林記點心

营业中

休息中

上星期同女朋友黎呢間飲早茶:排骨飯: 好細碗,d排骨唔夠淋,最致命係唔夠熱,無o左蒸飯應該熱辣辣o既感覺鳳爪: 幾好,幾入味蝦餃: 不過不失,$7 算幾抵燒賣: 麻麻地糯米雞: 都幾大件,但無咩料,淋o左d, 唔算十分好食至於環境就真係唔係幾掂,又窄又多人,個地下好濕。兩個人食o左$60,我覺得咁o既食物同環境又唔係好抵囉,係平過去酒樓食茶囉...

自己住大埔,又勁鐘意飲茶,見到林記點心咁多捧場客,星期日嗰日去完樓上圖書館,咪去買外賣點心試下囉。 嗰度地方細細,都有成十多款點心同盅頭飯賣。我見到個menu啲點心嘅價錢好低,比酒樓平成截,燒賣6蚊咋,而蝦餃都竟然只係7蚊,嘩!cheap cheap地嘅酒樓都要賣15.16蚊啦,所有嗰陣時實在有少少執到寶呢感覺! 見到咁平,即刻買0左一客燒賣同埋一客蝦餃外賣。上到車試下之後,就感覺一般。當然,咁嘅價錢,我唔期望喜出望外,但係啲蝦餃又真係好鬼細粒,同叮叮嗰啲'鮮蝦'蝦餃嘅size無咩分別,味道一般。 至於燒賣,事先聲明入面係無蝦ga,得豬肉。我覺得啲豬肉有啲有啲硬,唔夠林。 所以,今次都唔係咁算係執到寶囉!!

星期天特地去吃了這裡的點心價錢便宜蝦餃$7燒賣$6鳳爪$6魚翅餃$6其中我認為魚翅餃最好味現在外面的酒樓很少見到了其他品質OK這樣的價位也不能要求太高走了時候買多2隻糯米雞回家宵夜估唔到最好吃的竟然是外帶大大隻都係$10下次還要去買!!!

今日12:30pm本想一心試下食評咁多人都讚既點心,但實在失望而回. 好彩抱著嘗試心態,先叫幾個點心初嘗,吃過後已没有re-order的需要.成個lunch都不超過十五分鐘即刻埋單走人.-排骨飯($11):並非所講咁好吃,排骨ok但好細件,飯帶點硬,份量好細,收$11只得一碗白飯咁多,仲細個屋企隻飯碗,上面仲要鋪埋排骨,你話仲有幾多飯吃.一句講晒唔抵食.-蝦餃($7):一籠4件,細細粒,入口微暖唔熱(佢仲係第一個點心即試都唔熱),無鮮蝦味同香味,入口好淡,好普通的點心,以這個價錢可以吃到叫"蝦餃"的食物,只能勉強接受.-燒賣($6):完全唔掂,燒賣都係唔熱,無豬肉味又無蝦味,最閉係食到有"油嗌味",完全唔好食.如需茗茶,每位收費$2.之後就到隔離另一間點心舖"釗記",外賣一個鳳爪排骨飯吃,飯又夠軟份量又多,人地都係賣$12元.

晨早要比賽，比之前的途程長一點，吃一點東西較好。六時許人已在大埔，依稀吃得這裡開很早的，就上來碰運氣，果然已有不少人在吃點心，就跟幾位跑友坐下吃點東西。開了壺普洱，大家自己叫喜歡吃的，蝦餃、燒賣、排骨、糯米雞，我不理三七廿一，叫個大包來才算。大包新鮮熱辣，大大個。外皮微甜又鬆軟，很對辨。內裡除了雞球及臘腸，還有不少的碎肉，活像一個大的鮮肉包，味道也不錯的。吃畢大包，喝口普洱，說不出的滿足，令自己有能量應戰。茶錢一蚊，點心很多也是十蚊樓下，非常之經濟抵食。

又一個週六下午, 到了林記. 差不多二時來到, 先叫了三樣點心: 奶黃包, 排骨飯同蝦餃, 點知跟住已經樣樣都賣光. 只加了燒賣同魚翅餃.排骨飯: 9分, 最出色的一樣, 不算很大碗, 但排骨都不少, 肥瘦適中. 蒸飯新鮮熱辣, 撈埋些少豉汁, 一流.奶黃包: 7分, 奶黃包的粉似乎多了點. 奶黃味不算好甜, 不是太吸引.蝦餃: 9分, 六蚊的蝦餃真是很經濟, 但蝦肉都幾新鮮, 是很超值.魚翅餃: 8分, 比蝦餃差點點, 始終魚翅餃的餡料無蝦餃這麼吸引.燒賣: 8分, 豬肉大大粒但又唔覺好肥, 不俗.相當便宜的點心, 味道又好, 抵食. 真叫人大開眼界.

朋友話這裡的點心很出色，看食評又真係幾好，便約了朋友一起來試試。我們叫了很多點心，包括：春蛋燒賣、排骨飯、八珍糯米雞、鮮蝦餃、干蒸燒賣、豉汁鳳爪、雞扎、潮州粉粿和魚翅餃。春蛋燒賣- 懷舊的美食，雖然唔健康，但真係幾好食，間中食一次都無所謂。排骨飯- 豉油味幾香，排骨也蒸得好入味，飯的軟硬度也很適中，細細碗，一個人食一碗也沒有問題。八珍糯米雞- 糯米煙煙韌韌，很有口感，餡內的雞肉新鮮又好味，也值得一試。鮮蝦餃- 皮薄餡靚，蝦肉新鮮，都算好食。潮州粉粿- 雖然皮厚，但味道幾好。魚翅餃- 餡靚肉質鮮嫩，出色的好食，實在不可不試。大部份點心也很出色，而且價錢超平，在這熟食中心內，這間食店可能係最出色的。

一向鍾情這種傳統中式點心檔，自助式，前舖後廚，點心快賣光，後面廚房即做即蒸，加上一壺不俗的普洱，夫復何求！是日在工業村辦完正事後，中午當然在這帶落腳，林記是一直想拜訪的食肆，今日一會果然非凡；其他不說，只是這個十一大圓的碗裝排骨飯，有齊傳統中式排骨飯應有的，多點不是少樣不夠，不加醬油都已經可以，舉碗一盡，相當痛快！雞扎牛肉雖然不錯，但亦無疑是點綴一下，況且每碟只承惠六大圓，綠葉又好，陪襯又好，相當值得。這裡紙包裝外賣的排骨飯是地地道道老香港的做法，油臘紙加雞皮紙袋，能再遇見可算緣份。如果一：屋企附近如有這種老店，絕對三朝兩日到來幫襯；如果二：若地方改為圍村外面，鳥語花香，天堂是也！

那邊廂, 男朋友在林記買來一碗排骨蒸飯, 以及燒賣一籠。排骨飯照樣用腸粉紙包好, 是十分聰明, 環保的做法。排骨的汁滲入飯中, 使軟硬適中的飯變得百吃不厭。可圈可點的是飯的份量真的十分迷你, 當小食吃就差不多。而燒賣只用普通的透明膠兜裝好, 淋上豉油, 無甚睇頭。係個人口味問題, 唔係林記做得唔好。

飯夠乾身、排骨夠味。加少少豉油，正！(Too much soya sauce will spoil the whole thing)

一念天堂,一念地獄之雲吞麵過後,施施然過對面的林記點心,來個一盅兩件扮阿伯.選擇幾多,$6一籠點心起錶,見到有鵪春蛋燒賣,大喜.再來個盅頭飯,排骨飯同牛肉飯,揀左後者.鵪春蛋點講都正.加埋豬肉一口吃,簡直同膽固醇作對,怕咩?食左先算.牛肉飯個蒸飯就比較淋左少少,有點過熟.蒸飯之最高境界,莫過粒粒骨挺,直豎拇指般.質感岩岩好,不過軟不過硬.當然就係要有飯香.撈埋濃凋的醬油吃,事後包你當日工作順利,精神爽利.忽然覺得,老麥果個早餐廣告,應該只能呃下小朋友.講回主角牛肉,肉味也很濃,沒有山竹牛肉般粗糙.吃得出應該無添加.可惜,沒有生雞蛋在面,有點失色.吃清光,再過塘.

踩完單車食晚飯，經過大埔市政大廈，被其酒店般的外觀吸引，來熟食中心搵食。四個人都想食晚飯小菜，於是來到最右手邊呢間，叫「香川強記」，點了以下小菜1)豉椒炒蜆用鍋上，想俾人感覺有鑊氣，不過跟普通碟上的沒有分別。壞死的不算多，肉也不算大，不過味道不錯。2)菠蘿咕嚕肉酸酸甜甜，最好用來送飯。3)西蘭花鮮魷沒有鑊氣，但依然夾唔停手，皆因全晚惟一有菜的東西，友人特愛葷食，沒有辦法！4)XO醬海鮮豆腐煲豆腐同魷魚，可惜食唔到太多XO醬。以熟食中心來說，環境相當不錯，整齊清潔，又有空調，不過固定的檯凳的設計非常差，兩者距離很窄，政府的失敗也。

一朝早同朋友黎熟食街市食野...黎親呢度經過都人頭湧湧..所以今次黎try下d點心...d點心唔算太多款...最貴都係排骨飯咋~~11蚊~~其他6, 7蚊有交易...唔易搵位呢...1坐低...即係食排骨飯..雞球大包..燒賣..蝦餃...牛肉....叫左大約7碟..到啦~~連埋茶..都係70蚊有找....好食過酒樓呢~~而且都好熱鬧..不過唔好諗住坐得好舒服..話晒街市啦~~^^

嘩! 排骨飯真係好得手! (好似)只賣排骨蒸飯同其他點心, 問佢有冇其他飯一定係冇架喎, 細細碗賣11蚊, 外賣仲係用腸粉紙包起d飯架咋! 又環保又有風味, 反正大家都係o係熟食中心的第二檔食緊其他野。講返有幾好先, 排骨飯入口飯香十足, 第二檔係食唔到咁滋味的排骨飯的。特地入來食就誇d, 但係, 大埔本土人不試就真係可惜。

I tried the 排骨飯2 years ago when the market was not yet rebuild. It is wonderful to eat this again in the new complex. 排骨、飯、豉油are matched perfectly that I can eat 2 bowls each time. ($11 each)