松本日式料理放題

营业中

休息中

6月29號嘅中午同另外一個朋友嚟食，一入到嚟靜到好似拍烏蠅咁蝶蝶刺身係食得出超唔新鮮 食落去一pat pat 同無味。廚房入面聽到啲員工好大聲打機。個日返到屋企之後即刻覺得唔舒服，又屙又嘔，個小腸一陣又一陣拿住痛。唔會有下次，畀錢買難受。

團隊聚會，三兄弟加上另一位女隊員，只是例行聚會不想食太貴，所以選擇左松本日式放題⭕入到商場要搭扶手電梯上3/f再轉lift先可以到達餐廳，餐廳所有落單都係用畫纸仔除了甜品外，任飲任食系列即將開始。⭕串燒雞肉，牛肉，雞翅大部分肉質爽，脆，調味一流，油份多了少少食完成碟油。⭕海膽手卷新鮮好好食⭕味咐小食八爪魚，螺肉鮮甜⭕刺身有三文魚，油甘魚，味道新鮮⭕個人感想：帶位至侍應服務良好，上菜速度算快，食物質素中等

第一次打食評就俾左呢間垃圾本來同朋友開開心心去食飯聚會點知先係碟日式炒野菜發現曱甴腳老闆娘同侍應堅稱係芽菜嘅根其實有晒腳側邊啲觸鬚 好難想像芽菜根有觸鬚之後去到火鍋個part仲嬲明明搵到一個完整嘅曱甴屍侍應話係唔知幾時飄左落去老闆娘一招擒拿手就拎走左堅持係鑊燶黎嘅厲害呀 結果我係冇食晒成個鍋然後回家途中 腸胃唔妥 去左兩次廁所啲侍應態度亦係不得了同佢哋講完以上嘅發現之後 全部死雞撐飯蓋碟都唔過嚟收咁滯 到底點解個客發現到 仲用歪理死撐冇下次 絕對冇下次俾錢買難受

一行到入去 啲姐姐帶口罩帶一半 食客唔帶口罩拎野飲 雪糕 枱面仲有好多油漬 岩岩人地食完冇抹枱 食物種類小 刺生嘅冰好似會盾環再用 食左小小刺生都唔敢再食 對比起來熟食已經算比較好 穩陣 但多漏單情況 打邊爐湯底真係冇咩味 雪糕算唔錯 雖然最後平左小小比我地 但都唔值咁貴.總括而言衛生差 漏單 種類少 味道一般

環境人手完全唔掂，經想漏單+份量唔啱都算，最恐怖嘅係「d刺身&冰，極度極度極度疑似重用🤮」(即係客人食淨果d拎番去sushi bar 入面，執一執，當新的一樣換去俾其他客人食🤢)，烤🐔翼 10隻全部唔熟 🙈，好彩有個微型邊爐可以整熟d野食。。。 呀，廚房 & sushi bar d staff 係全部唔帶罩整野俾你食的！！😤整體黎講…係一間非常惡劣的放題..總之全世界啲放題執晒笠都唔好行入去食果隻，除非你對食&衛生係0要求啦！

原本想食個放題，見到呢間有放題同火鍋，就膽粗粗試下，食物質素其次，d落單係好有問題，會錯單，漏單，我足足點佐3round,等佐半個鍾都無野黎，要同個經理講，先有，絕無下次。講翻食物，刺身唔新鮮，反而佢d小炒唔錯，推薦辣子蝦，辣子雞，適合大排檔，反而唔覺得佢係食日式食品，飲品無驚喜，火鍋鍋底點佐個牛尾，湯無乜味，牛尾反而好食，呢間野真係好搞野，得一個炒爐，所以上唔切，刺身師傅反而好得閑，但如果要食大排檔，點解要黎呢度呢，都係果句，無下次

第二次黎食了，食飯時間好多間都full, 基本上係又餓，又唔想排隊情況下都會諗想依間，因為唔算出名，但其實食物質素又未至於咁靜場既～食物款式多，當然唔算全部都好食，但性價比高，有刺身、日式串燒、鍋物、小炒都有，甜品雪糕及飲品都係任食，紅日晚市$189/位，十分抵食。叫野食前，送上每人一隻燒生豪差唔多食飽，老闆再走過黎話送多份牛仔骨比我地食老闆同員工服務態度都幾好，feel 到老闆很用心經營，繼續加油！

之前食過點咗單等咗好耐都未有同的野食有的難食， 問啲waiter可能今日有啲忙，於是佢去睇睇有冇落單， 過到嚟話唔好意思要我落多次單，咁我落就多次， 下次唔會再幫襯。

$189/each 任食，無時限食物總結：只能用「難食」「唔知食緊咩」「無上一個咁難食」去形容。食物相中嘅餃子同魚係相對冇咁難食。其他冇影嘅必要。刺生：大致上睇落唔太新鮮，啲魚好似剛剛溶雪咁，大頭蝦係淺黃色唔係白色，赤貝唔新鮮。帶子比較好，叫大粒。壽司：啲飯係又淋又一pat pat一品料理：一口牛嘅一口係比bb食嘅size，大概同你食指指甲一樣大。一口豆腐啲炸皮係淋嘅。辣酒花螺係有沙得青紅椒味。燒魷魚係青紅椒味。炒嘅野都係青紅椒味。甜品：啲雪糕係全餐廳比較好嘅野食，尤其係榴連雪糕服務：無期待底下，姐姐們叫有禮貌

完全冇味道可言，蜆又臭，連打邊爐（唔可以用打邊爐形容添呀，係水淥食物）既湯底同埋淥既丸同菜都可以伏到不得了！一碟菇有d生有d熟...燒既腸仔食左一細啖就想放棄，軟殼蟹手卷又凍又硬...有好多款食物都係用避風塘嘅料去覆蓋d味道,但其實幾碟野都係咁就好厭...總之今晚兩個人食左$420，完全失望透.....唯一放得入口就係罐可樂。仲有d碟好污糟，我用濕紙巾抹，好多積出晒黎！不過d阿姐態度唔錯既.......

兆萬有很多日式放題，本來間間差不多，價錢又相約，所以打算去高幾層大本X 試試。因為我們只有兩個人，所以他們用紙牌格開張卡位，要知道食放題枱面都會放不少的食物，放了盤刺身都放不到其他食物了，還有衛生問題。所以轉個身還未射個三分波就走了。跟住落番去7樓幫親經常幫親的松本，服務員即時安排舒服卡位，未開餐已經加分了，要知道浩楠食飯最緊要夠平夠多，放題一定滿足到，第二就是要舒適，松本就完全滿足到浩楠要求，價錢仲平D。講番食物，通常都會有送些貴價一點的，平常都會點海胆，不過今天就沒有海胆，送了燒蠔。食放題主打都是刺身，大路的這裏都有，要特別一點的，可能就要去貴價一點的了。最推介大大只的帶子，和大大只生蝦。天婦羅款式超多，每樣都很不錯，不過最推介還是海老(蝦)天婦羅。雖然沒送海胆，但喜歡海胆的，我會推介海胆手巻，手巻大大件，最緊要有海胆係入面。不過我都要提提大家，不要浪費食物，浩楠雖然大食，但從小教導不要浪費，食得晒先點。生日飯還有生日壽司蛋糕，好不好味見人見智，心意最緊要。

係openrice 睇到有依間既優惠卷賣，118蚊一位放題，見價錢唔太貴就試一下啦提一提大家如果用優惠卷的話去到仲要補多47蚊一位既手續費，所以其實係大約160蚊一位，都算係平過出面食啦環境方面，入到去光線唔太夠，比人一種梅梅舊舊既感覺，而且地板有d 痴立立，行出行入隻鞋都好似比野痴住咁。但位置算係寬敞，都唔會話坐得好唔舒服食物方面，選擇真係唔多，有d 比較common 既野食例如芝麻雞翼，羊架等既食物都無得食雖然係咁，但係有得叫既食物味道比想像中好，比如話雞軟骨，牛柳粒等都煮得幾入味而且有得打埋邊爐，算係幾特別啦最後埋單我兩個人要補多94蚊，前後兩人加埋大約320蚊，以放題黎講價錢算平，味道都算係唔錯，過得去係食物選擇小左dd，同地方環境舊左d。期望之後會有改善

n年冇去過兆萬，扶手電梯上到7樓盡頭已經係入左呢間鋪，擺左d枱喺度亦有客人食緊野，眼見都唔少人，咁啱又有位就試下。點知坐低睇完order紙就知伏啦。放題黎講，食物飲品甜品款式少到冇乜得揀。刺身唔新鮮炒野料理重味精炸野又落大量鹽。諗住最機本嘅炒飯食落口都可以有燶味，最機本炸雞奕竟然得雪藏味同皮有d味精調味。傳菜阿姐服務態度差，裝食物嘅碟掉落枱咁樣，用餐中竟然叫我地轉枱，我地叫埋單連枱都未離開，有食客走過黎話我地可以坐低未? 安排好差。絕對零分。

訂枱5點15，一去到....得一枱客.....可能早啦！一坐低送嘅海胆。一般。炸物好油，但味道ok嘅。沙律有幾幾款 豆腐夠滑，生果沙律雖然得火龍果，但我最啱，而沙律只得菜啫，但佢嘅沙律醬唔孤寒，所以都滿意。魚生可以。個炒飯真係想唔食，但又唔想浪費。只有魚皮嘅炒飯，完全一粒鰻魚我都食唔到。呢個雞串好食，現成煮熱最好。打邊爐式火煱 好正常。炸蝦一般新鮮，但可接受，不過炸得唔夠香脆。炸蕃薯都好味，但呢D買返黎，只炸一炸，唔會差得去邊。炸雪糕都可以嘅，幾好食。雪糕有幾款，呢個沖繩海鹽喊喊地 一般啦！個壽司係幾好嘅，但係如果要去到選擇食手卷壽司，我都係因為選擇太少了。整體食物選擇以放題黎講，好少，唔值呢個價，味道又一般，應該唔會再黎了吧。我記得呢座大廈食過另一間好過佢嘅，價錢貴少少。食到8點 都唔覺多人嘅，大家明的。

一入到去坐低就知道中伏了，再睇睇餐牌，野食太少，無咩種類，果日真係好想走，不過都坐左落黎就試下，呢個價錢普通吾係貴170幾，其他可能200幾左右，但呢間野食質量太差!無乜選擇又難食又少選擇，上野慢，坐左勁耐都無野食，野食到左，碟碟都係勁細碟，又漏單！人手又不夠，去一次永不再去，環境又真係差！都吾知4個人食左d咩落肚，食過咁多次放題第一次俾評語！真心差評!呢個價錢普通吾係貴170幾，其他可能200幾左右，但呢間野食物質量太差!無乜選擇又難食又少選擇，一口牛未試過咁難食，小食不用講！好在有個火鍋食下，火鍋肥牛食得下，其他真心太差！上野慢，等左勁都無野上台，到上到枱，得小小野又勁細碟，慢到一個點，漏單，叫左4次先有人人手又不夠，去一次永不再去，環境又真係差！都吾知4個人食左d咩落肚，食過咁多次放題第一次俾評語！真心差評!食得勁吾開心！希望你地改善食物質量