林香檸手打檸檬茶 (豉油街)

营业中

休息中

近排呢啲手打檸檬茶開到成行成市，我有同事力讚好正，茶膽飲落好爽；亦有Feedback話冇大陸整得咁正宗🤔。講到咁正，早兩日終於去咗旺角間林香檸朝聖吓。下晝時間又唔係真係話咁多人，同埋隔離嗰間打對台都分散咗嘅客流。見Menu選擇多嘅，檸檬茶都有好多口味變化，我就揀咗🍑白桃檸檬茶$29。冇得揀小冰呢樣嘢，有啲可惜亦都係一個缺點。啲冰都真係偏多🧊，天氣涼涼地，飲飲吓會覺得好凍…🥶講吓味道先，白桃味係比檸檬蓋過咗，都唔係好出飲得出有落咗白桃😅，關唔關嗌咗半糖事呢？ 啲檸檬打得好出味，嗌咗半糖都算係偏甜同茶膽都幾濃。下次再幫襯，我諗會嗌三分甜喇🍬💁🏻‍♀️

最近興起手打檸檬茶，終於唔使喺茶餐廳入邊係咁篤係咁篤杯檸茶先至有味😂覺得手打檸檬茶簡直係夏天恩物，但係冰嘅份量略多🥹味道Perfect但講真唔係好夠飲，如果會推出更大杯嘅份量就好啦

喺夏日炎炎既香港，尤其是喺人多濟逼既旺角街頭，喝到一杯手打💩🦆檸檬茶，真係好消暑，爽yy飲過幾間手打檸檬茶店，林香檸係其中之一我覺得最好味而又會再幫襯既🦆💩🍋係我最常揀既，很推薦香水🍋真的很香，喝完口水會彌漫着一股香氣

同同事係公司講起天氣好乾燥，口都乾乾的，一齊外賣叫杯野飲下。搵到公司附近有依間林香檸檸檬茶。白桃檸檬茶+愛玉我一向都好鍾意白桃味嘅產品，真心同普通茶餐廳嘅凍檸茶係唔同嘅，佢嘅檸檬渣係打哂出黎，香中係帶少少澀，茶底亦都做得唔錯，至於桃味唔會搶咗檸檬茶嘅味，陣陣果香咁，我今次叫左五分甜，覺得下次可以試七分甜；而愛玉份量就比想像中好少。苦瓜檸檬茶+愛玉同事依杯飲落去勁Fresh嘅草青味，細味下發現係香茅味來，反而苦瓜味不重，佢叫左三分甜，個人嫌佢唔夠甜，可試五分。

上星期入錯鋪頭買錯鴨屎香檸檬茶，深深買了一個教訓之後，post左上小紅書之後引來激烈的討論🤪誰家是最好飲❓那款最好飲❓連糖份都有深入研究！今日決左彌補上一次飲唔到嘅遺憾同實測林香檸香港出品的味道🫢🍹鴨屎綠檸檬香7分糖少冰，是熟悉的感覺💛濃郁茶香同夠酸既檸檬汁！雖然店員表示固定冰量，但都幫我remark少冰😊係愛呀～店外安排兩張長凳方便客人坐低等候💗大家去買要望清楚門口！唔好入錯買錯💛

有d失望，平時見咁多人排隊，於是乘禮拜日運動完去飲一杯。就結果而言，我叫咗少冰，結果大半杯都係冰。味道還算ok，但係唔值得排二十幾分鐘隊。平均一杯要等一分鐘，有些慢。飲落去完全冇茶味，就純粹青檸味加糖水味。雖然唔係叫鴨屎香，但又有少少鴨屎香嘅味道。杯野用黎解渴幾好，比較澀，但係過於凍，希望下次叫少冰真係可以比少d冰。總結：可以試一次，鴨屎香嘅味道都幾特別，缺點就係多冰少茶味，或者有d人喜歡，我自己就唔會再去。

林香檸真的是味道極佳的手打檸檬茶，首先佢哋每杯檸檬茶都係用人手去打，之後，啲檸檬打到好出檸檬味，但係又唔會太酸。而且，林香檸有好多唔同嘅茶底任君選擇，啲茶底又濃郁又夠茶味。咁靚嘅茶底加埋咁好嘅檸檬，真係配合得天衣無縫。佢除咗有手打檸檬茶之外。仲有好多唔同嘅查飲，好似有奶茶，不過佢哋主打都係檸檬茶，所以其他嗰啲副產品，我就冇去試到啦。仲有一個好貼心嘅位置，就係佢哋門口放咗兩張凳，因為排隊嘅人真係太多，有凳坐下會好好多。

見食完飯8:00冇人等，就滿心歡喜試吓買杯招牌手打檸檬茶。原來冇得走甜最少都要3分甜，叫左小冰試吓，飲落味道係幾清新解渴，但係完全冇檸檬嘅酸味，飲咗兩啖就冇，剩返成杯都係大粒冰，冇諗過小冰會變咗增多冰🙁

雨神介紹話好飲叫我哋試吓，於是就試下，其實都唔多人點，咪試下囉！🍋林香檸渣男手打檸檬茶 $30呢次係第1次係香港飲，都滿心期待，點知茶味一般，香水檸檬唔夠香，好失望💔完全係「丘大叔」香港版2.0🥹同期望有落差～ 完～但早幾日同thaiholic飲到杯正嘢🍋下回分解～～如果大家中意俾個like支持下🤟🏽 𝗖𝗶𝗮𝗼🍋林香檸手打檸檬茶 (旺角)🍋旺角豉油街21B號昌記大廈地下A2號舖..

根本全部都係冰！飲都飲唔到😢😢近排好興「爆檸檸檬🍋茶」，旺角更加開多左好間呢類手搖店！見呢間好多後生靚仔，靚女幫襯！咁我都忍唔住幫襯，叫左 皇牌焦點嘅 手打檸檬茶🍋入面細細鋪位，連收銀有8位員工，出飲品都幾快，5分鐘就有 拎到杯野啦～都幾大杯，有啲期待！飲落第一啖,,,,,再飲第二啖,,,, 同「茶記檸檬茶無咩分別」，只係「多左少少🤏青檸味」唔緊要啦～ $28蚊/杯～ 繼續飲,,,,, 點解啜極都啜唔到既,,,,,飲筒咁粗啜極都係啜到半啖😱 ,,,,拎開紙杯硬卡睇一睇！明白了！杯入面全部都係粗粒冰塊🧊同好多細細舊青檸！ 根本就無乜檸檬茶🍋就算sale夏天一飲就會好爽！但根本就飲唔到！啜到半啖半啖，嘥鬼氣！間鋪仲要講明 （冰塊同甜度比例經過悉心調配，如有需要調節可能會影響口感/味道的喔）睇完呢個我仲嬲！你既悉心調配就係咁樣？D冰好平咩？我寧願你俾無味水都唔想你俾咁多冰！！！根本就飲唔到！一世BlackList😡

每杯都有幾舊大大舊嘅香水檸檬，睇住啲店員出盡力咁錘打啲檸檬🍋真係辛苦哂佢哋。🔸 招牌手打檸檬茶(💰28)🔸 渣男手打檸檬茶(💰30)我哋叫咗三分甜，健康啲嘛無咁甜，檸檬味會勁啲。不過如果要好飲啲，就應該叫五分甜。兩款檸檬茶都好味，茶底幾濃，不過渣男個茶底就好飲啲，但渣男唔知點解細杯啲喎。檸檬酸真係各花入各眼，我就好鐘意呢啲酸may may嘅飲品啦，睇黎我之後喜歡會成日飲林香檸啦✌🏻Overall評分: 8.5/10🍋

最近香港開咗好多手打檸檬茶專門店，熱度直迫手搖奶茶🤣 所以呢晚睇完戲都唔執輸走咗去買一杯試吓-鴨屎香手打檸檬茶 $32見到個名咁得意 所以就叫咗佢嚟試吓 其實鴨屎香嘅意思其實係講緊佢哋嘅特色茶葉 飲落果然係真係有少少唔同 佢嘅茶味都幾香濃 有一陣特殊嘅香氣 有少少好似香茅嘅味道 移除嘅檸檬係用咗香水檸檬 所以嗰個香味會更加出 因為想試真啲個茶底同檸檬 所以我哋揀咗三分糖 不過其實都夠甜 -雖然個茶底好特別，而且佢哋聲稱真係人手打嘅檸檬 不過要賣成$32嘅一杯檸檬茶 抵唔抵就真係見仁見智啦-📍林香檸手打檸檬茶 (旺角)旺角豉油街21B號昌記大廈地下A2號舖

而家市面上越嚟越多檸檬茶舖，作為檸檬茶控的我，有不同檸檬茶試吓真係好開心，檸檬茶有勁多款式，如果有選擇困難症就大鑊！🍹招牌手打檸檬茶自己製作嘅紅茶底🐤鴨屎香檸檬茶茶底偏向烏龍茶🙆‍♂️渣男檸檬茶味道類似招牌，但係會更加濃郁，所以會更加細杯。🙇‍♂️原諒檸檬茶本身加咗綠茶底，啱晒啲喜歡甜嘅朋友。第一次飲一定要飲招牌，冰無得減，甜到可以選10分5分3分，杯飲品都算足料，入面都有幾片香水檸檬，亦食得出有少少果肉喺入面，但係茶底偏淡，充滿香水檸檬嘅香，但係掩蓋了紅茶的香氣，不過亦冇無苦澀味，証明茶膽唔會擺得太耐，擺到過晒龍！下次可能渣男比較適合我🤣另外希望可以有得選擇減🧊冰🙏🏻Ps: 搖勻先好飲-

新鮮即叫即整既手打檸檬茶🥳今日同同事食完午餐，想飲d清新既野飲，就去左買林香檸❤️我叫左個鴨屎香檸檬茶 3分甜同事就叫左招牌手打檸檬茶3分甜（2款分別據說是茶底不同）只能夠選擇糖度，冰量固定左既😝因為係即打，所以檸檬好新鮮，唔會乾哂身咁，好似仲有加埋西檸一起打，就更加香☺️☺️唔知店家係咪有撩走d核先，所以並沒有出現因為打爆粒核而有既苦澀味☺️推薦！雖然午飯時間都有唔少人幫襯，但係店員好快手，我地等左陣就有得攞

今日約咗朋友去旺角shopping, 經過見到有間100%手打檸檬茶飲品店，即刻去買返杯黎試吓。我哋叫咗二杯檸檬茶，都係店舖主打推介。下午時段都幾多人排隊買，落單之後要等一等。招牌手打檸檬茶 3 分甜茶底唔算好濃，檸檬用青檸檬，要了3分甜比較清淡，檸檬清香突出，飲落沒有澀味，味道清新鴨屎香檸檬茶鴨屎香係烏龍茶底，茶底比招牌檸檬茶底香濃，檸檬香味加上鴨屎香茶底，飲落味道好特別，酸甜度剛剛好，二者非常配合手打檸檬茶味道不錯，冰凍消暑，經過可以一試