標記樂園潮州粉麵 (已結業)

衛生都幾乾淨,都幾多人來食服務好快手@@" 叫了冇耐就送到來牛腩份量多,而且入味,牛腩的肉質唔韌,好易入口河粉又好滑,覺得好爽口!!炸魚皮好脆,味道有少少鹹,而且炸得比較大件雖然份量唔係幾夠我食,但味道很好價錢好平,覺得咁好味道的河粉,只係需要10蚊,非常抵食

大隻佬同學生日，大家同學仔放學一齊食飯與他慶生，本來大家想去打火鍋…夜晚還打火鍋？不太好麻~胃部都沒有空間給妹子消化食物，於是大家分了2部的士落到旺角才算吧~在金雞廣場下車，商議好去吃打冷算了~於是乎妹子俟跟著大隊一齊行~原來去標記樂園，之前行街經過，但妹子沒有在這裡吃過，所以不知質素如何？大家一行人行入店內，再由後門出~奇怪？？去那裡喇？之後再轉角入了間房，妹子想應該是夜市才開放的喇~不見得光的房間…內裡只有幾張枱櫈和一部電視，沒有裝潢可言~算吧！地方是這上下了…9個同學，每人唔該自己點1樣，妹子連想都沒想便說：我要食沙拉骨，妹子至愛~餐牌連望到沒望過呢~至於其他同學仔都沒有留意他們點的是甚麼，因為妹子沒空埋那個~哈哈…拍照和吹吹水是最緊要的~上菜速度奇快，妹子拍照都來不切，大家的魔爪已經伸出來了~快點加入戰團為妙~1)秘製沙拉骨--其實同京都骨差不多，醬汁一樣，只不過面頭多一層沙律醬而已2)豉椒炒聖子--過咸了，聖子殼太多，肉太少，只吃到苦澀的內臟味，妹子試過後沒有再吃過3)潮州煎蠔仔餅(大)--3大塊夠分量，但嫌粉漿下得太多，外頭口感不錯，內裡見到剛好熟而已…蠔仔有些像半溶的狀態

旺角區少過20蚊既野唔係太多呢間既粉麵係其中一個選擇~~~其實佢既墨魚丸比隔離既樂園都真係差幾遠，不過比起樂園以外既話呢？又好味好多.......可以比較下2間標記：冇咁彈，差唔多墨魚味.....不過不失，但價錢就好平勒！樂x：好彈！好勁既墨魚味！超勁好味，但價錢就貴d............我自己既選擇係有錢想豪就過隔離果日想食平d 既話一定係呢間標記！因為佢非常抵食............

以前都有試過佢啲打冷. 今冷應朋友宵夜口痕, 兩個人食粉面 + 油菜 + 凍飲先講打冷, 呢間啲打冷嘢, 多數ok, 算隱陣. 但總體較咸, 食慣住家飯要考慮考慮.粉面方面, 算把啦, 唔好比個門牌老點呀, 一啲都唔似係潮洲粉面嚟㗎, 一句講哂, 滾水加味精, 不過十零蚊一碗呢個旺角無敵價, 你仲想有咩要求, 唯一可選的就係唔食.部份食物評價: (粉面)牛腩 - 真係好唔錯㗎........以前, 但依家改咗個方式煮 (我估), 差哂丸狀東西 - (牛丸, 墨丸, 貢丸, 黑椒牛丸....)以旺角來說, 大把地方好過佢油菜 - 好乾, 無油, 蠔油很咸, 我日日出街隊味精都頂唔順魚皮 - 大多數唔脆紫菜 - 腥 (小弟極度怕腥, 評價可能過於主觀)魚旦 / 魚片 - 睇骨呀, 尤其佢啲自製扭花魚片除啤酒, 或瓶裝汔水外, 建議自備飲品, 因為係樓面搭單整埋, 佢哋呢頭清完枱面, 轉頭整杯嘢你飲囉....記得播波時間, 淨飲雙計

遷就個垃圾口先至入去個個詩應兇神惡煞...好似我係入去乞佢俾野我食咁叫牛丸河...唔好話湯底呀...佢唔配叫做'湯底'呀...根本只係味精+鹽水.....混帳,河粉太淋,莫非淥淥下河粉又要做其他野??..牛丸,咪街市果d ....叫佢多蔥...唔睬你,之後咪無件事囉通菜...幾乎成碟都 lur 倒渣...真係,我掉既都嫩過佢食完兩個鐘頭都口渴

又係食宵夜既時間..因為搵唔到好旺角所以黎左呢間..間店客唔多,但落單無人理!!叫左炸魚皮+魚皮餃粗面,牛筋墨丸米線,芥蘭魚皮餃好似係d湯泡左好耐好耐牛筋勁難咬開,仲要送我一條毛..到底係眼睫毛.鼻毛定定咩毛?墨丸一d都唔彈牙,又無味唯一好咪炸魚皮囉..但大概佢d魚皮都唔會自己炸掛..

今天的午餐原本去新世紀, 可惜友人病了, 獨自一人到旺角辦點事, 別忘了病一把雨傘....可擋陽光兼擋不明液體!近日目標除了茶餐廳還有粉麵店, 今天來到人氣粉麵店 - 標記! 坐下後望了望....仍舊決定要了常叫的墨魚丸+貢丸米, $20, 忘了加紫菜....唯有今晚補回3份蔬菜吧! 每樣丸都有三粒, 墨魚丸較小, 比較散, 吃不到墨魚味, 也不爽口, 貢丸做得較出色, 冬菇味亦濃, 爽口! 仍有太多食肆, 所以短期內也未必再嚐試了!

先不理佢既野好唔好食, 因為我都冇機會食到!!今日睇完戲成10點半, 諗住快快手手食個粉麵就同班fd散band返歸, 咁咪行到去呢間店食野啦.飲到去, 佢d伙記問我地食粉麵定打冷, 咁我地想答佢既時候, 有個坐近收錢櫃卡位既男人就起左身叫我地坐住呢度(我估佢係伙計), 就係我地行去卡位既時候, 我答佢地我地係食潮州粉麵之際...個男人就即刻坐返低, 之後望住我地食野, 另一個伙計就行開, 坐係收錢既既阿姐就乜都唔理...呵呵...好好笑lor, 我都未試過見會有人咁做黎同客講話唔做你生意既~~強!!!!我已經係入佢地潮州粉麵店食粉麵, 而唔係去佢地打冷個邊, 粉麵檔仲係有人係度煮緊麵ga!!乜而家HK既經濟好到由食店黎決定做咩人生意GA???標記!!你咁樣做生意既方法我冇權理你, 只係由今日開始我會同我d fd 講以後都唔會去你度食野lor~~

唔知係唔係去錯地方, 聽人話樂園係食神牛丸發明者, 仲好巴閉, 但點解去食唔覺好食?抬頭望個招牌係寫住標記樂園潮州粉麵 , 開正樂園隔離, 唔知係唔係同一間舖, 但只可以話碗牛丸粉真係唔好食..湯底係味精湯, 得個咸字牛丸唔夠味, 亦唔夠彈! 米粉仲未熟透, 總之, 唔好食..

今日出左同我2個朋友出左旺角..特然之間想食粉麵..咁我個朋友就提出話去呢間野到食啦..因為平..我叫左碗 牛肚+墨魚丸 米 走青朋友A 牛肚+ 炸魚皮 河朋友B 牛根脯+魚皮餃 米過左10分鐘度..D麵到齊就開動啦..先先食左牛肚先...味道都OK之後再食墨魚丸..有D失望朋友A 比左舊炸魚皮比我..都唔錯..如果魚皮同麵分開上會好D..朋友B比左粒魚皮餃我..呢個就真系可怕啦粒魚皮餃 個皮有4層厚..入面D肉得好少..咬完第1啖真系有陣好似 地布咁既味..真系唔得呢間野真系平既...我會建議大家食 牛肚同炸魚皮

最近都不想彈太多, 除非真的很難食, 否則都會俾個ok不過這一次的打冷, 真的一般般... 大眼雞唔新鮮, 肉係霉的, 仲有點腥臭, 魚肉跟皮及魚鱗都黏實而分不開, 是不新鮮的徵狀xo 醬炒鵝腸, 雖然唔會好似魚咁唔新鮮, 不過味道只係一般, xo 醬味道淡淡的, 唔野味, 碟炒通菜一般, 味道好淡, 油很多, 食物的味道不是很好, 有點失望...所有食物, 大約只係食左一半, 便放棄了..

貪方便，就士旦咁入咗去呢間野。之前都食過，不過呢間舖較新，光猛，整齊咗，又唔洗咁迫。要了什河，好快就送上。份量正常，以$15黎計算唔錯。河粉質素麻麻，好淋，有點削。湯底唔香，無香料味，又無牛味。到牛什喇，有肺、膀各一件，大細腸各兩舊，同埋有好多。牛肚算唔錯，好淋，不過就唔入味，味道偏淡。其餘的都唔入味。牛膀仲要超級鞋口，好唔掂！

chaklam無講錯,個道唔單止鵝片好味,大眼雞仲正

同乞兒仔帽兒經常來到呢度，次次都七點前入坐，可以食到下午茶價錢，即係15蚊一碗，非常抵。乞兒仔帽兒次次都食牛肚米線($15)，一句講晒，快靚正，份量多，而且好好味。如果加埋d醋食，真係好好味。我就次次都食牛筋河粉($15)，份量比米線仲要多，我食一碗就夠晒飽，比起其他粉麵檔確係物超所值。而且味道都好好，只係近來d牛筋鹹左少少，如果可以唔好咁鹹就真係very good喇。仲有一樣，如果黎呢到叫菜，最好走蠔油，因為佢地真係不惜工本，非常重手，走左先岩食。

今日放工學出了旺角行街透下氣，出了旺角當然要打打牙祭，路經麥花臣球場一帶，走入很久没去的標記樂園食碗麵，我要了一碗十蚊的彈牙牛筋丸粗麵，這間名字跟牛丸名店樂園差不多，雖然價錢賣得很平，但它造的牛筋丸真的夠爽口夠彈牙，粗糙的表面都是凹凸不平，可見都是手造的，肉丸有牛肉鲜味，一碗有三蚊牛筋丸，食這樣有質素的手打牛丸，價格卻是超值價十蚊，記得早幾年沙士後在下午時段，曾經還賣過八蚊碗，現時很多十蚊麵店都加了價至十一、二元一碗，但牛丸都只是交來貨式，所以標記的牛丸絕對超级超值，可惜麵煑得不夠爽口，冧身了一些。特别要提這裹的凍檸賓只是賣十蚊一杯，在其它食店一般飲料轉飲檸賓都加三至五元，真是抵飲好多㗎，特別要介紹給我最愛喝檸賓的朋友保羅。這裹的環境經裝修後比從前大為改善，現在設有一排卡位，，由於有質素而價錢平，又位處旺區，散座的坐位依然擠廹，所以客似雲來，大家經過旺角不妨試吓。