校長燒肉日韓料理 (沙咀道) (已結業)

单上写的很明确我们的时间，吃到最后半个小时就有人来收我们的东西，还有半个小时就一直跑过来催我们，我们就觉得很疑惑，然后看到我们没走就直接推车过来收我们的东西，虽然我们已经没有在烤东西了，但是直接把炉子收走了，饮料还没喝完直接收了，当我出去洗手，回来的时候我朋友告诉我她把我吃的收走了，问都不问了，还一副你们怎么还不走的态度，直到桌子都擦完了，就有另一个服务员跟她说我们还没到时间，然后收我们东西的那个人道歉也没有，就直接不过来了，只有另一个人说叫我们去拿喝的，从头到尾问都没问我们时间，无语死了

前幾日晨咁早去荃灣行山，行完好想勁食嘢就嚟咗呢間好多好平嘅燒肉火鍋刺身放題店。估唔到假期嘅午市價錢都幾平，每人大約$150就食到咁豐富嘅一餐～肉嘅種類都幾多，我哋試咗幾款，覺得雞腎，雞軟骨同一大塊牛扒都好食！有前菜:中華沙律，醃蘿蔔，泡菜等等，可以好似韓燒咁包生菜😋幾款炸物同熟食，都幾唔錯～仲有唔同點心～款款都做得幾靚，唔會甩皮甩骨咁食燒肉食到咁上下，我哋就轉左打邊爐。湯底有我最鍾意嘅壽喜燒！甜品都幾多選擇，仲有啲自家製嘅奶凍布甸等等。同埋食放題一定要食嘅雪糕🍦最令我驚喜嘅係佢竟然有花茶可以自己沖泡，好養生

今晚和幾個朋友食飯，最後決定到荃灣校長燒肉食韓燒放題，店內陳設頗有特色，座位亦夠寬敞，感覺幾舒服。刺身種類繁多，有三文魚、帶子、大赤蝦🦐、馬刀貝、希靈魚......而我最喜愛吃三文魚🍣和帶子，三文魚新鮮肥美，入口軟滑。帶子都算厚身，鮮甜有口感，以放題而言，算幾高質素👍。燒肉種類十分多，要全部都試下都不容易，雞翼都有好幾款，我最喜愛吃土匪雞翼🐥，很入味，微辣，燒起來很香，肉質嫩滑，好味。一口牛🐂都不錯，有牛味，頗有質感，一口一啖，值得試試。燒雞腎好美味，厚薄適中，爽口彈牙，比串燒店的更好味。一邊食燒肉還可一邊食火鍋🫕，火鍋湯底都有幾款，豬骨湯底夠味，火鍋生料都有好多選擇，食完燒肉食些青菜🥬，感覺沒那麼熱氣，而且蔬菜幾新鮮，入口鮮甜。還有不少熟食，炒蟹🦀都唔錯，雖然不很大隻，但幾有鮮味，配合汁料好惹味。甜品🍰選擇也多，大菜糕爽口冰涼，加點淡奶更美味。斑蘭奶凍🍮頗有特色，味道獨特，而且顏色吸引，所以吃了很多。#相機食先 #手機食先 #foodie #food #foodpic #foodphoto #yum #yummy #delicious #tasty #hkfood #香港美食 #美食

120分鐘燒肉+火鍋放題 $228/1位🌮食物-全自助吧 唔使掃QR Code 鐘意出去拎咩食就隨時出去 選擇非常齊全 全過100款食物-有點心、壽司、刺身、肉類、丸類、蔬菜類、糖果、甜品、雪糕雪條-大包圍緊有一款想食😂-每款試一嚿都可能要嚟幾次🍸飲品-18歲以上仲可以試吓梅酒清酒-當然汽水檸檬茶麵相當齊全 -仲設有花茶區 幾特別 有多種養生花茶🍭甜品-自家製嘅榴槤布甸、啫喱、水晶涼粉等 食到差唔多記得留肚🌱環境-地方好大 枱size適中 夠放食物🎖️服務-每個Area都有服務員隨時侯命 唔會叫到聲都沙埋整體價錢平民，食物正常，款式極多，啱哂有選擇困難症嘅我😂

今日約咗朋友食晚餐，有人介紹荃灣有間叫校長燒肉日韓料理有燒烤同火鍋一齊吃。餐廳環境唔錯座位都有好多，食物種類真係好多。好難一晚試得曬。一坐低餐廳就會送一嚿頂級安格斯肉眼扒，牛扒size好大，燒起上嚟吃唔會太晏口感好鬆軟好新鮮。其餘還有好多種肉類牛豬雞各種部位都有得選擇， 我就最like韓式雞軟骨因為唔 會係好多地方可以吃到。熟食方面都有好多有春卷,洋蔥圈,炸薯角和章魚小丸子等等，味道都唔錯。火鍋配料都係有好多選擇，有肥牛，豬頸肉，雞柳等等都係打邊爐必吃食品。 還有丸類都有好多種牛丸墨丸魚蛋等等，基本上火鍋配料大部分都有。而甜品有雪糕雪條等等 ，還有自家製甜品西瓜西米露，伯爵奶茶仙草凍， 榴槤布甸等等。味道方面唔會太甜。最後還有沙律同埋熱辣辣嘅點心，飲品方面種類都有好多。

荃灣超抵食燒肉火鍋放題！晚市燒肉x火鍋 雙重放題（2小時）$228燒肉豬牛雞樣樣有 醃咗嘅無醃嘅都有個人推介：牛五花 夠薄！ 豬頸肉 配大裝一流！錫紙兜牛油粟米 超級邪惡勁多牛油！特大安格斯肉眼扒：油花少但肉質嫩度適中！火鍋有三種湯底選擇：日式豬骨湯、四川麻辣湯、壽喜燒湯，重可以用鴛鴦鍋一次試晒兩隻味麻辣湯底唔算太難相信大部份人都可以接受刺身／壽司刺身種類非常多 三文魚仲要係厚切！赤蝦咬落去勁厚肉身！沙津／餐前小食／熱食凍熱飲品／酒精飲品美顏養生花茶區：自己揀花茶嘅配搭然後用茶壺🫖甜品及雪糕布甸西米露雪條都有！推介榴槤布甸同榴槤雪條～總括嚟講價錢超級抵，種類超級多，會有第二次加一服務費校長燒肉日韓料理 (沙咀道) (荃灣)荃灣沙咀道298號翡翠廣場2樓

早放工時間尷尬，想食得豐富少少又諗唔到食乜嘢，突然諗起校長燒肉放題又平又幾多選擇，心血來潮約埋媽咪一齊食，原來上次食已經係成10個月前！下午五點至晚上七點燒肉放題+打邊爐任食120分鐘，都只係$138 ，另收加一！呢個時間餐廳人流唔多，出去拎食物，唔使迫唔使等，食物又fill得滿滿，真心正！另外要讚吓個燒烤爐幾猛火，食物好快燒熟！食物選擇唔少，以呢個價位來講性價比好高，比起出邊價位高啲嘅放題，食物種類一啲都唔輸蝕！炸物、前菜、熱湯、熟食、點心、果凍、布甸、糖水、壽司、沙律、紙包罐裝飲品、十幾種自沖花茶，基本放題包括嘅食物款式都有，仲有特別口味。另外韓燒肉類雞鴨牛羊豬肉都一應俱全，仲要全部醃過，有唔同口味！丸類、腸仔、餃子、鍋貼、海鮮、菜類、菇類、午餐肉、菠蘿、漢堡扒、三文魚扒、烏冬、麵……幾十款食物，基本上你諗到嘅都有！➺➺燒烤銀鱈魚係我最愛，燒完仲係好多汁，好香香草味！另外麻辣雞扒麻辣味好突出，好入味！其他肉類都唔錯，主要係入味！➺➺打邊爐打邊爐係自助嘅，今次見到有分隔湯底嘅鴛鴦煲，於是一邊放壽喜燒湯底、另一邊放豬骨湯湯底，主要都係用嚟淥菜，雖然個煲唔大，但係都滿足到打邊爐嘅願望！➺

荃灣出名多美食，今次就帶屋企人試吓呢間校長燒肉放題餐廳環境寬敞，食物擺放整齊乾淨，自助吧食物款式和飲品選擇款式多燒肉區、熱食區、火鍋區、甜品區、點心區等每張枱可以燒烤和打邊爐前菜有中華沙律、泡菜，蓮藕和木耳等燒烤專區啱晒鍾意食肉嘅朋友，有牛五花，韓風大醬牛肉片，黑椒一口牛等，牛肉新鮮，入口嫰滑，質素相當唔錯醬醃雞腎片和椒鹽雞軟骨粒都好推介土匪雞中翼、水牛城雞翼和豬五花味道都好好食甜品方面有軟雪糕🍦加2個甜品櫃款式非常多，每件份量少少可以試好多款真係好啱女士食。甜品相當有驚喜每款都好好食榴槤布甸、斑斕布甸仲有伯爵奶茶仙草，味道香甜奶茶味濃藍莓乳酪杯食咗3杯整體上性價比高，燒烤時間有120分鐘，有機會可以再嚟～～

很久未食燒烤，今晚就選擇了荃灣的校長燒肉日韓料理，食燒烤+火鍋放題。座位都是卡位，寬敞舒適，裝修新潮，燒烤爐及火鍋爐都是原裝於枱上。餐廳放題有燒烤及火鍋之餘，還有刺身、壽司、點心、炸物、小炒、中湯、自制沙律、啤酒、汽水、甜品、及雪糕……等等，全部自助任飲任食。熟食都非常多款式，很香咖哩的咖哩蟹、清甜的豉椒炒蜆，夠入味道又夠香辣，味很新鮮清甜多款的點心炸物……等等。燒烤及火鍋配料，各種肉類、海鮮、豬、牛、羊、雞、魚……等等，有調味腌製過的，亦有原味的，有大塊扒類亦有薄切款類， 款式多，任取任食任燒~~當中最愛入味爽口的韓式豬肋骨、油香的牛五花、 好香牛味的黑椒一口牛、帆立貝，牛仔骨~~燒烤燒完一輪再一輪，都是揀選最愛的食~~一邊燒烤、食熟食，一邊食火鍋，火鍋配料除必備的肥牛外，更有多款丸類、香腸，蔬菜等選擇，食得非常開心美味。最後當然是非常多款式的甜品作結尾，食得非常滿足~~~

前排又去咗「校長燒肉日韓料理」食燒肉🇯🇵🇰🇷一齊深夜增肥😗.燒肉🔥肥牛油食到陣陣油香，都有肉味🐂漢堡扒燒完超香口😬土匪雞翼醃得好入味，淡淡的孜然味😋菠蘿🍍雞脾菇🍄叉燒都值得一試.火鍋🍲首先湯底揀咗壽喜燒同日式豬骨湯🐖拎咗唔少蔬菜🥬🥕帆立貝、丸類、餃子🥟肥牛🐄都幾滿足🤤.自助區🍽️有沙律🥗螺絲粉、公仔麵🍜點心🧆壽司🍣刺身🐠前菜🥢熱盤🥘人蔘雞湯等🥣點心新鮮熱辣😛蝦餃、燒賣必食👍🏻刺身推介帶子、榮螺🐚.炸物🍤有麥樂雞🐥春卷、炸魷魚圈🦑魚皮🐟響鈴卷.甜品🍮有雪糕🍨雪條、啫喱、奶凍🥛扭紋雪糕機🍦仲可以加唔同軟糖🍬朱古力等🍫蕃薯糖水🍠.飲品🥤有唔少汽水、果汁🧃涼茶、茶類飲品🍵養生花茶🌸另外仲有有梅酒、清酒🍶

Lunch想食得好又食平，校長燒肉放題幫到你🤩🤩午市時間燒肉+火鍋+熟食 都只係$139 +1 一位，平到你唔信😂😂燒肉種類都有好多，我推介燒魷魚鬚，好彈牙爽口，掂👍🏻👍🏻燒肥牛同淥肥牛，我兩邊都有試過，我鍾意火鍋多啲，好似食落無咁油，無咁罪惡感😂😂除咗肉類，蔬菜裏有萵筍😍，我好鍾意食萵筍！又加分！👍🏻👍🏻真係好多款式，以為自己食緊酒店自助餐😂😂又有壽司，又有炸物，又有熟食，又有甜品，竟然仲有點心😂😂淨係食小食，都好夠食！👍🏻👍🏻但好多野都係自助式，例如自己去拎火鍋煲😂😂

校長燒肉，絕對係食肉獸的天堂，中午來到荃灣的校長燒肉開餐，任食韓燒烤肉，仲有好多唔同款式的食物可以選擇。不同食物會放係不同區域，首先熟食區有好多款式熟食，家常飯菜，有，炸物，有，想飲番碗湯滋潤下、都有。魚生區就會有得食壽司同刺身，正生肉區可以自助夾好多不同的肉類，我就鍾意肥牛。全部夾曬肥牛，燒起來夠易熟又嫩滑。另外仲有菜區，燒蔬菜也是超級好吃的。除了燒肉，還可以自煮公仔麵，麵粉火鍋之類，也是不錯的選擇。最後還有甜品，雪糕，任食，當然野飲也是任飲，還有酒類，真係啱曬喜歡吃烤肉送酒的朋友。

總有時候想隨便亂吃一餐的，什麼都能吃到，又有我喜歡吃的雪糕什麼的，我就會想到這間校長燒肉了，價錢不會太貴，但款色又非常多！燒肉x火鍋放題（時段1915-2100）（228元/人）這裡食物種類是非常多的，單是韓燒的種類就有幾十款，每樣吃一款也吃不完的，而且還可以用作火鍋配料，一次吃到兩個口味！燒烤類的我挺喜歡這裡有司華力腸，而且還有其他的腸類，燒得焦焦的，然後再配上蜜糖，真的很好吃！吃烤不吃腸真的不要燒了！肉類的話，我覺得牛仔骨挺不錯的，有雪花，吃起來肉嫩多汁！這裡還可以一解我的點心癮，有燒賣，蝦餃，牛肚，鳳爪等，吃起來也不錯，而且隨便任拿的！這裡的刺身也是挺驚喜的，三文魚非常新鮮，而且油脂不錯，肉質滑嫩！熟吃類也有挺多可選，炒蜆，螺，炒蟹，還有小龍蝦呢，小龍蝦肉質結實，吃起來挺新鮮！還有炸物類，吃起來都是脆的，這個好評！吃放題肯定少不了甜品，這裡除了軟雪糕，還有挺多包裝雪糕可選，我吃了榴槤和香芋甜筒，而且還有很多小小的甜品可以吃！飲品方面也有很多選擇，常見的都有，還有啤酒，梅油，清酒可選，真的豐富！

老公話好耐冇食放題，之前食過荃灣校長燒肉日韓料理，提供日韓料理及自助燒肉, 重可以食埋火鍋，一個價錢有燒肉x 火鍋 雙重放題，食物新鮮又一抵食，一於又去回味下！餐廳佔地頗大，設有自助區，分門別類，攞放整齊又乾淨。燒烤和火鍋食材種類實在多得目不暇給，燒烤肉類醃得好入味。火鍋食材好新鮮。刺身櫃款式足夠，除了三文魚吞拿魚外，更有帶子赤蝦玉子，款款新鮮肥美，還有專人打理，乾淨衛生。熟食區炸物種類都好多，而且都定時更換，炸物香脆可口，尤其係炸蝦非常出色，沾上沙律醬後味道山更能昇華。多款飲品、甜任飲任食。檯上一邊燒肉用，一邊火鍋用，真係食都食唔切，燒雞翼、豬扒都好入味，另外燒菠蘿又香又甜又多汁，至於豬骨火鍋湯底都唔錯，奶白色夠濃郁。

疫情過去，終於可以再次約很久沒見嘅中學同學出嚟食飯相聚，以前大家每年都會一聚，但疫下已經闊別三年，故今次特意揀一間甚受年輕人（特別是中學生和年青人）歡迎嘅廉價自助日韓料理燒烤x火煱餐廳 -「校長燒肉」。大家看著隔離枱嘅學生哥，青春突然返晒嚟，好懷緬以往嘅青蔥歲月，原來眨吓眼大家相識已經30年了！呢間日韓式自助燒肉店，烤肉款式包羅萬有，各款烤肉都醃製得相當入味，肉質鮮嫩，厚薄適中，推介包括：黑椒一口牛、土匪雞中翼、麻辣雞扒、香辣豬頸肉、醬燒雞腎片、韓式豬肋骨、香草魚柳同魷魚鬚！值得一讚嘅係燒烤盤上，會附上一張牛油紙，讓烤肉時唔會咁易烤燶同黐底，而且店員會主動不時更換，非常細心！除咗烤肉外，餐廳仲會提供火鍋料理，更有四款湯底任君選擇，包括日式豬骨湯、四川麻辣湯、壽喜燒湯同埋清湯，自由配搭。火鍋配料除咗必備嘅肥牛外，更有多款肉丸、香腸，蔬菜等選擇，我最喜愛係佢嘅帆立貝粒、麻吉燒同日式小甜薯！因為我哋食嘅係黃金時段，$248/2小時，故仲可以任食多款刺身，包括有虎蝦、響螺片、三文魚、八爪魚、希靈魚、玉子、仿蟹柳條、仿鮑片、馬刀貝，而且各款刺身都非常新甜、絕不會將貨就價，三文魚更是厚切，齋食刺身