東海堂 (新都會廣場)

营业中

休息中

係香港買到既蛋糕，黎黎去去都個幾間，但真係岩自己胃口既，就唔多。東海堂蛋糕都算係最對我胃口既蛋糕，所以我成日都會黎買一兩件過下口癮😚😚今次屋企有客人黎，所以就買多幾件一件食，好開心！

今早下大雨，沒法去其他地方買早餐，於是就在公司附近買早餐便算。在這間蛋糕西餅的連鎖店，我買了一件磨菇蛋三文治回公司吃。原來三文治的價錢這麼貴，要$18蚊，平日吃早餐的都是少於$10蚊。三文治有點餘溫，炒蛋及磨菇味道淡淡，料是足的，不可說好食或不好食，就是正常，可以吧。如果下次沒有其他選擇，可以再買吧。

話說呢頭附近早餐冇乜選擇, 見到東海堂居然有出快餐店, 一於試吓佢3.6牛乳炒蛋叉燒湯意粉, 我見前面落order個個都叫呢個餐應該實冇錯啦, 多士唔脆, 炒滑蛋冇味道, 火腿冇特別, 叉燒湯意粉個湯冇味, 上面塊叉燒以瘦肉為主, 整個湯意粉感覺其實配搭有點奇怪..或者是可否正正經經用通粉呢..? 下次如果要食可能就買返佢啲西餅蛋糕算了

今日經過東海堂，見到有新甜品，價錢介乎20-30元一件，於是買了3件同屋企人分享。我們最喜歡原味千層蛋糕，cream非常清新，食多幾啖都不會覺得濟，每層餅都好薄，好好吃。呢個價錢黎講好出色。鍾意千層蛋糕既朋友可以一試。藍莓泡芙賣相好靚，味道都唔差，藍莓好新鮮，cream亦唔會過甜，但泡芙口感略硬，不夠軟。 另外，抹茶竹炭海綿蛋糕，好鬆軟、抹茶及竹炭味道濃郁，除左底層朱古力脆脆唔太鍾意外，其他都好滿意，值得一試。

最近對東海堂蛋糕上癮🤤而且屋企人都鍾意 所以無人生日都買咗蛋糕黎食😋🍇巨峰提子蛋糕 $238呢個係我身邊每個人食過都大讚既蛋糕😋面頭舖滿大大粒漲卜卜既提子啫喱 裏面仲真係有巨峰提子果肉架😍香甜多汁🍇切開蛋糕見到一層層的提子慕絲、草莓果凍、朱古力海綿蛋糕同脆脆✨口感層次豐富 配搭完美 食曬一大舊無難道！食完唔會覺得膩/太甜既蛋糕 味道清新 無可挑剔🤤💜🍓赤莓盛宴 $289賣相超少女心的 當然味道也是滿分🥰有士多啤梨蛋糕必出現的草莓慕斯🍓蛋白蛋糕質感鬆軟🍰牛乳忌廉輕盈綿密🥛配埋草莓果醬啫喱 令整個蛋糕草莓味更濃郁💖重點就係頂上粒粒長綺赤莓，粒粒豐盈飽滿😍色澤靚 夠紅♥️食落又甜又多汁🤤草莓控表示食完超滿足超幸福🍓🌈💕💕💕

東海堂新產品朱古力二重芝士蛋糕 $209 一磅賣相有d單調，睇落係個好普通既朱古力蛋糕，外圍鋪滿了朱古力碎粒。但當你以為係普通海綿蛋糕時，其實佢係芝士蛋糕最外層一層厚厚既朱古力鋪面，朱古力好滑唔會太甜，又唔會太硬，唔難切如果可以再濃郁甘醇就更好。內層既朱古力芝士蛋糕，層次分明，充滿郁醇芝士味，口感非常軟綿。但係餅底無左層脆餅。口感只有軟綿滑溜，有少少食雪糕既感覺。有埋番個脆餅底相個個口感會再豐富d 。 味道都唔錯既 但對於朱古力控既我會覺得之前既五重朱古力比較吸引。

假期當然睡到自然醒就去開餐，行過去食返個靚早午餐，呢客有日式叉燒意粉，唔細碗，叉燒唔肥肉腍，再有香甜粟米粒作配料，意粉偏有口感；另外仲有炒蛋火煺配多士，最愛用蛋放在多士上食，加埋杯熱奶茶，美好一天開始！

第一次見到呢間東海堂竟然有得食沙律，正餐等等，已經好驚訝。但每次都坐滿人，大家當佢Starbucks，坐係到傾計，歎下午茶🤣店位於商場通道旁邊，都好易揾。下午5點幾，店內依然坐滿人...但！原！來！後面靠住欄杆仲有一排台！Oh Yeah~冇人坐，馬上霸個靚位~ 我坐個個位望到開放式廚房，睇到職員準備餐點，都算自成一角。再去收銀處睇下食咩~唔..正餐選擇唔多，不過Daily Set炒滑蛋好吸引，就決定係你啦好想飲甜野，所以加錢叫左杯抹茶黑糖水晶飲品另外，都有二人套餐，好似都幾抵食收銀處的職員都好年輕，應該係學生，但真係冇乜禮貌囉。。。俾完錢會有個咇咇機，佢響就可以拎餐但出餐處有啲隱蔽，所有野都係自助。先來一張全set套餐照😂滑蛋火腿麵包：滑蛋都嫩滑，有d蛋香味，不過不失啦麵包：應該係用返自家麵包，但稍嫌烤得唔夠，如果再toast D 就好火腿：就係火腿一塊囉~日式豚肉叉燒湯意粉：賣相ok la, 塊叉燒都幾大塊，不過係得一塊，湯似平時茶餐個d飲品：抹茶唔係應該有d苦澀味㗎咩？OMG! 好甜丫！好似飲緊糖水咁..最期待嘅最失望😫得閒同朋友嚟呢間東海堂，食件蛋糕，飲杯野，吹水都幾好嫁！

今日係葵芳新都會行街， 行到攰攰哋就搵地方食lunch， 東海堂啲飲品都飲過好多次， 味道都唔錯。今日見到呢間cafe係有位坐低，有嘢可以食，即刻試下啦！我叫咗個讚岐冷烏冬配蟹柳， 加咗$15要杯熱嘅宇治抹茶。 冷烏冬配個麻醬醬汁，個汁整得幾好味，清清地唔錯！ 宇治抹茶就係水準之作!朋友叫咗個日式豚肉叉燒湯意粉，加$15 牛乳曲奇熱飲!個味道係麻麻地，意粉太硬，叉燒比較少! 牛乳曲奇熱飲, 即係Oreo味 , 味道都唔錯!係呢間cafe食，要兩個人比較好，因為係自助形式，自己搵位拎食物 ，一個人等位，一個人買嘢食就最方便呀， 見到人哋自己一個人，到攞食物嗰陣時又hold唔到個位,有啲狼狽!

由於好夜先去東海堂買蛋糕細嘅蛋糕已經賣晒得番沖繩紫薯蛋糕唯有買來試下之前只係試過佢出嘅紫薯甜品未試過蛋糕可能唔係即刻雪住個外型有少少扁左但都唔影響佢嘅味道好香嘅紫薯味中間夾埋海棉蛋糕甜度啱啱好但因為紫薯比較飽肚食一舊已經好夠唔可以係咁食

平時東海堂食西餅，但近年開始有雪糕，甚至有正餐食啦！唔知點解成日覺得東海堂同北海道好有關係咁，今次試佢個正餐，日式叉燒意粉加3.6牛乳炒蛋加軟方包。49蚊既話其實我覺得係正常茶餐廳價，個牛奶炒蛋幾滑，個方包應該係東海堂既出品啦，微微烘左，配埋蛋食好味呀！個意粉我都欣賞佢個塊日式叉燒係大塊既，大概係平時拉麵兩塊叉燒合併。得閒食一個日式既常餐都幾特別。我想講呢度平時6點45左右經過會full坐滿,,,所以我今次都係第一次試佢既正餐咋!同埋開放廚房都可以俾我睇到佢既用料同製作都不過不失!

新年假期的早上, 新都會廣場啲食市間間都full, 敏華, euro gogo, 太興都full 晒, 得返東海堂有少量吉位, 咁就嘗試吓啦早餐得炒蛋, 菇菇同牛角包, 跟凍飲, 大約HKD 45蛋, ok, 熱的, 但唔滑, 唔算好香蛋味牛角包, 凍過凍飲, 又唔脆, 無香濃牛油味, 雖然唔難食, 但估唔到係凍囉, 好心佢求求期期都放入叮叮爐叮叮佢呀菇菇, 咸到呢, 我終於知道甚麼是咸到苦, 真係想問佢攞杯水洗吓佢先食凍奶茶, 係全份早餐最好味, 茶夠凍, 有甜味, 有茶味

第一次食東海堂嘅沙律🥗選擇上就唔多嫁啦，有菜、南瓜沙律、粟米煙肉沙律同螺絲沙律，4揀3本身就唔係有太大期望嘅，因為價錢比起平時食同類型嘅沙律都平大概$20-$25到。我揀咗$57大size，叫咗菜、南瓜同螺絲粉，有驚喜，首先係好大份！😱佢係裝over咗個盒😱職員仲要細心問我要唔要柚子醋👍🏻之後坐低食，菜新鮮，南瓜沙律係最好食！螺絲粉就因為有小小煙肉係入面，咸咗小小~~~不過選擇實在太少，唔知會唔會日日轉款呢？建議加多1-2個選擇就好~~~

好快就會到農曆新年 , 我和太座就去了 葵芳 - 新都會廣場 購買一些紅色內衣褲 , 好等在農曆年間穿著 .... 逛街購物之後總是覺得疲倦 , 就想坐下來喝杯飲品 , 可惜連鎖咖啡店都擠滿了人 , 於是我們就轉場去到了這間 Arome Cafe 吃件蛋糕 , 喝杯飲料 ~赤莓之戀 $22 : 赤莓香甜 , 然而蛋糕偏乾 , 應該不是做餅師傅的能力的問題 , 而是店方存放蛋糕溫度的問題 ~赤莓慕絲切餅 $22 : 蛋糕的味道和鮮忌廉十分配合 , 蛋糕都是有點偏乾 , 但鮮忌廉就補足了這個缺失 , 這個切餅的赤苺更是香甜 ~赤莓果撻 $22 : 赤莓都是香甜 , 撻皮有點硬 , 整體來說味道就是一般 ~本篇完 ~

比東海堂飲品餐牌既相吸引到，買左兩杯試下雜莓沙冰新地 $36酸酸甜甜，雜莓似係用新鮮水果而唔係落糖漿，因為可以咬到莓既核上面擠左球新地，雪糕甜味可以中和番莓既酸味，而且雪糕都夠滑，奶味都足，算係唔錯既選擇青森蘋果汁寒天$28蘋果味好重，唔會死甜，有少少酸尾尾既感覺，好清新仲有粒粒透明既寒天，有啲啲咬口，幾好味估唔到東海堂既飲品水準都唔差，以後除左飲珍珠奶茶之外，東海堂都係一個唔錯既選擇，不過我就覺得價錢有點偏高