東海堂 (新都會廣場)

营业中

休息中

間唔中見到東海堂嘅飲品，會有買一送一優惠，但好難搵到同事share。今日難得有同事肯share，緊係要試吓啦。今期嘅優惠係宇治抹茶牛乳紅豆，冷熱飲品都係買一送一，真係非常抵飲。我買左兩杯熱嘅飲品，打開已嗅到抹茶嘅香味，入口抹茶味道非常香濃，紅豆已浸淋，好好食，只係覺得紅豆唔夠多，牛奶味亦夠濃，整體上甜左少少，但我都非常鐘意，因為我本身係抹茶控。如果下次有另一款優惠，一定會買來再試，因為真係太抵喇！

人生數十載 , 如夢又似幻 , 常言道太陽之下無新事 , 但是《禮記‧大學》又論過 “ 苟日新，日日新，又日新 ” , 總而言之一百歲未死 , 都有新聞 ....某日 , 筆者就獨個兒到 葵芳 - 新都會廣場 逛街 , 百無聊賴 , 就想去喝杯咖啡 只是 Starbucks 又滿座 , 任何一間咖啡店都擠滿人 , 於是就行到去仍然有吉位的 Arome Bakery 東海堂 買杯咖啡飲 .... 炭燒咖啡 : 通常我會飲 Iced Americano 的 , 但當天就點了一杯熱的 炭燒咖啡 , 這杯咖啡認真經典 , 事關入口的味道是相當苦澀 , 酸度極高而且就有點不順喉的感覺 , 堅難飲 ~筆者由幾歲便開始喝咖啡到現今 , 四十多年間 , 差不多每一種咖啡都飲過 .... 竟然今次喝的這杯啡 , 就為筆者的味蕾帶來了新的體驗 , 真 interesting ~本篇完 ~

今日一家三口去行開街，順便醫肚，都仲未諗到食咩之際，咁啱行到東海堂門口見勁多人排隊，其實平時行開都有見過下，但一直都未真正食過，咁啱又比佢d芝士香味引誘到，見有位，就坐低先講下呢度係開放式設計，自助揾位，揾到位就出去點餐，同快餐店形式相若啦，坐位有限同比較狹窄，所以都冇影相由於排隊買嘢人流衆多，我就影咗個menu返埋位同老公慢慢商量食咩好我就係比呢個 花烟芝士蕃茄意粉吸引住先坐低，真係好正，鍾意食芝士嘅芝士腔一定要試，開頭聽個名以為得芝士同蕃茄，點知原來超多蝦同菇做配料沙律我哋簡咗和風拉麵沙律、煙肉蘿勒醬螺絲粉沙律、凱撒沙律三款，其實佢有4款嘅，唔知係咪每日指定唔同款呢講下d沙律先，和風拉麵沙律有少少辣，都幾特別，好少食到沙律會辣煙肉蘿勒醬螺絲粉沙律，呢個3款沙律嚟講係最好食，但個分量係得最少😭凱撒沙律呢就真係可以唔食啦，完全唔係用凱薩汁，唔知咩汁嚟，都唔明點解仲叫凱撒沙律芒果沙冰同oreo沙冰呢度嘅沙冰一飲就覺得佢部機勁唔掂，完全攪唔碎，不能用沙冰嚟形容講味道，芒果沙冰勁難飲，用類似d芒果味沖劑沖出嚟咁味道好怪Oreo味道就好飲好多，但都係敗咗係沙冰嘅口感上最後食埋個北海道3.6牛乳

每次路過都好想入去試下，但次次都滿座。今日好好彩有位，於是同朋友二話不說入左去坐😌形式同Starbucks一樣，自己搵位，自己出counter 點餐，取餐。menu 好簡單，得五組選擇，因為係cafe，所以飲品選擇多啲。餐包一柸普通飲品，即檸茶/水/咖啡/奶茶。不過黎得cafe，當然想試下啲特別飲品啦！呢到叫手調飲品，跟餐可以半價換購。我叫左daily set + 熱既宇治抹茶牛乳。對於我黎講個daily set 份量略多，不過味道唔錯，好食👍🏻 至於柸飲品就唔洗講啦，東海堂出名綠茶產品，當然係好飲啦，牛乳味亦好重。聽到隔離台話，抵過去Starbucks 坐。仲品係平靚正😏😆

今日去葵芳新都會廣場做嘢，想隨便食個早餐，見到這間東海堂cafe，買了一個蘑菇蛋沙律三文治，加$8有一杯即磨咖啡。由於時間尚早，所以商場人流不算多，坐得很舒服😌除了有麵包，還有一set set 的早餐。由於趕時間，所以就買了蘑菇蛋沙律三文治是早上新鮮整好的，軟綿綿的麵包配上蛋沙律醬，非常滋味。即磨咖啡味道偏苦，不錯。價錢是相當抵的，買任何麵包加$8就有一杯新鮮的咖啡。之前有飲過他的牛乳咖啡，$22元，都抵飲。

放假吃得太多，星期一應該吃得清怡一點，來東海堂Arome Cafe吃個小清新沙律盒就剛好。大沙律可從四個選擇中取三款，今次點了凱撒沙律配柚子汁、粟米煙肉沙律，和風拉麵沙律。這裡的沙律盒可算是物超所值！本身盛沙律的盒子容量都已經不小，而且每次店員也會賣力地將食材往盒裡塞，連食量驚人的coffreestains也感到很滿足。凱撒沙律本身沒有混上凱撒醬，也沒有煙肉碎與麵包粒，其實稱不上凱撒沙律。不過大大塊新鮮爽口的沙律菜配上微酸醒胃的柚子汁，反而更深得我心！粟米煙肉沙律也不太見到煙肉碎。粟米原粒混上了少量青紅椒粒以及長米粒，豐富了口感。這沙律不含醬汁，但由於食料新鮮，反可品嚐到粟米本身的甜美。和風拉麵沙律是拌了火腿絲、青瓜絲、紅蘿蔔絲、芽菜絲的麻醬意粉。各材料混合得很均勻，每條意粉都被濃濃的麻醬包裹著，是飽肚之選。各種蔬菜絲剛好中和了麻醬的膩，吃起上來沒有飽滯感。Coffreestains不吃肉類，幸好火腿絲不算太細碎，要挑出來也不太困難。大沙律 (三款選擇， $58)另加$8可配熱飲

今日行去葵芳朋友同我講東海堂做緊Oreo沙冰promotion 買一送一買一送一$36咋嘛味道ok 好重Oreo 味飲完有D飽肚tim 唔知呢個promotion 做到幾時下次再去買sin *check 左promotion 做到26/7

作為一個蛋糕控，我去到邊都喜歡試覺西餅店蛋糕，也試了東海堂的多款蛋糕，草莓蛋糕，綠茶蛋糕，特濃朱古力蛋糕一直係喜愛，但直到這款失望的 白桃蛋糕今次朋友生日慶祝，一直喜歡東海堂的蛋糕，清新不膩，就揀了個去慶祝蛋糕上的好果最差的是製過的水果， 因為會製過味道好假，這個日本白桃，白桃就是沒有了白桃原來的清甜，原有果香，只有甜味，沒有其他，但蛋糕算鬆軟，但cream too much , 整個蛋糕一口就夠，沒有之前的回味感😢可惜

平時買開東海堂蛋糕, 估唔到佢地已經發展到新嘅業務 -- 開CAFE。是日小弟拍拖同老婆經過新都會廣場，個腦唔知食乜好果陣, 就見到佢。見到個2人套裝$136好似好抵食, 所以叫左一個花畑芝士鮮蝦蕃茄意粉同埋一個大SIZE 既沙律. 另外包兩杯野飲。花畑芝士鮮蝦蕃茄意粉味道可以話中規中矩, 蕃茄醬有少少稀, 賣相正常。沙律可以揀三款一齊合併做一盒, 叫左個日式南瓜沙律+炒麵沙律+凱薩沙律。三個都好好味, 尤其日式南瓜沙律有碎蛋同蛋黃醬加持, 老婆十分鍾意!飲品方面就加$12叫左個熱宇治黑糖水晶同榛子牛乳可可, 各有特色, 熱飲就細杯左D, 推介大家飲凍飲會抵D。

這間cafe是第二次光臨，今次我幫襯了下午茶。買了鮮蝦芒果牛角包三文治，另外加多一杯凍飲宇治抹茶紅豆冰。先講牛角包，賣相非常之吸引。但是食落牛角花冇鬆脆口感，可能是凍食關係。芒果肉唔酸幾好，但啲蝦不爽口冇蝦味。呢個牛角包三文治我畀65分。宇治抹茶一般水準，有少少茶味。紅豆煲到幾淋下但不會散曬。這杯飲品整體有70分。

午餐輕食，ordered daily set, 以前個蛋好夠味又滑，現在很淡。個多士是凍的，沒有烤過。湯意粉的就意粉好硬，湯底不是豬骨了很淡只得咸味。唯一抹茶紅豆仍然保持到水準咋。

Daily Set～3.6牛乳炒蛋配火腿、日式叉燒湯意粉成個餐都幾好味，又夠飽😋📍特別推介：3.6牛乳炒蛋：幾好夠滑🍳日式叉燒湯意粉：意粉軟硬度適中，叉燒就普通🍜整個餐最好食既，除左個炒蛋外，仲有個多士🍞，脆得黎，又夠軟，唔會硬生生咁～

牛乳布甸係我幾鐘意既甜品之一，一杯好的布甸最重要的是牛乳，要香濃的，除此以外，質感也要Q彈滑，東海堂又推了新品，就是3.6北海道牛乳布甸，牛乳味應該有番咁上下濃郁，每當東海堂有新品推出的，我都會試一試，因為東海堂出品的甜品質素向來都唔錯啊，牛乳奶涷用膠的器皿盛裝，打開包裝之後，內附小膠匙，十分方便，白雪雪的布甸牛乳味道看似濃度十足，食落都一樣咁香濃，但質地方面比起我食過既奶凍之中就唔算太彈，少少硬，甜度適中，可以接受啦🐄🐄🐄

與朋友相約在新都會廣場，在不是太肚餓又逛街逛到疲累之際，我們發現了這間東海堂的cafe雖然cafe 佔地面積不大，但都可以很快就入坐。由於當時不是正餐時段，我與朋友又不太肚餓，於是我們叫了一件栗子🌰慕絲切餅及一件雞批。栗子慕絲切餅有很多很多栗子蓉，喜歡食栗子的朋友絕對要一試；而雞批則較為普通，雖然不稱得上是十分出色，但也是不過不失，而且店員把雞批給我們時，雞批亦還是暖的。整體而言，這間東海堂的cafe 食物質素不俗，是逛新都會廣場時休息好去處

啱啱見完客....約咗朋友七點喺旺角食飯....未夠鐘自己要搵啲時間hea下...但係腳攰又唔想四圍行...竟然俾我發現葵芳新都會廣場....裏邊有間東海堂餅店....可以俾你坐低慢慢食慢慢歎...我當然要試下啦淨係畀佢哋個蛋糕櫃都已經吸引到不得了七彩顏色任君選擇呢個係我必食推介....北海道牛乳芝士切餅。味道好香濃...只係略嫌細舊少少唔夠食另外我加多一件....宇治抹茶黑糖竹炭蛋糕...呢件睇落去相當抵食因為25元又大大件一睇相就知道個分別佢哋仲會有其他不同嘅熱食和飲品推介不經不覺又坐咗半個鐘有時hea下食件cake都幾得意架