柳氏家 (已結業)

玩了一整日，肚子開始餓了。在不同餐廳的引誘下，決定試試柳氏家。1.招牌鐵板雞2人套餐(5折)柳氏家辣炒雞$472.烤牛肉炒飯配樂天韓國檸七$43.5晚飯只能在旁邊荃灣大會堂的公園外，除了有怡人的風光外，還有美食相伴。先嚐嚐柳氏家辣炒雞，很開胃的，辣辣地，材料有韓國年糕，泡菜，拿來送飯是非常合適的。另外，全部也是即叫即烹的，可憐那個店員，平時是顧客弄的，現時是要親自烹調。另外也點了烤牛肉炒飯，雖然賣相不精美，飯也似乎沒有炒過的，但整體來說也是美味的，配合少量泡菜，瓜類，整體感覺不俗。希望快點開返晚市禁堂食，不要委屈我的女朋友。日期：2021.1.24

千揀萬揀黎左食韓國炒雞，本身以為係好惹味既，但唔係果回事囉。朋友唔食辣，個炒雞冇左辣就好似乜味都冇咁，睇相都覺得冇味。後尾食完雞加水打邊爐，都係烚下芝士睇、魚餅，真係好鬼普通。

我嗌左任食嗰個，食個雞已經食到好飽冇轉火鍋。食物嘅選擇都好多，嘢飲就比較少選擇，但係佢某啲嘢飲係水果味嘅，都唔錯！之前飲過嘅係海帶湯，今次飲嗰個係人蔘雞湯，好Jeng!服務態度都OK嘅。價錢都算平。 鍾意食雞嘅人可以去試吓！

服務真係差到冇野好講 一開始因為疫情 三個人要分兩張枱 同佢講好咗邊張枱要邊兩set口味 結果一坐低 四隻口味同要嘅配菜全部搞亂哂 二人果張枱爭係上一人份 一人枱上二人份 好聲好氣同佢講 佢個語氣完全係「咁你想點」完全唔Q想理 態度極差 而兩張枱其實隔咗塊板 夾嚟夾去都超麻煩 如果一開始就肯同我地換好 就唔使咁煩 啲服務完全典型嘅方便自己麻煩人地 其實好耐之前有幫襯過 嗰陣時嘅服務態度都幾好 但係而家就真係一言難盡 希望大家嚟之前到考慮吓 費事俾錢受氣

🇰🇷柳氏家這陣子的食評可能會比較少，這要感謝香港政府的抗疫政策，晚上6點後就禁了堂食..讓大家都過了一個很沒儀式感的2020年聖誕節🌚🐔柳氏家辣炒雞。帶回家系列會介紹這個是因為CP值實在太高了，這個兩人份的韓國炒雞在做半價！！這口味偏辣，裡面有三款年糕，一款是常見的另外兩款是有餡的（起司&紫薯），雞是用雞排肉不會太柴，然後還有很多椰菜跟大蔥。我是不吃飯的情況下勉強可以吃完整盤，如果喜歡配飯的也有午餐可以選擇哦~💲Hkd 94 >> 47 !!!!!🏡香港荃灣大壩街4-30號荃灣廣場3樓350-352號舖🕧11：30 - 23：00

第一次試炒雞肉放題我地揀左雙併炒雞（每位$198）加燒肉，包自助區生食物和任飲進食時間為入坐起計1時30分鐘第一盤要左蜜糖味，跟飯同年糕但我覺得太甜，唔鍾意蜜糖味第二盤叫左柳氏辣雞味，今次走飯明顯辣味比蜜糖味開胃好多。呢盤好食好多。其實食到第二盤已經好飽同時間得返唔多。所以裝起左碟雞再開燒海鮮同肉，再同時換爐燒肉，係燒肉期間再食第二盤雞。全部野有食落肚冇浪費。個火其實太勁，燒起肉時好易燶。時間太少全程根本趕頭趕命咁食多20分鐘會好好多但要賺店員好主動服務，唔只係黎炒雞仲會關心有咩需要幫手

今日打8號風球，見到外面無咩風就落荃灣搵野食，估唔到都幾多人，見到柳氏家有開，咁我就決定再試下，下午茶時間每位$59，連加一就60幾蚊一位，好抵食，唔包任食海鮮肉類，只包一份雞肉炒飯或炒麵，任食前菜，甜品及任飲，之前試過佢地任食，雖然係好多嘢食，但係因為我哋只有兩個人，其實食完一個主菜之後，都已經有八成飽。今次我跟我老婆就試吓烤肉辣雞炒麵，侍應都好細心幫我哋炒，今次我覺得雞肉比較啦，之前試過蜜糖及柳氏家炒雞都唔錯，今次我就覺得辣咗啲，至於泡菜，甜品味道都好味，埋單最後$129，兩個人勁抵食，下午茶時間是2:30開始，下次會再戰

認真除左N年前幾歲時跟父母食過當時好流行嘅韓式燒烤後（即係有得燒腸仔同午餐肉嘅），真係未再響香港食過韓式燒肉 （韓國就有，不過係主打牛肉嘅）。嗰日行行下荃灣商場連環陣時，個朋友突然抽起條筋話想食燒肉，不過未夠六點，行哂啲商場又搵又剩，嗰啲牛X系列日式燒肉店唔係門口企左幾廿人等位，就係派飛派到八點半⋯⋯話說我起身到現時為止只係飲過幾滴刷牙水，餓到不得了，真係未必有命等到有位，用個商場APP搵下，見到柳氏家又係有得燒肉，又有好近叫號嘅飛派，即刻線上拎飛衝過去食。一去到即刻有得入座，不過先要響門口好似問答遊戲咁答哂所有問題先：時限九十分鐘。要咩口味嘅炒雞？要唔要加豬肉海鮮？要唔要加芝士？要炒飯定炒麵？要唔要任飲啤酒⋯⋯帶位領我地入到最入嘅窗口位，行經其他枱時都有啲未入座，可能仲響門口等緊啩。窗口位二人座唔錯喎，又近自助吧，雖然荃灣街景都並不是什麼美景，但係自成一角都幾好。今次又做咗次大鄉里，未食過炒雞／燒肉真係唔知佢啲 ritual係點。周圍睇下自助吧有咩食。咦有我最鐘意嘅醃小黄瓜同泡菜，同埋可以拎生菜黎包住啲肉食。（韓國菜其中一樣好嘅，就係好多機會食到菜，同埋發酵過嘅泡菜，對腸道健康非常唔

朋友請食生日飯，我揀咗一間未試過既韓式炒雞肉放題，入坐起計1時30分鐘進食，我地揀左雙併炒雞（每位$158）包自助區生食物和任飲，雙併雞肉當中，揀了一款甜味、另一款辣味雞肉（有椰菜和年糕伴送）第一盤雞肉會加送韓國公仔麵一個、生雞蛋一隻。炒雞要預10-15分鐘時間，因此我地共花了20-25分鐘炒兩盤雞肉，剩下來時間，我地取了其他肉類燒烤，肉類選擇雖然不太豐富，但最好味的是牛仔骨，反而海鮮類-蝦、元貝是冇味的，有些失望，有汽水、果汁等任飲，又有雪糕機任載，連埋加一人均$180都可以接受，但時限上最好是2小時，便不會咁趕頭趕命食。

生日🎂，朋友請食柳氏家，每年食1次，食足3年，今次係蜜糖雞同燒烤雞，炒完用生菜包雞食，好好味，食2轉2人份量既麵、雞、菜已食唔曬，好彩無叫燒肉，仲有雪糕、飲品、水冷麵、黃蘿蔔。職員服務態度好，有禮貌。由於本身唔食韓國野，佢係我少數會食既韓國餐廳！

小弟一直都唔係10分喜歡韓國菜，因為始終價錢唔係平又唔係話特別多肉食。但呢間係牛角旗下嘅餐廳有下午茶，折左之後平均一個套餐都只係$50多啲，相對上而言超級抵食。曾經設計環境都唔錯，有韓式設計風格，而且座位都幾闊落尤其是而家疫情，座位距離相對而言十分重要。配菜：由於價錢已經包括左沙律同飲品吧雪糕任食，所以唔使擔心唔夠飽問題。以前Tsoi亦都會包括左韓式冷麵泡菜等等。韓式冷麵味道不過不失但配料略少只有青瓜，醃泡菜相對上不是十分辣是比較甜的口味。由於小弟是食玉秀所以追加了豬肉和牛肉相對上而言份量幾多。得肉的質素不過不失始終是這個價錢嘛。但都尚算有肉味和肉汁。首先店員會幫你先炒蔬菜，炒熟之後再落肉同埋韓式公仔麵。而大家可以揀要啲咩醬汁，今次就揀咗柚子醬和原味。因為原味會有少少辣所以食落去都幾開胃，如果第一次食推介大家叫原味。雪糕：由於今次食沒有乳酪雪糕所以有一點失望只有原味雪糕，希望下一次食可以有乳酪雪糕啦。$200已經連埋加大豬肉和牛肉，而且而家牛角仲會唔會食滿$200送$50現金卷，所以基本上呢餐飯只係$150左右。

限聚令期間，都想同朋友聚一聚就係lunch時段去左柳氏家啦之前都已經食過兩次但次次都唔記得影相今次終於記得啦一入到去都會量體溫既 仲會派個紙既口罩袋我地揀左個柚子炒雞普普通通，酸酸甜甜 ，但個感覺唔夠韓都係麻麻地韓式都係甜辣甜辣都正食完辣雞之後就會換盤就可以開始燒野啦次次燒都好易燶 haha 可能我都冇咩煮野天份侍應都成日過黎幫我地換紙 麻煩曬材料質素正常，最中意就係燒翠肉瓜同菠蘿🍍 正呀以呢個價錢黎講 不過不失想食韓燒都會再黎 但辣雞會叫番傳統韓式辣雞lu

第一次試韓式炒雞加埋BBQ 海鮮和肉類海鮮。先來蜜糖炒雞柳，甜得嚟惹味唔辣，除有指示牌，阿姐教埋你點炒。之後BBQ取海鮮有蝦和帶子和牛肉。另有湯，汽水，雪糕自取。又炒又燒一個半小時其實唔係好夠。

見到呢排做緊優惠幾時過嚟試吓個下午茶放題，每人平均一百都唔使就食到個炒雞再加任食小食，小食包括左唔少韓國小食，有炸餃子，炒粉絲，年糕，蜜糖炸雞，薯角。仲有唔少小菜任食，都幾抵！

差到不得了 甘既價錢 建議大家如果唔想食到一肚氣真係唔好去 禮貌地問待應可唔可以幫忙炒雞 換來的只是 自己炒啦講真如果這樣嘅價錢在其他食店已經可以有多款食物的選擇 這間餐廳的服務比快餐店更差！ 食物質素非常一般 希望餐廳負責人能夠看到這篇食評然後改善