林園餐廳

营业中

休息中

上星期到讚石山拜山，拜完就近找間餐廳醫肚，其實好想飲野，最近的是富山邨，入到邨好有童時感覺，再到這間林園餐廳更加時光倒流卅載，感覺一個字＂舊＂，好有歷史。來到舊式食巿當然叫最傳統的食物啦，見是日午餐有梅菜扣肉就來一客啦，配凍檸茶，愛人叫了鮮茄豬扒，都係凍檸茶，愛人話鮮茄豬扒及凍檸茶都有水準，而我的梅菜扣肉就好有驚喜，只是是日午餐，但水準好高，梅菜干身，好香，明顯是炒過，扣肉皮鬆化，有炸過，好入味，入口溶化，而白肉不覺肥，只感油香，正！份量不少，連飲品只是$32，超值!扣肉一向是我至愛，近年少食了，不是本人身體日益發福，怕肥而少食，而是現在的食店，少有水準的扣肉，因為好味道的扣肉要用好多功夫去做，我要強調一次，一道有水準的扣肉絕對不會感覺油膩，這餐廳不只做到，而做得好，我用行動證明好好味，再叫多一碟，而且都食清的。一次食2碟扣肉飯真的感覺盡興!

巧漂亮既蛋糕其實係咪真係有人買架?????我想食果個朱古力曲奇呢真係幾靚以前我唔會黎因為唔知d野好唔好食依家就將d味蕾擺埋一邊啦畫個圓圈完整咁擺成個生蛋黃入口一滴不漏 *u*小時候o係文香園又係咁架將d餸掃晒落碗野度就疊起d碟慳位d如果我有自己屋企我都會買呢d顏色好耐冇同爸爸媽媽一齊o係茶餐廳食野以前讀幼稚園爸爸落街食住先然後媽媽帶我落去然後食完爸爸車晒我地番學好似都會車媽媽好忙碌呀我地都有叫到菠蘿油其實真係似菠蘿蛋糕因為太林啦!!!金華就脆d趕唔切食牛油就溶晒lu 仲有西蘭花炒斑塊都ok當然啦黎到茶餐廳你係唔可以期望佢會有d咩服務當自己屋企就最好呀姐惡言相向就梗架啦會對你友善d既話你就執到啦大部份都係打份工架咋最好淨係袋錢唔洗做咁又點會想做好d呢???我覺得佢地都幾好呀可能今日客少心情輕鬆掛

除了菠蘿飽，奶茶和其它都是很一般的，完全唔值得我哋喳車嚟食，好後悔！枱面的玻璃花到我要到隔離枱睇玻璃下面張餐牌。叫個茶餐等差不多半個鐘，我先生同個女叫咗菠蘿飽同奶茶，我叫咗茶餐，餐飽、煎蛋同豬柳，遲嚟嗰3張枱食物都嚟齊，我就問幫我落單個超寸馬尾亞禪點解咁耐，佢竟然好唔耐煩同我講"幫你跟緊啦！"，"等5分鐘"，明明漏單唔好意思等多一陣我都會無野，但呢位亞禪點解咁無禮貌，我最後都要等多10分鐘，食祇用咗5分鐘，一肚氣，以後唔會再來。我祇想講一句，"林園你憑什麼"。

第一次幫襯依間餐廳餐牌同環境都好懷舊一行五人分別點左幾樣野楊洲炒飯賣相唔錯 味道正常其實己經好過好多新式茶餐廳蛋牛治唔錯公司三文治$28唸極都唔明白點解公司三文治同蛋牛治要落同一隻料早知就唔鬼叫係門口見到好多出爐麵包即刻叫返個菠羅油試下唔怕肥既可以試下真係幾好味

本 人 從 細 就 好 鍾 意 食 菠 蘿 飽 同 飲 奶 茶 。 所 以 會 周 圍 去 尋 找 好 食 出 品 。 試 過 好 多 茶 餐 廳 ﹐ 味 道 都 系 一 般 。 林 園 既 波 蘿 飽 同 奶 茶 就 真 系 無 得 嘆 。 大 朝 早 一 杯 奶 茶﹐ 簡 直 領 人 精 神 為 之 一 振 呀 。 D 波 蘿 飽 ﹐ 系 熱 辣 辣 食 ﹐ 好 味 都 爆 。 好 直 得 推 介 。價 錢 方 面 ﹐ 同 出 邊 D 茶 餐 廳 差 唔 多 ﹐ 仲 平 小 小 添 。 所 以 都 算 底 食 。 未 試 過 晚 餐 ﹐ 但 聽 D 街 坊 講 ﹐ D 炒 飯 系 唔 錯 。

我可以寫包單，li 道 d 菠蘿包係全港最好既，諗起都流口水，比起乾爭爭太子金華好吃得多。上午不知道，下午一點九第一 round 出爐即叫。包肉同酥皮微黃聶身，乾面但熱呼呼，一啖咬落去有軟緛緛黏黏既感覺，怕係加左薯粉。酥皮連肉熱吃係舌頰閒重複回盪，有甜蜜幸福的感覺，又不致於太甜。不怕肥的可叫蘿油，半溶滲入熱包中外國番來的可連吃兩個。茶水不太穩定，不過己好過平均。牛腩同蒸魚也算 ok，其他 ...

住在富山村的日子不算太長，但這裡實在没什麼好吃的食店，想喝一杯奶茶（因本人每天都要飲一杯奶茶，如渴到一杯好的絲襪奶茶，實在是一種滿足）那天因時間太趕,只好在家附近草草解決早餐問題,本對這區的餐廳不會抱太大期望,怎料一口渴下那杯熱辣辣的奶茶，那種濃度與香滑配合得恰到好處，你必會感覺到那份用心。 現在我每天都會到林園吃早餐，為的全是那杯香滑的絲襪奶茶, 去得多了,才知道沖出這杯好奶茶的是一位叫亞鳳的水吧師傅,如今我每一天的生活真的不能沒有她。

我住在這食肆附近十多年, 去過三次, 三次也覺得難吃, 所以即使方便也不會選擇, 它是一舊式的茶餐廳, 類似冰室. 但食物都較肥膩, 即使煎蛋或西多士等簡單菜式, 亦煮得過了火,式太燶,

Ｄ面包次次都熱嫁

其實呢度可能吊腳D，但之前搬左去附近住，都走上o黎食啦。富山邨講真冇乜好o野食，但係呢度o係朝早就真係好好。佢D菠蘿包朝早真係一流！去貨去得好快，所以朝早食幾乎一定係熱o既。之前o係新蒲崗返工，買走帶返公司食都仲係好正！坐低食菠蘿油、或者拎走慢慢食都係好選擇。唔算平o架，菠蘿包2.5元一個，但係佢地都係好少數仲保留自家製包o既茶餐廳，點都要大力捧場！至於其他就真係普通舊式茶餐廳，都有少少懷舊feel咁啦，味道只係不過不失；唯一朝早一定坐滿，多人過隔離，事關咖啡奶茶都可以接受啦……附近冇乜好食之下都係選擇o黎o既！