過味道會好假，因為靚既野通常都唔好食，哈哈。抹茶事實上係冇東海堂一貫既抹茶蛋糕咁濃郁，但我覺得還好，整體唔太甜，都幾好食既不過分到聖誕樹腳既人就慘少少喇，因為O個個位大部分都係mousse，冇左中間既層次感如果下年再出整返成棵樹都有咁多層就更好喇

其實我真係好鍾意食包可能你會覺得食包做晏就 好慘但我又唔會咁覺 食包對於我黎講可以好幸福我又好鍾意牛奶production行經東海堂 見到呢個北海道3.6牛乳包其實出左好耐 一直未有機會試今日終於去買黎試好似係17、18蚊咁上下 有5個一拎上手其實都幾輕飄飄ga la估到唔會有我想要ge札實 密度高ge口感都爭札左一陣買唔買好ga la最後都係買下 唔試唔心息一拎出黎 聞左先（習慣有味ge包會聞下）點知真係冇味 一d牛奶味都冇👎🏻👎🏻👎🏻好失望😔😔😔食落當然係冇牛奶味啦 又係空了了好似食空氣咁 勁多氣孔估計用多左臭粉😔😔😔下次唔會再買呢個

2016年10月13日 (星期四) 5:40pm 提供多元化麵包、西餅及咖啡等飲品。 燈光明亮，環境整潔乾淨，各款蛋糕賣相精緻，擺放齊整，一目了然。 咖啡朱古力蛋糕切餅 - 味道香濃幼滑，跟意大利的提拉米蘇 Tiramisu 相似，輕柔的蛋糕質感及濃醇的咖啡，梅花間竹，當中奶油和慕斯如絲香滑；面層和外側均撒上苦香可可粉，口感綿密濃郁，賣相吸晴。中央位置放了一粒核桃，又香又脆口。【推介之選】❤❤❤ 榛子千層酥 - 面層鋪滿榛子、花生和果仁，每粒結實且大，充滿咬口，脆卜卜。第二層的海綿蛋糕軟綿綿，並沒有鬆散。第三層是威化，三塊薄片癡在一起，香香脆脆，叫人喜愛。第四層又是海綿蛋糕。第五層是餅底，厚實脆口。整體來說，層次分明，味道豐富，甜而不膩。【推介之選】❤❤❤ 本人合共買了 6 件蛋糕，當中 3 件的咖啡朱古力蛋糕切餅享有 85 折優惠。《 環 境 》：