東海薈 (HomeSquare)

营业中

休息中

2人位要等兩小時，仲要問佢嘅時候才說今日二人座位只得兩張枱，你等到就等。今時今日是什麼的服務態度? 完全唔識變通，四人枱都可以安排二人入座姐！全部等位嘅都已經入晒去開餐，有些遲過我來到的還吃完買單走人，門口仍剩下2人等位的顧客，長者又已經企到腳痛，價錢卻及得上五星米之蓮，但卻換來這樣的服務。真係只此一次！。疫情之下不是對飲食業影響很大嗎？為什麼情況稍有改善就不珍惜眼前顧客? 仍有工開的酒樓知客，奉勸你珍惜！

平日價錢係優惠嘅，我哋嗰日去係有六折優惠。味道正常未有特別驚喜。蝦子琵琶豆腐豆味濃郁，椒鹽軟殼蟹味道未如理想，油冧冧。東星班蒸得幾滑。片皮鴨有啲so味，麻麻地。羊肚菌燒豆腐味道正常。福如東海炒飯呢個好有驚喜炒得好乾身入味。龍蝦伊麵正正常常。百花蟹鉗水準之上。

今日去到沙田行街不少地方都有不少人，最後見到這間有宵夜價小菜半價再加上八逹通優惠，最後二人來折$280元都幾抵食，這裡坐得都舒服，但不知是不是比較夜所以待應不太足夠。蟹粉小籠包在宵夜價$28一粒都少貴但又想試就叫了一粒，蟹粉味的確不錯幾濃，湯都多，不過感覺不夠熱。薯仔牛肉粒有失望，牛肉梳打味太勁，味道一般，黑椒味不夠，薯仔口感可以。南乳菜煲，味道都幾濃郁，份量不少，不過食多會偏咸。黑醋骨少炸口感不錯，肉質可以，味道不錯醋味都夠。白飯口感不錯，份量都不少。

今日黎飲早茶，坐低左十分鐘，舉極手叫人開茶，都冇人黎，明明係你隔離行過都睇你吾到，叫到出晒聲吾該都係冇人理。隔離枱阿叔叫左幾次都冇人理，直頭追住個阿姐問佢，阿姐你係吾係真係睇我吾到，都要重覆2次個阿姐先知同緊佢講野，然後答吾好意思，我真係睇你吾到。食物方面，點心款式比較少，皮蛋瘦肉粥，燒賣，蝦餃都正常，好食，叉燒腸味道差，有陣怪味，肉餅飯，個飯底好食，不過舊肉餅有酸味，牛肉球正常，不過價錢吾抵，$4x。環境舒適，酒樓黎講算寧靜，乾淨

睇完傢俬，入左Home Square唯一呢間酒樓，見裝修唔錯入去試吓。兩個人坐梳化卡位都幾舒適，個冬瓜盅幾多料，另外叫左3個例牌菜，琵琶豆腐都唔錯，去到呢度都感覺滿意。點知嚟料，佢地有個每人8蚊甜品放題好抵咁，第一張單我地入左4款，等左陣嚟左3款，全部迷你版，紅豆糕芝麻糕得一舊仔，食完就等左差唔多半個鐘，另一款無嚟過，咁樣收我地16蚊加一又唔抵喎，再入第二張單叫左4款，點知等極唔嚟，中間有個鄉音阿姐，催左我地3次問埋單未? 我地答左佢3次話d甜品未嚟，佢面黑黑咁走左，隔左陣佢拎左張甜品紙嚟，超級晦氣咁話你而家tick多次爭d咩，我入廚房睇有就有無就無，我心諗有就有無就無? 咁個甜品放題扼人架? 過左陣個阿姐終於拎返嗰幾款甜品嚟，但每一樣佢都係好大力咁掉落枱，係半空掉落枱，再黑面走左。其實個阿姐咁唔滿意客人食甜品放題，應該自己同佢公司講唔係將氣出係客人度，其他員工都正常嘅，一個差劣員工足以影響晒成間酒樓形象。

I have accompanied my parents to visit doctor in the upper level of Grand Central Plaza. We have decided to have dim sum from the closest location and we just walked in this restaurant. It used to be Jasmine Restaurant but it has changed to this restaurant. I don’t usually come here so I have no clue about the changing. I love the presentation of the dim sum and it looks petite to me. There is only one dim sum in each bamboo basket and the dim sum is considered quite different than other restau

因為openrice外賣自取有折，加上不同日子不同信用卡有額外優惠，所以已經幫襯過好幾次，而今次點櫻花蝦脆皮蝦腸同龍門鴛鴦炒米（細份），因為滿$80用MasterCard減$20，埋單係$68.5。蝦腸嘅腸粉皮係傳統香港式比較厚，唔係石磨腸粉咁薄，但裡面嘅蝦肉餡好飽滿同仲脆脆地，同埋估唔到咁大碟，食完碟腸粉都已經飽飽地。鴛鴦炒米係我嘅至愛，係粉絲加米粉，有幾隻中蝦、魷魚絲、叉燒、香芹等好足料，最重要炒得好香乾身唔油，雖然係細份但都有大半盒，最後食唔哂，要留返一半第二日食。依家直接去酒樓買外賣全日都有58折，好抵食！

幾好食（燒乳鴿，甜品）地方好坐，但穿西裝的樓面，似經理級及其他伙記全部態度差到絕頂你叫餸時，很多餸是有例牌$188和小份$98/88給你選擇，我們選多幾個小份，女待應便給你説話，話小份好少喎，唔係呀，叫咁少！然後我哋叫甜品時，餐廳的甜品是all u can eat, 我們問可否給我們數個吉碗大家share來吃，無謂浪費食物。西裝樓面的女經理樣的職員竟大聲說，要咁多碗做乜？我們只是取七個吉碗，又不是多叫all u can eat的甜品，也好似我哋既要求唔啱。當我們只說可否給我們盒包走吃剩的餸菜，佢又突然無情情講甜品唔可以pack走！我們從來冇諗過pack走綠豆沙！總之整晚D西裝阿姐比說話枱枱客聽，好似D客好cheap咁尖沙咀東海薈絕對不會咁！

地獄飲茶地方。坐低咗咩都冇，menu、落單2D barcode 咩都冇。以為會有人攞黎，結果係冇。d 餐具勁污糟，好多污跡，要自己慢慢逐一清潔。大家要睇清楚，因為佢d杯碟係黑色既，污糟咗都唔會睇到。嘢食款式少，選擇唔多，佢menu d 圖片一d都唔吸引 🤣d 蝦餃、燒賣原來係逐件叫。黎既時候真係O嘴，價錢$12件但唔算好食。個鮮竹卷好硬，炸太耐、蒸太短時間。個蒸飯實際係個湯飯，個底勁濕，好難食。員工又唔夠，嘢食要成30分鐘先黎。總之，好難食。肯定唔會再去。

佛誕日，入沙田 Home Square 東海薈嘆茶，因為之前去過，感覺唔錯，有質素，所以再食多次。泊好車，等大約20分鐘就有位。同大部分連鎖餐廳一樣，改用手機點餐，新推出有優惠，下午茶時間"應該" 會有全單減10蚊。手機點餐，個人覺得有個唔好處係，會唔覺唔覺點多左野食，今次，係明顯叫多左，雖然冇做大嘥鬼，食曬，但飽到夜晚。先黎叉燒例牌，叉燒半肥瘦，唔錯，但個蜜糖好似燒完再浸落去，甜到過份，所以只俾3/5分。叉燒腸，不過不失，皮厚，3分之作點心類，呢間酒樓好處係大部分點心可以按人頭叫食物，我地叫左蝦餃，小籠包，叉燒包，雲耳勝瓜餃，蒸蘿蔔糕，及影漏左的珍珠雞。蝦餃：皮薄，多蝦，但冇筍小籠包：多汁，但汁偏咸叉燒包：正常雲耳勝瓜餃：冇份食，所以唔知味道珍珠雞：正常臘味蒸蘿蔔糕：得好少臘味同幾條蘿蔔，完全同細個食到的蒸蘿蔔糕好大分別，冇心整不如好似其他酒樓，唔做好過做整體黎講，點心都係2至3分之作。金菇瑤柱炆伊麵：叫做正常，但唔係好覺有瑤柱絲，普普通通，正正常常龍蝦湯泡飯：聞落有海鮮味，但食落似一般湯泡飯，都算足料，3分之作。瑤柱花菇灌湯餃：比上次差了很多，湯勁咸，2分。分數偏低唔代表食物難食，

#東海薈好難得#沙田 會有新酒樓諗住終於唔使幫襯美心集團啦點知都係失望而回......聽屋企人講話佢地有好多優惠同好多新款美食所以就決定去試下餐廳位於📍沙田HomeSquare地下晚市不用等位😃可以直入去嘅當日大約有10枱客不算太多由於我屋企人同我對前菜都無咩興趣就諗住唔好浪費嗌職員攞走啦點知職員話你唔要就無得用8折優惠咁都算數🤯雖然我都不太理解之後職員嗌我地用QR code落單話可以額外平多20蚊之後一睇勁多餸都係無🤷🏻‍♀️做特價嘅餐牌上起碼有一半係無的無海鮮🔹無咕嚕肉🔹基本上唔係無入貨就係廚房無材料咁大間酒樓點解可以咩都無🤯-竹笙玉盤豔素- $128即係冬瓜▪️西蘭花🥦▪️一大炸雜菇用上湯燴出嚟的一個菜味道尚算正常入味同夠熱-養生魚唇豬軟骨- $188咧個幾好食魚唇同豬軟骨都都得好腍身一咬落去就已經會變成一絲絲非常入味魚唇有6塊豬軟骨大約都有5至6嚿-醒胃黑醋骨- $108Portion極少得10嚿炸到超級乾同埋無醋嘅味道-沙薑豬手粒- $68咧個就由花生🥜丶葱絲丶青瓜絲同豬手粒整成咧個相對比較特別豬手嘅份量都算多每一匙都有幾粒D皮都爽口不過就有少少油我估其實所有嘢都係分開煮之後臨上菜

一連五日假期陪長輩去飲茶等位期間已經有花生食門口知客因為安排入座有問題有食客同佢理論 最後經理出來致歉跟進到我們一行四人被安排入内冷氣好凍好凍 基本上主廳範圍內的圓枱全部風口位如要去請帶定外套坐低後有一個QR code手機落單可享全單減10蚊優惠食物即叫即蒸 我們一共叫左3轉點心普遍下單後20-30分鐘後就上枱這裡的叫法比較特別大部份以個/粒為單位叉燒包要1個或2個任君選擇呢個可以免去計人數既好處食物不過不失 即叫即蒸黎講上菜都較慢但樓面服務實在實在太差啦當日同2個樓面講野都唔應人特別係埋單收錢個位王姓女經理問佢收唔收銀聯paywave問左3次行埋黎打開張單幾錢又唔講望都冇望過我 掛住同同事講野講完大大聲喝我「收收收 淨係唔收AE」都唔知請佢返黎係服務客人定請佢返黎鬧客人試過一次唔會再有第二次的原因就係呢間分店啲staff全部唔係well-trained做野亂咁黎 冇服務可言我尖沙咀/青衣城分店全部食過呢間服務完全茶餐廳水準 係其他分店既半成都冇新開冇耐都咁差真係想知呢個班底可以捱幾耐埋單淨係比左呢張收據想影埋叫過咩食既單放上黎都冇

講到一盅兩件，原來東海薈已經發展到一盅一件逐件order，以往一籠燒賣有4粒的光景不復見，換來的一粒一籠的的骰骰樣子。咸魚青菜各有喜好，想食就+1唔怕會食淨！點心方面，翡翠帶子燒賣（$18/粒）大大粒燒賣表面擺放帶子，豬肉餡中間包裹爽口蝦仁Q版流沙奶皇包（$13/隻）印上卡通圖案來到主菜有米魚，有米魚會選用沙巴龍躉或石班隨機供應，今次有幸遇上沙巴龍躉鋪上金黃色的炸脆米飯粒，食用時淋上鮮味的上湯，魚肉鮮甜爽滑。不過松露石榴球松露真是一d都不失禮！入面雜菌亦是相當吸引！而片皮鴨掌握火候得直，片皮鴨表面呈棗紅外皮，鮮豔油亮、皮脆肉嫩，上台前店員會純熟的手勢手起刀落將鴨肉切好一片片。不消一會，鴨肉已經整齊地排列好，如果直接將鴨肉放入口，即時享受到酥脆香滑！不過如果想食多種口感，可以以包餅皮放入京蔥、青瓜、海鮮醬、菠蘿一同食用，同時食到片皮鴨肉酥香、配菜上的爽脆及菠蘿的鮮甜於舌頭上味蕾上交織一起！如果喜愛食咕嚕肉，一定要試試新Menu - 士多啤梨蝦球鍋巴，啖啖鮮蝦球裹上秘製脆漿脆炸，加上重點所在既士多啤梨濃厚醬汁及鍋巴托底，真係又香口又好味！

今天(2021-03-22) 晚上6時15分到達東海薈，當時還有很多位子，因還有一個人未到，於是問公關有沒有限時，那位名叫Ada LAM小姐 的公關說7時半要交枱，亦問可否預訂6點45 分，她說只有7點半(原則上只有兩個時段可供預訂，即6時及7時半) 。於是沒有即時預訂，唯有在附近逛逛等多半小時。到達後，當時還沒有人等，亦見場內只坐滿了7成左右，亦取票及等待，到6時55分突見一批批客人還被安排入座，一直奇怪的是林小姐說過沒有7 時可供預訂的，見7 時15分還沒被安排入座，於是問林小姐，她竟答餘下的都是給已預訂7時半的客人！之後聽了就呆了，既然有這樣的制度，為何不一早向已取票及正在等待的客人解釋，不會安排及預留給憑票(俗稱walkin) 的客人， 讓客人白等一場。對這樣的酒家安排既失望也令人不愉快。希望貴公司的管理層應該彈性處理安排入座制度及給予公關多些培訓，特別是林小姐對客的態度，避免造成不必要的誤會。

逛沙田，除了新城市廣場之外，我亦好喜歡去Home Square，必逛Ikea和Francfranc，雖然沒有搬屋，但我喜歡買一些精緻的碗碟，方便在家拍攝食物之用。走得累了，最佳活動是走入餐廳醫肚，邊吃邊欣賞自己的戰利品。最近發現商場內新開了一間「東海薈」，好吖，今天就叫餸食飯。入座時是閒日下午，時間有點尷尬，客人不多。餐廳採傳統中式酒樓設計，抬頭是大型水晶燈，內裡多是小圓桌。金沙脆皮四季豆最喜歡吃鹹蛋黃菜式，所以看見這個「金沙脆皮四季豆」，完全沒有招架之力。每一條四季豆都沾滿了金沙，外層香脆，內裡仍保持蔬菜的水份和甜美，好喜歡。紅燒脆皮頂鴿皇上次和朋友食飯，因為乳鴿漏了單而沒有吃到，一直耿耿於懷。朋友記住了這件事，今天特別再點這「紅燒脆皮頂鴿皇」給我，皮脆肉嫰，不錯啊，謝謝你。松露石榴球吃個清新的菜式。「松露石榴球」用腐皮包著了雜菌，面頭是一大堆松露蓉，味道清香，雜菌塞得滿滿的，叫人吃得滿足。紙上豉油雞這個「紙上豉油雞」可說是餐廳名物，像日式紙火鍋般上桌，雞件滑溜，連雞胸都好吃，加上有火保持溫度，熱辣辣的特別好吃。士多啤梨蝦球鍋巴蝦球大得驚人，吃得出不是雪藏貨，鮮味又彈牙，配上酸咪咪的