林昌記辰昌小食 (已結業)

呢間小店係一間非常之有良心嘅小店💓-佢哋不時會派啲小禮物俾小朋友，就算大人都有㗎，我收過手套一對🤗🤪不過重點都唔係呢啲禮物，而係林昌記嘅老闆係非常之注重食物嘅品質😆-之前同老闆娘傾過計，知道佢哋會不停改進見有食物嘅質素，當佢哋研發啲新食物嘅時候，就會拎出嚟俾客人試食，問吓佢哋嘅意見，務求做到一款最啱客人口味嘅食物😍-佢哋嘅食物價錢唔貴，仲要勁大份🤗我成日都會嗌炸雞扒米粉，舊雞扒大過手掌呀，次次都爭啲食唔晒😆加上佢哋仲用新竹米粉，包保返到屋企都唔會漲💓👍🏻

油塘街市嘅林昌記已經買過無數次，一嚟平靚正，二嚟老闆老闆娘都好親切，絕對係去嗰邊開工嘅飯堂首選❤️❤️❤️ 最鍾意食佢嘅旦米、雞米、或者鱈魚粥。全部都好有水準，又冇味精，食得好舒服。 送粥配埋炒麵直頭係一流。好多時候朝早要去嗰邊都係食呢碗粥做早餐🥣👍🏻👍🏻👍🏻 今日食嘅係魚旦米，$23有N粒魚旦，其實冇數但真係好多，唔知有冇十幾粒。魚旦粒粒彈牙，係招牌食物。米粉就正常啦，份量都幾多，我一個女仔次次都食唔曬。

武漢肺炎爆完又爆，又唔封關， 都唔知搞到幾時， 真係好想同friend出街食飯呀。。。。。 響屋企都想食返d香港地道嘢食， 好彩林昌記久唔久有搞團購， 可以響屋企附近pick up, 乜都可以自己響屋企食啦~ (利申：非打手， 同埋我仲係好想出街食飯， 武漢肺炎害人不淺！！！)我要食翅！！！ 但係唔好咁殘忍， 食碗仔翅算啦~ 上次食完鴨翅， 今次真係買多幾包， 食過翻尋味呀喂~ 佢d包裝真係好方便，放響熱水煲10幾分鐘就食得， 一撕開個袋， 香氣撲鼻， 真係好好好好好好食！！ 又足料， 又唔似外面d碗仔翅咁杰撻撻， 有花膠， 木耳， 鴨肉等等，超多料， 超正~送貨個哥哥仔仲好好禮貌， 真係要多多支持呢d良心小店呀！！！ 大家都要頂住， 撐住呀！！

上次買咗佢嘅frozen food, 早兩日先發現原來仲有包紅豆沙響冰櫃未食，原來放冰櫃都可以放一排， 呢d做武漢肺炎儲備糧食， 真係一流 除咗食正餐之外，甜品都可以儲糧， 真係不得了我放落雪格，隔多兩日先食， 拎出嚟已經唔係冰，放響煲度煲佢10 分鐘就食得， 一打開， 香噴噴嘅紅豆沙， 真係正佢嘅紅豆沙有好香嘅陳皮味，紅豆沙又好綿， 但係又有d粒粒好淋嘅紅豆，好好食佢都幾大包，真係夠兩三個人，食完飯做飯後甜品。 但係我呢d獨食嘅， 係唔會分俾人食架..... 有時獨食就會食到好飽， 食飽就瞓， 啱晒呢d港豬嘅生活

油塘呢個山漠，去親都好難諗食咩，有入介紹呢間小食店唔錯，所以一試叫左蝦子撈麵、炸雞扒米粉、金盤同埋一份細既白魚蛋最正係金盤，即係炸物拼盤，炸魚蛋令人一試難忘，未食過呢種，炸粉不會太厚，魚蛋即使炸完仲係彈牙既，真係非常難得！蝦子撈麵好有新鮮感，廿幾蚊大大兜，好抵食炸雞扒米粉的雞扒size今人驚訝，比手掌還要大，完全唔似廿幾蚊貨仔既野店内的食物大部分都係即叫即炸，所以需要少小等候時間，但性價比完全係物超所值！

呢間小食譜我成日都幫襯，老闆同老闆娘見熟客間唔中仲會請我食野添，超級有人情味！朝早最鍾意就係食佢個細鱈魚粥， $16搞掂一餐，最鍾意係佢完全冇味精，食完之後個肚同喉嚨都好舒服。係街食粥可以咁真係好難得！🥰🥰🥰炸野係新鮮即炸架！間唔中當獎勵吓自己食邪惡少少，今日就揀咗炸魚旦。拎係手已經好香好想即刻攞返屋企食！所以要等一陣，唔想等可以打定電話落單再落嚟攞都得。佢啲米粉都係超級推薦啊，一樣完全冇味精🐽🐽

上次叫團購， 食完個白滑爽彈嘅白魚蛋之後， 今次要試佢嘅鴨翅~我之前一路放冰櫃冰住， 係早兩日放返落下隔雪住解凍~ 食之前就煲返，滾返熱嚟食~ 好方便呀！呢一年武漢肺炎都少咗出街， 呢間林昌記d嘢可以冰住， 做儲糧， 唔駛成日食公仔面~ 食鴨翅， 真係好豐富~ 熱咗成包翅之後， 一剪開個袋就已經香氣撲鼻， 好香嘅鴨味， 好正！！！！ 倒出嚟勁多料呀，佢唔係d碗仔翅咁一pat芡汁咁， 佢頂多係羹咁，佢嘅杰係因為入面勁多料， 多到痴線， 食完勁飽， 又大碗， 真係好抵食呀 每一啖都係料， 當然有鴨絲啦， 仲有素翅，粉絲， 冬菇絲，木耳，果皮味， 花膠---係， 真係有花膠，雖然唔太多， 但係都真係唔少，好淋， 好有膠質~ 食完即刻靚咗. 我買嗰陣仲以為係鴨肉碗仔翅， 點知係咁多料嘅鴨肉羹， 超級飽，勁抵食，又好食！！！下次再買

話說呢間林昌記自己做團購，唔駛去油塘拎， 緊係要試吓啦自從中國武漢肺炎爆發已嚟， 大家都出少咗街， 真係多咗響屋企煮嘢食，佢d白魚蛋可以雪冰櫃做儲糧， 買定d響屋企都好。。。。 遲d又travel bubble, 又係咁放免檢嘅人嚟， 真係想唔爆第四波都難呀。。。。 垃圾正苦真係想d香港人死晒先安樂我之前未試過呢間，但係聽friend講都幾好食， 買返嚟煮面都唔錯~ 佢粒粒都好雪白， 一包有16 粒~ 最surprise係發現原來佢唔係made in china架~ 係馬來西亞做~ 我倒咗8 粒落去煮面， 諗住好多粒啦。。。。 點知，好食到停唔到口， 我係咁食， 食晒8 粒都仲未夠喉。。。 下次落多d先粒魚蛋真係爽滑彈牙， 好好食~ 我仲買咗佢嘅鴨翅， 紅豆沙同海鮮角， 過幾日煮埋再寫食評

這天與朋友到鯉魚門看日落，四時多有點肚餓，特意去鯉魚門街市裏的「林昌記辰昌小食」買魚蛋。以往我常在尖東和旺角買林昌記，但未吃過油塘店。林昌記各個分店已結業，聽說尖東店和油塘店已分家，原因未知。既然來到油塘，我當然要去拜會這家小食吧！「林昌記辰昌小食」位於領展旗下的鯉魚門街市，未進街市熟食部已人頭踴踴，我倒是這天才驚覺油塘有這麼多人。這天小食店由幾位有禮貌的年輕人幫忙，我叫了黃金魚蛋及辣白魚蛋。店員包裝十分有心思，用有蓋的膠盒裝白魚蛋，用發泡膠沒蓋裝不能焗的黃金魚蛋。當然，最好是自備盒，只是這天忘了。黃金魚蛋可選泰式辣醬和千島醬，我一故選了千島醬。起初我接過魚蛋，發現千島醬並不多，於是請店員加多一點。店員立刻答應，沒半點推搪。其後我才發現，千島醬也下得不少。我喜歡吃魚蛋的爽口和帶一點點魚味，結實的陳皮魚蛋非我喜歡口味。這家白魚蛋十分爽口彈牙，不是那種粉粉的，完全是我喜歡的。自家辣醬亦是我的心頭好，我喜歡辣椒料香多於辣。每咬一口魚蛋，除了吃到魚蛋味，就是辣椒料的香味，辣味只淡淡的跟隨其後。由於未能選擇吃白魚蛋還是黃金魚蛋，於是我叫了兩樣。當我去到日落處，黃金魚蛋已冷掉了，但用脆粉炸過黃金魚

林昌記嘅魚蛋有幾出名，唔使我多講，老闆早前喺油塘街市開咗間令和小食，繼續賣魚蛋燒賣等街頭小食，據聞最近已經改咗名做林昌記辰昌小食。喺藍到發黑嘅油塘開黃店，剩係呢一份勇氣已經值得支持。呢度嘅皇牌當然係魚蛋，據稱係用優質海魚製造，每粒魚蛋含魚成份超過 98%，真係唔講得笑。試一啖，果然真材實料：魚蛋有魚味但唔腥，肉質爽滑超彈牙，唔會硬掘掘成舊粉咁，好正。再試埋海鮮燒賣，據稱每粒燒賣含海魚，八爪魚同墨魚，味道同口感同一般小食檔嘅燒賣好唔同，又係唔會硬掘掘成舊粉咁，仲有少少鮮甜嘅味道，唔錯。唯一要改善嘅係出食物嘅程序，感覺上唔太流暢，所以雖然排隊嘅人唔算多，但係等嘅時間比想像中長😂。