松屋日本料理 (已結業)

星期五, 本來搵咗地方食飯, 大家都好有興趣去「穴」試吓,點知, 十二點九上到去, 竟然冇晒七個位, 畀人 book 晒, 要坐吧檯喎! 吓?! 咁算啦! 都係去樓下果間「松屋」啦!其他同事之前已經嚟講, 所以今次應該係佢哋帶噃我去食嘢呀!我跟其他同事叫咗個「滑蛋豬扒飯」, 配菜有中華沙律, 正!個麵豉湯不過不失, 但點解小食又係黃色既酸蘿蔔既............個豬扒飯都叫做合格啦! 份量仲好大, 我呢次真係食淨少少飯, 超級飽, 搞到個成個晏就乜都食唔落! 不過啲吉列豬扒腍咗少少,另外兩個同事都係食呢個飯, 但佢哋話唔夠味喎, 係咁加醬油, 我呢個食開重味既人, 反而一滴醬油都唔駛加就已經覺得算係夠味喇喎...另一個同事食既「汁燒雞扒飯」, 睇落啲雞扒靚過「別府」好多喎~仲有兩個同事就叫呢個「豬肉炒雜菜飯」, 原來幾大碟, 同事都話味道幾好。午餐到六月尾前有 coupon 都有八五折, 其實我哋呢次冇帶 coupon, 都職員都朝畀折我哋, 好識做呀! 實有機會再嚟過!座位幾舒服, 啲食物又唔差, 雖則未至到話超好食, 但加一折埋後, 我個飯都係 $40, 銅記區嚟講, 抵啦

8人行慶祝生日8:45-11:00PM 任叫估唔到放題都有返咁上下水準叫左好多好多好多好多選擇!不過食唔晒....刺身:三文魚幾新鮮而且好肥美,TUNA就麻麻地炸物:餃子 (OK); 蟹鉗 (急凍但是即炸的,所以好味LOR); 蠔(腥左D); 海鮮卷 (好正!!芝心餡,勁推介); 豆腐 (我覺得佢用錯左百福蒸煮豆腐,夾極都夾唔到); 芝麻雞翼 (超人氣,叫左好多呀我地,一定要食呢)天婦羅:蝦 (唔掂,層粉厚到要死); 茄子,南瓜,蕃薯 (可以)凍食:凍豆腐 (又係百福,加左DDDD木魚碎,好難唔好食); 中華沙律 (好味); 生菜沙律 (LAST ORDER叫的竟然都好新鮮!!); 雪糕 (味道似晴天手作!!超好味,狂追加 芝麻當然是我至愛!!紅豆都好正~綠茶同士多啤梨D味就假左D...)燒物:金菰肥牛卷 (好味); 秋刀魚 (有內臟的........千祈唔好叫呀好腥!); 雞肉串 (好正!必叫); 雞軟骨 (OK); 雞XX (長方形的,估唔到幾好味,加左D雞軟骨,口感GD!); 茄子串,UM春蛋 (不差); 雞脾菰,冬菰,煙肉蕃茄,蕃薯,粟米 (非常不錯呀)好似仲叫左烏冬.....

聽D朋友講早輪銅鑼灣開左間新既日本餐廳，咁我地為去試下囉。我地5個人去，佢比左張都ok大既枱我地，都座得好舒服下，之後我地開始叫野食，d串燒燒得好食，好香口下，尤其是個燒番薯，我好鍾意食。佢d魚生又切得夠厚，好有口感，之後我地諗住咁高興就飲下啤酒啦，但係怕佢收得貴，所以問左佢先，點知原來佢d啤酒係任飲既，我地即刻傻左咁係咁飲，仲正過去酒吧。我地由8:30pm 座到差唔多11點先走，埋單都係每人$180左右，我地個個都覺得好抵，因為我地平時去酒吧飲野最少都要$100一個啦，但係呢度任飲任食都係$180，真係正正正呀。聽個老闆講話如果我地下次有十幾個人去，仲可以比間房我地，所以下次都係帶多d人去好d。唯一可以改善既就係d 侍應有d木口木面，笑容可以好d囉。

有一晚肚子餓得很，o黎到銅鑼灣廣場睇o下有乜好食，西餐又冇乜特別，飲茶又要等位…行行下見到京都廣場有一間日本料理叫做(松屋)，下面既廣告牌寫住放題任食都係百零蚊，於是同埋我既女朋友上去試下，我本人都幾鍾意食魚生，於是就入去試o下，門口細細，入到去都覺得幾大，o個個四眼經理帶我地入去坐落，就一輪咀介紹上o個幾張紙全都是任食。我由於太肚餓都冇乜點理佢，於是就點左十多款魚生、串燒、炸物啦！我最鍾意食既就係三文魚啦，試左幾款魚生我都覺得好有鮮味....good！值得一讚就係日本炸蠔啦！唔會大大只一口一只....爽!!我同我女朋女已經好精啦什麼手卷呀壽司全部都唔點，免得o甘快濟飽我o地個五藏廟，食到差唔多半飽期間經理再送上鐵板牛柳粒！簡直有D驚喜！牛柳粒辣得o黎好味！真係頂唔緊就再叫兩罐啤酒飲住先！好彩都係免費既，下次可以同D friend o黎劈酒都可以啊！呵呵。今晚五藏廟大收鑊。唯有飽住個肚同女朋友睇九點半啦........好辛苦啊..............( ^ ____^ )

今日同一班同事去食happy hour時段自助餐(１８００-１９３０)。比起以前係金鐘間舖頭地方較大，食物質素差唔多。魚生三文魚最好食，其他可以無視！串燒方面照燒雞串同多春魚最好，蕃薯(紫芯)也不錯(個人意見)。雪糕方面推介綠茶及芝麻。環境有待改善！因為間中有蚊滋飛來同你爭食！(我因此損失三文魚魚生兩塊！)時間略嫌唔夠。１９００last order,1915要埋單！每人$１２０算抵啦！

用buffet club card 有50% off，2人埋單$318服務好好! 換太多碟啦，搞到我都唔好意思。要啤酒飲，男朋友怕會暖，請人比冰桶我地，佢見我地飲得多，索性將350ml既啤酒換夠1000ml既比我地。有個叫jackal既好好招呼，洗手間好乾淨。食物有好有唔好，墨魚丸唔好叫啦...不過羊扒好得！唔會有「蘇」味，而且好有肉汁！呢度係一個容易食回本既地方，如果你食得好少，自然會覺得唔抵。

坦白講我都未試過食自助餐由坐底到走都唔洗一個鐘。價錢我覺得貴，講到明八點九前要埋單，先至係半價。再加上食物的質素認真麻麻，魚生有根的，等串燒超耐，仲要唔好食0既，點了之前有食家大讚的牛舌，點知強差人意囉！最抵咪就係飲啤酒囉，因為出面買都要成十幾蚊。而比較好食的就是個芝麻雞翼，香和碎！不能叫的食物是凍豆腐，治療師見到就已經話係百福的一角，食落去就係無味，要搵d天婦羅汁倒落去至有d味！差~~~~~仲有....怕凍的姊妹一定要帶外套~~~ 如果唔係吹到你頭暈！

又唔覺好好, 普通啦, 以$190嚟講, 貴囉...有漏單, 叫嘢飲有D等得耐...食物方面, 可以啦...不過,選擇少D囉...串燒覺得偏咸...我就唔會去第二次啦...

上個星期六同屋企人去松屋食放題(8:45-11:00), 佢地由中環搬咗去銅鑼灣,真係就腳咗好多,地方大咗又無咁多油煙,雖然di位窄咗di,但舖租貴無辦法,大家坐親密di啦!一坐底即刻order我嘅至愛燒牛舌,豬大腸&三文魚刺身...嘩!好正..^_^, 唯一唔好係di刺生,切到細細舊,成粒骰仔咁,要order好多次先至夠喉,跟住喪食炸蝦天婦羅,炸蠔,手卷,我坐窗口位,望住個阿一鮑魚廣告牌,咬住舊鮑魚刺身,真係特別好feel.叫咗枝豆送啤酒(任飲),最後食埋個紅豆+綠茶雪糕(有安哥),非常圓滿! 結論=抵食!

剛剛去完松屋銅鑼灣新店，新鋪的確比起中環舊店大好多，但見佢地一樣坐到滿晒，今次好彩預早book定位仲有窗口坐，望出去觀景好開揚，空間感非常闊落。雖然係新店但佢地招牌串燒依然野味非常，同幾個朋友頭round就起勢咁食魚生、串燒羊扒、炸蠔、雞亦...最重要係家陣連日本啤酒都任飲，對於我地呢班鍾意一路飲酒一路食串燒人來講，真係咩都抵晒...哈哈第二round我地繼續order金菇肥牛、炸蝦、南瓜天婦羅同埋串燒牛，壽司、手卷...好彩我地係食放題，如果係其它餐廳叫餐牌散餐就肯定埋單會好"容"第三round開始慢左因為頭兩round都食左幾多，所以索性暫停食而改做飲酒，出面如果飲日本啤最少都2-30蚊一杯，但呢度既然係任飲我都梗係唔客氣喇，全晚我估我地大大話話都飲左12啤酒...hee hee總括來講以100零蚊食放題，有飲有食都真係抵，下次再同班朋友去過!!

日日係CWB諗食咩LUNCH都係痛苦的因為幾乎食勻咁滯今日一行四人諗住去京都既"花園"食吓扒點知發現佢樓上間韓國野唔見左(唔知咩先生,好難讀)轉左間日式野"松屋"　有新野梗係試下啦上到去啲位都幾闊落　唔似得花園啲位咁逼LUNCH有SET食(平均四十幾蚊一個餐)都有成廿幾款比人揀(我揀蔥燒牛肉,其他同事食燒銀雪魚、咖哩豬扒同鹽燒秋刀魚)點完餐之後個WAITER問我地加唔加$12要啲小食雖然唔太明佢講乜　但原來個MENUS後面仲有啲小食圖初初以為$12一款點知竟然係$12可以揀一客壽司/刺身+一客燒物/炸物(唔係化)我地就揀左三文魚、劍魚腩同另一種(唔記得左係乜)誇張係每樣有三舊仲要厚切好新鮮~正另外我地又揀左燒雞翼+燒蕃薯,以及炸餃子+炸雞軟骨每款主菜水準都唔錯連野飲每位平均五十零蚊到係CWB都算抵啦至於服務方面尚算OK 部分侍應太YOUNG 應變有啲過慢