松本日式料理放題

营业中

休息中

完全中哂伏既放題！首先野食既種類唔多，食物味道一般，環境又一般！重點衛生好差！衛生好差！衛生好差！重要既野一定要講3次。衛生情況差到我食左30分鐘左右就停止左，人生中第一次食放題食到唔飽就要放棄。其中一個例子，見到sushi bar傅父係玩電話時，用隻手去撩鼻，好想吐🤮仲有其他衛生問題，好似魚生甘！大家可以自己留意下！唯一既好處就係啲職員態度都幾好！有禮貌！你問我有冇興趣再去食，我好肯定講：無囉！

早在幾星期前已經訂了位， 到餐廳後， 在門口等了至少五分鐘也沒有人來詢問，於是我們走進餐廳內走了一個圈， 餐廳又逼又混亂，好不容易才看到有所謂的店員…但他十問九唔認，看似很忙的樣子…最後等了十五分鐘才有人回應我們！但但店員竟然說沒有位！ 原先今天本來是要和家人慶祝生日的！真是十分生氣，後來去到另一層的餐廳！ 我們後面還有兩組人都有同樣的遭遇， 同一個商場有大把放題可以選擇，大家真的要慎重選擇餐廳！

Craving for some all you can eat buffet dinner, my friend explored deals on Openrice and discovered this great deal at Matsumoto Japanese Cuisine, for HKD$180, we got to enjoy some nice Japanese food on a Friday night.Compared to cooked food, the sashimi was a bit disappointing. They did not taste really fresh, probably because they were so cold with the ice below. We only ordered one round of sashimi.Fried food was amazing! Especially the Deep Fried Chicken Cartilages and Deep Fried Tofu. Must

食兩個鐘，一個鐘都來唔齊嘢。d嘢來得好慢，唔齊⋯一口牛一碟得5粒⋯燒菠蘿有魚腥味，食到想嘔⋯真係好難頂去催單佢態度又差唔耐煩人手明顯唔夠雖然唔貴 但大家自己衡量下啦

同朋友慶祝生日朋友揀咗呢間個朋友好大食好鍾意食放題 咁多貴價野佢唔要 偏偏鍾意呢度 因為真係 好抵食 好好食 又坐得舒服餐廳裝修都幾有日本風 播既音樂幾特別 有啲係懷舊勁歌金曲feel食物方面：不但刺身壽司選擇多 熟食都好多架 連大排檔style既小炒都有 啱哂！因為我地有朋有唔食生野 都話呢間放題好正要encore！！！ 飲品可以自取(夠環保唔哂紙👍🏻) 本身我地想叫埋打邊爐 但實在太飽食唔落 就留番下次先試實在太開心 淨係影咗一張相就開餐

旺角行完街我哋搵嘢食， 諗住平平地坐低歇腳，我哋搵咗間好抵食放題， 唔使200蚊任飲任食兩小時。 如果時間許可仲可以上openrice買coupon，再抵啲。餐廳在兆萬中心7樓， 環境有点昏暗，檯與檯之間唔算闊落。 飲品自取任饮， 選擇唔多但亦有一款啤酒。剔紙仔点食物。 各款刺身，燒物，熟食，飲品和甜品， 特色係仲可以order 火鍋， 非常多樣化。放題指定動作，先來一輪刺身。 整體賣相唔錯。帶頭赤蝦大大隻， 肉質夠甜， 不過仍留有蝦腸。 甜蝦尚算新鮮，無雪味。 榮螺，赤貝夠爽。 油甘魚肉雪得比較硬。飛魚子海膽手卷， 海膽份量毫不吝嗇， 質數唔差， 但就加咗鰻魚汁上去便有點奇怪～日式炒野菜，充滿蒜香和黑椒味， 椰菜亦很爽脆， 但油份偏多。香辣炒蜆，  夠鑊氣但蜆肉冇咩味。一口牛柳粒， 依然夠鑊氣，牛柳夠腍。串燒菠蘿， 浸了太多鹽水的菠蘿 味道偏鹹。串燒雞翼夠大隻 皮夠脆！椒鹽三文魚頭， 炸得非常香口， 魚頭亦好多肉。椒鹽串燒蝦， 蝦肉爽甜， 難得嘅鮮味。鹽燒秋刀魚，皮脆魚肉亦夠鮮味。燒青魚， 肉質亦較嫩滑。辣酒煮花螺， 八角嘅味道比較重， 個汁較為甘澀。馬拉盞炒時菜， 白菜仔本身夠嫩，

同親戚farewell+慶祝生日，見到有優惠券所以就諗住試下。一入到去就覺得啲座位真係好逼，坐得一啲都唔舒服。兩個半鐘嘅放題，叫咗勁多嘢都冇黎過！一開始落嘅單，因為冇黎過所以再加單，仲要係加咗幾次，但係加完單啲嘢食都係冇黎過！係咁催啲侍應又冇人理，大部時間坐咗起度冇嘢食！催完之後就係咁上啲我地冇叫過嘅食物，跟住又成個鐘都冇人執過張檯，搞到成檯都係污糟碗碟食物質素唔好最好食係啲包裝雪條食完之後大家都好唔滿足，有人仲話想去食麥當勞套餐加大好差！唔好去！

最近有同事在兆萬中心發現了一間松本日式料理放題，價錢比其他放題店便宜，有日式放題又有火鍋，食物一d都唔差，重好有水準。喜歡試新店的我就提議同事們一起去試試！平嘢有冇好嘢？來個刺身就知道，出乎我意料，刺身質量非常好，樣樣都好新鮮，三文魚厚切肥美，大大隻有頭大赤蝦爽口鮮美，赤貝爽口，大粒帶子鮮甜。壽司、手卷、反卷都有多款選擇，我喜歡鰻魚壽司和火炙三文魚腩，尤其是火炙過的三文魚腩，魚脂特別香濃美味。韓式炒蜆，蜆冇沙，味道普通只有辣味，我都係喜歡傳統的豉椒炒蜆比較惹味。鹽燒海蝦，海蝦大隻，燒得香口彈牙。鹽燒雞翼：雞翼燒得剛剛好，肉質鮮嫩有肉汁，加了少少鹽令味道提升。一口炸豆腐，外層酥脆，豆腐非常嫩滑，加左炸蒜增加口感和香味。每位客人都會送上燒生蠔一隻，焗至金黃色的蠔新鮮冇腥味，記得趁熱食。除左日式放題食物，還有火鍋食，先選火鍋湯底，我選了清湯野菜鍋，湯底清甜，蔬菜新鮮有甜味，火鍋配料都有30款選擇，試左海蝦丸類等都新鮮，因為太飽，不能一一去試，還要食雪糕、奶凍等甜品，其他的留待下次再來試吧！

旺角有各種各樣嘅食肆，如果想一次過食到唔同種類，咁就非放題莫屬。鋪頭裝修非常日式風格，除咗有一般坐位，卡位雅座，更設有兩間可以容納5-8人嘅VIP房，可以約埋三五知己，一邊食一邊傾吓計，完全唔會受到外界騷擾。我諗一般人食放題都會點刺身作為頭盤，三文魚，油甘魚，北寄貝，甜蝦，希靈魚，各種樣都非常新鮮仲有各種軍艦同埋壽司，每款都做得非常細緻，特別係軍艦嘅紫菜，入口依然非常爽脆，每樣都係即叫即做。除咗日式野之外仲有各種各樣嘅熱盤，三文魚鮫，有大量炸蒜，炸得非常香口又唔油膩奶油薯餅，外表香脆，入面creamy冷面加上麻醬作為冷食，口感彈牙，甜甜酸酸，非常開胃炒時菜 蔬菜新鮮爽口用咗蒜蓉黎炒 非常惹味，非常夠鑊氣 餐牌方面食物選擇多籮籮讓人有點眼花撩亂 放題來講食物質素非常高 除咗有日式食品之外還有火鍋呢最重要係價錢方面，就算係黃金時段，連埋加一都係200蚊左右，非常抵食，值得推薦比各位。

兆萬內有多間放題店 梗係揀一間未食過架啦 五點係餐廳晚市嘅第一輪 唔使等位 而且價錢最平 每位只需$149外面天氣實在太熱 一入到嚟有超強勁嘅冷氣 好舒服 餐廳裝修以木調為主題 牆上掛咗日式風格嘅圖畫 以及日式嘅油燈 猶如置身高級日本餐廳 燈光柔和寧靜 在這裏用餐很舒服即使最貴嘅時段都只需$189 超便宜的放題店 可以任飲任食 保證吃到飽雪櫃擺放多款飲品 全部擺放得非常整齊 鍾意飲啤酒嘅人士就最啱喇 啤酒都係無限量供應天氣實在太熱叫咗個冷盤食先 冷烏冬及冷拉麵 凍冰冰嘅麵條食落有透心涼嘅感覺 配料加咗蟹柳絲及粟米粒 用咗日式麻醬做醬汁 上面重加咗大量芝麻 非常開胃及清新食放題又點少得刺身呢 呢度嘅款式非常多 而且魚生全部厚切 口感超滿足 整體刺身夠凍 沒有雪藏味 非常新鮮壽司方面賣相都整得好精緻 非常喜歡吃這裏的軍艦 即叫即整 所以外面嘅紫菜非常脆口 而且全部配料都非常豐富 快要滿瀉 壽司飯又唔會太大嚿 一啖一口剛剛好這裏還有我至愛的海膽手捲 海膽份量夠多 味道鮮甜甘香 朋友點嗰個軟殼蟹手捲 軟殼蟹係即叫即炸嘅 熱辣辣脆卜卜燒牛舌 加咗少少海鹽及炸蒜做調味 牛舌爽口又彈牙牛油粟米 有

今晚專登約咗屋企人諗住去旺角食放題，睇見網上面有好多間放題都唔錯，最後揀咗呢一間，見平平哋性價比應該幾高下任飲任食兩個鐘最平嘅時段每人都係百幾蚊，所以就預先訂咗枱點知去到嘅時候店員就話冇晒位，安排唔到，明明訂咗7:30 ，但係就話已經full晒，話最快都要夜晚九點。嗰一刻我哋即時燥晒底，有咩可能唔早啲通知無位，明明已經confirm咗Booking，但去到先至話冇位，完全失望，唔會再有下一次幫襯。。。

今日忽然想食放題，就隨意去了旺角兆萬中心樓下看看水牌，最後挑選了位於7樓的「松本」，每人200元內有找。餐廳很旺場，而且有部分位置被包場，所以需要等位，而且家庭式主理人手有限 所以都會體諒。餐廳不大但一般放題的食物都有，上菜快，一大盤刺身很快就送到。點了三文魚、甜蝦、大赤蝦、油甘魚、鮑片、希靈魚、珍寶鮮帶子、北寄貝、長腳蟹棒、榮螺肉和赤貝。當中的大赤蝦朋友超讚，說很鮮甜又大隻。另外壽司都不錯，點了較特別的黑蟹子軍艦、辛辣八爪魚軍艦、明太子沙律軍艦、鰻魚壽司、火炙三文魚、火炙醬油漬三文魚和加州反卷。每件份量足，用料不會吝嗇，配料都是大大片的。之後點了些熱食： 韓式炒蜆有辣度、和風炒牛舌有咬口、蟹肉魚翅南瓜湯啖啖都有南瓜蓉、馬拉盞炒時菜很惹味，而椒鹽三文魚頭大件又香口，不過熱度不夠。另外還點了些燒物：西京燒鯖花魚、鹽燒雞翼、燒菠蘿、鹽燒秋刀魚和燒三文魚骨。除了基本日式放題，還有火鍋！點了一客火鍋暖暖身，湯底選了「鮮茄薯仔牛尾鍋」，配料選了海膽丸、牛丸、魚皮餃、水餃、芝士腸、西生菜、白菜苗和豆腐。湯底真的用牛尾煮製，因為湯中附有一大件牛尾，而湯味偏淡，零味精！最後隨意點了兩個小食向甜品、沙律

星期日同朋友去旺角搵野食 旺角既日式放題星期日平均都要$228-$248每人平均 未計加一睇過松本食物相都幾吸引 而且人均$199 未計加一 價錢實惠食8點半呢輪 唔洗等位 侍應安排左4人卡位比我地坐侍應禮貌問我地飲咩幫我地拎 方便我地快d落單叫野食 因為知道我地肚餓灸燒三文魚腩壽司極好食 好香三文魚味 肥美不油膩帶子刺身鮮甜不過油甘魚唔夠鮮甜一口芝士 好香芝士味好好食鮑片還可以點左天夫羅皮較厚點左雪糕天夫羅但無黎另外，問左侍應有無蠔食 只限每人一隻 要另一張單落 但之後無左件事，返到屋企先記得無食到蠔甜品選擇較少 燒菠蘿好酸食物款式唔算多 不過價錢較其他平少少 要求不高可以來食

今晚我帶一班好友到旺角松本日式放題，大家亦食個翻層味，因環境舒適及充滿日式風情裝修，以及各員工的友善親切的服務態度，令我哋成班朋友留下好印象，而食物方面，溫度適中，所有魚生刺身新鮮，美味可口。環境衛生，價廉物美。是親子好去處及尋找吃處的好去處。此外，高度不超過一米的小朋友，還可以免費入場進食。值得推介。選擇食放題料理的朋友，不妨親身來品嘗啦。

訂了7:30，8點先入得，訂台混亂。野食一般，價錢還可以。就是選擇不多！ 麻煩請確認出席，有積分！謝謝！麻煩訂台時間請預好一些交台俾客，謝謝，唉～一個字～無言～～～～～～～～～落太多鹽啦～～～～～～～～唉～雖則都知你地好忙，如果唔係見你地辛苦，當場就吵啦～～～～～～～～～～～～～～～～～～～～～～～～～～～～～～食物品種請加多一些～火鍋免佐矩啦～浪費時間