東涌7号 (已結業)

平時都唔太敢試新野今日就終於試下 買個外賣點知一打開見到黑既雞球都算試食後真係焦果隻味 苦味D雞又硬又焦 飯又唔係多過人真係食炭咩？就算食炭都好過食佢囉跟住飲品又要加錢？？明明寫住係套餐?咁到底套餐包乜呢？平時睇佢個服務好似好好咁諗住無死啦....點知竟然可以服務水準同食物水準唔平均真係自己整都好過佢囉!!!!第一次咁嬲打食評!!!真係太伏 仲要只係收8達通同eps 用佢呢個價已經買到好多好味既野簡直係浪費金錢時間!!!

鳯城水餃湯麵，一試湯我以為自己冇咗味覺，飲返飲品證實味覺正常:個湯油膩，冇鮮味，蒜油极重手;麵"鞋", 吸滿湯發脹，冇一絲食味自身的香/味;亦非用正宗鳯城水餃，連普通餃子都比不上。作為厨師，開門做生意交一份噉嘅出品，應該感到羞恥。

食左幾日八方雲集悶悶地諗住試下新野啦 點知咁就奶左野。。。一開始點面我叫細佢幫我落左大 係我唔啱冇睇清楚俾左8達通 講果個老闆娘都當聽唔到都算啦。。。碗野黎到。。你俾d 咩垃圾我食呀。。。59蚊碗3款牛丸每樣2粒再加碗粉 好食既話當然冇問題啦。。。但係。。。邊個估到有人會用包味粉黎同你煮碗銀針粉 就咁加芝麻 難食到食左啖就叫佢俾d 醬我啦 叫左沙嗲啦 加左仲更加難食 食左兩啖成碗冇要。。。再黎講果3粒丸。。。咬落去中間仲係凍既。。。中晒伏。。。真係唔怪得佢咁少人幫襯。。。冇下次

閒日午飯時間，因為有少許趕時間，見到東涌所有其他餐廳都要等位，得呢間唔駛，所以決定試呢間，點知就中伏了首先，我諗住車仔麵應該係好快會整好的，不過我等左足足十分鐘先有得食。點解？因為員工自己都食緊飯（但明明係下午一時最繁忙時段），個麵係叫完好耐先落，中間亦冇其他單。可能其他人都有好奇過點解咁慢，我見店內有貼告示。等耐個麵終於到喇，想撈勻啲沙嗲醬，但太乾撈唔勻，食落口啲麵好似未煮淰，總之成碗野好乾，於是我就叫待應加少少湯上去，因為太乾我好難食。點知佢一句「我地呢度冇湯架喎」。我好奇想知，究竟佢如何可以係冇湯（/水）既情況下煮到撈麵？真係想俾十個「叻」佢。最後死都唔肯俾，我勉強食左少少麵加埋個餃子就走左。如果要我係咁差既餐廳中找亮點，我覺得個餃子都算ok既，不過咁既價錢，咁既服務態度，加埋呢個食物質素，我絕對不會再幫襯！咁既質素，唔怪得當所有其他東涌既餐廳都排哂隊既時候，佢仲有位剩。

我好鐘意食銀針粉，有時係街好難遇到有得食。依家有銀針粉，就梗係叫黎試吓啦。佢有好多唔同嘅粉揀，揀好粉，就可以揀配菜。佢仲有好幾種汁可以選擇。第一次幫襯，都唔知叫乜嘢汁好。個老細好好人嘅，佢推介要麻辣汁。話唔係好辣，又好味，要試下。結果叫左個魚皮餃銀針粉配麻辣汁，我唔食得好辣都食到。佢應該係即叫即整，個餐牌都寫明話要叫客人細心等候15分鐘。雖然係要等耐啲，不過都值得試下。因為太肚餓，食晒先醒起無影想

一直經過而不入的小店2⃣️個月前終於黎試一試究竟咩撈麵可以賣到幾十蚊一碗？叫左個鎮店酥雞撈麵有4隻汁選擇店員推介我試沙嗲汁好，我就試一試哇、未食拎到埋黎其實已經心動盒子、餐具衞生兼賣相不俗咬第一啖雞及一口麵、突然兒時撈麵感覺番哂黎，點解會咁㗎😍自此之後一星期會來光顧兩、叄次唔食個曰其實會掛住掛住😂真係唔係講笑幾十蚊一碗麵的確超值👍😋店員親切有笑容、今時今日一般茶記麵食巳好難找到🤗店員註明汁醬同丸是自製及手打

放假一天，特地走到東涌陪他午餐。他說附近新開了一家撈麵店，味道不錯可以一試。店面很細，大部份為廚房位置，座位只有6個。而且撈麵即叫即整，所以都要稍預時間等待。餐牌上列出不同的配料，可以選擇大份或細份，麵底及醬汁都可自由配搭。以撈麵來說，價錢算什麼挺高的。我點了墨魚鮮卷撈銀針粉(細)($46)，店員推介銀針粉跟酸汁特別好味，於是便跟她推介。酸汁味道似陳醋，微酸的十分開胃，又真的跟銀針粉配搭得到。墨魚卷都蠻香口，不過只有2條。寶寶點了腸粉拼盤($40)有魚蛋﹑燒賣和腸粉。魚蛋比較大粒，咬落似魚腐質地。味道是挺不錯，對我來說價錢算是可接受的。好明白在香港做小店，租金已經佔了收入的一大半，所以如果看到有心思的小店，都希望可以支持一下。不過由於店只收八達通，不收現金，其實都幾不方便。

今日諗住食個tea買下依間既魚蛋燒賣腸粉。見到咁貴魚蛋燒賣，有細大揀揀個大得4粒魚4粒燒 40蚊腸粉拼盤得相中咁大真係有點失望。我唔明點解係平民商場食啲平民食品會有啲咁唔平民既價格。希望佢會認真反省。