松義仙草

营业中

休息中

今次嚟到大角嘴食- 松義仙草🌿👏-大家可能對呢間餐廳唔熟，但其實專做台灣菜「那個」品牌嘅副線！餐廳位於「那個」舊店埃華街，主打多國菜+半自助模式去營運，背後理念係想由客人自己去倒廚餘，認識自己食量，再次到店光顧時可以選擇少飯/走飯澱粉，期望客人珍惜食物😌今次試咗椒麻無骨雞肉便當同埋香烤三文魚便當🍱 雞肉嫩滑，搭配醬汁相當好惹味！至於香烤三文魚都煎得好香口！便當可以自由搭配飯/ 焗薯仔定菜底～ 呢度嘅套單都係可以任食沙律同咖啡，套單低至$58就有，好抵食呀！松義仙草作為「那個」品牌嘅甜品總店，有多款甜品選擇！主食甜品一條龍包辦👏🤣今次試咗松義一號仙草凍同芒果丸子愛玉凍，芋圓、小丸子都係手工做嘅，夠哂煙靭。聽店主講，仙草同愛玉都經過自家研製。特別推介芒果類別甜品，所有芒果汁及芒果冰，都選用台灣原個芒果抱製！ 🥭呢緊10月10日雙十節，舖頭推出全日堂食便當套餐八折以及全日外賣自取九折，快啲嚟試吓啦！-#松義仙草 #甜品店 #那個 #仙草 #糖水 #芋圓 #大角咀 #大角咀美食 #芒果 #芒果冰 #平衡便當 #健康餐 #dessert #food #foodie #yummy #instafo

「那個」起源，大家都熟悉嘅一條舊街，係大角咀，而家開左一間佢嘅分支餐廳叫做「松義仙草」！嗰度嘅環境好台灣風，以竹和木質為主。太陽嘅光線灑落在竹簾上，好有氣氛。我哋今日先食咗啲台灣便當，然後再點台式甜品作收尾，喺度仲有好多款台式小食，睇嚟只好下次再嚟食，所以就先揀呢款啦。今日餐單🍽️🐓香煎雞胸便當（大約55克蛋白質）$58☕️紅茶⭐️⭐️⭐️⭐️減肥必揀！雞胸肉唔會乾，多汁又健康！配紅糙米飯，特別有營養！🐂美國安格斯牛板腱牛扒套餐 $68☕️熱即磨黑咖啡⭐️⭐️⭐️⭐️⭐️⭐️五成熟嘅牛扒火候岩岩好！肉質鮮嫩，味道濃郁！肉質霖滑，牛肉香氣四溢！🍧松義一號仙草凍 $41⭐️⭐️⭐️⭐️⭐️⭐️有波霸、芋圓、白玉丸子同仙草凍。仙草同愛玉都係自家特製！口感煙靭，份量充足！🍨松義芒果甘露 $51⭐️⭐️⭐️⭐️⭐️時令芒果、寒天、紅柚肉、台灣蜜愛玉凍。特別鍾意呢款芒果甜品，所有芒果汁同芒果冰都用台灣原裝芒果打造！非常豐富！底部仲有大量寒天，口感豐富層次！呢度有個特色係自助freestyle！自助手機下單，自助任添飲，包括咖啡同紅茶。仲有自助沙律可以任添，健康又美味！喺度唔止可以專心享受甜品同埋同朋友傾計，而且因為太陽打嚟，影相效果特別出色！

因為我一直都好鍾意食那個 所以佢換咗間糖水舖頭就好有興致去試一試 本身食完飯 想食返個甜品，咁啱都喺屋企附近所以就去試咗🥱🥱店面都係用返那個嘅裝修 純碎買嘅嘢唔同左叫咗個芒果沙冰嘅甜品 但係味道就還好 芒果有啲酸 而且料嘅份量唔多 純粹冰比較多🫢🫢之後原來佢哋有最低消費 如果兩個人要嗌兩款甜品先得 所以夾硬要嗌多份燒麻糬 味道一般般 價錢相對上都貴 應該唔會再試🥺🥺- - - - - - - - - - - - - - - - - - - - - - - - - - - - - -

八點半黃金時間入到去，一個人都冇已經心知不妙Okay當大家北上消費但係我決心留港消費，刺激經濟但跟住落嚟就精彩喇喂落單嘅時候要自己俾埋錢都算😂自己比完錢要自己去斟水😂自己斟完水要自己去行去拎野食😂自己拎完嘢食要自己去拎餐具😂自己食完之後要自己拎返去還盤分餐具😂仲未完㗎喂………你仲要幫佢分埋類傾倒廚餘✅✅做咁多嘢盛惠$53（+12蚊芒果）啲芒果仲要漏單添小丸子煮到好似漿糊咁☠️如果大家放假冇咩做又想去糖水舖做吓義工嘅話可以入去試吓

網上見到呢間價錢實惠嘅健康餐餐廳，突地搭到奧運站行過嚟試，一出地鐵站見到出面落大雨，但沿著A出口睇住google map跟住啲天橋行咗5分鐘左右落到地面斜對面幾步就到，好在都唔洗淋雨。位置實在係有點偏僻揀了壽喜燒牛肉便當加雞胸一塊同冰杯 澱粉選了薯仔 有紅米飯 椰菜花飯 黑松露焗薯揀 雞胸十分有驚喜，$15一塊份量起碼有150g 難怪敢聲稱有40g蛋白質，目測用了大量蛋白腌制，叮熱後表面佈滿蛋白，口感極似雞扒，我以前食過有呢種口感嘅雞胸只有大x活，不過佢比大x活再好食啲，夠厚而且厚度口感均衡，呀活嗰塊通常只有半塊的口感好食厚薄不一，而且要加$20 仲要細塊啲。壽喜燒牛肉份量充足，夠厚又不會滿是肥膏，其實一般人唔洗加雞胸都絕對夠飽有凸。底下仲有椰菜花、枝豆、菇同兩片紅蘿蔔 自助吧就是提供紅茶、即磨咖啡機、同沙律菜，我$3加了冰杯，但冰杯太高要用紙杯去裝再倒入冰杯，雖然咖啡任添，但飲完一杯已經無乜冰了，所以我添了紅茶，味道正常，個人不太會評價咖啡。呢間仲係一間台式甜品店，但我得自己一個就唔試了，無人幫忙分擔傷害健康餐嚟講價格同味道都非常好，個人其實不太喜歡poke bowl，唔係因為唔好食

其實之前已經幫襯過2次但都係外賣自取～今次試下堂食 但整體體驗係差！1. 糖水味道一般 不出色 但不差芋圓既份量少 得幾粒小丸子 超細粒 豆豉咁 質感差 其他就中規中矩啦唔可以講係好食2. 餐廳服務體驗差唔係侍應態度差而係整體形式有問題40幾50蚊一個糖水但係無任何service落單 取餐 拎餐具 全部都要自己搞最好笑仲要用膳後自行清理還要自己把廚餘倒掉還需要把餐具分類收拾咁洗唔洗幫你洗埋廚房廁所？之前外賣自取都唔覺有問題堂食就覺得係差 50幾蚊咩服務都無譚仔三哥都好服務過你3. 落單多甩漏試過叫一個仙草芋圓加芒果冰但侍應唔識揀 唔知佢點搞最後搞左個自選 最後對比正常叫法 係貴左最後同佢地講返 有退到錢比我亦試過芒果冰比左原味既冰雖然店員話下次幫襯再賠返個芒果冰但當我下次去既時候 佢又比錯冰我...之後要再整過總結 之前那個咁多人食依家轉左糖水店 唔怪得無咩人幫襯啦...我唔係Hater 呢個係真實體驗希望你地會有所改善 但暫時真係差評