松屋日本料理 (已結業)

在有限制的情況下選擇了這餐廳作生日飯的地方,見到食評唔錯對此食店都有期望的前2日打去BOOK檯.聽電話的先生很禮貌 ,亦主動告訴我生日的那位能享有7折優惠, 而其他人則正價$168一位到去見到D位有點迫，其實當日都不太多人亦無爆場,所以我覺得係唔駛迫曬D人坐埋一堆ge..可能佢地覺得咁樣易d serve 客掛因友人未到..我先行落order啦~~ sashimi的種類不太多, around 6款, 想食甜蝦..但係佢係壽司類..又唔想食太多飯..想食軟殼蟹但係得手卷有..至於燒物都ok的, 係唔知點解油左少少..有d 膩..另外仲有其他小食, drinks 同ice-cream 都不過不失成晚我覺得最好食的係"芝麻雞翼"都幾好味, 而友人就覺得牛舌同"大蔥鴨肉" 唔錯~~ 因為我唔食生野..所以唔知sashimi好唔好味..但友人就話其實都唔錯不過我同友人都感到一開始的食物質數不太好 (6.30pm to 7pm)但係食到一半, 黎個d 食物係好d ga...d 刺身d個樣都靚仔d (友人話味道都比之前好)唔知原因何在..不過有d 灰ge 係早知就唔好6.30pm 咁早叫d 野食啦..

雖然第一次幫襯這裡,但之前在Openrice見到的食評都不錯,所以心諗應該唔會太差,果然真係唔錯!雖然好忙,但落單也好快手,好有禮貌,服務好好!點了很多食物,燒物係我覺得最出色,雞翼燒到外皮好脆,味道鹹香鹹香,好好味!雞脾菇外面塗有少許醬汁,咬開充滿水份,就算食多幾次也不怕肥,正!而脆肉瓜就好爽口,大腸就燒到無咩肥膏,所以一點也不油膩!炸蝦天婦羅、茄子天婦羅 ~ 上檯時熱辣辣,炸得好香脆凍豆腐 ~ 好滑好香濃豆腐味!淋上木魚絲,又係好正!刺身 ~ 有少少唔係咁ok!有少部分食落有渣雪糕 ~ 芝麻味好濃!食落感覺到有芝麻微粒!正!紅豆味就比較淡全餐大大部分食物也非常滿意,所以絕對會再來第二、三……….........次!

想試咗好耐的松屋，終於試到啦，真的好好味呀，而且服務態度良好。可能無位的關係，我們被安排坐在路中心的位置，好明顯個位就係為我地而加開的，感覺好奇怪，但他說會盡快給我們換位，果然不到半小時就給我們換位，而且對我們這樣的按排，還送了一客海膽給我們。魚生：試了鮑魚、劍魚、吞拿魚 & 三文魚，鮑魚 & 三文魚就幾好，其它就食到有渣。燒物：大部份都好好食，好熱好新鮮，雞亦好入味，翠肉瓜好香好好味。炸物：蝦天婦羅好大隻好新鮮，芝麻雞亦好香。甜品：試了芝麻味及綠茶味的雪榚，芝麻味好濃好好味，綠茶就不太特別。沙律及凍豆腐好好味，凍豆腐好滑好得。

19/12 dinner 4個人同事話呢間野抵食,我地1於嚟試吓先~佢地分唔時段有唔同收費,我地揀咗6-9.約6:30去到,入到去已經7成滿,d枱都排得幾迫...(有d位擺得有d夾硬)睇吓order紙先~有sashimi,sushi,串燒,烏冬,雞亦,天婦羅等等,仲有汽水(罐裝),芒果紅茶,連kirin都係任飲,正呀~(雖然我地唔好beer)我地主攻sashimii同串燒,d sashimi都切得幾厚,朋友都話好味,夠新鮮.d串燒味道都幾好,有少少燶咗d但可以接受.另外仲試咗蝦天婦羅(個皮太厚,無鮮味但唔油),芝麻雞亦(好香好脆),面豉湯(朋友話好味),燒秋刀魚,鯖魚,炒野菜(味道ok)等等,沖既野飲唔太甜,幾好.落單上菜d效率都幾快,無乜漏單情況,就算有,同d staff講聲,佢好快同你跟返,呢個抵讚~(因為有好多任食地方都經常亂晒籠)走既時候數吓我地食咗幾多串串燒喇(佢枱面有個小木桶裝竹籤架),結果係......5x支呀,仲有其他小食喎,係咪好驚呢?haha~以$178(另+1,30mins前last order)嚟講,佢响食物水準/質數/服務方面都令我覺得好滿意,有機會一定會再嚟

I've been here the second time this month already and I'm very satisfied with the service, food quality, and price of this restaurant! Because it's is 放題, you can order as much as you can eat! The best thing is that each timeslot has a different price, and also different on Saturdays, Sundays and PH. Price ranges from $128 to $168 + 10%sc. It's excellent price for the good food quality and service (it's all you can eat AND drink!)Usually at 'all you can order' restaurants, they would give you

炸蠔, 芝麻雞亦, 牛脷& 雞軟骨 are very good! Those 天婦羅and 刺身are not so good. 手卷ok. The best point are unlimit order ice-cream, ha ha ha. The best point of this resturant is their order comes very fast. No metter what you order. But all other resturat are not. Thats why most of peoples have a good comman about them. I will go again too, because I've not trying all their food yet, and my stomic already full!

已經黎過松屋好多次.原先第一次去這裡都是同事推介說服務好好.

ysd同家姐唔知去食咩好....見到呢度,家姐話不如就呢間啦gum。~*food>>串燒個d都okay既,唔會太dry,個煙肉車哩茄家姐好喜歡,我都覺得係幾唔錯。燒墨魚ball就真係好好食~~~我食得好開心,好好味,好有bbq既感覺~xd。跟住有個係8抓魚bal(同墨魚ball係唔同)l,呢個就唔好啦,太粉,好多粉漿,好似食緊一粒粉團...-_-"""。我地仲食左串燒雞翼,唔太好食,好dry.....家姐食左雞腎,都係太dry.....雞肉串唔錯,encore左tim~~不過如果呢個可以熱d就超級好啦~~*sushi,sashimi個d我就覺得麻麻lu.....d玉子過甜,3文魚都肥既,不過無咩鮮甜味.,呢d點左一次就無左叫lei食。~*仲有d天婦羅...呀...okay啦...個番薯唔錯~haha,不過我覺得炸蝦就麻麻,有d怪味,但overall lei講,都算唔錯。~*雪糕,唔錯呀~我超愛~xd(爆)一定要食~xd我估係個個brand既啦~(笑)~*drink都係任飲,我既係罐裝,so無得講,但家姐order親既味道都好怪....(笑)~*服務>>幾

尖沙咀老闆他介紹.我想睇吓係唔係真係好.尋晚我地就去試銅鑼灣間松屋 今次第一次去幫襯.首先我想講.一去到環境很好.乾淨.有卡位坐覺得寬敞. 自成一角,談天十分方便.比尖沙咀舒服得多. 食物種類算好多. 服務速度快.等左一陣就有得食.食物亦來齊.刺身都尚算新鮮. 燒羊架好有肉汁.炸蠔、天婦羅蝦味道也算不錯. 服務就O.K.但係 waiter面口好淡.無野講少少冷feel.真係唔明佢哋點解咁:

其實我地係尖沙咀店熟客.前2日一家四口過銅鑼灣SHOPPING行行下去到駱克道發現左呢間松屋.有少少肚餓 不如試試佢地既放題. 入到去d 店員都好好招呼.個卡位好闊 可以坐到六個人但我地無book位. 7點鐘去到.星期六晚市都唔爆當時見幾多位都冇人坐.大概只有5成滿. 環境就幾舒服 裝修得好靚環境比尖沙咀店好得多.簡直係好大分別.而且食物款式比較多.魚生.燒物.炸物質素係好.無漏單服務方面好好食物環境是合理的

上星期天和一班朋友一行十人到松屋吃「放題」，我們被安排到一間小包房裏，還算有私人空間。可供選擇的食物不算太多，分成﹕串燒、刺身、天婦羅、燒物幾類，幾種指家飲品任點(當然是一些汽水、果茶之類)，最不好是沒有煎茶或水供應，要特別指定才送上一杯。至於食物，味道還算可以，滿足地填滿肚子當然不成問題，但就缺少一些比較精緻的款式，意料之內，合情合理，但沒有驚喜！比較叫好的，大家一致認串燒味道可口，我們一叫叫了很多次，八爪魚丸值得一讚，中間不會有太多粉而且還夾上兩三小塊八爪魚，吃起來香噴噴。剛開始時可能人很多，點菜紙交出去很久還沒有東西捧上來，折騰了大半天才一小碟一小碟慢慢來。到中段旁邊的小包房和外面都很吵，人聲鼎沸；後來知道，原來是餐廳任喝啤酒，有些人貪杯上癮，高談闊論，但是旁邊的人可遭殃啦！到後段，客人開始散了，能廚師稍有空閑，我們的食物突然接踵而來，大家才發現之前屯積的菜單一湧而上，不禁目瞪口呆，只能捧著肚子繼續撐下去！加油兄弟姐妹！以後吃放題可要當心…

個待應由我地入店個刻開始，佢既細心已經令我好impressive~值得一讚!!!!!野食選擇不多~上菜極快~個蟹鉗係我地order咁多野當中最難食的!!!咬一啖就要放低了!sashimi....好細片，有一款唔知咩咩貝類定蚌類，都幾腥串燒個d都ok的~不過不失!薑茶好辣~但我仲意~最後必食既係雪糕!!咁多個味我地叫晒試晒!!很不錯!唔知係邊間雪糕公司出架呢~

昨天我生日, 朋友請我食日本料理自助餐, 原來 "松屋日本料理" 由中環搬到銅鑼灣京都廣場三樓,環境很好幾舒服, 食物種類同尖沙咀柯士甸道分店差不多, 不過我覺得銅鑼灣店串燒很好味, 很多選擇, 刺身都好好, 吞拿魚雖然有筋但味道算好. 但紫菜手卷, 紫菜韌, 差 D 啦!天婦羅好正, 蝦好大隻, 新鮮熱辣脆卜卜, 一定要試. 芝麻雞翼味道一流.雪糕試哂咁多款,士多啤梨, 綠茶,紅豆&芝麻都好食, 一定要試芝麻, 枝豆好大粒幾新鮮, 金菰牛肉卷同蝦天婦羅都不錯。番薯係紫心﹐好濃既番薯味, 好香, 總括來講﹐服務幾好﹐火記收碟快同冇漏過單。飲品特別介紹紫蘇梅水，味道好。而且啤酒麒麟啤任飲，咁好服務態度， 老闆很好人, 他介紹我們去黃埔百合商場既金子泰國自助餐, 價錢合理,相信我都會試下!

一去到,點解只得3款食物order紙咁少揀, 無鍋物無煮物雖然話選擇不多,但其實都可以食到好飽.串燒真係掂, 差唔多試哂咁多款, 每款都唔錯, 只係隻蝦霉左.刺身都ok, 但劍魚&章紅魚無味, 吞拿魚雖然有筋但魚味幾好.手卷, 好奇怪, 明明一上就已經即食啦, 但點解快紫菜可以韌成咁,而且完全無紫菜香味.天婦羅好正, 新鮮熱辣脆卜卜, 一定要試.芝麻雞翼如之前幾位所講咁好味啦.雪糕試哂咁多款,綠茶,紅豆&芝麻都好食, 士多啤梨就一般貨式啦.收紙快, 食物黎得快, 收碟快, good.最抵讚就係無乜漏單, 成晚都只係漏左一次枝豆, 加上我食8:00pm段, 好多客, 所以值得原諒.

不是故意犯駁, 但就昨晚的經驗而言, 我著實覺得刺身比揚物燒物出色. 主打三文, 吞拿, 甜蝦, 比起一般一二百元的和食店有過之而無不及. 反而燒物普遍都燒過火, 雞翼雞腎等都乾到無哂汁, 只餘脆口和咸. 搞笑的是一條叫雞骨腸的東西, 原來不是內臟, 只是香腸包雞脾骨, 有點無厘頭. 揚物只試了炸蝦和炸蠔, 後者還好, 前者的雪味太強, 蝦肉完全無味. 其他熟食沒怎麼試. 整晚就是和友人邊喝邊吃, 過一過居酒屋的癮頭. 值得一讚的是優秀的服務, 快手之餘永無漏單, 且會留意你桌上的戰況出菜. 如此貼心, 焉能不見回頭客呢?