柳氏家 (已結業)

今日中午去左柳氏家中午任食鐵板炒雞，星期六比較貴。$138 ，我叫咗炒雞加爐邊燒。個爐邊燒幾好味，有唔同類型的肉，烤肉汁牛肉、五花肉、漢堡扒、煙肉、護心肉、雞翼、豬扒、午餐肉、仲有勁多勁多數唔晒.......依個就係鐵板炒雞～ 無限添加～配飯或者炒麵都好好味😋有四種唔同口味㗎，我揀咗招牌辣雞，有蒜蓉蜜糖嗰啲味道～ 正～～依啲就係配料，正～ 飲品亦都有好多種類，汽水、咖啡藍莓汁嗰啲都有，都幾高質大家下次得閒記得去試呀～

以前食呢間野都係以自助任食為主，最近見到佢唔單止有做外賣，仲要半價！於是就去左買盒睇下質素如何😈47蚊也太抵了吧order 完見到staff即場炒比你 所以你會見到同現場食嘅量係無乜分別！咁炒都需時嘅，所以要等下😚拎到返去都仲係熱辣辣 我就無再加熱啦👻 味道上唔錯 裡面亦有唔少菜同年糕 份辣炒雞真係送飯一流🤤🤤🤤略嫌雞嘅份量唔夠多 不過現場食都係咁 ⭐送飯一流呀！返到屋企加碗白飯 加多小小送jeng😆性價比黎講絕對高

本來只想買外賣，已經同店員講咗話要買外賣，但佢不停叫飛入座，連續兩次叫我等，我足足等左15分鐘都未買到外賣。之後佢再叫入座，我問佢幾時先可以買外賣，佢再叫我等。態度非常差劣。我最終決定唔再幫襯佢。

見外賣半價 買咗四人柳氏家烤雞 拎到翻屋企 全部辣油流晒出嚟 個外賣盒真係整唔實嘅 買外賣返屋企嘅記得小心啲嘢食方面 話係四人份量 但係兩個人都食得晒 仲要唔飽 啲雞夾夾埋埋得二十幾舊 仲要係細細舊嗰啲 年糕都係10條以內 芝士年糕加埋先得兩條 點分比四個人食???😂😂😂其餘就得一堆蔥同埋菜 大約係小過堂食二人份量生菜$38 得十塊都冇 買嘅時候問過佢有幾多左右 但係佢冇答我 見佢都幾忙就冇理 點知返到屋企淨係夠自己一個人食總共一百幾蚊 唔係好貴 但唔好諗住可以有四人份量🤣🤣

今日中午時間，跟女朋友到荃灣行街，原先想食日本野既，但中途經過荃灣廣場，見到柳氏家，都好似幾抵食，我跟女朋友唔叫任食，最平只需要$49/人，有什麼包，包一個炒飯或韓國麵及前菜沙律，汽水及雪糕，雞有3款供選擇，我跟女朋友選左蜜糖炒雞，入到去大約有10個客人左右，我哋入去時間大約3:00 ，咁其實生意都正常，好快就有人擺低啲炒雞，教我地點炒，服務員講明如果唔想炒嘅話可以搵佢哋，咁我當然就立即搵佢哋啦，睇佢哋幫我炒緊嘅時候我自己出去搵嘢食，之前你食過佢哋就冇獨立包裝嘅，可能因為而家疫情底下佢哋就要獨立包裝啦咁我就攞咗泡菜同埋沙律返嚟，仲有大醬湯，味道都唔錯我係勁鍾意食韓國麵嘅人，所以我覺得好正，泡菜都唔錯，買單兩個人都唔需要$130好抵食，下次會再嚟。

以前我哋去過沙田嗰間分店幾次，可惜佢已經冇開， 今日過嚟荃灣見到有柳氏家就即刻嚟試我哋嚟到差唔多兩點半見到有下午茶有一個59蚊 一款雞 同埋69蚊 兩款雞 兩個嘅選擇， 跟住問reception佢話淨係得一本雞揀冇另外一款， 咁好啦唯有揀一款之前去沙田嗰度都會幫我哋炒埋，今次就要自己炒，都唔緊要，不過我見到隔離枱佢會幫佢炒 仲有你睇下佢哋隻杯係爛左都畀人用跟住我哋唔小心倒瀉杯嘢飲，個員工見到即刻走， 其實佢畀幾張紙巾或者畀條毛巾我哋就可以跟住埋單嘅時候都係 搵咗好耐先至有員工過嚟唔知係咪疫情影響，好似啲員工都冇心機返工咁， 每個崗位嘅員工都唔多理人 同之前好有活力嘅態度真係差勁遠

21-2-2019 (Fri),知道有警員(希望係黑警)感染咗武漢肺炎,咁高興,要慶祝一下,咁就同老公出街食飯啦.去邊喥食?都係荃灣吧,我哋嚟到荃灣廣場搵嘢食,睇到有呢間韓式炒雞,好似好吸引,咁就呢間.我哋揀咗每位$218.00嘅蜜糖味噌炒雞,要韓國拉麵,同加$20.00要芝士.安頓咗後,就可能出去攞嘢飲同其他嘢食.行咗一轉返嚟,蜜糖味噌炒雞,韓國拉麵,同芝士都到齊,侍應教完我老公點整後,老公就忙於處理,我就將攞嚟嘅嘢食,放喺鐵板嘅外圈上燒.其實大多數嘢食都冇調味,要靠佢嘅海鮮醬同燒肉汁,除咗辣嘢.而最好食嘅係紫薯年糕,老公都大讚好食.我哋食咗嘅有:2. 蔆蘿,唔甜都算,連蔆蘿味都超淡.3. 芝士雞柳???味道淡,但都ok.4.-5. 煙鴨胸, 煙肉來貨,正常冇問題6. – 8. 鮮蝦,帶子,墨魚卷冇調味,就靠自己啦.9. – 13. 芝士海鮮豆腐, 芝士金瓜餅, 鮮竹龍蝦卷, 鮮竹墨魚卷, 鮮竹八爪魚卷近乎唔知自己食咗咩嘢.14. 雞肉腸正常好味.15. 開邊雞翼冇乜味.16. 牛肋骨油脂夠17. 辣大腸有少少韌,一般.18. 講返蜜糖味噌炒雞, 芝士韓國拉麵雞肉多過麵,味道都淡淡.

去左沙田食唔到，就過來荃灣試下，叫左一個柳氏家族炒雞拼蜜糖炒雞，店員教左我地點炒，但佢都好熱心周不時過黎幫我地炒，服務幾好，同埋我自問自己炒都一定冇佢炒得咁好 lol 雞年夠滑同入味，基本上剩係食佢個炒雞都飽左，出面任食果d一樣都冇拎過。

星期日下午4點黎試一試韓國炒雞，第二位有半價，入去坐之前選擇要邊款雞，有唔辣ge味增蜜糖味或者炭烤味，小小辣ge燒烤味，中辣ge招牌辣雞。選擇咗燒烤味辣雞就埋位坐低，去自助區拎肉燒烤，自助區款式唔hea,有蝦同扇貝等等，返位有店員教你點炒辣雞，亦有圖指示方法，十分貼心。味道方面唔錯，算合格以上，肉質亦算好，配菜款式有六七款唔怕淨食肉好滯。跟餐可配飯做辣雞炒飯或炒韓國麵，飲唔選擇正路有檸檬茶汽水果汁，亦有自助雪糕機。這餐算止一止食炒辣雞癮，性價比算高。

韓國菜黎講，最中意食就係韓燒，有時去食韓燒店又淨係不停食到烤肉，今次比我發掘到一間可以一邊食到烤肉，一邊又食到炒雞既韓國菜餐廳。我地二個人叫左個炒雞+海鮮鐵板，唔同係韓國，會有丫嬸幫手炒埋，係呢間就要自己落手DIY,要自己炒，不過其實自己炒又幾過癮。另外值得提下既係，除左主菜有肉類同海鮮之外，佢呢度提供既配菜其實都唔少，岩晒我呢d一定要食蔬菜既人士。總括來說，是次晚餐都食得好愉快，炒雞都好好味，值得再去!

以前係韓國食過春川炒辣雞，一試定情，唯一既遺憾係當時女朋友唔比我食個圍住個爐既芝士，話d staff會係適當既時間果邊幫我地拎起，最後等到d芝士乾哂都未拎起d芝士。。。。。見到香港有得食韓式炒辣雞，就岩時間立即去試。我地食既係lunch任食。食物質素: 味道唔太辣，好好味，連埋半熔芝士一齊食超好食。之後出去拎d 生牛肉豬頸肉去再燒，亦好好味。唯一我覺得熟食一般，但因為熟食只係小配角，所以唔緊要。環境: 坐得好舒服，唔會食到成身汗，抽氣都唔錯。服務質素: 本身諗緊食唔食，但係門口個侍應不停推薦話好好味，又係咁讚靚仔靚女，最後都係比多少少錢試下。入面既staff都好有禮貌。總結: 有下次。

首先勁近勁好味一開頭店員會問你炒飯定麵我極度建議你揀麵因為我見到原來飯喺可以喺自助區自己炒辣雞好好味炒飯都好好味人唔多價錢又合理如果行過荃灣西又或者想食雞同炒飯嘅話一定要嚟呢度試下

店員話未食曬辣炒雞之前係吾可以拎燒肉住嘅，係等d雞熟嘅過程入面淨係有沙律食，不外乎個d粟米 番茄 生菜，冇其他熟食小食提供。食完第一盤之後我地再追加左一份炒雞，店員會先收走你個鐵板之後再拎一份生嘅新嘅雞肉，所以其實又係要等。對於只有100分鐘嘅時限黎講，個d等待嘅時間真係有d浪費。而食物方面，雞肉味道不過不失，正正常常，燒肉嘅調味都做得吾錯，不過選擇都係不多，所以我覺得如果人均加埋一要140幾蚊黎講 其實荃灣有更多cp值更高嘅選擇，不過讚一讚店員都會主動行埋黎幫你炒同埋見我着白色衫有主動提供圍裙比我

一直都未試過韓式炒雞 ,係男朋友不斷引誘下終於要一試 "柳氏家" 所以係前一晚就用app book位,今晚就一於兩個人去試下係咪真係咁吸引同咁好味先 7:30 去到 , 餐廳內都已經full 曬 好彩有book位如果唔係walk-in 應該都吾知要等幾耐了 ,今次就叫左"柳氏家辣炒雞" 正常年糕分量 無加芝士 叫左炒麵  好吸引啊 店員會先講解點樣炒雞喇 大概係每邊兩分鐘 然後反去另一邊兩分鐘 再炒多4分鐘 total 8分鐘後 店員會再過番嚟幫我炒炒麵 炒麵份量都多 一路望住就一路好想快啲食 8分鐘後 就變成咁了 味道都好惹味 好吸引啊 忍吾到不停食同食出面會有自助沙律吧 但小妹實在唔係太好沙律所以就只係拎左好多生菜 用嚟配肉食 配料方便都好充足 有肉類同海鮮類 同有蔬菜類 但蔬菜類忘記了影相 但係都有我最愛嘅秋葵 係食完炒雞加炒麵後 如果要食出面嘅自助吧食物就要通知店員 店員會幫我地換左個鑊 然後我地就可以慢慢食出面嘅野食 ,因為我吾太好肉類 所以大多都係食海鮮類同蔬菜類多餐廳送左兩塊護心肉比我地 , 味道係黑椒味 好match 同埋肉質好軟 最重要係唔韌啊嘛 最後 梗係要試埋佢個

星期六跟老公2人世界撐枱腳，在荃灣廣場找到這家韓食店。看午市有限時放題，便決定來試個韓式炒雞初體驗⋯ 我們點了原味減辣/標準年糕及韓國拉麵，因為不知份量會過飽，所以沒有加配任何食物。不一會，侍應拿來一個很大的鐵鍋放正枱中間，然後再上食材；我不懂怎樣炒，侍應會來幫你炒，看著快炒好很吸引的樣子炒好，就可以直接在鍋裡取出吃。雞肉滑嫩，年糕有幾款不同口味。我一向愛吃年糕，這家年糕讓我記掛著⋯ 還有我愛的韓國麵，整體味道不錯，2個人剛剛好如果再加任食鐵板烤肉，一定會超飽⋯ 不知其他人如何吃得下😄因為我們吃限時版，只有沙律吧及前菜任食；如挑鐵板燒放題，則可任取燒烤食物⋯雖是限時限量版，吃罷是可以拿雪糕吃的啊～最後，如能不浪費吃光食物沒剩下，埋單時會給你coupon下次用呢～