板長壽司 (創紀之城五期) (已結業)

唔記得幾多年無食過板長壽司🍣五隻手指可能數唔晒，今日再去，因為快有位🤣🤣🤣🤣好多新款食物，第一次嘗試食辣味三文魚🍣壽司，這個微辣似辣還辣，可接受的.......仲吃了兩件添，這個蒸蛋值得推介，覺得食蛋會皮膚滑的我，每次也吃蒸蛋，這個蒸蛋比較黃、滑.....及有一丁點兒蛋味，感覺良好👍🏻👍🏻👍🏻醋青魚微燒魚面，另一番風味，可以再叫。手卷選了軟殼蟹，蟹份量足夠，起碼三「枝」腳以上。對於板長壽司🍣有新感受，會再惠顧。

已經好耐無食壽司，係食板長嘅時候喇！相信有唔少人都試過板長！個環境都唔錯，地方好闊落，中午去食，都無乜人，我地可以坐係人少少嘅地方一路食一路傾計，都幾好！一坐底就逼不及待嗌壽司，嗌咗幾客先，價錢都還算可以！坐底就沖咗茶先，綠茶可以消下濟，食壽司必須嘅！壽司食落感覺好新鮮，配埋個芥辢好夾，好好食！壽司入口即溶，三文魚嘅油脂分佈好平均，三文魚味好濃，極度推薦大家食！服務都好好，待應態度好積極，會主動幫忙！

又到一年一度既聖誕節，今晚就去左板長度食，本身見到有幾個鍋都諗住試下，但係太好賣，已經賣哂，之後就叫左一個炙燒三文魚既set餐，都有好多野食，有一個炙燒三文魚飯，半隻芝士龍蝦，一碗蜆既麵豉湯，仲有一個細細地既cheese cake。因為係兩個人食，所以叫多左個蜆烏冬同西京燒魚，先講個炙燒三文魚飯，魚生好新鮮，輕輕燒過既三文魚入口即溶，份量足夠一個人食，芝士龍蝦啲蝦啲肉係彈牙，唔會霉，一句講哂，好食！個蜆烏冬個湯好鮮甜，烏冬煮得岩岩好，配埋啲蝦乾同昆布，成碗烏冬連湯都食哂！西京燒魚燒得好香，啲魚肉好滑，一夾就夾到，點埋沙律醬食簡直係一流！cheese cake食落既感覺就有啲似mousse cake，但都幾有芝士味，都算唔錯今餐真係好滿意，$3xx有咁多野食，仲有一杯梅酒，真係幾抵

今日過咗apm買野，行行下見肚餓又咁啱係下午茶時間，所以就黎咗板長食壽司。 下午3點幾下午茶時間門口冇人等位可以唔洗拎飛直接入去，入到去男職員話我地得2個人唔肯比我地坐空出黎嘅四人枱，要我地夾枱/坐吧枱，OK咁我地揀坐吧枱，由我地坐低到手機落完單一杯茶都冇拎過比我地，要我地問先肯比。 我地見三文魚特價所以點咗十幾件，個女職員態度超差拎碟壽司過黎個時黑口黑面，見到呢碟三文魚壽司真係好失望，呢碟野不得了，雖然做特價姐但都唔洗hea切切到薄到爛曬卦，同平時係其他板長分店食真係相差十萬九千倍，街邊d細壽司鋪都未必會切到爛曬囉，切到咁既水準真係好懷疑呢個壽司師傅係咪新手/搵個樓面頂檔的。🙄🙄 結論：apm分店職員態度差冇服務之餘食物水準唔穩定，我下次再食板長都絕對唔會食apm呢間，反正其他區都有分店，價錢一樣當然食間水準穩定嘅分店啦。😏😏

Extremely disappointed for the price we paid. Though each item isn’t expensive but it adds up even if you’re not eating a lot. The sushi quality is poor, genkis sushi is a lot better and it is cheaper too. The raw fish is unfresh and severs room temperature. I believe they make the sushi is batches and then serve the food for quicker services. The sushi is awful and bland. The hot food is not bad but udon is the only option.

幾個同事一齊食晏，板長一向快靚正，價錢ok（但今次叫既野有少許伏..），而且座位都叫坐得舒服，最起碼唔會趕你走先呀⋯⋯北海道刺身丼真係影相同實物係差好遠嘅....首先個賣相已經唔得，飯面都鋪不滿，刺身全部都係普通料，丼嘅飯又唔凍又唔熱唔知想點。索價＄78 不了～牛肉稻庭湯烏冬 $72 又係唔抵食之選，烏冬唔夠彈牙，牛肉淡如冇味道🤨而湯底好明顯係味精湯🤨🤨超普通板長野食普通 但想坐耐d都係一個唔錯既選擇既

是晚同肥仙久別重逢，即興約食晚飯，當然去返我地既老地方（其實只係第二次一齊嚟呢度食飯，已經變左做老地方🤣！）—板長壽司🍣見面啦👯‍♀️。唔講唔知，入到去睇電視先知，板長原來已經🔟週年啦🎊（好似有個感謝祭）!!! 去Newxxx唱K, 去板長食壽司🍣⋯⋯呢d應該都係XX後既集體回憶嚟。宜家既板長巳經用緊部pad落單，與時並進，唔知食物既質素有冇一齊進步呢？🤔美味子一路望住部電視無限loop緊想當年板長投得「日本一」既瀕危品種藍鰭吞拿魚王video同為慶祝10週年而包左又X城個溜冰場，用左20,647件即制壽司🍣砌左「最大壽司拼圖」（仲即時入左健力士世界紀錄），一路食真d口入面件三文魚壽司，就一路思考緊咁樣既宣傳手法有冇令到d食物好味左呢？🤔🤔🤔自細喺度食到大既肥仙連門口經理都（扮）識，打晒招呼咁，一入嚟就喪點，確實，呢度價錢都幾經濟，叫多幾件都唔怕。創作卷物系列— 肥仙叫左呢幾件魚子，魷魚同吞拿魚唔知乜乜壽司，嗱，呢d美味子就唔敢叫啦，d醬一重手左就唔係幾好啦😅壽司🍣系列— 美味子我就唔係叫左好多件，大概八件壽司左右，主要都係三文魚，帶子，芝士火炙三文魚，仲有我最愛既腐皮壽司，比較鍾意叫d

今日夜晚同朋友系apm板長食飯，一心諗好內冇食過，點知黎漏左一件帆立貝壽司，之後問職員，之後有個類似高級d短髮老女人過黎則疑我地食左，又叫我地諗清楚d，態度非常惡劣，我以後都吾會再黎食飯

板長壽司我和家人吃過無數次，因為覺得板長質素一直都維持不變，味道好，服務也好這家的板長也是運用tablet點餐的，但店員也會十分主動協助我們，所以服務為板長加了不少分每次到板長當然是吃壽司刺身，但有一款壽司是我家每次必點的:醬漬炙燒三文魚腩壽司🍣這款壽司長期有優惠，一碟兩件，14元。所以，我們每次每人都吃至少三碟經過炙燒的三文魚腩比普通的魚腩更多油分，入口時充斥著非常香口的油分，入口即融，配合一些醬油分外美味可以配合伴菜紅洋蔥一起吃，口感更佳更有層次

成日食sushi都係遊走於元氣同板長之間，因為佢地分店多而且價錢ok，但如果同時間2間都係附近，我會揀板長多d^_^因為我覺得佢質素好過元氣，而且食物種類多d～蠔普通，覺得唔係好新鮮～三文魚刺身、甜蝦刺身我好鍾意食！油甘魚刺身係我男朋友食既，（好似係叫油甘魚？因為除左三文魚同吞拿魚之外既魚我好少食）我試食一舊，居然覺得好食，好重魚油味！板長既鰻魚同海膽比元氣好食太多！鰻魚好厚身，而且好多汁，好吃😋海膽雖然每次食佢既味道都稍有不同，可能係來貨地有變既原因？我都唔知😂但絕大部分時間佢既海膽都係好食既！

2018年6月29 日 (星期五) 11:50am  33°C 店內裝潢以時尚為主，樸實為本，設置梳化卡位，感覺舒適和優閑。 環境光亮整潔，餐具乾淨。 以先進科技產物來點餐，直接傳送去廚房，捨棄傳統餐牌，變得更方便快捷，值得一讚！ 提早一天慶祝 18 週年紀念日，本人特地挑選此餐廳用膳。 人數：2人 HK$149.6 不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 三文魚親子丼定食 - 三文魚塊塊厚切，肉質軟滑，味道甜美，完全沒有冷凍感覺和雪藏味道。魚籽新鮮爆脆，滲出海洋氣味。三片青瓜清涼爽口，適合炎炎夏日。碗內的珍珠米十分軟綿，一點都不乾硬，在拌勻魚籽及青瓜片後進食，感覺爽口清新。同時，配合刺身一起吃，味道更是一流！【推介之選】❤❤❤ 蔬菜沙律 - 酸酸甜甜，清涼爽口，開胃之選。 麵豉湯 - 冬瓜粒消暑，昆布滑溜爽口，味噌味道不算鹹，感覺適中！《 影 片

呢間板長我成日同屋企人食，通常行完apm之後就會食，諗唔到食咩，又食！因為都幾好食又抵食而我地次次都一定會order巨量既醬漬三文魚！醬漬三文魚14蚊有二件，我個人認為係全店cp值最高既壽司！我唔太中意食熟透既三文魚，但呢醬漬三文魚係燒一燒表層，迫哂三文魚既魚油上黎！令到成件壽司一啖食落口勁香。另外，師傅加埋d紅洋蔥做伴食，清新既洋蔥配肥美既三文魚，點食都唔會濟！另外推介既食物係甜薯，清甜冇渣，做飯後甜點都要encore！

Love to come Itacho for some tasty sushi and sashimi. The restaurant offers various lunch sets, which the price is very reasonable. I ordered the sushi set which is very fresh and delicious. The set came with salad, miso soup and steamed egg as well. Apart from lunch set, I had the salmon fish skin and lobster sushi too.

以前一向有幫襯開板長，魚的種類發款式多，仲做埋會員，而家就轉左用app儲分，仲方便，唔洗食夠某個quota先做得會員，一路食一路有現金回贈。今日一黎到見到再推出赤醋系列，我朋友好鍾意吞拿魚，赤醋盛入面有三款吞拿魚，岩哂佢口味。盛入面有9件壽司，計落都抵，我地全部都食，非常好。除此之外我最鍾意就係油甘魚壽司搭柚子鹽，呢個配搭真係絕配，大愛呀。不過太肚餓，食左唔記得影相。埋單發現仲可以用埋生日優惠85折，加埋積分平左差唔多$100，食得好滿足。

火炙鵝肝手卷，啲鵝肝燒到硬晒，好似肝硬化咁，有冇搞錯。火炙三文魚就輕輕燒左個面，冇咩三文魚既油香，唔多新鮮，但肉質都軟既。蝦係正常既壽司之一，肉質正常有甜味。油甘魚壽司，魚脂味 ok ，鹽同青檸令佢味道有啲清新，算是不錯。最大鑊係最貴的吞拿魚腩，仲要叫左三件，陰功，我未食過肉質係硬既吞拿魚，究竟係未解好凍定條魚有肌肉僵硬症，無論前者定後者都不適宜食用。第三正常既壽司，原來係板長食平價既壽司最穩陣。正常既魚生飯，有啲醃左既魚，唔知係咪賣唔晒拎去漬，無咩魚味。