東輝粥麵餐廳 (已結業)

食物質素差勁，炸菜雞絲米粉得炸菜，杯奶茶飲完即柯，野食差都預左服務態度更加惡劣，特別個阿姐話說約左家中2老去附近拜祭早到未食野上去搵左哩間食啲野等埋老人家過黎10點零餐廳都冇坐滿人，老人家過黎搵埋我地諗住坐低等我地埋單就走，阿姐就好大聲咁講唔係幫襯就唔好入黎啦，快啲出去啦，幾個人食得果3個餐，阻住曬做生意…..你好聲好氣講我地明，個阿姐係咁講，仲走黎走去枱枱同人講，我地都即刻埋單走，埋單都要講覺得4個人入黎食得100$唔好黎咁，真係不知所謂嘅餐廳，搞到老人家感覺一啲都唔好受垃圾餐廳

B類只能2人一枱，今日三個人要分開兩枱坐。未食完唔問就想收碗,一個鐘內二次。杯水有鐵銹味。夥計普遍年齡55歲以上，沒有年齡歧視但態度極惡劣。雖然最小都有20年，但食物和服務沒有進步過

＄35食個早餐，餐蛋面加凍奶茶，面唔熟裡面硬，雞蛋零蛋味，餐肉凍，凍奶茶叫了少甜少冰啋你都傻，結果又甜又多冰……，星期日冬至食到個咁嘅早餐真係難忘，不過要讚嘅就係上餐超快，趕時間就最正！

服務態度，兩個字-垃圾食物-垃圾總結，吾好影衰香港茶餐廳食物吾得，態度寸，你何得何能丫！個老闆好差語氣，他的態度如何，他的餐廳日子也必如何，他真係相由心生-垃圾

食晏時間見到裡面無乜人就試下，我地3個大人1個B，坐底叫左3碗魚旦面加1杯凍飲，個伙計仲同我地講野飲加$8，我地話暫時唔需要。個伙計果頭放低張單，轉頭就突然間拎走，再放低之後就將凍飲$11改左做$21 我地即時問點解，個伙計就不斷話係無優惠無優惠，完全唔明發生咩事！跟住一個疑似老細嘅人就開聲話：「你解釋咁多做乜！叫左你唔洗講，寫完放低走開就得啦！」WTx！我地不斷叫返個伙計問究竟咩事，問極都無人應，終於要用重啲嘅語氣問先行埋黎話「大小同價，每人收費最低$17」！真係相象唔到bb都要收錢！仲要即刻幾個伙計走埋黎圍住我地！頭先叫極又無人應查實你地真係要揸正黎做都算，最差係話洗乜解釋咁多，就咁改左去就得啦！我地係消費者都無權知咩？！呢間正宗誤人寺！各位如果有小朋友真係唔好考慮！唔係盞食到一肚氣

呢間餐廳服務態度差，一行六個人帶兩個小朋友。坐下後叫咗四個餐之後落單嘅職員走咗， 落完單不久之後職員再走嚟問， 你哋仲要叫乜嘢？ 我話: 我哋已經叫咗四個餐，冇嘢需要再叫了。 職員話在坐的小朋友(4歲)都要有最低消費(十七蚊)。 我話小朋友都要最低消費？ 佢回答:係佢係咪人呀？佢係人就要最低消費!帶小朋友去呢間餐廳食嘅小心,一定不會再次光顧。

今日同事捉左我去東輝食lunch，第一次試呢間，估唔到又ok wor。佢既蝦醬肉鬆炒飯，飯粒分明，蝦醬香但唔會過咸，加埋肉碎同菜絲，味道唔錯。同事叫左最邪惡既干炒牛河，賣相好靚仔，我都忍唔住試左啖。呢度既牛河醬汁有少少甜味，牛肉亦有咬口，唔會醃到無哂肉味。雖然價錢唔算平，不過食物味道唔錯，可以一試。

今日又要OT, 所以又係自己一個食飯😭都係隨便食茶餐廳就算😂😂平視嚟呢度食粥麵就多，蒸魚就真係第一次😋條倉魚都新鮮幾大條,一個人差啲食唔晒, 啲蒸魚汁仲可以攞嚟撈飯😋😋😋好好味😂不過下次都係要搵埋屋企人黎食,多啲人可以試多幾款菜😋😋😋

下午茶時間黎，叫左個沙嗲牛肉包，上次食過，今次再叫，奶茶都OK。沙嗲牛肉包沙嗲醬汁勁多，多到漏果隻，不過好味，偏甜，牛肉勁大塊，食岀有用粉乸過。包皮超脆，硬dd。總括黎講好食。另外，叫左個干炒牛河，唔油都唔膩，粗身河粉，好夠上色，曾經認為距系老抽當生抽用，勁色但完全無味，似恰河粉搞乜，然後先後落左三次鹽，懷疑本身樽鹽就無味但牛肉就炒行幾好，乾身唔油，有咬口，沒有過度乸過既感覺。幾好。系衰在牛河無味。

已幫襯咗東輝茶餐廳好多次，服務態度好未出現過不滿意情況！雖然質素普普通通但勝在野食夠大份，對得住價錢乾炒牛河，牛肉極多係油左啲難以想像點解大家講到咁差，我都係一個普通嘅顧客

東輝茶餐廳在西灣河可謂服務態度差而出名，不信邪試食一次，果然對差這個字有了新的認識!點了C餐，凍檸茶少冰，餐牌注明個餐56元，凍飲加3元，餐廳阿叔扔下一張紙寫了61元，難道我眼花?再次確認應該是56加3元，揮手叫人沒人理你，有三位伙計從身邊經過，唔該了4至5聲沒人理你，最可笑的是有一個還看了你一眼都沒理。終於少冰凍檸茶上枱，先不說半杯1以上的冰叫少冰，那個伙計扔下杯茶就閃速度之快，差點我都反應不切，忙叫住伙計要尋問金額問題，該伙計一個轉身衝口而出，想點啊? 語氣差到像找人開架。 等我解釋完，終於明白他寫錯價錢後，非常不耐煩扔下一張寫著59元的紙，頭也不回離去!果然是差得名不虛傳，差到一個新境界!歡迎各位去體驗!

是日晚餐C-豆豉豆腐蒸魚外賣睇個名都知要分開放啦,是常識吧!!魚尾多骨。。豆腐溝魚尾仲要溝埋D飯,唔食死都偷笑!打比佢問點解魚尾會溝埋豆腐係飯度。。。佢自己都話分開放的。。有分隔的。。我話冇喎,佢立即話"魚係有骨咖啦,咁你想點呀之後放低電話就走左去。。簡直不之所胃。。以後唔使錢都唔會再食我驚死。。。

本人於10月29日上午到這裡用餐，下單時想凍飲走冰但餐廳中一位女服務員說不能走，本人只好說要好少好少冰。但上台的有半杯冰，本人對店員說要好少好少冰但店員說已經好少，我問如果我無叫少冰是否會有一杯冰。但店員沒有回答我，我說不要，又不可以，理由是因爲做了。叫我同老闆講，我無飲到杯野。個女服務員不停話我痴線，話我甘細個甘麻煩😡我買單時同老闆講我下單時已經重複了很多次要好少好少冰，但個老闆話可以叫走冰，我話個女服務員話5走得。之後老闆又話5走得。話我地做生意5可以甘，如果個個都係甘，甘點算。個女服務員不停話我痴線，叫我睇醫生。十分無禮貌，我點都係客人，點解可以話個客人痴線？雖然最後都無收我飲料錢，但我都不會在去，因為實在是太無禮貌，已經5止一次了。

探完老豆，就陪阿媽吃晚飯，大家也沒有胃口，所以到附近茶餐廳隨便吃些東西，東輝在太安樓已開了很久的時間，餐廳也有很多選擇，有湯飯，炒粉麵，常餐，牛腩面等等特級墨魚丸湯麵：$31，墨魚丸大粒，但不算彈牙，味道只是一般，麵質總算爽滑，湯底也可以自製魚皮餃：魚皮餃咬落香濃，有鹹香味，外皮很滑，十分野味環境也很闊落，比一般茶餐廳光猛，今天的收銀哥哥十分好唱口

星期六早上一家三人諗住落茶記食早餐，其中一個行快D早少少入到去，話三位，女人話未人齊佢係一位，點都唔俾佢坐住卡位先。我陪老人家行慢左少少（一、兩分鐘），早到家人話可以幫我地叫埋（鐵定三位），女人死都唔肯，話我家人係一位，一係坐最門口一位，堅持三位就出門口等！又唔係冇位，唔明點解態度可以咁差。唔夠兩分鐘我同老人家行到黎，都唔係俾張吉的卡位我地三個但安排另外兩位坐另一邊卡位。女人態度極差，仲話「我八位十位都有，就係冇唔人齊三位」「我地係咁規矩架啦」「我地係咁架喇，唔好黎食囉！」咁我地咪即走唔食囉。附近又唔係冇其他茶記！